Lab Made 分子雪糕專門店 (已結業)

一月四日 (星期六)小病是福，Suyi剛病好，身為雪糕控，第一時間就是想吃雪糕是晚，由佐敦食到尖沙咀，最後一站來到Lab Made從Lab Made的面書得知，最新推出的四款口味中，有非常吸引既流沙奶黃包趁病好，急不及待要去一試究竟怎樣能一杯雪糕化身成奶黃包呢? 莫非上面放上一個小麵包? 當然不是啦雪糕質感挺幼滑，味道也有點奶黃香，略嫌甜了少許不如，參考一下上年中秋節的奶黃月餅，在雪糕面上加一點蛋黃碎，味道可能更像真呢!

上網成日見到分子雪糕 . 一直想試.果日無咩做 特登去TST買黎食今個月既雪糕有 黑白豆腐花、焦糖醬海鹽牛奶脆脆、流沙奶黃包、焦糖燉蛋全部都係$44雖然我平時好鍾意食焦糖燉蛋.食呢隻味比較普通 , 所以無諗住試焦糖醬海鹽牛奶脆脆 ( 心諗好甜又咸..會唔會好怪 )最後 我簡左 流沙奶黃包 <---見youtube有人推介過味道ok . 重奶黃味 .post左上facebook後, 有朋友話焦糖醬海鹽牛奶脆脆都好好味第二日去開TST心思思想試埋其他味  ,要左焦糖醬海鹽牛奶脆脆 同 黑白豆腐花黑白豆腐花 真係好似食緊豆腐花 . 第1球既頂放左黃糖 , 而第2球有D芝麻醬但我覺得如果係黃糖豆腐花 + 芝麻雪糕會更好.而焦糖醬海鹽牛奶脆脆 一啖就愛上 味道特別 . 平時我買朱古力都唔會簡海鹽味但估唔到又甜又咸都夾到過左成個月先打食評 ( 因為我無呢個習慣 )最近係facebook個專頁見到 5/2 至 24/2 係脆皮樂家杏仁糖每買一杯雪糕，即送"脆皮樂家杏仁糖"分子雪糕＄5現金券同Dark Roca試食裝一粒！真係好想食  睇黎我上左癮了

回顧 2013 年最火熱的食店, 相信分子雪糕專門店 Lab Made 一定榜上有名, 尤其位於美麗華商場的尖沙咀分店於八月開業後, 人氣更是有增無減, 氣勢可謂一時無倆。踏入 2014 年, Lab Made 精選四款去年的大熱口味, 於整個一月份跟大家來個「2013 Lab Made 好味回顧」, 包括黑白豆腐花、焦糖醬海鹽牛奶脆脆、流沙奶皇包和焦糖燉蛋。「檸茶」則先後品嚐了其中以兩款含有焦糖的口味:焦糖燉蛋 ($44) 賣相甚具型格, 亮點落在插於雪糕上的焦糖脆片, 每塊脆片大小形態各有不同, 因此店員可以善用藝術細胞, 令每位顧客手上的分子雪糕都有其專屬版本, 當晚「檸茶」便目睹其中一位顧客手上的版本, 有極多的迷你焦糖脆片插滿整球雪糕, 相當有趣。雪糕主體滿佈雲呢拿籽, 令人相當期待。吃一口, 果然味道具豐富蛋香和雲呢拿香, 甜度是一貫的低, 感覺健康。當然焦糖脆片並不是用來作裝飾用途的, 把其輕輕敲碎, 再混以分子雪糕來吃, 變成一款理所當然的 Creme Brulee 變奏版。焦糖醬海鹽牛奶脆脆 ($44) 賣相較為遜色, 某程度上被焦糖醬的賣相所影響, 不過這個元素卻是

分子雪糕專門店 Lab Made今個月推出 2013好味回顧，在這個月內，把在去年四款最愛顧客歡迎的雪糕口味一次過推出，當中的雪糕口味，包括「黑白豆腐花」、「焦糖醬海鹽牛奶脆脆」、「流沙奶黃包」和「焦糖燉蛋」四款，款款都創意十足，十分吸引 。雖然四款雪糕都吸引非常，但對我來說，第一選擇始終只有一個，就是「焦糖醬海鹽牛奶脆脆」味道 。原因也只有一個，就是自己一向鍾情加了海鹽的雪糕，覺得在甜味的雪糕中加入了鹹味之後，那鹹甜混合，混為一體的複雜感覺，實在妙不可言，令自己一吃傾心 。就好像這次所吃的「焦糖醬海鹽牛奶脆脆雪糕」，口感幼滑的牛奶雪糕固然奶味濃郁，香甜可口，那在甜味中滲溢出來的鹹味更令雪糕的增添不少層次感，特別是那些結成固體狀的鹽味脆塊和甜味牛奶脆脆，更猶如錦上添花一般，使幼滑的雪糕添上更全面立體的味覺享受 ，這雪糕，我實在愛極了 。四十多塊錢一杯小小的雪糕，價錢絕不便宜，但以這價錢，買來一份滿足和愜意，這四十多元，我很樂意付呢 ！

