Patisserie Tony Wong (已結業)

有人說，生日不一定要吃蛋糕而蛋糕不一定要在生日吃，可正正是因為少吃多滋味多回味，才讓人們擁有期待之心，這是相當幸福的一件事啊。適逢天使生日，又可以吃上一件生日蛋糕。當日天公不造美一直都是下著大雨，雖然好狼狽又冒著雨跑去Tony Wong買蛋糕回家，可是讓天使幸福愉快是小妹責任啊，所以小小雨水實在阻不到我去買蛋糕。＊＊＊＊＊＊＊＊＊＊＊＊＊＊＊特別為她選了一個是用上格雷伯爵茶製造加上賣相極細緻，高貴又優雅的「One Two Tea」。打開盒子後濃郁的Earl Grey tea味馬上都湧出來了，軟綿綿的vanilla orange sponge加上入口即溶的mousse，立刻讓口腔內的層次頓時提升了不少。earl grey的淡雅清香一直都停留在口腔，好fresh。＊＊＊＊＊＊＊＊＊＊＊＊＊＊＊-MisS F

承蒙上司帶挈，可以一試晴報 x Tony Wong 的橙色玫瑰花蛋糕。由於之前上左黎睇店舖地址同順便望下食譜，發現有食家又係訂左呢個特別版蛋糕，而且賣相非常慘烈。完全好似打完仗咁，於是我都擔心左一陣 斷估Tony 哥d quality無咁差卦........店舖內，確定個餅真係靚靚樣既 取餅後拿拿聲搭的士番公司，怕案件重演。店內職員都有溫馨提示話唔好壓個盒同埋保溫一小時。登登登登，原好無缺。然後我地切都唔切就逐塊逐塊揭開黎食。面頭d 朱古力，確係好睇唔好食，太甜了，食左半塊放棄。呢個賣相有點差，請無視左佢。食到戲肉，見真章了，好滑既cream,但又唔會好膩。入面有粒粒士多啤梨同埋疑似raspberry mousse .味道剛好，少少酸配番落去又唔會太甜。仲有餅底有薄朱古力係面同埋有點點果仁味(唔知其實有冇架.... )花花蛋糕，都係比較岩追女仔用。自己食既會食番hazelnut ,哈哈

係好耐之前都好中意食Tony Wong玫瑰花蛋糕，個陣d花瓣仲係用糖霜整，可以話係夠硬淨。《晴報》五周年，Tony Wong為左慶賀《晴報》生日而特別打造一百個依款橙金色上面有埋蝴蝶朱古力、甲蟲朱古力嘅玫瑰花蛋糕，玩遊戲中左本身好開心，所以專登訂左係生日個日拎，順便慶祝下，但最後個結果唔係咁開心。(網上圖片) 由駱克道拎埋返到屋企只係半個鐘時間，d花瓣已經不停溶緊落黎，其實今日唔係好熱，二來個店員話兩個冰袋都可以keep住個蛋糕一個鐘，黎唔切影相已經不停溶，諗住生日都可以影多d靚相，溶都咁都唔想影好唔開心！上網睇返買1磅單色玫瑰蛋糕都要$470，咁點叫人再買呢！個賣相老實講好靚，但d白朱古力花瓣跟本受唔到蝴蝶朱古力、甲蟲朱古力嘅重量，所以首當其衝係個邊塌落黎，我以為只係塌完重個邊會停，唔夠幾分鐘到裡面又係咁lum，唉！跟住全家放棄，切都唔使切，直接用匙羹食。裡面嘅士多啤梨係好食，蛋糕同餅底都冇得輸，但個外型咁已經大打折扣，如果住再遠d，d相應該都影唔到 

