Monster Sushi (已結業)

多謝朋友的生日飯, 呢餐吃得好滿足！珍寶帆立貝經已係鎭店之寶！啖啖肉啖啖鮮味, 隻帆立貝的長度足足有iphone咁長, 好誇張！每次都忍唔住要食。牡丹蝦壽司又係鮮味之選, 整隻蝦夠爽口, 證明食材新鮮, 最緊要又係夠大隻。生日食黃金卷夠好意頭, 加實係加州卷上面加塊芒果, 我就覺得一般啦！鍾意食香口食物的我, 一定會食天婦羅, 今次點大蝦天婦羅, 炸得夠脆, 粉漿唔太厚身, 隻蝦成隻手掌咁長, 滿足滿足！另外有一樣必食之選, 就係三文魚西京燒, 三文魚燒得啱啱好, 表面微脆, 入面肉質仍然滑口, 配合醬汁燒超好味, 我自己都可以食一碟。我唔太喜歡生食三文魚, 但咁樣燒一燒就迷倒我了, 哈哈！今次叫咗樣之前無食過嘅, 和風雜菌薄餅令人驚喜, 雜菌加芝士焗得夠香, 上枱時已吸引你去食, pizza餅底都好好食, 有水準之作, 下次可encore。今次呢個八女抺茶紅豆蛋卷雪糕, 綠茶卷裏面的cream係凍，超超超好味！綠茶配紅豆=安仔配Sammi，絕配！小妺至愛, 這個堅正！食完一碟之後, 忍唔住再叫多碟食, 呵呵, 太滿足了！

好想食日本嘢但係又唔係太肚餓，本來想去元氣，但係又記得 Monster Sushi 個 menu 入面好似有多啲非寿司類的款式，所以身軀就不其然地行左去Monster，我當然亦冇比身旁個朋友反對啦！今日除左我哋必食的凡立貝寿司、黃金卷同芝士鰻魚卷之外，其他就點了 Special Menu 內的食物包括有個叫三式洋風軍艦、炸露筍竹輪餅、沖繩黑唐玉子、檸檬葉香草汁法式三文魚刺身、漁師風柚子胡椒火炙吞拿魚腩……總括就係少少飯飯，多多刺身同小食。特別想講吓個炸露筍竹輪餅其實係天婦羅之類的炸物，但係就一啲都唔油立立，好乾身，非常脆口，入面全部都係蔬菜食材，配合埋個汁一齊食就唔覺得好熱氣。至於個檸檬葉香草汁法式三文魚刺身就好特別，因為大家未食都聞到濃濃的檸檬葉及香草味，食落就發覺得有少少酸的汁混在其中，三文魚加上香草汁真係絶對係即刻要食第二件，不消5分鐘我們已可以叫待應收了這已吃光了的碟。另外的漁師風柚子胡椒火炙吞拿魚腩來到時就發覺外暖內涼涼的感覺比平時吃火炙的寿司對比更強烈，因為這個是極厚切的吞拿魚腩，很肥美的肉質加上淡淡的柚子味，一點膩的感覺也沒有呢。沖繩黑唐玉子就跟平日吃的玉子帶多一點甜甜的

今日同事帶左我去 Monster Sushi食Lunch，我問佢中午都要食寿司咩？佢…哈哈哈…笑左出黎，佢重話有午餐定食架！噢…我真係…瘀…咁都問 >_<一望餐牌…嘩，好多款喎！我最後點左個叫刺身三點+寿司五點+天婦羅+腐皮海鮮烏冬，一次過可以滿足我四個願望，好似好開心咁，事關响一個餐中有咁多唔同款式的食物，當待應送上我的餐時真的有點呆了一呆，不但有四個願望，還有四個附屬願望包括 Cheese Cake、蒸蛋、沙津、酸酸小食，好豐富同埋我覺得個份量比兩個細食的女仔肯定夠食，但我就…嘻嘻…會一鼓作氣 KO 佢！Yeah! 刺身夠新鮮, 壽司沒有因為係定食而份量少咗, 都係咁大件, 脆脆的天婦羅好啱我口味, 夠香口, 但腐皮海鮮烏冬比較一般, 不過食埋真係好飽肚。另外，我同事就叫左吉列黑豚定食包括有飯、麵豉湯、蒸蛋、酸酸小食同埋個特式芝麻醫汁，都係大堆頭式的定食，令你一餐裡可品嘗到好多不同的食物，！有菜、有飯、有肉、重有埋甜品…呢個 Lunch Set 我同事話好滿足呀！塊吉列黑豚真係好大塊, 只係食這塊吉列黑豚都飽, 我同事食得好滋味咁, 佢話難得咁大塊黑豚仍然肉質唔鞋口