呢次係我第二次食 Lab Made,朋友話呢間野每兩星期就轉口味。他極力推介呢款奶皇包味，據說佢係將一啲急凍奶皇包放响攪拌機攪爛佢再整成的。食落係好重奶皇味，當中有啲橙色粒粒，係啲沙沙的流沙奶皇。而雪糕整體係偏甜，如果做得更似流沙奶皇包，應該白色部份要無咁甜，要似返包身！仲有一個問題: 究竟這雪糕的流心在哪??

路經這多次，每次也見人山人海，以為只是賣普通雪糕，今次路經時，友人告訴我原來是分子雪糕，立刻提起我的興趣。見佢地制作過程頗特別，急速冷凍對於我來說亦幾新鮮，食左個豆腐味雪糕，味道十分豆腐，口感軟滑幼細，在雪糕底下有點像芝麻胡的東西幾特別。

之前係元朗食過一間賣分子甜品既食店覺得好神奇，尤其係整既時候會噴出白煙，感覺好奇妙而呢間專賣分子雪糕既專門店，係大坑同尖沙咀都有分店之前中秋節已經好想試下佢地隻月餅口味既雪糕，奈何一直分身不暇今次同阿媽行街經過諾士佛臺，就算天氣幾凍都唔可以再錯過啦今次因為係聖誕節，所以佢有三隻特別口味本來想試薑餅人撞奶，但賣晒，所以唯有揀另外一隻，唔記得叫咩名，好似係類似朱古力聖誕咁樣既名整既時候唔知係咪miss左，無見到噴煙果一刻杯野底部係朱古力雪糕，上面有d棉花糖，插左一棵好似係薄荷味既聖誕樹型餅乾望落去都幾得意，不過食完之後，同阿媽一致認為同普通朱古力雪糕好似無咩分別...同埋食既時候好易"撥"到d棉花糖跌晒落地...浪費晒可能因為呢隻口味無之前果d奶醬多／月餅咁花巧！細細杯，咁就＄44，不過唔緊要喇，試下無妨嘛希望下次可以再試d特別d既口味

今日經過見無人排隊所以又買兩杯黎食下。每個月都換口味，今個月好有聖誕FEEL。榛子朱古力星星呢個得粒星星無咁靚，係金莎味，好好味，一粒放大左既金莎。朱古力飄雪樂園呢個有聖誕樹餅乾，舖滿棉花糖。但味無咩特別，係好濃好苦既朱古力，唔係人人鍾意。

於03/12-16/12期間，分子雪糕味道如下 Coconut Panda Cake HK Crispy Toast Strawberry Cheesecake Mango Gelato於嚐味期間，選擇了斑蘭蛋糕味。 等待過程中，看到仙一般的境象店舖是開放式設計，看到師傅用心製作的過程以及衞生的環境！雪糕分為兩小球，師傅亦很細心分别在每球上面潵上適中的椰絲。斑蘭味道不太突出，反而是椰絲很香，配合軟滑的雪糕，回味哩！ 當日到訪，沒有人山人海，可能是天氣開始轉冷！但我就是喜歡在冬天食雪糕的一群人♬

一向喜歡 Lab Made 的分子料理雪糕，喜歡它有創意，有心思。在本星期的 4款口味中，試了充滿港式風味的「奶醬脆多」HK Cripsy Toast，奶醬味道恰可，不會過於濃烈，特別之處在於那些鹹鹹的，好像烘多士一樣的脆塊，為這雪糕帶來與別不同的口感。其實這兩個星期 Lab Made 推出的口味除了「奶醬脆多」之外，還有「椰絲斑蘭蛋糕」Coconut Pandan Cake、「士多啤梨芝士蛋糕」Strawberry Cheesecake和「意式芒果」Mango Gelato 三款口味，三款都各有吸引之處，不知道你最喜歡的又會是哪款口味呢？

