影片
港鐵中環站 D1 出口, 步行約3分鐘
繼續閱讀
電話號碼
23830268
開飯介紹
在蘭桂芳附近的樓上餐廳，主打現代地中海菜；裝潢仿如時尚的餐酒館，同時帶點藝術風格，還設有戶外座位。
繼續閱讀
營業時間
今日營業
12:00 - 23:00
星期一至四
12:00 - 23:00
星期五至六
12:00 - 00:00
星期日
12:00 - 23:00
以上資料只供參考, 請與餐廳確認詳情
有關獎賞計劃
好朋友生日嚟過食Brunch覺得唔錯，今次同老公週末專登再嚟Chill下😚。✨✨Weekend Brunch✨✨好豐富，包了✅6款Tapas ✅1 款主菜✅1款甜品。我們差不多準備吃甜品時，仲有現場手風琴🪗表演，氣氛相當好，好啱情侶約會/ 朋友聚會/ 慶祝。上一層還有天台是一個露天小型酒吧區，相信夜晚來飲嘢幾Chill。Tapas:🔶Scallop Ceviche,Avocado mousse刺身帶子配牛油果慕斯 ，食落好香好Fresh!🔶Plate of Spanish Ham 🥓西班牙風乾火腿柔軟鹹香。🔶Crystal Tomato Bread 🍅脆卜卜多士 上面鋪滿多汁蕃茄蓉，加上少許橄欖油，清爽開胃。🔶Gambas, Garlic Chilli Prawns 🦐 香辣蒜油蝦好香好惹味，蝦肉幾彈牙。🔶Broken Eggs with Chorizo 🍳 流心蛋辣肉腸薯條，邪惡又美味。🔶Truffle & Cheese Bikini 🥪多士烘得幾脆，松露芝士味香濃。Main:🔶Dry-Aged Wagyu Bavette🥩熟成和牛腰脊肉粉嫩，鮮嫩牛味濃，薯蓉香滑🔶Linguine Alle Vongole 🍝白酒蜆肉扁意粉，橄欖油+蒜香&白酒味恰到好處，蜆肉鮮甜。Sweet:🔶Churros 🔶Cheesecake 兩款甜品作為甜蜜完美作結。Mocktails:🔷Virgin Sangria Glass 🔷Virgin G & T 必點西班牙特飲，清新解膩，好啱Brunch飲。
繼續閱讀
位於中環威靈頓街的高檔西餐廳，無疑為食客提供了一次絕佳的餐飲體驗。餐廳的設計典雅，氛圍輕鬆，特別是連接的天台酒吧，讓人能在品味佳餚的同時，享受壯麗的城市夜景。我們的餐點從前菜開始，首先上桌的是新鮮扇貝，搭配滑順的牛油果慕斯和清新的檸檬草醋汁，令人耳目一新。接下來的煙燻牛肉他他，搭配牛油蛋糕，口感豐富，令人難忘。而細滑的法國生蠔則完美展現了大自然的饋贈，每一口都充滿海洋的鮮味。熱盤方面，西班牙香煎蒜蓉紅蝦令人回味無窮，香氣四溢，讓人陶醉。無花果果醬的煎鵝肝柔滑可口，與招牌乳豬的皮脆肉嫩更是絕配，搭配南瓜蓉及烤薯仔，口感層次分明。主菜部分，dry-aged和牛的肉質嫰軟，搭配有機混合蔬菜和紅酒醬，牛味濃郁，令人一試難忘。而鹽烤鱸魚則清新至極，搭配烤韭菜醬，讓人感受到海味的極致。最後，甜品的巴斯克芝士蛋糕濃郁柔滑，與清新的雜莓雪葩形成完美對比，讓人流連忘返。整體而言，這家餐廳不僅提供美味的食物，更是一場視覺和味覺的盛宴。
繼續閱讀
