Straits Kitchen (已結業)

現今不論購買食材或到餐廳用膳，你會關心食材的來源嗎？這家招牌紅噹噹的餐廳，標榜多款食材也是來自英國的優質貨，包括蘇格蘭高原牛，在高原天然環境中培育成長，因為高原牛擁有天然的防風雪毛皮，令它們不需要累積肥膏來保持溫暖，所以它們的脂肪及膽固醇都比其他品種低。而英國大白豬及北歐 Landrace 品種交配而成的獨特品種豬肉，在蘇格蘭受特別優質豬保證監管，保證人道對待。店主亦一向不用味精及防腐劑，強調天然味道，令你食得放心。環境寬倘舒適，店員友善，主動推薦法式走地雞粟米湯，新鮮粟米味道濃郁，感覺清新。而前菜沙嗲三拼，沙嗲醬另上，香濃惹味，微辣帶蝦醬香，用高原牛自家製的牛丸爽口實淨，也有牛味，魚蛋是自家製，沒有坊間的彈牙，帶點魚味，雞翼則很香口，配新鮮爽脆沙律菜，不錯喔。 烤肉餅煎蛋雞翼頭抽皇珍珠飯最特別是厚切餐肉，用蘇格蘭豬肉製成，沒有罐頭餐肉霸道的惹味，但多了一份天然肉味，用五花肉切粒及免治肉整成，廚師建議跟飯及蛋撈勻食，份量配搭剛好。第二道紅酒磨菇豬柳漢堡飯，豬柳採用蘇格蘭豬肉免治而成，肉汁豐富帶少許鹹香也不錯。香辣五花肉鑊烤珍珠飯很惹味，稍油膩。最後的紅酒肉醬意麵，點菜時店員主動問麵

餐廳雖標榜天然材料冇味精冇提味劑冇防腐劑，但晚市單點收百幾蚊個漢堡，百幾蚊個飯，一百至百幾蚊個拉麵，唯一一個set dinner 收$159，小食都成百蚊，飲品另計...已點菜，諗住唔上飲品住，問有無水濕吓口，點知話電解水要收十蚊一支...之後上菜，味道正常，肉餅ok, 五花肉ok, 但雞翼有D燶，伴碟沙律菜D醋滲咗落D主菜同個飯度(頭抽鼓油汁)變得有D怪，另外個飯佢話係珍珠飯，但我覺得太濕，不成粒狀，一個飯一個set兩杯茶埋單三百。總括來說，菜式係有小許創意，標籤天然、外國豬肉等等亦係賣點，但個人認為付出呢個價錢，應該可以有更加好/多嘅選擇...

原本是想食美國菜，但為了減輕明天的負擔，以且等位需時，最後選了主打港英混合的餐廳，Straits Kitchen。 當晚，Straits Kitchen 用餐人數不多，還有大量座位，從用餐人數來看，對菜式有點擔心。菜式的選擇不少，價錢略貴，最後決定試老闆娘推介的，Tommy 煲仔飯套餐，SK招牌雞翼-脆脆三重奏，紅酒蘑菇牛柳肉餅意麵，飲品只叫了一杯朱古力。餐廳十分強調「有機」。先到的，是SK招牌雞翼-脆脆三重奏，松露蜂蜜、頭抽、沙爹，三種味，每種兩隻。味道？頭抽、沙爹是兩碟醬汁，任你蘸，不太特別。蜂蜜雞翼雖然好食，但松露味不明顯，以且太貴，98元六隻。紅酒蘑菇牛柳肉餅意麵，麵是手工麵，煙煙韌韌，肉餅由蘇格蘭牛柳做成，牛味強，口感略嚡，充滿手工感，紅酒味不重，有特式，但不算特別美味。最後，亦是今晚的推介，Tommy 煲仔飯套餐。餐盤上，有一碗菜，一碗湯，一小碟醬油，還有一個中式外表，琺瑯質感的煲。打開煲蓋，肉香撲鼻，好一個西班牙煲仔飯，中西合璧，飯面最上層是一塊精緻的五花腩，據說產自 的高原豬，肥瘦均勻，肉質略干，肉味十足，肥膩的豬油浸透到底下的白飯，很滋味。第二層，西班牙手工腸，經腌製

原本只係想求其搵間茶餐廳食餐蛋麵既，結果有新發現🥗🍲🍝😎好驚喜喎 😋😋😋 話總店係來自英國有40年歷史，係香港請廚師好嚴格，食菸賭馬既唔請，真係好品質又好有誠意既餐廳間野係元朗新b仔對面 👍👍👍原本要去翠華，行經過被佢既burger相吸引果然係招牌啊，肉質同芝士都好正個薯條炸得岩岩好，落d類似七味粉既野更加香口，好欣賞 😋老公原本話叫咩牛丸湯飯咁無聊既野結果大大驚喜喎!老闆話湯底係低溫慢煮60個鐘燉出來既，完全冇味精，唔怪得之咁夠味又清甜啦

