Second Bite Bar & Grill (已結業)

餐廳門面好靚好搶眼，在舊區中顯得格外華麗脫俗，彷彿置身另一世界。一進內便是大大張的酒吧枱，好有外國風情，在這兒happy hour 應該挺寫意。餐廳裝潢設計很有心思和風格，牆上更掛有不少大型油畫，藝術感濃厚，好像置身畫廊般。明太子軟殼蟹堡配雙色薯條及沙律，漢堡包好巨型，麵包非常挺身軟熟，帶有黑糖味，好特別，光吃塊麵包已夠美味。軟殼蟹好大隻，脆卜卜又多肉，配上大量惹味醬汁，十分滋味。雙色薯條除一般薯條外，還有蕃薯條，好有驚喜！兩者均是厚切的，薯泥又飽滿，薯味十足，特別蕃薯條非常香甜，令人吃不停口。香煎海鱸魚燴飯，魚塊好厚身，煎得剛剛好，肉質嫩滑，魚皮香脆。燴飯軟硬適中，有滿滿的忌廉醬汁，十分creamy，味道濃郁。

呢間餐廳位於長沙灣附近。估唔到長沙灣會有一間裝潢咁有藝術氣氛既餐廳。入到去餐廳都掛滿了不同色彩豐富既油畫同字句。雲石既餐桌，更加一點藝術感。環境唔錯，適合同朋友聚舊。食物選擇種類亦多。意粉，飯，扒類，海鮮，漢堡，炸物小食等令人花多眼亂！😜我地就叫左兩份主菜🍝原隻波士頓龍蝦牛角包🥐睇到個名都好吸引！出面好少食到龍蝦包！😝所以叫黎試下！賣相好靚，大大個既牛角包🥐放滿了一舊舊切碎左既龍蝦沙律。牛角包暖暖的，食著好鬆軟，好香既麵包甜味。加上飽滿既龍蝦沙律，口感豐富！龍蝦肉都好爽口。呢個配搭都幾好。另外配埋薯條同沙律🥗令人驚喜既係：粗薯條之外仲有蕃薯條！😻蕃薯條 甜甜地，再沾埋佢個蕃茄忌廉醬，真係好味。😋😋另一道主菜係：大蝦濃汁意粉🍝除左有蝦之外，仲有青口，大蜆同菇。意粉個汁又真係幾濃味，似係龍蝦汁既味道。令到意粉都好入味！而且份量都幾大碟。食完都幾飽肚😸

「Happy Friday! 」返工等收工, 收工等放假。唔知由幾時開始, Friday就係指定要食好西。今日都唔會例外, 揀咗間係長沙灣既西餐(因為方便自己搭巴士返屋企！)舖頭內內外外啲裝修OK架, 有酒牌, 而且門口仲有吧枱位, 整返杯大啤就岩哂。法式紐西蘭乳龍蝦刺身 $108第一次食龍蝦刺身, 感覺上有少少似食緊虎蝦刺身, 但係又有啲龍蝦鮮味。口感柔嫩有彈性, 配埋檸檬汁非常開胃。白酒忌廉青口 $128個汁非常好飲, 當湯飲都可以。忌廉同洋蔥味非常香, 青口既鮮味都好突出。美國頂級牛板腱 $268因為少見哩個部位所以嗌黎食。口感有少少似肉眼扒, 啖啖肉。三成熟, 火候控制得唔錯, 肉質保持鮮嫩有嚼頭。2nd Bite風味水牛城辣雞翼 $88唔夠喉追加！其實係餸酒小食。啤啤佢既同時一定面倉啲濃味香口野, 水牛城雞翼就合晒合尺啦！外皮焦脆, 醬汁味濃帶少少辣, 無得輸！1664 Draught $78

