Season Plus (已結業)

聽聞觀塘有一間日式餐廳的節日限定非常抵食，於是一定要來試試。餐廳位於觀塘新開的大廈樓上，大廈大多數的單位都是食肆，現在觀塘區多了很多這類型的食肆，想都是一些年青人找機會創業的潮流現象。上到樓上要繞了一圈才找到，進入了餐廳，地方整潔，環境不錯。雖說是日式餐廳，但其實是新派日式加西式的食肆。看了餐牌，當然是要了兩大人氣之選的第一位，生蠔拼盤($198)包括十二隻生蠔及白酒一支，與及第二位的慢煮美國安格斯牛柳套餐($348)，還送一客頭盤，我們就選了蘇格蘭煙三文魚。另外，我們再要了一客平常較少遇到的小食：燒海膽多士($68)。先來的是生蠔拼盤送的意大利白酒Vino Bianco，酒精含量不高，只有11%，原本適合配烤白肉類的，但配生蠔也不錯。白酒帶有一些果香味，食物未到都可以先飲少許。跟著來的是慢煮美國安格斯牛柳套餐送的頭盤，蘇格蘭煙三文魚，與及小食的燒海膽多士。蘇格蘭煙三文魚份量也很多，下面是一些沙律菜。煙三文魚味道不錯，通常都會加了小許橄欖油，令三文魚不會黏在一起，且食時口感更滑。燒海膽多士還是第一次嘗試，多士燒得香脆，上面的海膽及肉醬也燒得很香，食落仍嘗到海膽的鮮甜。以這兩款的頭盤及小

聽說Season plus有$199 Oyster Platter好抵食、就約了朋友放工後齊齊去試。中海日升中心在AIA TOWER 斜對面、原來那裡開了很多新餐廳、如果嫌APM人太多難覓食、也不妨走入一條街到這裡試試新餐廳。馬上點了一份生蠔拼盤。$198的拼盤有12隻生蠔、還送白酒一支、超抵！侍者介紹我們可加$48轉中碼生蠔半打、就儘管一試吧。白酒是來自阿根廷的Astica house wine、果味較出。這Oyster Platter的生蠔比我想像中大隻。兩款生蠔大小都沒差很多。右面是Irish Rock、新鮮爽口。左面是yellowstone、大大隻、肥美而creamy。四人share 這生蠔拼盤已很滿足！慢煮美國安格斯牛柳 $348 玫紅色的牛柳經過慢煮、一切下去就感受到肉質超軟嫩又不失口感、很好吃！旁邊還有些蘋果片、吃多幾片牛柳都不怕膩。安格斯牛柳另外附送頭盤一客、點了這煙三文魚沙律。煙三文魚幾香、沙律菜亦鮮、黑醋汁調較得出奇地好吃😮牛肝菌意大利飯夠creamy、忌廉跟牛肝菌香氣完全融入了risotto 裡、綿滑美味。

朋友大推呢間食海鮮 唔會太貴種類多 今日放工就同朋友來到觀塘覓食喇入到去 果然環境優美 微暗燈光下更顯浪漫 好多人都白酒加海鮮既配搭。同朋友研究左一陣 因為食物種類繁多 要啲時間做決定 最後選擇了下面幾款海鮮拼盤-有龍蝦 海蝦 小龍蝦 青口 螺 鮑魚 認真豐富 每樣份量二到4隻不等 二人絕對唔洗爭 鮮味十足 肉質彈牙 絕對唔係唔新鮮個隻霉味 我地一邊食一邊好滋味 食完都真係滿足左一大半火焰芝士蟹肉捧-食完凍野 食番啲熱野平衡下 選了這個 蟹肉大條 一絲絲蟹肉組成 微焗後連埋半融既芝士 真係好夾好好食意大利肉醬千層麵-最面有芝士舖住 所以一齊食口感好豐富 味道剛好 唔會過濃 葡萄疏打-呢杯飲品好fresh 食完熱野再飲呢個真係gur 番哂！！

這間餐廳裝潢簡潔，而且侍應招待也不錯。生蠔拼盤 (連意大利白酒一枝) 十二隻愛爾蘭生蠔很鮮甜，有濃濃的海水味，白酒也很香果香味，這個拼盤真的超值。慢煮美國安格斯牛柳 我們要求medium rare, 廚師弄得剛剛好，但可惜牛肉味不是太濃。煙三文魚沙律 點選安格斯牛柳這個主菜還送頭盤一款，我們選了煙三文魚沙律。三文魚很軟滑和美味，沙律菜和車厘茄也很爽脆和新鮮。芝士黑松露焗大磨菇 大磨菇鋪滿焦香的芝士，焗完的大磨菇仍然濕潤多汁，加上黑松露醬真的很美味。

