Second Bite Bar & Grill (已結業)

朋友發掘到這間新開食海鮮的餐廳，早已相約今晚要來試一試！即使是特級颱風即將來臨，走在街上大風迎面吹來，我們心情依然輕鬆，每一次的girls date都令人期待！長沙灣，是一個我們都好少來的地方，跟著GPS在長沙灣站走大概十分鐘就到，不算難找。網上關於這間的餐牌已經很多，在這裡就不再重覆了。我們點了: 芝士龍蝦墨西哥脆片 $298 Oyster 南非 $68 each 法國 $48 each 鮮蜆忌廉意粉 $148 白酒 $78 each 以下逐一介紹: 白酒😝和朋友聚會，酒是必需的，所以先點😂。 選擇不太多，沒有cocktails，不想點一瓶的，點了杯白酒cheers一cheers! 🥂 Oyster 南非 $68 each 法國 $48 each 我們今晚的目標！未坐低已點了每人兩隻生蠔，一隻是南非生蠔，另一隻是法國生蠔。先由肥美較淡味的南非生蠔食起，一入口立即覺得好滿足。久違的生蠔，太好食了！誇張的說句吃到大海的味道！再食細隻點咸味得多的法國蠔！好滋味！兩隻完全唔夠喉，但睇住個荷包淺嚐就好😂。芝士龍蝦墨西哥脆片 $298 非常熱門的菜式，看到個個也點這個我們也點來試試！賣相非常吸引

星期四晚同同事去咗呢間位於長沙灣嘅西餐廳食晚飯~餐廳嘅位置比較偏僻而且唔係好起眼所以你應該好多人都未知道有呢間餐廳嘅~ 但係因為係openrice見到有人食過呢間餐廳，而且 而且應嘅食物相呢都幾吸引所以我同朋友同事就決定去試下啦~餐廳嘅裝修好有格調， 店主用咗油畫霓虹燈作為裝飾，鍾意影相嘅朋友就可以影下相打下卡。餐廳提供嘅食物種類都上算多元化。 我同同事就嗌咗兩款小食、一款主菜同一款甜品。 飲品方面我哋就嗌咗1.5L嘅水果茶。 水果茶用一個好似水機嘅器皿裝住，方便食客斟嚟飲。 水果茶充滿果香，酸酸甜甜，好開胃。 小食方面，我哋就order咗雞尾酒蝦杯同埋燒粟米。雞尾酒蝦杯嘅蝦鮮甜爽口，中間嘅牛油果醬同番茄醬可以帶出蝦嘅鮮味。至於燒粟米味道亦都非常好，粟米以芝士、牛油同鹹蛋黃碎炮製而成， 所以食落非常香口。 侍應仲好貼心咁幫我哋將全部粟米粒切曬落嚟，方便我哋食。 我哋仲嗌咗白豚斧頭扒作為主菜， 白豚肉質嫩滑，有烤蒜頭、車厘茄、 露筍等作為配菜。烤蒜頭一啲都唔辣，配上豚肉一齊食，非常惹味，可以減低肉類嘅油膩感，所以我同同事都好鍾意。 甜品我哋就嗌咗朱古力軟心蛋糕，蛋糕唔會太甜，充滿朱古力香

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過burger喇burger主食我地叫左個軟殼蟹burger，呢個真係值得食下，軟殼蟹係即叫即炸，本身唔會太油膩，入口夠惹味，連皮煮完都係脆身，真係一個幾令人驚喜。水果茶塔呢度嘅水果茶塔都真係幾有心思，夠份量唔再講，重點係水果茶塔都好細心咁幫用左啤酒塔去裝，夠晒心思餐廳嘅野食都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得

長沙灣選擇真係多，本來諗住食西餐，跟住突然發現呢間餐廳，見到餐牌啲價錢好似都ok，係openrice睇左一陣，最終決定去呢間餐廳，地方都算幾大，但員工好有熱心招呼我地，都幾貼心店員強烈推薦我地個波士頓龍蝦墨西哥脆片試下，不過上枱之後我地都發現個波士頓龍蝦墨西哥脆片真係好正，又好食又打得卡，真係有成隻波士頓龍蝦係入面，龍蝦入口肉味真係好濃下夠晒多，脆片入口又夠脆。水果茶塔呢度嘅水果茶塔雖然係飲品，不過都真係有啲意思，份量超巨型之餘，師傅係即叫即整,真係夠晒凍,入口又唔會太甜貼心嘅服務再加埋唔錯嘅食物,餐廳都值得再食下