今日去左長沙灣食飯，因為朋友早早同我介紹左一間西餐廳，second bite，味道好好，我就特登過黎試下。餐廳環境好特別，有好多後期加工既畫品，仲有個玻璃式大廚房，完全睇到廚師既廚藝！我坐低就叫左一杯second bite fruit tea，入口有水果清香，甜度唔高，的確好清新開胃。主菜諗左好多，決定叫個越式大頭蝦濃汁蝦醬意粉，大頭蝦上枱超級大隻，蝦肉非常爽口彈牙，肉質完全唔會霉，蝦頭仲有濃香蝦膏，味道好滋味！意粉先係驚喜，蝦汁非常濃郁，入口散發出濃濃蝦香鮮甜味，而且意粉入口好彈牙，掛汁力極高，我超級喜歡！朋友推介無錯，我會再黎食架！

今日去左長沙灣同男朋友食飯，本身想去食拉麵，點知男朋友發現到一間新餐廳，second bite，西式cafe的風格，主打西餐海鮮，佢好想食我就陪佢試下啦！我地一人叫左一個main course，之後再叫一個小食share！男朋友叫左香煎鱸魚燴飯，男朋友大讚好食！鱸魚煎到脆卜卜，魚皮香脆香口，完全唔油膩，入口極爽脆，魚肉滑溜咸香，非常滋味！飯粒掛上濃香醬汁，蘑菇非常鮮甜，飯粒又唔會太硬，超正！我叫左一個龍蝦汁海鮮意粉，醬汁極香濃，入口鮮甜味香，意粉掛汁力高，每口都比醬汁包住，海鮮爽口彈牙，好新鮮！份量都有好多！小食叫左一個咸蛋黃金雞翼，咸蛋黃好香好惹味，完全食到停唔到口呀！雞翼好脆口完全唔覺油膩，男朋友仲同我爭食！晚餐水準高非常滿意，下次我地會再黎架！

一入到餐廳，最令我地驚訝既係充滿時尚感既裝修同埋特高既樓底，望著水泥色既牆上掛著一幅又一幅畫，勾劃出餐廳既主題，未食野已經叫人拎出相機拍下照片。跟住走黎既就係禮貌周周，熱情介紹餐牌上不同食物的年輕女侍應。她嘗試了解我們的口味，推介了不少餐廳熱賣的菜式，令我們覺得很親切。先黎既係咸蛋黃雞翼，呢個送酒一流，新鮮炸起，散發住濃濃既咸蛋香，加上JUICY既雞翼，叫人食指大動，暢快！要講西餐當然唔少得BURGER，呢個軟殻蟹BURGER份量好多，軟殻蟹好大件熱辣辣，每一啖咬落去個漢堡都有餡既，唔錯。同埋最驚喜就係雙色薯條，係薯仔同埋蕃薯，都係厚切既。而最好食係蕃薯條，佢甜甜地，食落口感札實D，亦似係唔會太熱氣。其實兩個人食都差唔多了，不過店員推介呢個素食斧頭扒就試埋佢啦。聽講d豬係食素，食落口感嫩d，同埋豬味較濃郁，都好食既。同埋本身都係就咁煎，調味料同醬汁都唔多，食到佢既真味。食飽飽啦，真心推介呢間唔錯既小店。

Oh well. .. another thunderstorm rainy day  , a  typical day of monsoon season in Hong Kong. Let's grab delivery . but wow..surprised .  my first time to have seafood delivery. No more chop suey or sweet and sour chicken balls.  How convenient !Benissimo !!Chips are come in mixed potatoes  even sweet potato . Not bad at all . White and red sauce are already prepared both in one little pot . Love mixing theses both dips together . Reminding us the childhood chips at boarding . haha2nd Bite Signat

We visited Second Bite on a post-typhoon Monday evening for dinner. It's a little isolated, at the back end of Cheung Sha Wan, but easy enough to  find with their street frontage. The decor inside is slightly industrial, with grey walls and non-uniform furniture, an open kitchen, food/travel TV    projected on one wall, and surprising pictures on the ceiling. The staff were friendly and welcoming, happy to answer questions.Unfortunately, the fish and chips I'd been looking forward to wasn't avai

