Felice Cafe & Pasta (已結業)

晚餐時段入去等咗唔使好耐，餐廳座位唔算多。待應有禮貌，坐低叫咗一份凱撒沙律，炒雜菌，香煎澳洲肉眼扒，同埋西班牙黑毛豬鞍扒拼帶子。兩個人食係超級飽份量十足。凱撒沙律應新鮮水準正常，夠爽口。炒雜菌亦都正常發揮。主菜豬鞍大大塊，肉味油脂香濃，但煎帶子就比較一般。另一份主菜澳洲肉眼扒，煎得生熟幾好，肉味香濃入口淋身。飲品叫咗oreo milkshake，都值得一試。餐廳水準唔錯，侍應服務亦都有禮貌，絕對值得一試。

銅鑼灣希雲街就有好多餐廳既，但今次要encore呢間良心pasta店，因為真係幾yumyum (๑´ڡ`๑)💦🍝蟹肉咸蛋黃意粉（$98）上枱個時出哂煙，新鮮滾熱辣睇落都特別開胃😛中意咸蛋黃同蟹肉既人一定要試試呢個，滿滿既咸蛋黃味再加上蟹肉既鮮味，食落又唔算好油喎，再加上佢用左我最喜歡既扁意粉，真係不得了呀～但記得要襯熱食🤫🚩 8 / 10🍝明太子蝦肉忌廉意粉（$108）呢碟上枱時都係出哂煙熱辣辣，明太子醬幾好味，啲蝦蝦都好爽口彈牙，撈埋啲紫菜食都唔錯☺️唯獨係食食下覺得有啲太鹹同埋啲汁乾哂，要飲返啲嘢balance下先得🤫🚩 7 / 10🦄 Unicorn（跟餐+$24）呢杯獨角獸即係紅肉火龍果沙冰、藍莓沙冰同埋忌廉三樣野😗味道正常但有啲普通，當係用嚟解下意粉既膩啦～🚩 5 / 10想講呢到意粉既份量非常慷慨，大大碟咁樣，我諗男仔食一碟都夠飽🤤但記得一定一定要襯熱食，因為凍左既話佢既味道係差好遠(´･Д･) 📍 Felice Cafe & Pasta銅鑼灣希雲街12號地舖

今日嚟到銅鑼灣，係呢條街其實都有好多唔同形形色色的小店啦咁，今次就特登揀咗呢間冬陰功忌廉海鮮扁意粉🍝估唔到冬陰功望落去呢唔係紅色啦，而係白色但食落去呢好有驚喜呀！因為呢冬陰功既味道完美咁樣融入左去意粉度，同忌廉嘅味道呢好夾！而且呢海鮮嘅份量都唔算少，意彈牙，值得一試南瓜椰汁雞扒燴飯🍚南瓜同椰汁嘅味道好夾，令到意大利飯嘅口感非常creamy 雞扒兩邊煎過，非常之香口，而且肉汁鎖住喺雞扒入面。雞油輕輕迫左出嚟，令到成個燴飯帶有雞香味！Oreo說草莓乳酸🍹賣相都幾特別好似盆栽咁，飲落去啦酸酸甜甜，幾清新Unicorn其實佢係用紅肉嘅火龍果同埋藍莓嘅沙冰Mixture仲配左層cream上枱飲落其實唔會太甜，配上cream既口感不俗！

喺銅鑼灣行完街，又係時候支持一下黃店💛牛油果卡邦尼意粉🥑牛油果x卡邦尼算係幾創新嘅配搭，決定大膽試一試，一開始都諗會唔會比較清淡，點知係完全相反，完熟嘅牛油果加上忌廉汁，再拌埋蛋黃令意粉嘅口感非常rich，好有驚喜嘅配搭🥑🥚蟹肉鹹蛋黃意粉🍝一捧到嚟就聞到鹹蛋黃香氣撲鼻，賣相亦都吸引，望見好多一絲絲嘅蟹肉同鹹蛋黃顆粒，係用真蟹肉而不是蟹柳🦀起沙嘅靚鹹蛋黃鹹香惹味，意粉炒得乾爽，可能因為無汁，就算落咗鹹蛋黃都唔會覺得好滯，好食👍Latte☕️面頭嘅foam厚咗啲...Oreo碎草莓乳酸🍹酸酸甜甜，好啱配上面嗰兩款比較濃味嘅意粉😎

