Shining Restaurant & Lounge (已結業)

今次去到位於銅鑼灣嘅一間幾有趣嘅餐廳，裏面係潮州菜crossover酒吧嘅格局。 佢個威士忌鵝肝都幾特別有啲似花雕汁， 鵝肝都幾滑好食。 叫咗佢一個二人餐，裏面除咗鵝肝之外，有一個上湯時菜，仲有一個炸薯條拼盤，一個xo醬炒米粉，同埋佢嘅招牌滷水鵝。鹵水鵝附送一個醬汁係一啲醋酸酸甜甜幾開胃㗎，而且都相當入味！！二人餐如果兩個女仔嚟講都份量幾多，我同朋友仔就食唔曬lu。同埋叫咗一杯嘢飲， 有好多酒精類飲品或者果汁類嘅嘢選擇。

《sʜɪɴɪɴɢ》同朋友去銅鑼灣行街，佢話好耐冇食過潮州菜，我地搵下見到呢間酒吧餐廳幾有特色，啲菜式又好特別，於是就入去試下～一入到去覺得環境好寬敞，中央位置擺咗兩張啤酒乒兵枱，後方有酒吧位，係潮州菜x 酒吧型格餐廳嚟！啲菜式仲要出自米芝蓮名廚，十分期待😋我地叫咗個白鹵水餐($𝟷𝟼𝟾)同埋紅鹵水餐($𝟷𝟹𝟾)～ 🥢白鹵水餐：前菜 - 酸脆蘿蔔、威士忌酒香鵝肝呢間餐廳最特色係佢用自家調整既白鹵水入膳，所以佢啲白鹵水嘢係必點！而佢既威士忌鵝肝更加係成間店既sɪɢɴᴀᴛᴜʀᴇ! 上菜見到佢個波波已經覺得好靚！但我影咗2張相佢就爆咗有啲可惜🙈 爆咗之後就將杯威士忌倒落啲鵝肝度～ 鵝肝好嫩滑，配威士忌真係好香好好食！佢既蘿蔔係切到不規則咁大大舊～ 腌得幾爽脆～主菜 - 花雕醉鴿花雕醉雞就食得多，醉鴿就真係第一次食！發覺都鴿配少少花雕酒香都幾夾！花雕有提味既功效，鴿既肉質幾實淨有咬口，整體嚟講幾正～🥢紅鹵水餐：前菜 - 古法雞腳，話梅車厘茄個古法雞腳應該係我食過最好食既雞腳！佢個汁個調味超讚！落咗好多蒜蓉粒，酸酸辣辣咁勁惹味！隻雞腳係好入味，真係正到爆！話梅車厘茄就麻麻地，可能我唔太好話梅既製成品

忽然好想食潮州菜，見到銅鑼灣有呢間，而d食評又介紹話係有酒飲嘅潮州菜餐廳，所以就嚟試吓啦，我地放工時間去，唔使等位，一入到去成個感覺好特別餐牌裏面嘅款式都算幾多選擇我哋叫咗話梅車厘茄賣相好靚，車厘茄走咗皮好入味，話梅同車厘茄嘅味又好夾，酸酸甜甜好開胃跟住係凍烏頭，凍魚黎講肉質都唔鞋口，起哂骨食得好爽，配埋普寧豆醬好味然後就招牌白滷水海鮮拼盤，🈶️鮮鮑魚、大蟶子、大墨魚🦑海蝦，第一次食白滷水，係佢哋自己調製㗎，味道好特別，同海鮮嘅味出奇咁夾👍🏻仲有呢個王牌滷水鵝呢個我好鍾意😋鵝肉好入味而且唔肥又唔鹹👍🏻我哋仲加咗豆腐同埋蛋，而且份量都唔少整體來講好滿足😋我哋冇食到飯，都已經飽到一個點😮‍💨

『滷墨魚元蹄飯』和『滷蛋鵝肉飯』一睇就知係潮州嘢吖，但佢出現係呢間勁潮的『Bar』餐廳里，好好玩吖，好玩得來當然都要好食吖，上檯時間稍微多些少時間，但你見到嘅係擺碟好靚，好有西餐feel嘅嘢，而且滷水汁調味適中，切成片的墨魚没有橙紅色色素，爽口彈牙，感覺健康。鵝肉柔軟入味，而且佢係高蛋白，低脂肪，低膽固醇食物，絕對推介。『香芒酥』烤到香脆可口又精美，芒果果肉唔少。『天婦羅蝦』整條好直好有型，外皮脆卜卜，內裡好彈牙。而且新鮮即整，熱辣辣。各加10蚊就有宜家流行的冷泡茶(深蒸)和冷泡茶(玄米)。