分子雪糕，讓我想起分子料理，嚟之前聽過朋友討論，面書又見其踪影，但究竟係咩？我真係搞唔清楚，恕我冇特別去深究佢有幾巴閉，今日路過，見人唔多，姑且一試。眼見有兩個櫥窗，A/B及C/D，原來係代表4款唔同口味雪糕既Collect Point。4款口味分別是栗子﹑英式杏仁蛋糕﹑白朱古力配草莓醬及抹茶。前兩者$44一杯，後兩者則平少少$39。可能我真係唔識這個品牌，冇諗過只得4款雪糕咁少，諗左一陣都係食番至愛既抹茶啦！(其實我可以好揀擇好心多的，但呢度冇乜得揀)付款取飛後，企喺店側邊等吃，期間不乏食客前來購買。等左10分鐘，D櫥窗下既顯示屏顯示我的票號，終於有得食嘞！杯子小小但都有兩球雪糕，淡淡抹茶綠色看上去沒什麼特別，吃一口雪糕口感幼滑，抹茶味有但唔算好濃，我唔明同氮有何關係，分子因素在哪？對我嚟講只係普通雪糕一杯，定價$39而有兩球，唔算好貴，冇乜期望當普通雪糕吃的話試下無妨。

是咁的, 在韓舍食完野, 口痕既我見到呢間野.....就到久違的KITCHEN MIXTURER 好有親切感^-^所以走左去睇~用HYDROGEN黎加工, 攪出一堆雪糕......是日味道有粒粒栗子, 英式糕餅, 莓醬乳酪及日本MATCHA愛MATCHA的我決定買呢隻味, 原來一個MIXTER一隻味, 見到粒粒栗子竟然係加栗子SYRUP去攪....好失望呀!!! 44蚊比你玩呢D......我用39大元買係滑, MATCHA味比較重, 但都係甜~~~

Lab 開左去尖沙咀，不用去大坑都比較方便。今次選了白朱古力乳酪脆脆，口感OK，起脆，不過無咩白朱古力味，相後乳酪味重，我喜歡酸酸地的感覺。朋友的選的抹茶比較苦，不是甜的。OVER ALL ok, 如果有位坐一坐就好LA。

如果大家還記得，星期日下午還未轉涼，天氣頗為悶熱的。於是第三站甜魔一家就到了尖沙咀的Lab Made買分子雪糕吃了! 真的喜歡the Entertainer的優惠連新店都有cover到，要知道，這裡是甜魔界的新寵，除了分子雪糕夠創新，其不斷轉換的口味也吸引到食家重複光顧!甜魔媽媽一來就鎖定想吃和風的栗子或抹茶，經過試味，栗子味比較甜膩，抹茶就非常出色；在the Entertainer買一送一優惠下，就要了同價的白朱古力脆脆乳酪配士多啤梨醬，及抹茶口味的雪糕各一，埋單又只是$39，嘩哈哈哈~即叫即製的雪糕冰凍沁人，口感很滑，抹茶味固然是清幽甘濃，好吃非常；白朱古力脆脆乳酪配士多啤梨醬那款原來也酸甜交錯，同時吃來有脆脆口感，口味出眾，兩款都好好吃啊!!有好野食，識食又為食的囝囝自然不肯錯過，喜歡到不得了，又要獨食不准爸爸媽媽吃，估計單是他也吃掉一杯雪糕呢! 衷心的覺得有這優惠非常好，遲些天氣再次回暖，甜魔媽媽一定要帶囝囝再來試多更多口味，讓兩母子都過足甜癮!

這間位於尖沙咀的分子雪榚店之前已在電視看過介紹, 今日經過便試下佢地嘅分子雪榚啦!未幫襯前在他們的店舖環繞一周, 真像一間實驗室, 而且當做雪糕時, 過程中會煙霧四起, 真的很神奇呀!在看看他們的雪糕品種, 這次有四款選擇, 佢地會定期轉口味, 今次選了 "朱古力醬果仁曲奇", order 之後等約10分鍾, 一杯分子雪糕已在眼前了, 本人很喜歡奶味重及比較滑的雪榚, 在一試這分子雪糕後感到很失望, 沒有想像中奶味重, 也不覺得好滑, 但以他們的高成本製作及好奇心下, 我欣賞多於喜歡, 可一試, 但用 HK$44 去買一個單球, 我都寧可選擇其他了