來食過兩次，都係老闆娘推薦菜式，驚喜好食。另外，老闆娘熱情好客，加分👍🏻此店標榜所有菜式全天然烹煮，不加味精。用料新鮮上盛。有心有堅持的食店。價錢彷似比出面貴，但物有所值。付出較高價錢換來新鮮食材，一分錢 一分貨。而且餐牌豐斂由人，由幾十蚊一碗粉/碟頭飯，到百多元意粉/炒飯，再到上千元的扒都一應俱全。招牌雞翼必食。海膽炒飯啖啖濃郁，質地有點濕身。不是乾身炒那種。蒜片蝦，蝦味濃，彈牙，超新鮮。蒜片蒜油亦出色，點面包索汁食一流。第一次食完確認餐廳質素超班，已部署下一次要來品嘗高價食材。第二次去特地預留了牛扒，部位稀有，索價什高。6安士，800元。喜歡食扒的你，值得一試，比五星酒店扒房更出色。酒店扒房一樣價錢，但錢都付在租金/海景/裝修/氣氛上。啲度地區普通食店，錢付在食材上的比例較高。 恕我詞窮，未能形容牛扒之美味。肉味極濃。伴碟蘿蔔都香甜過人。下次再幫襯，支持。

好少入元朗 經過又新街求其簡餐廳好多款式選擇依間真係好食 老闆娘好好！！我食果個雞翼意粉好好咪 雞翼有五隻 都幾大隻 （蒜辣黑椒咪）男朋友話個肉餅都好好食 但係唔算太大舊 但有隻雙蛋補番數推薦！ 仲要免加一架

話說我同我老公諗住入去食扒 入到去先知道原來係要提早訂先有得食 咁唔緊要 我照叫其他野食 老實說食物係唔差，埋單時諗住順便訂埋扒下星期再來食 當時我就好自然問訂牛扒需唔需要訂金，服務員說 : [唔洗比訂金架喇 我地信得過d客<-（其實呢句都冇乜特別，跟住佢之後接住果句先令我反感！然後佢就接住講，［ 同埋就算你唔黎食塊扒我地都會有客食 ！］< -再加埋佢既語氣，佢呢個意思令我感到我來不來都沒關係，完全沒有尊重客人，令我極度反感。結論個人認為心情會影響食慾。我決定唔會再來！

又新街開了一間新餐廳，細看餐牌才發現，部分食物由英國入口。今日點了2份主食， 龍蝦膏湯魚蛋泡飯魚蛋是自家製，魚蛋內有魚汁，十分鮮味彈牙有驚喜。龍蝦膏湯十分夠味香濃。雞翼意粉雞翼 皮脆肉嫩， 惹味可口。 意粉煙韌彈牙。記得點菜時，店員細心地問因意粉偏硬有咬口，可以煮得軟一點。但因為友人比較喜歡有咬口，所以保持原有的口感。額外加配得栗米湯，每一口都是濃濃栗米蓉，每一口都是天然的甜味。總括而言，一試愛上，下次一定再幫襯。值得一提是，店員十分親切有禮。

早前見雜誌介紹$99的高原牛肉麵，今天一於同友人一行三人試一試位於元朗的餐廳。這餐廳以紅色白色作主調，而所有餐點強調沒有味精。餐點是港式食品的變奏板，定價cafe 價錢，比一般港式餐廳貴DD：拉麵由$89-$199， 飯類$78-139， 咖哩$88-$139。店員力推雙丸麵、炒飯同咖喱，咁我哋就每樣點一款試下先。濃湯丸拼拉麵$99這麵有牛丸同魚旦各四顆，粒丸普通大小，與平曰食的無異。牛丸是用高原牛肉打成，囗感比較實淨-牛肉味幾濃，但是實在太實淨沒有彈牙口感，質地似牛筋丸多D；魚丸説是由淨魚肉打成，囗感與四海炸魚旦一樣，味道無乜特別。湯底幾清，無乜油，味道偏淡；拉麵幾煙韌，有點口感。定價四五十亓會比較合理，現在索價九十九，真的不值。龍蝦膏海蝦鑊烤珍珠飯$139這炒飯鑊氣十足，飯粒粒粒分明，炒飯的饀料唔多，有幾隻海蝦，味道方面有少少龍蝦味，幾香下，而飯粒是圓潤的珍珠飯，整體而言是ok的。果醬咖喱牛柳肉餅飯$139這咖喱同平日食的曰本咖喱有點不同，少一點椰醬味，多了一點辛味同果醬的甜味。而牛肉餅是蘇格蘭空運到港的牛柳造的，食得出是手工製，質感粗糙有肉味。而白飯同是珍珠飯，配上咖喱汁同牛肉餅