早排聽到朋友講起佢公司附近有一間新開嘅酒吧但係食潮州菜既，呢個組合都幾搞鬼下，於是呢個星期就約左佢去食飯啦。唔講唔知，聽侍應講原來呢間餐廳係有米之蓮名廚坐陣架！我即刻期望高咗！話梅車厘茄 $58上枱嗰陣有埋乾冰出晒煙嘅效果就知佢一定好冰涼啦！啱晒夏天食，食落酸酸地甜甜地，好開胃解渴。凍烏頭 $108平時食潮州菜都會食大眼雞，今次就試吓烏頭啦，我都好鍾意烏頭嘅。條魚已經幫你起咗骨，基本上你可以大啖大啖咁食魚肉，魚肉鮮嫩，佢跟個豆醬食落鹹鹹地，點少少醬已經好夠味。招牌白滷水海鮮拼盤 $1984款海: 海蝦,大墨魚,大蟶子,鮑魚真係未試過食白滷水配海鮮，呢個白滷水係餐廳自家調製嘅，估唔到配落海鮮到又幾夾啵。但唔係個個人都接受到白滷水嘅味道，佢另外有配一個泰式海鮮醬既，點呢個醬食都好味。當係多一個選擇。滷水鵝肉 $128個滷水汁整得幾好，鹹度適中，鵝肉半肥瘦，岩曬我食。滷水豆腐 $28以呢個價錢黎講，個份量真係好多！豆腐嫩滑。滷水蛋兩隻 $16啲蛋滷得好入味。

由米芝蓮名廚主理將潮州菜融入酒吧，都真係第一次聽，就等我去一探究竟先～叫左個二人精選套餐$228/位（+10%服務費)，套餐包括有前菜、湯、小食、主菜等等。威士忌酒香鵝肝非常特別嘅一道菜色，上檯職員仲會攞工具即刻拉咗個波波出嚟，用嚟打卡一流😝西式鵝肝食得多，中式真係比較少見，鵝肝口感嫩滑，味道有啲似豬潤咁樣嘅，配上威士忌嘅酒香，係意想不到嘅匹配。金牌滷水獅頭鵝肉食潮州嘢點可以無滷水鵝，餐廳採用左白滷水，鵝肉份量都唔少，啖啖肉咁，肥瘦均勻，底吓仲有豆腐添～潮州炒米粉用咗XO醬海鮮雞蛋同埋好多唔同嘅配料，炒特別幼嘅米粉，好鍾意呢隻米粉嘅口感。食落唔會油膩。正！脆炸拼盤配黑松露醬有炸薯條、炸蝦同埋炸芒果盒，分量超多，剛剛炸起又熱又脆。不過黑松露醬唔係好食得出黑松露味道。上湯時蔬即係上湯娃娃菜，食完啲炸物食碟菜清一清都好，味道就正正常常。酸脆蘿蔔蘿蔔好多同埋都好大件，食落好開胃。明爐老火湯係栗子雞腳湯，無味精，比較清淡嘅口味。

午市紅滷水套餐+白滷水套餐如果唔係同事話我知，我都唔知zing,裡面一間酒吧，有咁好味既滷水餐，而且價錢唔貴。 兩個餐都包括時蔬及飯。紅滷水套餐有以下兩款: 酸蘿蔔，威士忌酒香鵝肝，光係外表，個波波真係好靚，係外觀方面絕對正。而本身帶有蘋果木煙薰味，可以話睇得又實際。鵝肝平日煎既食得多，但用滷水真係比較少見。本身鵝肝味重，用滷水再+威士忌個味道原來係咁夾。威士忌個下酒味，令鵝肝更加香，但酒香過後，滷水味又會慢慢滲出黎。同時配有酸蘿蔔，可以中和一下，令你更加開胃。 花雕醉鴿好入味，花雕醉鴿，本身已經吸曬酒香。而平日滷水好少會食乳鴒，所以都幾特別，比平日醉雞少見得多了。 白滷水套餐古法雞腳、話梅車里茄車里茄好開胃，酸酸甜甜，而個鳳爪個汁有蒜,辣椒等等，佢顏色上有點似平日茶樓既鳳爪，但味道上完全唔似，反而係好香蒜味既。 滷水元蹄伴豆腐, 滷水蛋滷水好入味，元蹄吸曬滷水味，而佢本身自家滷水係好香，唔係一味死咸，反而係香又濃，用佢做既滷豆腐，蛋都會食唔停口，真係估唔到百多元有咁既水準 上湯時蔬都幾大份，其實一個餐百多元，可以有咁多野食，都十分豐富。