跟同事講開先知道SEASON PLUS係觀塘開左分店，之前跟佢食過尖沙咀嗰間所以今晚就過黎新店呢邊睇下有咩唔同，同埋再食多次生蠔！$198有一打生蠔及白酒一支，我地當然唔會錯過啦。之後就點多幾個下酒小菜，摸住酒杯底傾下偈順便計劃一下聖誕節有咩活動玩。12隻生蠔最先送上，全部即開即食鮮味十足。以198呢個價錢黎講，蠔身都算大隻雖然唔係十分飽滿，但入口都鮮甜裙邊好爽口海水味偏淡，所以唔加檸檬汁或辣汁都夠味。仲有支白酒配搭，呢個價錢真係抵到爛！食西餐成日聽到：紅肉配紅酒，白肉配白酒。所以生蠔配上呢隻意大利嘅白酒真係非常合適。因為佢酒味唔重帶少少花香同蜂蜜味，入口順滑同清爽。與味道都算清淡嘅生蠔，啱啱好能夠帶出彼此嘅甘甜味道。加上支酒一直係個冰桶雪住，風味更佳。蒜茸焗大蝦，同生蠔一樣有成十二隻咁多。蒜味好濃郁食落唔算太咸。蝦肉彈牙食時先吸左覆蓋係蝦身嘅蒜茸及牛油汁，再食蝦肉，惹味十足。雖然知道係用左幾多牛油去整，但個香味同味道完全覆蓋佢卡路里高嘅事實，唯有同自己講一餐半餐無所謂嘅。既然有支幾好飲嘅酒，又點可以單食生蠔同蝦咁單調？所以我地都點個牛油焗日本元貝黎佐酒。芝士雖然唔多但都做到拉絲效果，

臨近聖誕節，幾忙都要抽時間同朋友聚餐，為求就腳今晚選址觀塘，大家都係蠔友所以去左season plus。原來season plus搬左去駿業街對面的新商廈，地址明確易搵，比之前嘅工廈地牢易搵好多。朋友已經一早坐定定叫好野食，兩打蠔加兩枝白酒。我當堂打左個突...兩枝白酒？？原來做優惠一打生蠔送一枝白酒是係$198!!!太抵了吧邊食煙三文魚沙律，邊等食蠔。加左黑醋汁非常醒胃白酒煮馬尼拉蜆，隻隻大隻無沙，好爽甜！有驚喜❣️生蠔來了 兩大盤yummy yummy 雖然有大有細，但都飽滿好鮮甜送嘅白酒大大枝但都好易入口我地食晒生蠔都未飲晒白酒，所以又叫左ham來佐酒主菜分別叫左千層麵及牛肝菌意大利飯，雖然season plus之前都以賣海鮮、蠔吧為主，原來現有的熟食也做得唔錯，味道香濃，五個人分享，少食多滋味。最後食慢煮牛，肉質鬆軟，配士多啤梨醬，減輕膩感五人聚餐，無收加一服務費，每人只係三百幾

一向也鐘情於海鮮，但對於冷盤的海鮮除了生蠔其他也沒太大興趣，但同事極力推介season plus話呢間海鮮店那就選定作為跟男友慶祝聖誕！餐廳內也佈滿了聖誕裝飾，令聖誕氣氛升温生蠔拼盤 連白酒一支 $198二話不說先點一打生蠔，這店還跟一支白酒個人覺得十分優惠，或許有些對酒有特別要求，而他們也有upgrade的選擇，對酒有要求的客人可自行選擇！！但個人味蕾對酒精沒太大要求，認為這支白酒配這生蠔也很不錯這是Iris Rock蠔，帶點海鹽味，肉質較薄，但十分鮮美。慢煮美國安格斯牛柳 $348 吃完冷盤就點了熱盤，話說慢煮牛不是第一次食，但這次確實帶有驚喜，先說說份量，很想說跟圖片並不附，真的很大而且是特厚，因是慢煮關係，需要預等候烹調時間。慢煮牛上碟時已切好了，肉質鮮紅且肉味濃郁並保留著肉汁，啖啖肉的口感實在太滿足，而另一驚喜是用了士多啤利醬汁，帶甜且有陣陣士多啤利香氣，很甜蜜的感覺。蘇格蘭煙三文魚而Main course附送小食，選了蘇格蘭煙三文魚，份量也是超量級，跟男友也吃過不停。芝士黑松露焗大蘑菇 $48濃濃芝士鋪滿大蘑菇，還有黑松露點綴，兩種味道混在口中，實在幸福了。很滿足過了一個晚