平時都較少在長沙灣覓食，因為今天好姊妹提議搞搞新意思，去我們較少去的地方共進晚餐，行著行著就找到這間餐廳試試。見到門面頗不錯，餐牌也有很多我們喜歡的食物，不禁食指大動😋😋😋首先我們一定一定會點的，就是✨生蠔！餐廳有南非和法國兩種生蠔，我們每人一樣一款，試晒兩種！🤩餐廳職員提示我們先試法國的生蠔，因為味道較淡。本身我自己真的十分愛吃生蠔，但之前在餐廳裡吃生蠔曾經吃過不新鮮的，所以今次都是抱著5050的心態一試。法國生蠔，配上檸檬汁，一口吃下去的感覺是：超！鮮！甜！口感很軟滑很creamy的，有淡淡的海水味，正！👏👏南非生蠔，看上去比較細隻，吃下去真的濃味很多，口感也較實在，較重的海水味，也是新鮮的！☺️滿足滿足！另一道菜，是芝士龍蝦栗米片✨很貼心的有三款醬汁，有牛油果醬啦、酸忌廉醬啦和茄汁醬，每一款都跟粟米片超配！☺️另外，龍蝦肉爽甜，侍應會於上菜時淋上芝士汁，真的很yummy!最後我們不夠飽，還叫了個忌廉蜆肉意粉✨意粉爽口，蜆肉鮮甜大隻，完全滿足了！☺️我們每人還喝了白酒💃💃入口清甜，不苦澀。在環境優美的地方，與好姊妹共進豐富的海鮮晚餐，真的很幸福的感覺☺️💕！

星期四放工後,相約友人到長沙灣一間蠻小品的海鮮西餐館吃晚飯。名字為Second Bite,應該是指食完第一啖,亦會想食第二啖! Clever word play 一坐下,發現餐廳裝潢一點亦不馬虎,牆上掛住十分artsy亦帶點humor的畫作,十分有意思由於朋友未到,我先點了一杯無酒精飲品-"Lychee Peach Soda"。上飲品時,我還以為侍應錯把熱飲端上。但數秒後先發現原來杯子是特別的設計,這是真真確確的凍飲來的 Soda不會太甜,亦有薄荷葉作襯托和調味,不錯小食方面,我地叫左侍應推介既黃金咸蛋雞翼! 雞翼炸得十分香脆,外皮完完全全被咸蛋裹著,味道香濃! 雞肉亦十分juicy,不會炸得太乾身~讚!主食方面,我地叫左芝士龍蝦墨西哥脆片!一上菜就發現這碟野絕不簡單呢! 有原隻龍蝦配龍蝦肉,滿滿地鋪在香口的Nacho墨西哥片上,賣相十分吸引! 而且還附上三種sauces,包括salsa, sour cream及我個人最愛的牛油果醬! 我已即刻流曬口水然後真係開始食,真係非常好味道! 芝士好夠,龍蝦肉好新鮮,入口絕對係perfection。食到咁上下,侍應仲拎埋工具(夾)比我地開龍蝦殼

最近朋友介紹長沙灣有一間新開的西式餐廳，食物質素不錯，相約朋友吃吃看。餐廳環境滿舒服的，牆上有不同的畫來做擺設，氣氛不錯。芝士龍蝦脆片賣相非常吸睛，龍蝦已拆肉，混入芝士醬及脆片中，吃起來已非常惹味，想味道再豐富一點，可以沾一些自家醬，有三款，個人覺得牛油果的滿配的。加拿大素食白豚斧頭扒煮得剛剛好令肉質相當嫰滑，肉味夠濃，香味十足。招牌風味辣雞翼烤得非常香口，雞肉滑嫰多汁，個人覺得辣一點更具風味。有脆片和烤雞翼，喝一杯ASAHI及1664也不算過份，一口酒一口脆片更為滋味。

住係長沙灣的朋友介紹呢間餐廳，今日有機會黎到附近做野，就黎試下我地二人叫左兩道主菜。第一道係香煎羊架羊架好大塊，好有肉汁，而且配上香草，好香好惹味，又唔會太油。配菜有好清爽嘅荀，蘑菇和車厘茄，配搭得好夾第二道菜係龍蝦牛角包推介！個包比想像中大份好多，無諗過有成隻龍蝦，啲龍蝦好大舊好多肉，食落去口啖啖肉。牛角包又熱又鬆脆，夾埋d醬汁真係勁好味，另外週邊伴菜配有薯仔和蕃薯作成嘅''薯條''，兩重味道享受相當滋味。下次會再黎！

