Lab Made 分子雪糕專門店 (已結業)

終於試左呢個奶醬多雪糕～食落似加左鍊奶同拿破侖脆脆既花生味雪糕～因為我本身麻麻地peanut ice cream所以覺得一般般不過都真係幾特別下次經過我都會再試吓～

第一次食分子雪糕，滿心期待。是此去了T S T分店，由於平日12:30關係，沒有人客哦。原先以為有得坐的，原來只有外賣自取。店舖面積比想像小，只有一個收銀位置及2個取餐位置。聽閒雪糕味道是定期轉變的每次提供4款選擇，選好口味後就見到店員在一堆白煙中制造雪糕，感覺真的很lab.雪糕來了，$44有2球。入口是花生醬加奶味的雪糕，還有些脆脆的花生粒，整體感覺很夾，味道亦不錯，但若果非一早知道是奶醬脆多口味，即難以將2者聯想起來吧!拿著雪糕在炎熱及繁忙的尖沙咀街道上行走實在有點困難，雪糕亦溶得快。建議可增添多少坐位更佳。

上個星期做完運動出了一身汗，就和同行友人一齊去試下依加人氣旺盛既分子雪糕店。我見到anna sui 這個品牌，馬上毫不猶疑地揀左紫薯口味的雪糕，而朋友就揀左紫米露。有時真係唔好貪圖外表，一試比較之後，我覺得紫米露較為特別，好似紫米露一樣隱約有着一股椰汁的味道，加上食落有咬口，相比紫薯口味吸引。紫薯口味沒有甚麼特別，只是中間加了脆脆增加了口感，雖然製作方法不同，但我個人認為和坊間的柴薯雪糕沒有太大分別，不過漂亮的杯子確實增加了視覺的享受。

支持 香港創作今日食英式杏仁蛋糕口味，第一啖淨係食雪真糕係好重杏仁味！第二啖配埋個野苺醬食就提昇咗個層次，酸酸地嘅果醬能夠壓制返個重杏仁味。而且雪糕食落有杏仁碎粒。邊等邊睇show!

LADMADE x ANNA SUI 日本紫心蕃薯味，食落好似雪凍咗嘅紫心蕃薯蓉，甜味不多，中間混入左蕃薯薯皮，口感有小脆脆，食落真係唔似雪糕，同埋好快就溶啦。雖然係期間限定，不過都係貴咗D。

Lab made勝利既地方就係總會為人帶黎新鮮感不僅雪糕口味夠創新而且仲定期轉下口味岩哂我呢D鐘意試新野既人今次試左個芒果椰汁糯米飯同香蕉腰果配焦糖芒果椰汁糯米飯第一啖真係淨係食到芒果漿D味D漿既味係OK, 同平時D芒果漿沒差啦第二啖先食到糯米飯味既雪糕D雪糕真係飯味同埋真係有飯粒咖!!!個種淡淡既椰汁味糯米飯味, 好清新配上芒果漿就真係好似平時食泰國野D芒果椰汁糯米飯咁唔錯唔錯個香蕉腰果配焦糖第一啖食就好勁新鮮香蕉味而且仲好有咬口每啖都有腰果粒雖然係好, 但略嫌有點點蓋過D香蕉味每杯44蚊, 比其他雪糕其實有D貴但間中一次兩次絕對係開心錢總括而言, 值得一試!!!!!

Went to the TST branch to get the Anna Sui flavour and the shop was plastered all over with Anna Sui.The aprons and icecream machinery were also plastered with Anna Sui too.★☆★☆★☆★☆★☆★☆★☆★☆★☆★Anna sui:I was surprised it did not taste as good as I expected because I had a crappy Sweet potato nitrogen icecream at Dessert Kitchen and it had a stronger sweet potato flavour with real sweet potato puree in it.In got a bit too sweet towards the end and I did not like the pieces of savoury potato crisps

在lab made Instagram看到新出的分子雪糕新奇試試愛吃蕃薯的我，當然選了這款啦上面的蝴蝶是竹炭餅乾說來也失望雪糕沒有蕃薯香味只有滯感，雪糕裏有些硬粒不知是蕃薯乾還是冰粒上面的竹炭餅乾硬而無味 四個字：得個靚字味道真係好主觀，見仁見智在下唔識欣賞

青蛙初嚐分子雪糕,雖然起步比較遲,但興幸也能趕上季節限定 x Anna Sui,紫心蕃薯口味的尾班車。青蛙看著小師傅像表演魔術般似的,一大片白茫茫的冷氣飄散過後,轉眼已將不同的食材合而成為雪糕喇~青蛙嘖嘖稱奇, 確實大開眼界!!店員再為紫色的雪糕,添上兩顆小小黑色的蝴蝶造型曲奇。紫色跟黑色本身就是Anna Sui的代表色、蝴蝶圖案更是其icon,再配襯美美的小紙杯,為食客先帶來良好的視覺感觀!!青蛙媽媽急不及待把雪糕放入口,哈哈~ 想不到又是一輪讚嘆。雪糕微甜, 主要是來自蕃薯的原味;另外, 每一口都混合脆脆的食材, 令口感更為豐富。蝴蝶曲奇同樣不甜, 而且夠香脆, 讚!!索價44元的分子雪糕並不便宜,但絕對物超所值呀!!!!