牛油果卡邦尼意粉牛油果🥑夠熟，夠腍。將意粉上嘅蛋黃拮穿，同芝士粉一齊混入意粉裏同吃，食落有芝士鹹香，好滋味呀～😋蟹肉鹹蛋黃意粉同牛油果卡邦尼意粉唔同，蟹肉鹹蛋黃意粉係用扁意粉。兩款意粉都軟硬適中，各有其獨特口感。我鍾意食蟹但唔鍾意拆殼，呢度已經一早將蟹拆晒殼，啖啖蟹肉啱晒我！😍 鹹蛋黃分成一粒粒，食落有口感👍🏻同朋友各點左一杯飲品：Unicorn同牛油果乳酸沙冰。Unicorn用紅肉火龍果同埋藍莓製成，本身好清，冇乜甜味，將忌廉撈埋一齊飲，忌廉嘅甜味混入其中，甜度啱啱好！牛油果乳酸沙冰味道酸酸的，幾特別。

銅鑼灣希雲街有間香港人開既小店，必定要支持一番！menu食 dinner set為主，而且價錢都唔貴！當晚餐湯為甘荀湯，味道清新又香甜，而且甜得自然。叫左份海膽黑松露忌廉汁意粉，隻碟係雲石圖案非常吸晴，即刻心心眼！有大大片既海膽，成指手指咁長，落重料！味道都鮮香！醬汁非常濃郁既忌廉汁，意粉掛汁力超強，吸哂忌廉汁既香味！ 齒頰留香，份量都大大份！好夠食。牛油果卡邦尼意粉，牛油果既清甜遇上煙肉既咸香出奇地夾！仲有隻流蛋汁，令成件事更加提升，唔會過膩，味道幾 creamy!! 呢度既意粉質地做得幾正！Blue ocean超夢幻！柑桔加上檸檬汁再有梳打！味道清甜又清新！成杯飲品夠哂coloful !!呢度店員都好nice又有 heart, 必定多加支持！

Avocado Carbonara 🥑🍝 Not gonna lie, when it came I thought the avocado was cucumbers 🤣 When served, of course the first thing was to mix the egg yolk which was #sosatisfying 🤩👍 the sauce was so thick and creamy, added to that you get the buttery (and generous amount) of avocado which really gave me an extremely worth-it food coma 🤤🤤Spaghetti with crab salted egg yolk sauce 🦀🥚If the carbonara was a rich and creamy dream, this spaghetti was a refreshing spark ⚡️ with the bits of crab sprinkled all

呢間望落平平無奇嘅西餐廳 內裡裝修都企理而且食物質素都唔錯👍🏼👍🏼lunch set 有沙律有飲品 最平都係$70連加一就食到😍 外賣自取嘅話有9折 -📌冬蔭功忌廉海鮮扁意粉 $76一開始諗住反正有忌廉 成個意粉辣極有限😂但我估錯咗🥺 雖然係咁呢種辣辣得幾過癮幾好食😝😝 食落唔係幾似酸辣 配料都係有菇有魷魚蜆肉為唯獨係海鮮類覺得切得太細 有時唔知自己食咗咩落肚🤣🤣 另外我幾中意意粉嘅醬汁夠多 每啖都食到醬汁有幾creamy有幾濃味😌😌 醬汁多到可以撈飯食🤣🤣 -主菜以外 黑醋沙律都幾好味😌 菜係好新鮮爽脆👍🏼 杯餐飲望落平平無奇但茶底飲到有伯爵茶味道幾特別🥰🥰 雖然我中意伯爵茶味道 但檸檬茶好似都係同錫蘭紅茶夾啲😛😛