以應用程式訂座，話明食品享有半價優惠，到場後店員亦清楚講解半價只適用餐牌上食品，但不適用於市價海鮮，怎料結帳時店員稱因訂座時間不附，所以只享有七折。雖然最後在我再次出示訂枱時間紀錄後，店員無何奈何要俾番應俾嘅優惠，但那個有原隻龍蝦殻但絶非有原隻龍蝦肉嘅所謂招牌菜「芝士龍蝦脆片」明明是餐牌上食品（非市價），又話優惠不適用，總之千方百計唔想俾優惠。老實講，兩個大人兩個小朋友消費八百多元，説不上高消費，也算是正常消費吧，但店員在不斷推銷市價海鮮不得逞後的那副嘴臉，實在令人嬲爆。重要一提，如果同行有小朋友，餐廳都會安排你坐大人坐都覺得高嘅吧枱，理得你死！

平時好少去長沙灣食野，去開西九龍做野，於是就約埋男朋友係呢頭周圍行下，順便發掘下有無咩好野食。行行下見到Second Bite呢間餐廳，名好有趣，好似話俾你聽，當你食完一啖之後，你就會再食第2啖，第3啖咁。望落個門面都幾有特色，裝潢有少少美式工廈風風格，應該係個唔錯嘅選擇，於是就走左入面，獻出我地GE第一Bite！餐廳好有藝術同鬼馬嘅感覺，上上下下，左左右右都掛住唔同嘅畫作，畫風帶點幽默嘅，帶點超現實嘅感覺，好似想帶你走出現實咁。黑色嘅牆身，簡單咁有一個字句「I Love you to the moon and back」，今日同男朋友黎食飯，而另一句正中心坎，不自覺咁笑左出。=)桌上已經擺好左餐具迎接我地，而我同男朋友亦都好急不及待睇餐牌，點野食。我地叫左個頭盤 凱撒炭燒雞扒沙律($128)，本身打算用黎墊一墊肚，等主食到，估唔到有意外驚喜。菜、麵包粒、同沙律醬我覺得係食料到位就OKAY嫁啦，令我地驚喜GE係佢GE雞扒，雞肉經過調味，有D咸咸地甜甜地GE燒汁味，雖然唔知隻雞係咩名堂，但肉質非常、非常、非常之嫩 同埋 皮好薄，完全食唔到有肥膏。我本身唔食雞皮唔鐘意佢果種口感，但佢GE口

老公從朋友口中得知長沙環有間新開嘅西餐廳，食物好吃有誠意，環境佈置亦用心，特意帶我來共進晚餐。餐廳位於長沙灣的昌華街住宅區所以入夜後份外寧静。沒有鬧市的喧嘩繁華，適合夫妻情侶到來談心用餐。❤❤❤色彩繽紛的白貓掛畫，雲石餐桌，雖然簡潔，但看得出店主有花心思去選擇。沒有多餘的掛畫或擺設，感覺舒適。但作為<貓奴>的我，看見多幅喵喵掛畫，自然非常興奮。<2ndBite凱撒沙律煙三文魚>先來一個沙律醒醒胃初初還以為只是一個普通的沙律再加上煙三文魚，不會有什麼特別吧！但其實只要用心，食客是會感受到的！除了有新鮮爽脆的沙律菜和幾塊很大片的煙三文魚外，還有小番茄，粟米粒，紅腰豆，煙肉脆片，麵包粒和再經調味的日式芝麻醬。光是這麼多的材料便已經感受到店家的用心。<鹹蛋黃金雞翼>超級邪惡的小食來了。😈😈😈濃濃的金沙醬有著超濃郁的鹹蛋黃香，厚厚的覆蓋著香脆的雞翼上。鷄翼好厚肉和嫩滑，而且能依然保持著香脆的外皮，完全沒有因為鹹蛋醬的濕度而變軟<招牌越南野生大頭蝦蝦汁扁意粉>這個意粉光是賣相就已經滿分了吧！！巨型大頭蝦經香烤後更加香氣四溢~~🦐🦐🦐

朋友相聚要度過快樂的時光不同以往習慣的特色餐食，絶對會是相當有意思的選擇 用餐環境空間挺寬敞的有不少畫擺設很有夜晚酒吧的優閒氣氛聚會絕不能錯過下酒菜朋友一早就上網看中這個芝士龍蝦墨西哥脆片賣相相當吸引，龍蝦有預先拆肉上面更有濃郁芝士醬，沒有不好吃的理由旁邊更附上三款自家製醬汁，個人最愛忌廉跟牛油果那兩款龍蝦肉也有不少加拿大素食白豚斧頭扒肉質呈粉紅色，吃起來非常軟嫩不但香味豐富，而且肉感十足可以充分體會大口吃肉的快感香烤雞翼非常新鮮熱辣，香口非常醃得入味亦夠焦香吃起來更有Juicy肉汁這晚吃得開懷順道來為這個星期加加油吧！ 長沙灣昌華街45號昌暉大廈地下6號舖