睇雜誌知道Monster Sushi推出咗吳彥祖私房菜, 一直都想嚟試試, 都想知道靚仔的口味喜好, 昨晚Friday night, 就約咗幾個女仔朋友捧偶像場。吳彥祖在雜誌上話最愛漁師風柚子胡椒火灸黑鮪魚腩, 咁真係要試下, 睇係點樣成為佢至愛。這個菜名好長, 買相一流, 靚仔都係鍾意靚野, 試試睇下會唔會得外表靚, 食入口魚腩肥美, 但又唔會太漏, 在魚上有柚子胡椒汁, 味道都幾清新, 可能這樣令魚腩的油膩感減低了。火炙鮭魚腩意式香草茄汁配海膽卷個名又係好長, 因三文魚腩及海膽都係我至愛, 所以點咗試下, 三文魚配香草茄汁係fushion配搭, 雖然唔太似日本菜, 但好食, 三文魚腩肉質滑, 火炙後令三文魚口感更有層次。海膽卷size剛好, 一啖一口, 海膽新鮮, 滿足滿足!朋友點了青森產玉子黑松露蒸, 蛋蒸得好滑, 黑松露好香, 香滑的程度比一般蒸蛋出色, 仲有唔知點解呢個蒸蛋係特別有蛋味, 值得推介!日本淮山魚餅有咬口, 又不太油膩, 但跟一般魚餅差不多, 水準一般。炸露筍竹輪餅好脆, 不是太厚粉漿, 炸露筍唔會炸到好乾, 這個蔬菜天婦羅有清甜的感覺, 我不是太喜歡天婦羅, 但

真係好失望! 之前食過幾次朗豪坊店，水準不錯，每樣都好滿意，見銅鑼灣開了分店，經過，就即管入去試一試。裝潢，相比旺角的已經差好遠。感覺好似大型壽司連鎖店咁! 叫壽司，又要睇完Menu，再自己對番號碼，再搵番紙去剔，十分唔User friendly，感覺好似去左食放題，定係元氣迴轉咁!最失望係質素，三文魚呀果d勁薄、甜蝦無味、牛肉他他勁細件又鞋、有個咩牛肉壽司先過份，乾爭爭軍鑑樣子ok，還見得人，用料亦新鮮，但$35一件，我覺得合理質素，唔係特別突出。叫左第一Round，已覺得唔對路，立即止蝕，埋單走人。唔知食左乜的情況下，竟然要$278蚊! 總共只食了20分鐘...完全無飽的感覺 只有一肚氣..............................宵夜時段可以有100現金劵用，依種質素可能都可以接受但正價時段，講緊差唔多碟碟30蚊的壽司， 依種質素實在差勁，大型連鎖店壽司的質素都無! 價錢仲要貴咁多，實在不值一試! 未知旺角店的質素是否亦同樣下降，但起碼依排我一定唔會再幫襯!