經常行銅鑼灣，搵嘢食嘅話我最鍾意去希雲街，因為有唔少特色餐廳，其中一間我幾鍾意嘅就係 Felice Cafe，食物做得唔錯，加上價錢唔貴，好啱約埋朋友傾偈食嘢。炸西西里島米丸子 $48，金黃香脆的外層，裏邊是米飯和芝士，幾特別嘅食法。蟹肉鹹蛋黃意粉 $98，係我每次嚟到都必食，因為我好鍾意食鹹蛋黃，而佢呢一度做嘅蟹肉鹹蛋黃意粉好似起沙咁，甘香可口。巴馬火腿火箭菜薄餅 $88，係個超級抵食嘅薄餅，表面鋪上巴馬火腿和火箭菜，咬落去淡淡茄蓉和芝士，加上餅底脆薄，好正👍🏼Unicorn $48 ，是mix了紅肉火龍果沙冰、藍莓沙冰，頂頭是忌廉，口感清甜爽口。另一杯焦糖咖啡，心型嘅拉花簡簡單單，而咖啡帶點果仁、焦糖的香氣。

牛油果卡邦尼意粉 • HKD$88第一次食呢個組合，出奇地唔錯😳熟透嘅牛油果好creamy，加埋忌廉汁好香滑～本身個汁比較稀，但撈左牛油果之後會杰d同掛到麵！不過就略嫌煙肉少左d，多d會更香蟹肉咸蛋黃意粉 • HKD$98一入口好香咸蛋黃味😋不過亦都因為咁，一個人食會比較膩😂扁意粉煮得啱啱好，但就比較乾，所以一定要飲住野食先得黑糖薑母牛奶 • HKD$36呢個好驚喜，超濃薑味😳成杯甜甜地幾好飲～菊花蜜 • HKD$36都好香花味，而且唔會太甜～不過餐廳本身都細，而且又多人，要有心理準備坐得唔耐😣

大鄉里又出城今次同朋友去希雲街覓食睇黎睇去決定試呢間Cafe朋友牛油果怪簡左牛油果卡邦尼意粉(一見到menu 有呢個就話要試)咁又的確唔錯本身驚佢又忌廉又牛油果會好”漏”食兩啖就滯點知冇 仲想食多兩啖忌廉汁好香濃配合熟哂 淋哂既牛油果根本係perfect match我另外簡左蟹肉鹹蛋黃意粉可能食完香濃既牛油果卡邦尼意粉呢個略微dry左D本身係似炒意粉咸蛋黃好多好香 咸蛋怪表示滿足 啖啖意粉都有咸蛋黃同有d蟹肉份量好足 好抵食

銅鑼灣希雲街這道街一向出名黃店林立。這間Café人氣頗高，一點半非繁忙時間門外也要等位，店內座位雖不多，但勝在食物質素及性價比較佳。蟹肉咸蛋黃意粉 - $88未入口已散發著濃濃的咸蛋黃味，一粒粒咸蛋黃顯而易見，質感頗軟糯。一直感到咸蛋黃及蟹黃的味度有點相似，故混以大量蟹肉兩者非常合配。意粉軟硬適中不失彈性。海膽黑松露忌廉汁扁意粉 - $138黑松露固然有陣陣的飄香，配上忌廉汁感覺更加順滑惹味。上面兩片海膽肥厚，份量十足，甜度較低，鹹香的海味重帶點腥。Blue Ocean - $42梳打配上藍柑桔充滿果香，顏色層次分明，賣相相當美觀。有些許檸檬汁調味和五彩糖有嚼勁。Unicorn - $48沙冰主要以紅肉火龍果打成，果肉細緻柔軟，加上清甜的藍莓更錦上添花。