有日吃完午餐，在公司附近發現了這間主打海鮮的小店，與同事相約了找天試一試。星期五晚上，是最佳時候！ 從門面已經可以看出，店舖不大，坐位不多。雖然店舖不大，但裝橫一點也不馬虎，放置了不少掛畫，氣氛也不錯。頭盤我們叫了"味噌花雕蜆" 一上台，酒香立即撲鼻而來。通常吃蜆都是吃白酒或清油煮蜆，用花雕煮頗有新意，而且加上味噌後，味道更鮮甜！每隻蜆肉都很飽滿，真的很推介。另外，叫了一份芝士龍蝦墨西哥脆片。賣相很吸引，還原了整個龍蝦的面貌，但又拆了肉，吃起來很方便。龍蝦肉頗爽彈，醬汁夠濃郁。 墨西哥脆片本身有調味，再加上芝士，更加惹味。若想再重口味些，還可以沾上牛油果醬，莎莎醬以及酸忌廉同食，很不錯。主菜要了這個"招牌越南野生大頭蝦蝦汁扁意粉"。大頭蝦真的很巨型，用蒜蓉牛油煎香，肉質鮮甜美味，而且還有蝦膏！ 意粉的質素也很高，煮得煙韌有彈性，醬汁很濃郁，而且每條意粉也沾得很均勻，很美味！雖然這裏有很多酒可以選擇，但乖寶寶要喝水果茶XD 一大壼水果茶只要$88,味道也還不錯，屬超值選。

香港都有❗️泰國夜市好受歡迎的辣炒海鮮盛🐟🦑🐙🦀🦐新開的海鮮主題小店，最特色就是有這款seafood platter!自選海鮮及配菜😋加以辣汁去炒，之後統統倒在桌上，大家用手慢慢吮😚海鮮用辣醬炒得跟泰國一樣有鑊氣、有風味👍🏻不過海鮮質素就遠超泰國夜市😎當晚吃的膏蟹完全爆膏😍蟹肉鮮甜嫩滑！還有大蝦、青口、蜆肉，每款都是非常厚肉新鮮😘好推薦海鮮愛好者試試！除了海鮮拼，還有其他菜式都以海鮮為主。龍蝦nacho便是其一用上原隻龍蝦起肉切粒，加入醬汁，再放到芝士nacho上。龍蝦肉份量童叟無欺！而且每一口都是彈牙及鮮味不過不能夠太注重龍蝦而忽略了nacho啊！免得芝士放涼後會變硬。其實一份nacho都已經足夠多人分享，可是我們寧可撐爆肚皮，還是要試大頭蝦意粉，結果當然沒有失望意粉口感al dente，用大頭蝦本身的蝦汁去煮，所以鮮味十足！大頭蝦都有驚喜，比起在泰國、越南吃到的更嫩滑彈牙，亦不會有腥臭。一間餐廳當然不會只有海鮮，照顧非海鮮發燒友，餐廳有日本進口的飛驒和牛肩脊頂級的和牛就是入口即溶，不用怕油膩，店家細心附送生蘑wasabi，不太辣又可以解膩！而且配的炸蕃薯條還超級香甜薯條都好香脆的！

放工去了長沙灣接朋友放工然後等佢帶我去食好西我地去左一間幾好feel嘅西餐廳燈光帶點陰暗，好岩飲番杯傾下計不過第二日要返工，所以無飲酒反而嗌左“水果茶”，好大枝，仲可以自己斟味道很不錯，有茶味得黎又有水果味唔會好甜好假，都幾清新。。。。。。。。。。。。。“芝士龍蝦墨西哥脆片”▸Nacho 食得多，但上面有成隻龍蝦嘅就真係未試過，單睇賣相已經相當吸引，龍蝦已經預先拆左肉，加埋個芝士醬汁，味道很不錯，如果再彈牙啲會更好，個龍蝦鉗仲啖啖肉添，至於個Nachos都很不錯，都幾多芝士，而旁邊無芝士個啲就更加脆身，點埋牛油果醬一流👍🏻。。。。。。。。。。。。。“越南野生大頭蝦蝦汁扁意粉”▸大頭蝦好大隻，肉質爽口彈牙，而個扁意粉好重蝦味，完全索晒啲蝦汁，原來個蝦汁用左好多蝦去煮，唔怪之得咁濃味😋。。。。。。。。。。。。。“味噌花雕蜆”▸未食已經聞到好香酒味，但食落又唔會好濃好搶味，味噌香得黎唔會過咸，味道非常好，連個汁都想飲埋🤤。。。。。。。。。。。。。整體來說，無諗過咁有驚喜👍🏻