我個人都幾鍾意食壽司，但間間迴轉壽司店都係話自己食材好新鮮，有時食得多只打新鮮為旗號的店舖都有啲悶悶哋，所以我重有一個少少的要求，就係耐唔耐有啲新嘢試吓，咁就唔洗次次去親都係食黎食去嗰啲嘢…….Monster Sushi 銅鑼灣店都第一次去，一落到去就有好大個舖名歡迎您，燈光有少少暗黃色，都係一貫 Monster Style。入口處不太大但入到舖入面就發覺原來很大……心想咁都好喎，如果黎食9:30時段唔洗等位等咁耐，嘻嘻！每次都會點啲必食同埋嗰期新出的嘢食，但由於今日得兩個人的緣故所以就重點睇啲新嘢，我哋點左個「三式洋風軍艦」(有凡立貝併甜蝦、三文魚子併三文魚、蔥粒吞拿魚腩併酸酸甜甜吞拿魚)重有個滑滑玉子响飯面，唔同質感的食才在你口中轉黎轉去，食落好得意。另外還點左「沖繩風海鮮水晶麵」麵條係好似蒟蒻同水晶麵質感伴了一個酸酸的汁，令人好開胃，廚師梗係想客人食左呢個之後可以食多啲壽司，哈哈哈！哎，我哋重點左個都係新菜式叫「柚子油甘魚薄切」即係有啲柚子醬汁伴住油甘魚刺身，好新鮮就必然，當中個柚子醬汁同肥美的油甘魚起左個中和的作用，幾特別的一個配答！其他的必食壽司有松葉蟹膏玉子燒、甜蝦、軟殼蟹

幾個女仔飯局都不知食什麼好，每次想這問題都好頭痛，但每次這責任都交到我手上，好不容才選好了在銅鑼灣的 Monster Sushi，其實在旺角朗豪坊及尖沙咀 iSquare巳食過很多次，但銅鑼灣店就是第一次到來。在七點多些時候門外已有多人排隊，因忘了訂位所以等了大約20分鐘才入座，等侯時間尚可以接受。由於有位朋友特別喜愛玉子，所以一定要叫玉子燒和特色的松葉蟹膏玉子燒，本人就一定要叫軍艦三味，因有我最鐘意的海胆和蟹膏，(海膽併蔥粒吞拿魚、蟹膏併蟹肉、三文魚併辣辣八爪魚)，真係好味到食左5個人食左三碟呀！其餘就叫了花之戀、OK幾好味三文魚好肥美，重有又係我最愛的蝦膏甜蝦壽司，超級勁勁勁好味！蝦膏好香，一啲都冇腥，事關如果蝦膏唔新鮮真係會腥到入唔到口架，甜蝦本身肉質結實同埋都很彈牙！特大凡立貝就無須多講，梗係要每人一碟才夠喉，嘻嘻！至於其他的八爪魚、甜蝦、軟殼蟹手卷、黃金卷、魷魚、三文魚……這些水準都同旺角差不多呢！但由於當日唔記得訂位，所以就冇卡位坐，不過就算食完後店員都會繼續加茶，沒有一點黑面要你結賬，今時今日呢個 service 先留得住個客人架！贊！

點解起呢個題目？大家睇相就明白…..牡丹蝦呢碟只睇相已嬴左，肉質有少許彈牙而且味道很甜！睇相可以被牡丹蝦比下，但真身卻是旗鼓相當，原隻凡立貝切成一條裙子般，任何角度看都像在編編起舞，有點不捨得把她吃落肚！凡立貝的甜味不用多說，只要將吞拿魚蓉及海膽一個品嚐就會產生一種說不出的鮮甜味在口腔中徘徊著，這就是這個 Monster 寿司的特別之處。所以每次到來都必食！又到左我個人特別喜愛的芒果三文魚腐皮壽司，這個能同時間吃到甜甜芒果、濃濃豆味的腐皮及三文魚沙津，再加上蟹子的脆口，簡直覺得吃多幾碟都不會膩。這個鹿兒島炸黑豚肉的賣相有點奇，有點似潮式食品反沙芋，若不是朋友推介實在不會點呢！我吃了一口又對它改觀了，外層很脆但又沒有把肉質炸乾了，入面面軟軟的豚肉，都幾美味！很多人都問我為何到日本料理常常點玉子這類平價食物，但你們真的有所不知，要是你能食到一件溫暖的玉子作為結束是多麼的完滿，就像飲宴後的一碗紅豆沙般。而一件美味的玉子亦不是隨便找家店就能找到的！