一班同事提早慶祝聖誕，所以選擇了公司附近的餐廳， 早前已跟朋友來過Happy Hour ，價格及環境不錯，所以再來一次特別餐牌每兩個月轉換一次，該次前來的Special Offer 是一打生蠔配一枝意大利白酒只需$198，認真抵！套餐更可以升級轉中碼生蠔，還有多款紅白酒及香檳由於是即開生蠔，需要等一會兒，邊喝著白酒邊等待，白酒fruity帶果味，容易入口. 生蠔一盤奉上，Size 及味道不過不失，海水味較重白酒煮馬尼拉蜆(熱)，一客10隻，看見隔壁點了賣相不錯，我們又來一客，馬尼拉蜆較肥美大隻，用白酒煮不失海鮮鮮味意大利巴馬火腿盤，共三款火腿及莎樂美腸，咸咸地，談天喝酒當佐酒小食一絕，每款6-7塊，份量多前菜吃過後點了幾份熱食牛肝菌意大利飯，上檯時香噴噴，即點即煮，雖然配料只有牛肝菌，但它能把整道菜的味道提升，汁醬夠creamy,意大利飯口應軟硬適中潮流興慢煮，所以點了一客慢煮美國安格斯厚切牛柳，牛柳約7-8件，上檯時已預先切開一半，看到牛柳顏色較紅但牛肉肉質入口軟腍，比起香煎的話，慢煮的方法更能鎖緊肉汁，保留原有的味道，Share享用絕無問題由於是牛柳是套餐，可在五款前菜中配搭一款.

之前去過尖沙咀分店，原來觀塘都有先黎 一打生蠔配白酒一支 $198呢個價錢，有生蠔食，又有酒飲，抵！生蠔鮮味會用冰筒幫你冰鎮住味道都唔錯炸物拼盤有炸蠔、甜薯波波、雞翼同薯條好適合送酒，份量好大，適合一班人share魚生拼盤 有海膽、帶子、牡丹蝦鮮味～煙三文魚叫慢煮牛配的 ～ 份量都唔細重頭戲黎啦！ 慢煮牛！慢煮美國安格斯牛柳 $348 + 頭盤一份雖然要等一個鐘，但值得！！！超好食！！！係真慢煮，好嫩！你睇裡面啲肉，幾粉嫩~ 牛味濃，肥瘦適中，做到慢煮保持肉質嫩的效果！必食推薦！

朋友話觀塘有美食好介紹，我就跟住佢來了位於海日升中心嘅Season Plus。店面非常大，感覺開揚，設計走西式時尚風，十分舒適。生蠔拼盤(連白酒一支) $198/set呢個set實在太抵！有每天產地空運直送生蠔12隻，連意大利白酒一支，+$48 仲可以轉美國中碼生蠔（半打）。生蠔肥美鮮甜，真係食到停唔到口！慢煮美國安格斯牛柳 $348呢碟比較久才上桌，的而且確係慢煮呢。牛柳非常軟腍，一點也不韌，而且肉汁豐盈，滋味到極！送頭盤一款 : 芝士黑松露焗大蘑菇海鮮拼盤（冷）$298海鮮拼盤也很豐富，全部鮮甜美味，尤其是龍蝦和小龍蝦！👉🏿龍蝦半隻👉🏿磯煮鮑魚👉🏿小龍蝦四隻👉🏿大蝦四隻👉🏿加拿大藍青口六隻👉🏿加拿大翡翠螺四隻燒海膽多士 $68多士又香又脆，滲透出海膽香，頗特別的！牛肝菌意大利飯 $128呢餐好滿意，朋友果然冇介紹錯☺️

觀塘都有唔少隱世食店，同同事收工唸住試下新野，就試下呢間。間野主打係由298生蠔拼盤，見隔離枱都係叫呢樣，仲有支酒送。可惜個日同事敏感唔食得海鮮，見都有唔少野食，就試下呢間野。我地揀呢個意式巴馬火腿沙律作為開胃菜係唔錯既選擇，酸酸甜甜味道剛剛好，火腿同D醬汁配合得好好。我地仲嗌左呢個芝士牛油焗日本元貝，呢個元貝size都大粒，加埋芝士，棒棒！我地見呢度d pizza好似好吸引，就嗌左意大利辣肉腸pizza，呢度的pizza比較特別，似麵包店個D長方形。望落去好普通，但食落唔錯。餅底好脆，成個pizza幾乎我一個食曬。 我frd想食炸物，所以就嗌左炸物拼盤4款，炸物拼盤揀左唐揚手羽雞翼，炸流心芝士，黃金紫薯小丸子同紐西蘭魚手指。另外有一份蛋白黑松露醬，如果鐘意黑松露的就會好鐘意個醬，黑松露味超濃郁。推介紫薯小丸子同流心芝士，好食。最後就嗌左日本一口和牛粒。呢個和牛粒份量都多，不過佢切得太碎，如果無甘碎會開心d。同同事坐左2個鐘，都幾舒服，間野都幾大，幾適合同朋友聚會傾計食野。