喺長沙灣見完客，肚餓搵野食，見到裝修幾靚，好有氣氛，就入去試一試。本來想食半打蠔補一補，點知佢話太旺場，得番兩隻愛爾蘭蠔可以供應，不過一於照殺，Ireland oyster 好新鮮，落少少檸檬汁，超好味，絕對物有所值。叫埋杯白酒配蠔，白酒就得一款可以一杯杯叫，其他都要成支成支咁叫，不過配蠔黎講，呢款酒都好好。之後主菜叫左個bb羊架，真係bb，細細隻，一共三隻，但係一人分量算啱啱好，好嫩滑，超好食，好滿足既一餐。下次同朋友約黎食，一定會打電話留定蠔同龍蝦，我見隔離枱都想叫都無了。

男朋友去長沙灣見客，所以夜晚黎呢一頭食飯，原來長沙灣係一個新舊交雜的地區，既有新式豪宅式物業，亦有唐樓，有趣有趣呢一間比較近戈間公司，同埋見到主打海鮮咁吸引，所以入去chill下好有feel既一句本來想叫推薦既5號芝士龍蝦墨西哥脆片，但係太好賣，無晒啦～所以轉叫手抓海鮮，務求要食到龍蝦😂叫咗杯水果茶，都不錯！唔想飲酒精但想relax下的朋友可以試下呢款mocktail 手抓海鮮可以自由搭配，所以好吸引！我們揀咗龍蝦（$200）同扇貝（$68），再加綠色（翠玉瓜）同黃色（粟米），然後只能㨂一個source，我們就叫咗特色醬，少少辣少少惹味！龍蝦都幾大隻，肉質鮮味嫩滑，認真好食！撕出黎既龍蝦肉～好易入口！餐廳仲好貼心俾個小盆子裝住啲殼在句neon light之下坐，所以影到條粟米咁紅添😅特別影係因為覺得廚師好細心，切到粟米咁細條，食起來好方便🤗結論：好食！想食優質海鮮既話，呢間係個好選擇～同埋服務都OK，添水添得好快，又會適時收走啲杯碟

呢間食店裝修好有氣氛，加埋投射大電視，可以睇埋波。西餐先食頭盤，生蠔好新鮮，特別係愛爾蘭生蠔，好甜美，還有好重after taste, 回味很久，加埋少量檸檬汁，已經好好食。第二樣黎既主菜就係BB羊架，雖然煎得有點過熟，不過亦都唔韌，一點都不覺羶味，肥瘦適中。而且伴菜有驚喜，用牛油炒過嘅煎香菇同蘆筍，香脆可口。最後主菜出場，招牌野生越南大頭蝦蝦汁扁意粉，黎到好大陣仗，大蝦竟然遮住意粉，真係好誇張，配上好香濃嘅蝦汁，真係好爽脆，啖啖肉，當然蝦頭入面嘅蝦膏我都唔放過啦。另外，店主選擇扁意粉應該有精心度過，因為佢有咬口，唔會太淋，整體感覺真係好配合。下次會再黎試下其他菜式，再同大家分享。

開飯囉 ，去到這間非常有情調的餐廳，環境整潔寛敞，合適8人組隊進攻（打機打太多）。 是日晚餐系列分別為： 前菜-＞雞尾酒大蝦 -＞蝦肉鮮甜彈牙，可配上杯淡酒味跟牛油果泥的組合。 （可惜俺喜歡食原汁原味的蝦，所以有1/3直接吃都沒配調料 ：P) 主菜 -＞加拿大素食白豚斧頭扒-> 肉嫩嫩de, 可是俺的重點莫名放蒜頭上，因為真的好好食呀！！！！入口即溶，由出世至今未食過咁好食的蒜頭，覺得食肉有d dry只要配上ne 個magic蒜頭就成個昇華曬。（昇華到咩層次就因為各人口味啦～這個只能意會，不能言傳）飲料：混合果汁茶架（純gogo大神翻譯）1.5L 2 個飲會有少少多，你但起碼吹水唔怕口乾先，果香味濃配茶香，2個人喝只會因為飲多至覺得膩，不然以平時在餐廳飲的量只覺得Fresh. 甜品：布朗尼雪糕，純粹被蝴蝶吸引（呃like之選），布朗尼微苦食落唔膩，雪糕雲尼拿味，仲有隻蝴蝶有大自然的味道（當然啦～紙做架嗎～食蝴蝶切勿模仿）總結：絕對會為顆蒜頭至再去食的餐廳，magic for me