呢間酒吧非常特別，除左提供唔同既酒之外，仲有精緻既fusion潮洲菜，中西合璧，好特別啊！我地點左九品味，九宮格入面有唔同既潮洲小菜，包括話梅車厘茄、酸菜蘿蔔、五香牛展、清酒秋葵、芥末雞腳筋、滷水豬舌、滷水鴨腎、鮑魚同埋墨魚，每樣食材配搭唔同醬料，最鍾意就係鮑魚同埋墨魚，酸酸辣辣仲有少少酒香！另外仲有白鹵水餐，呢個套餐好豐富啊，前菜有酸菜蘿蔔同埋威士忌酒香鵝肝，重點就係呢個鵝肝，侍應會整個泡泡出黎，穿左之後會滲出木香，再倒啲威士忌落鵝肝到，呢個配搭好食！另外重有花雕醉鴿，酒香純郁，鴿肉嫩滑。最後，點少得杯cocktail呢，點左white Russian。

今日食左中西合璧嘅晚餐，呢間係由米芝連名廚主理既話酒吧餐廳係食潮州菜。今次就試左二人套餐，前菜有醃酸蘿蔔， 老火湯，上湯浸時蔬。威士忌酒香鵝肝呢道菜係視覺味覺同嗅覺享受，個波波爆左之後就可以淋威士忌落鵝肝到享用。白滷水仲係餐廳自家調製，通常用於海鮮。而同鵝肝都非常相配，酒香味濃，口感細滑，入口即化，味道無以倫比，好特別！非常推介大家試。潮式炒米粉主要係XO蝦米魷魚洋蔥雞蛋，蝦米香味撲鼻，炒得夠乾身，食落口感煙韌彈身，值得一試。金牌滷水獅頭鵝肉另一主角滷水鵝肉，賣相吸引，鵝肉扎實，啖啖肉。滷水豆腐吸收哂滷水汁，非常入味。脆炸拼盤配黑松露醬好有創意，有款炸物係炸粟米片，個精粹係餡入面有芒果jam，甜絲絲的。另外炸香芋年糕外脆內軟，煙韌。薯條份量多且香脆，配上黑松露醬，增強味蕾。好欣賞佢既創意，將潮州菜融入到酒吧，又幾有趣新穎呢。呢到仲可以同朋友一邊睇奧運一邊食嘢chill下，如叫酒仲可以玩下酒game，又一聚腳好地方。

-🔸唐揚軟骨 $48🔸白鹵水餐 $168🔸精選鹵水三拼 $178-第一次見酒吧會有潮州菜食，真係非常特別啊！仲要唔係得個gimmicks，作為半個潮州人嚟講，係真係幾好味架喎～揀咗一份白鹵水餐，前菜係首圖勁仙氣嘅凍食鵝肝，白色仙氣係店員上菜後會加嘅煙燻波波，碟上有杯仔嘅威士忌，加落去鵝肝度食竟然又好夾喎～主菜就有花雕醉鴿，超入味，正！跟餐仲有上湯津白同白飯。另外仲叫咗鹵水拼盤，可以喺六款入面自選拼盤菜式，我哋就揀咗元蹄、鹵水雞、豬脷，好入味，而且估唔到份量都幾多。最後口痕再叫多份唐揚軟骨，係墨魚咀軟骨呢，即叫即炸熱辣辣，正！

之前上網見到呢間新派的酒吧，介紹將潮州菜融入酒吧咁，睇落幾得意就決定嚟試下。原來佢都係酒吧嚟，淨係做C區，大家記得有裝好安心出行先好上去呀。睇左下餐牌，我哋揀左二人餐。侍應介紹餐廳使用白鹵水是自家調製，白鹵水是用於海鮮，味道非常相配，同埋餐廳話係由米芝蓮名廚主理，應該好有保證。老火湯同酸脆蘿蔔都唔錯。脆炸拼盤配黑松露醬好大份，食落熱辣辣，好香口。威士忌酒香鵝肝都第一次見，酒味好香，鵝肝好食。金牌滷水獅頭鵝肉都幾大份，個底仲有豆腐，幾入味。潮式炒米粉炒得好乾身，XO醬幾入味。上湯時蔬係娃娃菜，清清地都幾好食。大家有機會都可以試下。