同朋友過來觀塘食飯，找到這一家餐廳，有西式的風格、感覺唔錯的地方。我們都比較喜歡食海鮮，所以就坐後，好快就贊成叫一個生蠔拼盤、附送一支白酒。生蠔拼盤非常化算，12隻生蠔，有一支白酒送，真的什麼地方也找不到。比較值得一提，白酒非常容易入口，有一陣陣詩詩的香味，為這個聚會添上了更多的話題。後來又再叫更多的海鮮刺身。刺身上菜之前，我們另外叫了一碟加拿大翡翠螺，用來伴酒。我相信餐廳應該有細心選擇，非常新鮮可口。用刀子一切把多餘的腸撤走後，點上醬汁，切成小口，絕對是伴酒優秀的小食。海膽都幾鮮甜，如果能夠再配上麵包的話應該會更加絕配; 我反而比較喜歡珍寶牡丹蝦，切開後蝦頭不會腥，是新鮮的象徵; 帶子是這晚餐，我其中最鍾意吃的食物。帶子看起來非常飽滿、脹卜卜的感覺，而且光澤不錯，放在口中慢慢感受到帶子香味。主菜叫了黑松露牛肝菌薄餅，波餅的形狀採用四方形，其實反而更加容易分享。味道上，雖然沒有什麼太大突破，但會有飽腹感覺。可是，我覺得最值得我們回味的， 慢煮安格斯牛肉。牛肉左邊配上紅莓汁、右邊灑落一些胡椒碎、主角牛肉就在正中間，設下柔軟的牛肉，可以依照自己喜好，點上紅莓汁，以及適量份量的胡椒碎。切開牛

的食評寫得今出色, 去試一試點知要去急症室食完的生蠔及沙律疴到番吾到工, 中午的日式刺身飯的帶子及蝦臭 的飯有的冷有的熱我食少少就吾敢食 難食到吾識型容 杯㗎啡一的味都冇衰過即溶果的 二個同事一個叫海鮮意粉 話的青口及蝦冇味仲要炒到燶晒 一個叫肉醫意粉他只食了一半 話好酸話大家樂好味好多 格離枱叫鰻魚飯賣相ok 但看他一食落口吐番出來話入面涷要換一碟 我食完番到公司就肚痛又疴 收工要睇急症第二日請左日病假 好彩聖誕冇來 吾系就惨......

餐廳門外放著大型紙牌推廣$198生蠔白酒套餐侍應說生蠔套餐配的白酒是house wine, 生蠔是Irish Rock; 客人亦可加$48將其中半打生蠔升級至美國中碼生蠔。酒精飲品也可加錢升級其他白酒或紅酒。我們選擇了半打生蠔升級。是日中碼生蠔是Yellowstone. 這款是Irish Rock兩款生蠔也新鮮，Yellowstone是較creamy和厚肉大隻。House wine清爽易入口另一款特價食物是慢煮美國安格斯牛柳配一款頭盤，價錢是$348，等如頭盤是免費的。沙律菜也鋪得頗厚，醬汁很開胃，煙三文魚上撒了點黑椒，美味得我們追加了一份沙律呢！焦香的外層和粉嫩的牛柳看來很吸引，蘸了碟上的士多啤梨汁一起吃竟然也很配合。

友人從澳門過來相聚，我們揀了season plus見面食飯。因為我之前試過尖沙咀的分店，覺得好食。今次就選了朋友在觀塘附近住的一間分店。7點幾，餐廳已坐滿人，高朋滿座。餐廳人氣no.1烤焗海鮮拼盤＄398賣相吸引，令人垂延欲滴。即焗蒜蓉有頭大蝦2隻蒜香撲鼻，蝦肉弾牙。巴馬臣芝士焗扇貝2隻很香芝士味，豐富了扇貝的味道。蒜蓉翡翠螺6隻芝士黑松露焗大磨菇1隻大磨菇面上有滿滿的芝士，很濃郁，很美味。比目魚扒2塊比目魚Size不少，而且有魚味。人氣No.2慢煮美國安格斯牛柳＄348已一早切開有6塊，旁邊有草莓汁。安格斯牛柳好腍。保住牛柳汁味道。值得推介。Order安格斯牛柳送頭盤一款煙三文魚沙律，配上黑醋，很清新。葡萄梳打＄28好好飲，不會過甜，好清新葡萄味。