自幾年前一嘗Pink Rose Cake後，對Tony Wong的甜品總抱著一種迷思。他的甜品美得就像藝術品。今年家人預備了另一款生日蛋糕，Mango Napoleon (Flower)，十分驚喜 芒果砌成的三朵小花在花海中綻放，blueberries 及 raspberries在一片金黃色寧舍突出，加上金箔，更顯貴氣。生日牌亦寫得十分工整漂亮味道方面卻相比遜色，puff pastry 略嫌不夠鬆脆及牛油香... 看見custard cream中加了香草籽, 所以挺香濃，但custard cream的比例若能少一些，食落就會無咁溜~整體評分: 8.5 (Presentation:10 Taste: 7) 

 早排是小妹生日，男友帶我去了一間西餐廳慶祝生日。想不到在驚喜在他上廁所的一小刻便安排侍應送上這晚的birthday cake 侍應最先捧上的是這朵朱古力玫瑰花。說真的，若果離遠望上去像真的裝飾擺設。此食品的外觀可見是起水準，不用放進口中也可給予高度的評價。但始終是本小姐的生日蛋糕，又是男朋友悉心的安排。豈可以只看不嚙，味道方面：朱古力的味道有點偏苦，應該是可可的純度較高，如果是嚐試開可可味味較濃的朋友應該會喜歡，但我較喜歡偏牛奶味的朱古力。朱古力的表層內，其實是件普通的海綿蛋糕。中間夾心的cream 也不是有什麼特別。畢竟此款甜品是以美觀為主打搶分手段，味道始終有點比下去。其實朱古力外，還有2件造型蛋糕。也是以造型為主。此款是Ruby Diamond.一顆鑽石形的藝術品。此款食品的外層也是朱古力，但是採用了牛奶朱古力。甜甜的外層跟浪漫的鑽石更有點互相點啜的感覺。甜品的外層是牛奶朱古力，有一塊餅乾和一粒原顆榛子。破開外殼後，今次不見有海綿蛋糕。內裡的是濃厚的榛子filling, 應是繽紛樂餡料的材料。這件甜品的感覺較完美，甜度偏高。若食完較苦澀的朱古力玫瑰後，應該會有點過甜的感覺

是日同老公放假，於是去左銅鑼灣食左個Lunch跟住老公就提議去Tony Wong既蛋糕店，食返件飯後餅。老公叫左佢Tiramisu，而我呢，就選擇左個Mix berry Napoleon。老公既Tiramisu,咖啡酒味好重，蛋糕吸收哂，mascarpone好滑身，連身為甜品師既老公都讚不絕口。而我個Napoleon，Puff pastry好脆，custard好smooth，mix berries 好新鮮，配合一起，毫無挑剔，Perfect因為只有兩個人既關係，所以冇試到佢出名既玫瑰蛋糕，下次有機會，一定要試埋

吃罷泰燒遙，與二表姐和昊昊搭110返回港島，到表伯娘家，替二表姐預祝生日，兼預祝江氏的父親節。細心的三表妹一早訂了一黑一粉紅的TonyWong迷你玫瑰花蛋糕，給其父親大人，以及二姐。江家三魔童，未等拍完照，已一窩巢湧上，撕下玫瑰花瓣放入口裏，搶著吃。粉紅色玫瑰花蛋糕的賣相很精緻，蛋糕由薄薄的花瓣一片一片的堆砌出來，仿真度極高，堪稱一件藝術品也。粉紅朱古力花瓣蠻甜膩的，味道有點人工化，淡嚐一口即罷。把花瓣逐片拿下，中間部份由原味海綿蛋糕、士多啤梨忌廉、紅桑子慕絲和香脆酥餅組成，口感味道均不錯。只是，百多元蛋糕，只有幾口較為好吃的蛋糕，欣賞指數極高，性價比則甚低﹗另一款的朱古力玫瑰花，予人高傲的感覺，花瓣由黑朱古力造成，入口味道較為苦澀，相對不會太過甜膩。大家都只撕下少許花瓣淺嚐，連三隻小魔童，也沒有任何衝動去試中間的蛋糕部份了。此外，三表妹還買了三款小蛋糕給三隻小魔童，小妹試了一口朱古力慕絲蛋糕，朱古力味濃，外層細滑，內裏馥郁，朱古力迷必愛。