喺中環威靈頓廣場M88嘅”Quiero Más”，主打西班牙/地中海菜。呢度位處20樓，所以景觀相當開陽。我哋個位可以望到會督府同舊港中醫院。另外佢仲有天台位置，有埋露天小型酒吧區。而家佢做緊一個weekend brunch，$298一位。當中已經包咗6款Tapas、1款main同1款甜品。如果唔夠仲可以加錢食生蠔/額外Tapas。飲品方面，亦可以加$228 free flow兩個鐘酒精飲品。Tapas方面，佢會首先嚟一個Amuse-bouche，西班牙火腿多士。Crystal Tomato Bread 水晶番茄多士Plate of Spanish Ham 西班牙風乾火腿拼盤Scallop Ceviche, Avocado Mousse, Lemongrass-Vinaigrette 秘魯式帶子刺身 | 牛油果慕絲 • 香茅醋汁Gambas, Garlic-Chilli Prawns 西班牙香辣蒜油蝦Broken Eggs with Chorizo 西班牙辣肉腸流心蛋Truffle & Cheese Bikini 松露芝士夾心三文治其實每一個Tapas，除咗係有西班牙嘅特色，亦都見到有地中海嘅成份。例如帶子刺身用到嘅醋汁、水晶蕃茄多士當中有嘅鹽分，都係比較接近地中海嘅味道。當然，好似西班牙火腿同broken egg，就好標準，份量亦好多。至於松露芝士三文治就好香，一嚟到又熱又香口，love it。跟住我哋每人揀咗一個main:Signature Suckling Pig, Pumpkin Puree, Rosemary Potatoes, Jus 皇牌慢烤乳豬 | 南瓜蓉 • 迷迭香焗薯 • 原肉燒汁Dry-Aged Wagyu Bavette, Mashed Potato, Sautéed Spinach風乾熟成和牛腹肉 | 薯蓉 • 牛油炒菠菜特別要講呢個烤乳豬。因為同其他西班牙餐廳唔同，佢係用拆肉嘅形式，再組合成長方體，但同時保留乳豬嘅脆皮，係相當高難度嘅烹調。食落口會比較鬆化，亦唔會有骨，豬肉味充足。至於牛腹肉，就相當腍，甚至比預期腍，加上呢個如同朱古力般濃味嘅醬汁，同佢本身嘅牛味，就好夾了。另外要講吓個薯蓉，牛油味豐富，直指扒房水平。Churros with Chocolate Dip西班牙油條 • 濃郁朱古力醬Basque Burnt Cheesecake with Raspberry Coulis巴斯克焦香流心芝士蛋糕 • 紅桑子甜醬兩個甜品都好食，好標準。份量亦唔會太多。至於飲品嘅Sangria Tinto ($98)同Mocktail嘅”Lychee Green” ($98)，就係另外叫嘅。算係一貫西班牙飲品作風，大杯，甜度足，喺炎熱嘅夏天相當需要。呢度嘅brunch，本身包嘅款式多之餘，份量亦多，就算唔額外加嘢食亦都非常足夠，性價比好高。加上呢度嘅環境，景觀，真係要講句，”咁先係brunch嘛”。
繼續閱讀
🌟又同阿妹食好野，慰勞辛勤工作的自己。🥰中環Quiero Más環境好舒適，適合飲杯酒，慢慢品嚐美食😍原來餐廳天台有一個露天小型酒吧區，下次天氣無咁熱可以book。店員話星期六日有個 brunch menu，周末好去處，約朋友一齊來chill下💗🎀一人一杯cocktail 💜purple rain 🤎wakeup martini 🍸🍹7點前有happy hour 優惠。🥰叫了每位498元的六道菜晚餐。前菜🐂煙燻牛肉他他多士有特色，煙燻過感覺同生牛肉有啲唔同，完全冇腥味，適合唔鍾意食生牛肉嘅人。🍽帶子刺身配牛油果醬汁同香茅油醋汁，新鮮惹味。🦪法國生蠔 肉質鮮甜，爽口。🐖西班牙乳豬皮脆肉嫩配香濃南瓜蓉。西班牙紅蝦好鮮嫩。🌟無花果鵝肝多士，無花果同鵝肝系最佳配搭💯主菜🥩和牛熟成和牛味道濃郁，配紅酒汁，薯蓉及西蘭花苗。🐟鱸魚香滑，配幾隻大蜆同菠菜，法式白酒奶油醬。🍰甜品芝士蛋糕配雜莓雪芭，蛋糕一啲都唔漏，口感細滑，雪糕酸甜清新。Churros香脆美味🥰