我特地由灣仔入元朗試，試了兩拼，牛拉麵及粟米湯。湯底夠濃，麵條夠彈，牛丸牛味十足。魚蛋真的沒有魚腥味，而且有鮮甜味。聽說隔離枱，已是熟客，每次均點雞翼，下次一定會試。店員服務一流。環境清靜。店內新設簡單及乾淨。

前兩日同朋友去食，攞起份menu發覺好多選擇，的菜式名又好搞笑好心思，真係唔知點揀。最後我地分別叫左泡飯、雞扒飯同肉餅飯，全部都好好味！ 因為係無味精製作，餐廳建議我地泡飯個湯可以全部飲曬，真係好飲😋肉餅好岩送飯😋，而我自己個頭抽雞扒都好入味，啖啖肉。最感動係佢個個飯都煲得好好，熱辣辣，做完一日野之後，食到個其實好重要😭呢間餐廳仲會供應由蘇格蘭運來既食材菜式，menu有詳細介紹到餐廳既理念同所採用既食材既特點，一定要去試😃😃

難得入元朗，咁就要覓食一下。原本諗住食curry 嘅，點知入到去餐廳，佢話close, 唯有再搵下其他野食啦！行行下見到間餐廳好似幾多元化，所以就入左去喇。環境裝修都幾舒服，見到有位女士好熱情咁招呼啲客人，我估佢可能係老板娘望下menu,又有啲西式，又有啲日式，令人真係心大心細，唔知點選擇好。係order前，老板娘都略介紹佢地餐廳嘅來源同概念，標榜無味精，選用天然食材，係英國已經有40幾年歷史架喇。最終我選擇左兩款菜式：第一道：龍蝦膏海鮮珍珠米飯，味道適中，不太濃味，帶有少許龍蝦味，米選用左珍珠米，口感煙韌，而啲蝦就煮到剛好熟，質感爽口，但蝦味嘅鮮味就唔算太突出。第二道：沙爹脆雞翼撈麵，沙爹汁係自家製的，味道香濃，撈落啲麵度剛剛好，雞翼皮脆肉嫩，帶有少許蜜糖味，好味，最中意佢將啲菜心切碎撈埋一齊，感覺唔會只係食肉整體來說，食物嘅style 有啲fusion feel,味道好，最緊要係無味精，感覺健康。而且老板娘及員工服務好，好有heart。如果大家經過哩條街都不妨試下，隨時會有驚喜

之前經過門口被無味精幾個字吸引左，今晚終於同女友可以嚟到試試。去到人流不多，不用等位，老闆娘熱情招待，也介紹他們餐廳的招牌菜，我就跟著老闆娘的推介，點了一個來自英國蘇格蘭的牛展拉麵，和一個他們的招牌蝦烤飯，老闆娘說拉麵是自家造，湯是沒有味精，可以完全飲用！ 也加了$15 點了個無味精雞湯！可能人流不多，食物都很快送上，珍珠飯炒得非常好食，最精彩是蝦還有一點點鮮味！ 另外拉麵的確很好味，湯也非常的好飲，清甜！ 而雞湯不但不咸，有粟米的甜味，非常好飲！ 值得大家來試試！

其實好難定位哩間嘢食乜, 中西日溝溝吓咁。 不過食完一次其實係肯定老闆娘好有心整好d嘢食同對味道都幾執著。。。 係真係有heart嘅。 淨係杯凍0茶其實一入口就知唔係平時d 茶餐廳茶, 同應該唔係用平時d cheap糖漿。 到食完餐飯走嗰陣老闆娘仲問我杯茶得唔得, 話下個禮拜會再調過個味。 証明最少佢真係自己滿意嘅先攞出嚟畀客。 睇佢個menu其實係。。。 怪嘅, 因為真係中西日都唔係, 睇落有d嘢又真係似係平時茶餐廳都有嘅嘢 (就好似我upload 張圖嗰樣。。。) 。 但又有d特別嘢 (我叫個烤飯)。 但係其實到食落個五花肉烤飯食得出係西式煮法嚟嘅。 有d辣椒油, 個texture其實係 risotto 同炒飯之間。 好香, 幾得意幾好味的。 我自己就未食家到分得到用咩quality 嘅食材。 不過店內就煮住英國入口嘅。 可能係哩個原因, 其實價錢都係偏高嘅。。。 就我個飯嚟講99蚊, 加杯凍0茶15蚊。 以下希望老闆娘睇到喇。食得出好有heart, d 嘢都幾好, 但係喱個location 哩個價位。 可能weekend 會好d生意。 但係生意嚟講淨係做weekend 真係做得住