友人是甜品大師tong wong的忠實擁躉，趁著他生日就買一個tong wong出品給他拉玫瑰蘇是tony的新出品,樣子當然像極了玫瑰,外形已值80分了,友人收到後相當興奮,立刻拆開來試吃.口感方面,咬起來相當香脆可口,只論口感的話是無可挑剔的.但味道方面卻有點兒失望,還以為會有些小玫瑰的味道,可惜是只有原本的味道,沒有任何花味的呢.其實整體來說是不差的,但是TONY的制品總會令人有較大的期望,希望之後會有新味研發出吧

Ruby Diamond (HK$54) with milk chocolate, hazelnut cream, caramelized hazelnut and almond sugar crust. The diamond exterior is a chocolate shell with hazelnut cream and sponge cake on the inside. While the flavors tasted as expected, it was well-executed and the appearance was simply gorgeous. Who wouldn't want a diamond like this!

媽咪每年都會與其相識數十載o既靚靚好友於家中開年，嗜食o既甜品Auntie更例必送上潮興甜點。為咗要襯托返羊年陣羊羶味，auntie今年特意揀選咗星級餅廚Tony Wong一款較「重口味」o既咸味朱古力蛋糕迎春 。  CONCORDE with Sea Salt海鹽朱古力蛋糕（$45/pc；$370/一磅）：形似木筏o既蛋糕外牆以朱古力味o既蛋白圓條圍住，每條長短不一，但全部一樣咁乾身鬆脆甜美。中間四方形朱古力盒看似簡單，但其實內有乾坤，底層為較薄o既朱古力味海綿蛋糕，面層則為如絨般軟滑o既朱古力慕斯，兩者同以海鹽調味，單吃可能會有啲咸得不太自然，但當加上甜甜o既朱古力蛋白圓條一齊食，效果精巧細緻，精湛突出 。此道外表甜脆，內「咸」厚滑o既海鹽朱古力蛋糕，無論係口感，定亦或係味道，都剛柔並濟，非常之有創意同特色，係絕對值得一試o既新口味！Tony Wong個大名聽就聽得多，不過每一次都離不開佢o既招牌玫瑰花形糕點，始終花形甜點太過女性化，大伙兒慶生不太合適，故小肥至今仍未有機會細嚐。正當XO仔自以為已經食過哂甜、酸、苦、辣味o既朱古力時，多得甜品Auntie推介甜品大師o既作品，先

回家途中經過呢個餅店！比門口個白玫瑰蛋糕吸引！（不過玫瑰餅好貴，細件都要$133，仲要唔可以預訂）門面好歐式！我知呢間餅店在九龍城有分店！不過一直未試過！既然咁有緣，我當然唔放過！入面好寛，有桌椅可以坐低慢慢享受！店內有3個女店員！我同肥髀各揀一件餅！當我同店員講堂食，佢好似好奇怪咁！不過上餅快手，又有提醒焦糖盤熱！One Two Tea($45)：呢期最愛伯爵茶，賣相特別（因為插住支吸管）用茶粉舖面，好似磨沙咁，仲有片金箔响面，好高級！支吸管係橙茶，（不過味道唔出！唔睇介紹都唔知有橙）茶味慕絲有茶味（都要講，茶味甜品係比較鞋出味）雖然唔濃但幾滑！蛋糕鬆軟！不過食完件餅都唔覺有橙味，只係食到淡茶味！同主題唔夾！焦糖燉蛋（$45）：等了幾分鐘，賣相好靚，紅桑子藍莓好新鮮，焦糖脆，燉蛋滑，裡面好多呍呢嗱籽，不過呍呢嗱味唔重，淡淡地，好像食緊奶凍！食緊期間，都有好多人攞餅，呢度嘅蛋糕好靚！下次可以同肥髀夾份食玫瑰餅（無咁肉痛）