繼續閱讀
2025年6月4日 星期三雖然呢日一直都落住雨，不過都無阻我哋兩個放工之後去中環食飯嘅決心，因為我預約咗一間網上評價唔錯嘅西班牙餐廳，入面環境好靚，氣氛又夠浪漫，而且我哋坐嘅位置仲喺落地大玻璃隔籬，可以望到中環嘅夜景，如果天氣好嘅話，仲可以去到餐廳天台嘅部份添餐牌可以散叫或者嘗試tasting Menu ，我哋最後選擇咗tasting Menu，除咗一個價錢有六道菜性價比高之外，仲唔使煩要食乜，前菜、主菜同甜品都包齊晒，另外我哋仲叫咗Mocktail添點完餐等左一陣間食物就開始陸續送到，首先有Southern Seas – Scallop Ceviche，用左新鮮既干貝以優雅方式擺盤，搭配絲滑既牛油果慕絲同微酸既香茅醋汁，無論係視覺同味覺上都營造出清新淡雅既南洋風情，每一啖都彷彿係海風輕拂中啖嚐海洋既鮮甜之後有36-Months Ibérico Jamon with crystal tomato bread，36 個月風乾既伊比利火腿經過長時間熟成，油脂分布均勻，帶住濃郁既堅果風味搭配埋番茄麵包，番茄既自然甜味同微微酸度提升左整體層次，為濃郁既火腿增添左清新感呢兩杯mocktail分別係左邊QM Colada，感覺就係夏日海灘嘅味道，椰奶加埋菠蘿汁，再加埋奶油，感覺非常清新至於右邊嘅Virgin Sangria，混合咗咁多種水果再配上薄荷同氣泡水，飲完即時覺得醒神晒，搭配枱上嘅前菜，一邊望住靚景一邊慢慢歎，完全係享受跟住有香脆金黃嘅Ham & Cheese Croquettes，外層炸到啱啱好，睇落酥脆可口，裏面係流心咸香嘅火腿芝士餡，咬落濃郁又滿足上面再加埋奶油醬同香草碎，配埋碟邊嘅紅椒粉同芝士粉，簡直係絕配！！呢個係Pan-seared Foie Gras on Buttered Brioche with Fig Jam，香煎鵝肝無論視覺同味覺上都令人難忘，表面煎得微微焦糖化，呈現出金銅色澤，外酥內嫩，再一刀切落去，鵝肝柔滑如奶油，幾乎口中融化。搭配既奶油布里歐麵包邊緣酥脆，中心鬆軟，吸收鵝肝既油脂同香氣後，變得更加香濃有層次無花果果醬甜中帶酸，平衡左鵝肝既濃郁同油脂感到主菜Dry-aged Wagyu Bavette with Truffle Potato Mash & Broccolini in Barolo Sauce，乾式熟成和牛橫膈膜煎至五分熟，肉質多汁細膩，油花分布均勻，帶出濃郁肉香同堅果氣息搭配埋松露薯泥柔滑香濃、青花菜苗清爽爽脆，再由巴羅洛紅酒醬收尾，酒香濃醇，完美平衡整體風味外觀沉穩華麗，絕對係一道視覺同味覺兼具既精緻主菜仲有OM Signature Suckling Pig，乳豬皮層烤至晶亮酥脆，表面散發出金黃微光，宛如焦糖薄脆，輕輕一咬就脆裂作響，而內層則保有鮮嫩多汁既肉質，油脂豐盈卻不膩口搭配既烤馬鈴薯同青椒增添左香氣同口感變化，令到成道菜更顯豐富最後甜品係Basque Burnt Cheesecake配gelato，巴斯克焦香乳酪蛋糕外層焦糖色澤深邃，帶有輕微苦甜既炙燒風味，同內裡濃郁綿密既奶香起司形成迷人對比一旁搭配的莓果gelato色澤鮮艷、略為融化，唔止為視覺增色，都可以用佢既酸甜果香平衡蛋糕既濃厚口感埋單千幾蚊左右，既有浪漫既環境又有優質既食物，性價比幾高
繼續閱讀