食到一肚氣，忍唔住要寫返一篇文警惕大家。我同朋友7點坐低，叫左個2人餐。- 提提大家呢間野得C區，無安心出行唔使去食。- 食野上冷盤同湯好快(19:11, 有相證明), 等到熱盤上枱等左40分鐘，19:51先有得食。我哋覺得係廚房儲單，一出四張單一齊出，喂咁對先嚟嘅好唔公平者。- 等40分鐘先出一碟拼盤，炸薯條呢啲唔使40分鐘下嗎？40分鐘鵝都斬唔到？- 個炒米粉好爽口，不過成碟得四隻手指尾咁大嘅蝦，點解人哋嘅食評成碟都係蝦，仲有XO醬，我哋乜都無？係咪一次炒四碟唔夠分呀？- 碟菜淡而無味，上枱無美感可言，好似街邊食粉麵加10蚊一碟果啲，仲要用娃娃菜- 有食客食食下無戴返口罩去左玩ping pong，口水周圍飛，職員當睇唔到，食客就食到心驚膽戰- 仲有人係室內食電子煙，唔係犯法架咩？個set一個人收228蚊，夾埋500蚊埋單，我完全唔覺值呢個價，大家嚟食之前諗清楚先好嚟。

酒吧+餐廳去得多，但來來去去都係配西餐。發現銅鑼灣呢間潮州菜式嘅酒吧應該是全港首間吧！既有酒飲，有歌聽，環境啱哂同班friend收工上嚟吹水聚會。Lunch 好抵食，幾十蚊已經有老火湯同飲品。「滷豆腐鵝肉飯」豆腐好幼滑，鵝肉份量都唔少，滷水汁混在米飯，啖啖都好好味😋「椰子烏雞湯」餐湯好滋潤，好住家Feel嘅味道, 真材實料無味精。「招牌白鹵水海鮮拼盤」冒出乾冰嘅煙霧，賣相非常精緻，一次過食哂4款海鮮，的確非常鮮味(海蝦．大蟶子．大墨魚．新鮮鮑魚）配上泰式味道嘅醬汁，令味道更豐富

今日同朋友去銅鑼灣做gym，做完真係好肚餓，佢話想試吓潮州菜，咁我哋就搵銅鑼灣附近有咩餐廳係有潮州菜食，兜兜轉轉，😊終於搵到呢一間環境好好嘅潮州菜餐廳。原來呢間既係餐廳，又係酒吧黎🥰 佢地將潮州菜融入左酒吧😎😎 上網搵下關於呢間餐廳嘅介紹，無意中發現呢間餐廳係由米芝連名廚主理🤪 即刻對佢嘅出品好有信心🖤果然都無令我地失望🥰 佢嘅潮州菜真係有米之蓮水平🤪🤪 我同我嘅朋友叫左個二人餐，性價比超高！包括有...脆炸拼盤跟黑松露醬、威士忌鵝肝、獅頭鵝肉、炒米粉、仲有菜同湯！價錢只係每位$228，已經試到咁多樣菜式😙 呢度特別想一讚佢嘅威士忌鵝肝，首先擺盤好靚（望下我啲相就知，有個氣泡係度好得意🤪）另外，由於佢個醬汁使用嘅係威士忌酒，所以食鵝肝嘅時候唔會覺得太濟太飽；而佢嘅鵝肝鮮美，口感外脆內滑，食落係滿口濃郁嘅感覺。🖤🖤我地另外加左個白鹵水海鮮拼盤，真係超正，佢地嘅白鹵水係自家調配，用於海鮮真係好夾，令到個海鮮味更突出🖤 再加埋佢地秘製嘅醬汁，真更加鮮香美味🤪 呢個基本上係必試菜式😙總括來講，呢間餐廳真係冇得輸，性價比好高，值得帶埋一家大細一齊過嚟食。😙

諗唔到食咩上網search下 搵到呢間係耀華街既潮州菜 上到去原來係酒吧泥🙈仲以為自己去錯左地方🤣睇一睇個餐牌好似好多野想食 然後見到個二人餐好似包左好多野 甘就叫個二人餐😊🥢醃蘿蔔 - 夠酸又爽脆 個人幾鐘意👍🏻🥢椰子煲雞湯 - 有淡淡既椰子味🥥飲完又唔會口渴🥢冰鎮鮑魚 - 幾爽口 但配泰色醬汁搶左鮑魚既鮮味🤔🥢威士忌酒香鵝肝 - 上枱既時候好亮眼😍個whisky好出個味 但唔知係咪酒味比較濃 食唔到個鵝肝有咩味😐🥢金牌滷水獅頭鵝肉 - 個滷水汁唔錯 好夠味！個鵝肉都好入味😋🥢脆炸拼盤配黑松露醬 - 佢有兩舊好似米通甘樣 但咬落原來係蕃薯🍠同紫薯既炸物 仲煙煙韌韌 有d驚喜🥢炒新竹米粉 -個米粉炒得幾香口 同埋可能新竹米粉比較吸味 所以唔會覺得淡口！個人都幾鐘意食😆整體佢又唔算係好出色 但係甘多野食先係$388又會覺得性價比幾高 而且份量唔少❗️有⭐️⭐️⭐️✨