今日約咗朋友去銅鑼灣我係新界人平時好少去港島難得過海梗係搵吓有咩好嘢食啦朋友話希雲街有幾間黃店都唔錯結果我俾牛油果卡邦尼吸引咗入黎牛油果卡邦尼意粉($88)不嬲都好鍾意食牛油果而配搭意粉食真係第一次意粉幾大碟 配料亦好大方 牛油果熟度岩岩好 非常creamy原來牛油果同卡邦尼係咁鬼夾架不過食到最後真係會有啲漏建議同朋友些牙食會更加開心蟹肉鹹蛋黃意粉 ($98)另一款揀咗乾身嘅炒意粉呢個意粉同樣大大份 而且好夠鹹蛋黃味啖啖都會食倒鹹蛋黃碎碎意粉煮得岩岩好 仲好有咬口但我同朋友都覺得略嫌乾咗少少Unicorn ($48) 呢杯係紅肉火龍果同藍莓沙冰就咁都見倒好多黑色點點火龍果核 證明餐廳真係用果肉打出黎飲完真係會覺得自己健康咗Blue Ocean ($42)呢杯一上枱已經覺得好岩打卡朋友話柑桔檸檬梳打好清新可以解一解意粉嘅肥膩感

前日放學早咗，就諗住同同學嚟到銅鑼灣呢邊食個lunch～喺希雲街見到呢間黃店🥰就梗係入嚟支持下啦💪🏻佢入邊有好多文宣，仲有好多memo整成嘅連儂牆👍🏻好值得同路人入嚟支持下💛佢一個lunch set大概$60至$70不等~價錢唔錯🤗仲會包黑醋沙律同埋飲品~蒜香雜菌意粉$64好香好濃郁嘅蒜味☺️仲有好多菇添😆鹹鹹地，意粉幾爽口乾身🍝而且幾易入口～幾鍾意呢個意粉🥰因為佢嘅蒜香味好突出🤣食得好滋味😋冬陰功忌廉海鮮扁意粉$76辣辣地嘅意粉🍝有好香濃嘅冬陰功味😚呢個意粉比較結身，可能因為多cream🙈意粉仲有啲海鮮🦞好似魷魚圈，鮮蝦等等～忌廉味幾濃郁😆Unicorn $48有紅肉火龍果沙冰同埋藍莓沙冰☺️仲有cream喺飲品上邊～深粉紅色嘅飲品，打卡幾靚😍有新鮮嘅火龍果肉🤩飲落甜甜地，有冰涼嘅感覺😚蝶豆花梳打$30好靚嘅飲品💕同樣係打卡之選🥰揀咗荔枝味，有香甜嘅荔枝味😚幾好飲😋

呢間係我嘅黃店canteen 平靚正(๑•̀ㅁ•́๑)✧ 之前食過樣樣都好食 今次試吓新野😽❣️蟹肉鹹蛋黃意粉 $98今次終於唔係食牛油果carbonara😂意粉都係一樣咁大份 味道又特別又好食٩(˃̶͈̀௰˂̶͈́)و鹹蛋黃俾咗超級多👅 真係啖啖都有‼️有冇人都鍾意食鹹蛋😽 鹹蛋黃魚皮黃金蝦果類☺️呢款係乾身嘅意粉 食落冇咁膩🍝❣️酥炸軟殼蟹蟹膏醬 $118軟殼蟹炸得酥脆 唔會得層炸皮🦀呢度嘅fusion成日都好驚喜 點諗到蟹膏醬risotto🤣新奇之餘又出奇地夾 蟹膏醬令個飯 creamy左👅原本諗會有少少腥 但食落完全唔覺🙆🏻‍♀️❣️牛油果乳酸沙冰 $42幾多人推薦 真係唔錯‼️ 唔會有生牛油果嘅草味🥑用乳酸唔係用奶感覺light好多 飲得晒( ˘͈ ᵕ ˘͈ )❣️蝶豆花梳打(葡萄柚) $30顏色好夢幻呀❤️ 睇住啲氣泡好治癒🤣味道都唔錯 唔會死甜而且好有汽🍾