曾經係昌華街住過一排，附近真係好多唔同食店，今日重遊舊地，又發現在一間新餐廳位於一個舊區，裝修同外在環境形成左好大既對比，容易吸引人注意一入門口係一個好整齊既酒吧小店裝修簡約，坐位寬敞，正中間就係廚房，任何位置都望到烹調過程牆身只有幾副掛畫，無其他過多既裝飾，不過掛畫色彩繽紛，美觀得黎感覺好舒服。睇得出店主應該好鍾意貓🐈，喵奴老婆睇得好開心《鹹蛋黃金雞翼》邪惡食物就是美味炸到香炸既雞亦，沾滿金沙，令人慾罷不能既小食雞亦外表香脆，內裡雞肉卻多汁鮮嫰，炸既時間控制得好好《秘製手打肉餅脆蛋漢堡 ，雙色薯條 ，沙律 》雙色薯條分別係普通粗薯條同地瓜薯條一咸一甜的配搭，頗具心思主角漢堡，好巨型漢堡扒肉味夠濃而且多汁，不過令人感到驚喜既係口感，未試過食牛扒有種咁彈牙既感覺，一問之下原來入面混合左蝦膠同墨魚膠，難怪做到咁突出既口感，一個字脆蛋都整得好好食，蛋白炸到脆脆，蛋黃卻做到流心，所有野夾埋一啖咬落去，蛋醬肉汁混合，很美好哦有心小店，值得支持

今晚，男朋友專登帶我到長沙灣新開餐廳過浪漫二人世界，心裏還是甜甜的。餐廳位置靜中帶旺位置，離地鐵約7分鐘步程。這裡佈置頗有心思，二次創作的油畫掛滿不同角落，雲石餐檯，甚有藝術特色；座檯之間闊落，坐得舒適，是飲酒聚會之選。部份餐牌：餐廳主打海鮮，現於openrice內推廣蠔食優惠，大家可以參考一下。水果茶 $25/杯初時以為是普遍帶有水果飲料，原來是充滿果香的冰茶，帶點薄荷，味道清新而不甜，足以消暑解膩，好飲！秘製手打肉餅脆蛋漢堡．雙色薯條．沙律 $138厚身足料的漢堡，2個人分享都很很很很足夠！麵包外皮香脆，裡面鬆軟；戒牛的朋友不用擔心，自家製手打肉餅是豬肉，吃一口，肉質外焦裏嫩，肉香隨之擁撲而來；漢堡內不是普通的煎蛋，而是炸蛋，如果你在花蓮吃過炸蛋的話，味道幾乎一致，半熟炸蛋外面酥脆，內裹充滿蛋香，咬一口蛋液就流下來了，非常滋味：再配有生菜、蕃茄及芝士醬汁等等多層餡料混在一起，口感非常豐富，飽感十足。薯條及蕃薯條炸得酥脆，不太油膩，配以茄汁及酸忌廉去品嚐，簡直是雙重美味。沙律比男朋友食哂，未能提供評價。招牌越南野生大頭蝦蝦汁扁意粉 $238必點之選！店家使用大量蝦長時間熬製成獨有蝦湯

朋友係長沙灣附近收工,就諗住附近搵食,點知搵到呢間斜坡上面既小舖,望個餐牌都岩食裝修又得意,就膽粗粗入去試下。一開始點左個咸蛋黃金雞翼,勁多咸蛋黃蓉舖滿D雞翼,熱辣辣咁上台,炸到脆卜卜既雞翼同咸蛋黃蓉真係天作之合,形容係誇張D,但我真係好鍾意食,配啤酒汽水既肥仔之選。之後再叫左個羊仔架,上碟有3塊,配菜唔只裝飾,仲好食,我地係清左佢隻碟,蕃茄仔,蘆筍全部都冇放過,羊架邊位脂肪有D多,食配菜中和返冇咁肥膩,連墊底果舊焗蒜我地冇放過。最後叫埋個蜆忌廉意粉,填飽個肚, D蜆大大粒,好新鮮唔係雪藏貨,抵讚!