喜歡吃甜品的我對於生日蛋糕的要求可謂相當高，除了賣相要夠吸引外，味道當然也很重要，K 先生的生日，我費盡心思搜尋了不同的餅店，可惜要不味道不夠好，要不動軏差不多千元一個蛋糕超出預算最後選了價錢，味道，賣相最平均的tony wong,今次吸引了我的是很經典懷舊的黑森林蛋糕，除了美心和舊式餅店有黑森林外，現在比較新的餠店也很少有這款吧！很時尚的賣相，有別於傳統的款式，稍眼看還以為是Tiramisu，蛋糕上的朱古力碎是用上黑朱古力制成的，份量頗多，再配上2粒新鮮的車厘子作點綴，朱古力的可可味很重，微甜過後帶些微苦蛋糕口感很鬆軟，忌廉打得很軟滑細膩，海綿蛋糕帶有微微的朱古力味，並不會蓋過了車厘子醬的味道，微酸的車厙子醬帶有果肉，連同蛋糕面上的黑朱古力吃，味道可以互相輝映，配合得天依無逢，而整個蛋糕亦不會太甜。底層的餠底釆用了牛油曲奇造成，加添了整個蛋糕的層次感，tony wong 的品質果然有保證

Decided to try the cakes at this shop after reading the awesome reviews on OpenRice.Tried the mango napoleon and the chocolate cake; HKD45 per piece.Whilst the cream in the napoleon was OK (but not fabulous), the chocolate cake was quite a flop in my opinion.Hardly any chocolatey taste and the presentation was also very poor for the price paid.Severe lack of 'class' in the presentation as compared to the likes of pastries/cakes from Robuchon or Mandarin Oriental, and all for the same price as th

見到這個蛋糕很熟口面，認得是Tony Wong的出品，但實在想不起它的名字。賣相精緻，層次分明。一片朱古力下，有擠成一球球的朱古力慕絲，朱古力海綿蛋糕等等。朱古力細滑香濃，甜度控制得宜。有一層淺啡色的ganache，十分香濃的茶香，大家都猜是Earl Grey。還有杏仁和榛子碎，帶來多重口感。大家邊吃邊讚。回去後上網搜尋，才發現它叫Gold Medal，給我深刻印象的茶香原來是Jasmine。謝謝男友給我買了這出色的蛋糕。

在農曆九月出生的我，早前得知今年是難得的閏九月，即是會有2個農曆九月，對上一次的閏九，原來已經是182年前了，看看日曆，才發現今年我的農曆生日竟然比西曆生日來早了2個多星期 從小時候開始，每年的生日爸爸必定會買生日蛋糕給我，直到我到外國讀書，才停止了這個習慣。生日蛋糕對我來說，是個情意結，總覺得生日要有個生日蛋糕，才覺得完滿。身邊人一直知道我喜歡這裡的玫瑰花蛋糕，這天特地到來看看，發現玫瑰花蛋糕有小型的，還有3個不同顏色，除了經典傳統的粉紅色玫瑰花外，還有黑色及深紅色的玫瑰花蛋糕，深紅色的看上去很特別，予人優雅高貴的感覺，店員說內裡是朱古力味的慕絲及蛋糕，我們帶了它回家去(打包時店員說餅盒內會附上一小塊保溫冰包，在普通氣溫下，約可維持1小時左右)。店內的餅櫃像是個美麗的飾物箱，裡面放滿著各式各樣漂亮華禮的藝術品，看著會令人欣喜，亦會令我的選擇困難症復發，幸好今趟的目標是生日蛋糕，否則我又會在餅櫃前站上良久。晚上把蛋糕拿出來，當然是拍照留念，畢竟又老一歲，深紅色玫瑰花蛋糕的賣相真的很精緻，薄薄的花瓣是造餅師一片一片的堆砌出來，每片花瓣既薄且帶有動感，像極一件漂亮的藝術品，要把它切開，我