相信唔少人都知道，這間主打江戶前壽司的「Monster Sushi」，其幕後負責人之一是型男吳彥祖。雖然筆者已一把年紀，亦從未參與過追星行列，不過見這怪獸壽司人氣不俗，也很想來湊湊熱鬧。適逢店子在銅鑼灣開設第三間分店，加上有「開飯網站」提供的優惠券，這晚就決定趁兒子出發歐遊前夕，一家人來吃宵夜壽司。 座落於銅鑼灣廣場二期地庫的「Monster Sushi」，店面寬敞闊落，就以我們被安排的卡座為例，竟大得可同時容納六個人。先看看四周環境，裝潢簡潔時尚，帶點酒吧餐廳 feel，再配上一室溫暖的銅色，在柔和卻不昏暗的燈光掩映下，也頗有情調。由於這晚有兒子坐鎮，所以兩老也樂得清閒，把點吃任務交出，由他全權發辦好了。先來兩杯餐前飲品，石榴白桃冰冰 ($36) 是以番石榴汁混和水蜜桃汁調製而成的，賣相晶瑩剔透，喝來輕盈清新，酸甜滋味，加上冰冰涼涼的口感，味道不俗。至於石榴菠蘿特飲 ($33)，則是一杯以菠蘿汁加入紅石榴糖漿組合而成的酸甜果汁飲品，入口清爽醒胃，味道與色澤同樣吸引。三文魚壽司 ($14) 向來都是老公的至愛，加上這碟鮭魚，賣相誘人，入口魚油豐盈，吃來有化口感覺，水準十分出色。至於底

每次去 Monster Sushi 都係晚上，今天友人相約到銅鑼灣吃午餐，心想都是吃壽司，但原來有午市定食的，本來想點豚肉生薑燒但最終都受不了那個魚生飯的呼喚……哈哈！友人就點了吉列黑豚定食。等了不消10分鐘我的魚生飯定食就到左，跟 menu 上的相片不相伯仲，好像還少了甜蛋但卻多了三文魚及吞拿魚，盛得比相片還要滿滿的，只是看看也覺得很滿足 ^_^ 魚生粒切得不是一少粒一少粒的，大少剛好是一啖入口，(我最怕魚生飯是很少粒的，因為感覺好像切頭切尾的廚餘) 這個就很好，所有的魚生都好像剛切起的，很鮮甜！跟餐還有味噌湯、蒸蛋、沙津、醒胃酸酸昆布蘿蔔(我最愛)及飲品！好象有點眼濶肚窄的感覺，不過我都會努力食哂佢哋！正當我努力吃我的魚生飯之際，很香的炸豬扒定食就到了，熱得出煙的豬扒令我都好想試吓，友人先磨了芝麻及混和了秘製的醬汁，點了好像會減少一點吉列炸過的熱氣，可能是黑豚的關係，肉味幾好，不過我個人就覺得可以琳啲就最好，配飯一起吃就可以中和一吓冇咁熱氣。但我都係推介我的魚生飯定食呢！

18/5/2012一年２度的ｓｏｇｏ減價，　又令我地去朝聖一吓。。哈哈。。由於知道一定好多人，　所以我同友人決定食飽飽先去血拼。。友人提議去靚仔吳彥祖的ｍｏｎｓｔｅｒ食壽司，　所以我地就去試一試。７：１５ＰＭ去到。。唔洗等位。。。反而一樣在ｂａｓｅｍｅｎｔ、又係明星開的＂嬰兒餐廳＂就好多人等。。。。ｕｍ。。。。都嚟到。。。。入去食壽司吧啦。。哈哈。象拔蚌壽司：麻麻地，　有少少腥。。帶子壽司：帶子都幾肥美，　ＯＫ好食。吉列蝦餅：唔會好粉，　香口，　好食。三文魚壽司：ＯＫ，　一般味道。濃汁火炙三文魚壽司：呢個麻麻地，　一Ｄ都唔ｃｒｅａｍｙ，　無＂Ｘ氣＂好食。龍蝦沙律蟹棒玉子壽司：呢個有驚喜。。。雖然係壽司，　不過得好少飯，　龍蝦沙律幾好味，　配上蟹棒同玉子，　幾特別，　好食。自選４串串燒：（１）芝士牛肉露荀：芝士好燶、牛肉有＂蘇＂味，　麻麻地。（２）雞亦：ＯＫ，　不過無咩味。（３）濃汁帶子：好食，　配上Ｄ汁。（４）雞肉棒：雖然係雞肉棒，　應該唔只雞肉，　仲有細細的雞軟骨，　有咬口，　好味。食食吓。。。我地先醒起我地有剔手卷但無落單，　加番：２個軟殼蟹手卷：味道不錯，　不過勁多飯。。仲有。。