剛吃過一頓豐盛的韓國晚餐後，眼見分子雪糕就在旁邊，意猶未盡的肥妹當然二話不說馬上買杯一嚐分子雪糕的味道！味道分別有4種可選，看食評得知，店方會時常轉換口味，這點完全滿足了香港人愛嚐新的性格，而且亦可令人想一再到店舖光顧，實在不得不令人佩服有此聰明想法。最近店舖與一知名牌子ANNA SUI有所合作，推出了一款與牌子名字一致的雪糕，其味道為紫心番薯，亦相當合符店舖的形象。ANNA SUI 紫心番薯味 $44一小杯作為飯後甜品最為適當不過，既不飽亦可一解口癮。雪糕製作時白煙湧出，雖購買人數眾多，等候了約十分鍾左右，但仍無損興致。紫色的雪糕上擺放了兩只深灰色的蝴蝶形竹炭曲奇，當然曲奇不能期望會如何鬆脆好吃，普普通通帶有竹炭的味兒就已能收貨。雪糕本身的番薯味道不重，但雪糕內卻夾雜著眾多大小不一的脆片，不單令雪糕更為有趣好吃，脆片所帶著的，是非常香濃的番薯味道，頓時為此款雪糕馬上加分。晚飯過後以分子雪糕作為結尾畫下句號，使肥妹這晚吃得相當滿足。

今次係朋友介紹，係尖汾咀既分店，黎到美麗華商埸，一行埋黎就見到好多人，唔通真係咁好食不過真係試過你就知道,原來真有其事，絕對無令我失望同無浪費我排隊既時間去等食依個雪糕，透明玻璃既設計,所以做既過程你都可以睇哂，依個做法非常好，因為我好好奇佢點整,咁樣我就清楚哂佢地既製造過程,知佢乾唔乾淨,又可以令我地期待著佢既製成品,引到人地唔想走,價錢睇落好似比較貴,不過食完又覺得值,等左一陣雪糕就到手喇,賣相好吸引！味道好正,唔知點解個雪糕好耐都唔會溶,因為我自己次次食親都會溶哂都未食完,不過今次就無,我朋友叫左個流沙奶皇包味,我試左啖,食落唔知點解真係同奶皇包一樣味,但又係雪糕黎,真係好奇怪,下次黎試埋其他味。 

從網上得知Lab Made有新攪作，同Anna Sui合作推出紫心蕃薯雪糕，網上看到的是紫色雪糕上面多了兩隻黑色蝴蝶！整杯雪糕像是一個藝術品！今日就即刻去試試，好多人掛隊，但Lab Made落order既system真的值得一讚！每兩個口味一個counter, d人唔洗企哂一邊等，雪糕ready未可以睇瑩光幕顯示！等左兩個字到，嘩，個雪糕好靚，盛載既杯都好靚靚！食落口幾有紫薯味，加埋d脆片增加層次感！但奈何我覺得呢杯雪糕頗貴！如果減返$10會覺得一切都值！

最近咁鬼熱既天氣，食杯冰凍既雪糕，真係無敵, Lab Made尖沙咀既舖頭係室外，買完之後係都要你等下，未食到雪糕仲要咁熱既你實等到傻傻地，等到雪糕黎食一啖實會開心死,而且依間野近期既人氣都幾屈機,差唔多講起雪糕就講起佢。其實我都唔係好清楚咩係分子雪糕，上網就睇得多，D液態氮倒入去個一剎那，D白色煙係咁飛出黎，四周圍即刻全部都係煙，真係幾鬼靚，之後咪身痕想去虐下,係尖沙咀又有Lab Made出現，真係好鬼方便我去食。又就快到中秋節,每年都有機會食到雙黃蓮蓉月，不過雙黃蓮蓉月餅雪糕我又真係未試過，咬左一啖，質感都幾特別,好滑，其實雪糕未必比得上，雪糕既味同蓮蓉既味道真係好似，不過你又會知佢唔係真既蓮蓉，而且味道好濃，雪糕表面灑上類似蛋黃既野, 食落真係似一個結左冰既蓮蓉月餅，真係有驚喜。不過D雪糕溶得好快，所以一定要快D食哂。

知道尖沙咀美麗華分別有anna sui crossover即時好興奮，今日响附近食完lunch即刻過去朝拜 等咗3-5分鐘就有得食，唔單止唔漏，仲有脆米同蕃薯肉，口感超正，唔係得個樣 同期有另外3款雪糕供應，有我最愛的紫米露，不過梗係唔及ANNA SUI吸引P.S. 由於promotion関係，買雪糕會送品牌九折COUPON，不過我寧願要labmade九折coupon

今日經過Lab Made，看到店裡掛了蝴蝶裝飾，原來Lab Made跟ANNA SUI合作，推出紫心蕃薯味分子雪糕，看到別人拿著印有ANNA SUI紫色杯子已相當吸引，便走去買一杯來試下，有兩球紫心蕃薯味雪糕，雪糕上還有2隻曲奇蝴蝶，雪糕味道很濃好像有d蕃薯粒，還有一些脆脆在雪糕內