日式料理一向在港方興未艾，單是拉麵店就巳愈開愈多，數量仲多過「嫩模」，銅鑼灣的登龍街就嚟要改名做拉麵街喇。拉麵以外，壽司也是另一連鎻食店割據之地。以下的一餐是在「Monster Sushi」吃到的，賣相包裝都很精美。「帆立貝刁草柑橘汁刺身」$68無可否認，賣相的確很醉人，完全估不到在迴轉壽司店也可吃到外貎精緻的料理。帶子刺身上放有碎蔥呑拿魚、一小片醃蒜頭及魚子醬，再淋上酸甜的柑橘汁，味道是清新，滿有開胃的感覺。帶子肉身不算超級肥美，卻很新鮮；反而魚子醬是沒有甚麼味道，點綴勝於一切。整體來說，也值得一試。「自家製日本淮山魚餅」$38煎魚餅拼小露荀，賣相很的骰。魚肉彈牙，淮山是吃到一絲一絲的，蘸點薑蓉酸汁同吃，是個不錯的小吃。「靑森產玉子黑松露蒸」$28日本東北的靑森出名盛產林檎 (即蘋果)，靑森也盛產雞蛋的嗎？不知道，總之菜名亮眼、吸引就好了，這就是包裝的威力，「MK」都可以變「中環」 (那位人生教練大姨有說過嗎 ?!?! )蛋即點即蒸，等了十多分鐘才上桌。一小撮的黑松露醬頗香，蛋蒸得滑溜，學李心潔話齋 :「埋啲，埋啲。。。再埋啲都 OK 喎」，不俗。其他餡料是出奇地多，光是那抽本菇就還

lift口又寫左間鋪既名，但又唔可以到達，打電話去問先知原來就咁用扶手電梯就得喇！環境黑黑沈沈，又整埋ｄ射燈係度，好似好有特色，但就令人感覺唔多自然喇！食物方面，款式係多，夠特別，味道都唔係差，有ｄ都幾好味，但就令我好口乾，sushi飯又係握得唔好，一夾就散．

星期六跟朋友一齊到朗豪坊MONSTER SUSHI,相比其它壽司店,我覺得不錯.最欣賞玉子燒旦燒得剛剛好鰻魚壽司.帶子勁鮮甜其實餐牌還有很多壽司很吸引,不過我飽得要死啦!價錢跟元氣,元綠差不多,若果時運高,還可以見到吳彥祖老闆,可惜我們無緣呀! 下次要再試試其它SUSHI喔

三月八日 (星期三)還記得數年前某日得知俊男吳彥祖在朗豪坊開了家壽司店即日就趕去試，小店不單止有外在美 - 裝修高貴舒適，亦同時有內在美 - 食物質素也不錯相信不用明星效應，他日必能成大器詳情請看我們的旺角分店食評：http://www.openrice.com/restaurant/commentdetail.htm?commentid=1898830不久後，在尖沙咀The One開分店時，我們亦有捧場至今的第三家分店當然也不會錯過是晚做完運動，就立刻去試八時左右，不須排隊等位，頗多吉位我們選擇坐到迴轉位置，我很喜歡望著壽司轉來轉去不過眼前的壽司師傅看來不太熟手，而且在這裡少人的情況下出壽司亦較慢看來要多點在職培訓吧胃口不是很好，所以只點了六款食品蝦膏軍艦由青瓜絲加上蝦膏很配合一軟一爽，口感也十分匹配蝦膏是淺綠色，帶鮮咸香又腥酸辣三文魚軍艦三文魚粒厚切，口感十足但於我而言似乎過辣，差點吃不到三文魚獨特的魚香味炸豚肉是Monster Sushi的新品貪新鮮的我們亦點了一客試試豚內炸成正方體的，一碟有四粒咬落去外脆，內裡肉質鬆軟豚肉味甘香，略嫌肥膏比例多了一點，感覺較油膩三文魚比一般壽司