Tempura Jiro

營業中

休息中

📌 Tempura Jiro📍 中環士丹利街50號信誠廣場地下E號舖☎️ 27808666★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*我鍾意食日本嘢，尤其係Omakase，因為乜都唔知，每每帶出驚喜。呢日同朋友食比較少見嘅天婦羅Omakase。餐廳位處中環鬧市，但一入店就好似去咗另一國度，環境非常寧靜。全程坐喺吧枱，望住日本師傅村上さん🧑🏼‍🍳小心翼翼地將各款食材掃粉，裹漿，落油，聽到好細嘅嘀嘀噠噠油炸聲，全店沒有丁點油煙味，舒適享受。枱上備有松露鹽、綠茶鹽、海藻鹽、梅子鹽同青檸；當然唔少得天婦羅汁同蘿蔔絲蓉啦。午市Omakase ($880/位）💫 赤身刺身色澤紅潤，魚味濃及鮮甜，口感彈牙緊緻。💫 三文魚籽海苔天婦羅一塊海苔都可以天婦羅咁炸。薄身海苔好脆口，加埋咸香三文魚籽，十分出色。😋💫 花竹蝦頭及花竹蝦炸漿好薄，蝦頭蘸海藻鹽，蝦身滴少許青檸汁再洒少少海藻鹽，濃濃蝦味，金黃酥脆。💫 蘆筍、粟米、椎茸、九州紅遙蕃薯蘆筍幼嫩有汁，粟米清甜可口，椎茸釀咗蝦肉，厚肉有口感。九州紅遙蕃薯🍠口感細滑軟綿，入口香甜無渣，兩小件唔會話好滯。

香港好少見有天婦羅omakase食😍 依餐飯令我一改固有對天婦羅既印象🙈 望住師傅將食材沾粉落鍋炸，控制住油溫及火喉，保持食物鮮嫩度，同時唔會過於油膩，全程亦無油煙味，食得滿足又舒適👍🏻 想食記得要先預約呀💕✨ Omakase Dinner Course ($1880/ person)❀ 前菜 🥢擺盤好精緻😍 蟹肉湯葉配黑松露味道鮮香滑溜，帶微微紫穗花香～螢光魷魚配菜之花，魷魚飽滿多膏，口感鮮甜爽脆，而蓴菜醋漬物食落酸酸地好開胃，入口爽滑☺️❀ 花竹蝦頭 🍤炸得好酥脆，蘸上海藻鹽令蝦味更濃郁❀ 花竹蝦 🍤先呈上高溫薄漿炸起既蝦身，粉漿超薄身，肉質鮮嫩彈牙，連蝦尾都好香脆🥰 食完再上低溫厚漿炸蝦，炸粉有明顯厚度，蝦肉保持質感爽彈，配上蘿蔔蓉及天婦羅汁可減低油膩感☺️❀ 北海道粟米及蠶豆 🌽粟米香甜多汁，蠶豆質感軟綿❀ 京都茄子 🍆味道清新，食落仲好juicy❀ 沙錐魚 🐟魚骨炸到脆卜卜，配以鹽食，而魚身嫩滑多汁，外皮薄脆好香口，配天婦羅汁食好滋味❀ 吞拿魚醬油漬 🐟赤身鮮嫩爽彈，魚味好濃郁❀ 馬糞海膽 🥢第一次食炸海膽，海膽甘甜入口即溶，散發陣陣紫蘇葉香😍 配以海藻鹽味道啱啱好，如果想濃味點

知道朋友好想食天婦羅做好功課帶朋友食好野！位於中環既天婦羅次郎由開業到而家，一直人氣不滅之前訂位要等2個月，今次有幸訂到位同朋友一齊開心下·దDinner Omakase ($1880)ᜊ前菜蟹肉湯葉 、螢光魷魚菜之花、順菜醋蜜ᜊ熊本縣千葉花竹蝦師傅將蝦頭香炸，保留蝦頭甘香ᜊ花竹蝦蝦身二食以薄漿高溫同厚漿低漿處理花竹蝦既蝦味十足薄漿口感會較彈牙而厚漿處理，蝦肉會較軟腍・ᜊ玉米香甜爆汁，入口要小心ᜊ蓮藕厚切令蓮藕好有咬口ᜊ茄子茄子最有驚喜，完全唔膩完美做到外脆內軟ᜊ沙錐魚 魚骨可以點鹽食而魚身配天婦羅汁食用，令魚肉多左一份香甜ᜊ北海道蝦夷鮑魚超有水準既天婦羅鮑魚麵衣超薄，鮑魚軟腍有彈性配埋鮑魚肝醬，鮮味十足ᜊ鹿兒島醬油漬赤身 以秘製醬油輕醃，醬油香更能帶出赤身既鮮甜ᜊ小貝柱冬瓜煮物冬瓜炆煮到入味，作為中間既緩衝很不錯・ᜊ紫蘇葉馬糞海膽紫蘇葉香脆而馬糞軟滑甘甜很強烈的口感對比紫蘇令海膽味更濃更香ᜊ三文魚籽天婦羅三文魚籽晶瑩剔透，粒粒飽滿配搭香炸的海苔，口感一流ᜊ和牛天婦羅紫蘇葉令牛肉味更濃香牛肉有咬口，脂香令人滿足ᜊ海鰻海鰻魚肉柔軟，麵衣超薄火喉控制把握很好魚骨香脆，簡單配鹽很好吃ᜊ香魚加

第一次食天婦羅omakase 師傅全日本人，製作過程亦非常用心細緻～天婦羅 同出邊食到既好唔一樣， 好薄 薄得黎又均勻既一層 脆炸～ 入面食物原味亦得到保留～前菜先來 油漬吞拿魚～熊本縣天草市花竹蝦～先來蝦頭，好脆帶點酥， 點海藻鹽食～蝦身後上，宜點青檸汁加海澡鹽北海道蘆筍原來青菜都可以咁精緻， 蘆筍點綠茶鹽呢個時候 備好 蘿蔔絲蓉加天婦羅醬，沾黎食 清甜又好味～茨城縣蓮藕蓮藕唔會拉絲口感黏笠，反而幾爽甜～椎茸菇 蝦肉菇中間釀左蝦肉，幾正～沙追魚 整到好靚，薄薄一層既魚炸完仲食到魚肉既嫩滑，條骨都食得～鮮海苔茶碗蒸超滑溜既茶碗蒸，面層少少酸酸地～三文魚子天婦羅呢個好好味呀！薄酥既紫菜放上三文魚籽，口感 同味道 都有多層次～海鰻魚肚 魚尾 魚骨都食得～ 九州番薯甜甜地～天婦羅蝦黑松露糖心蛋飯呢個飯又係正！好多黑松露片、中間一個糖心蛋，周圍都係蝦粒，見到已經食指大動～ 篤穿糖心蛋，用蛋黃流心再撈勻成個飯，真係啖啖滑溜滋味！黑松露味出，蝦粒足，飯有糖心滑蛋香～湯蜆肉麵豉湯甜品綠茶雪糕

喺香港真係好少食天婦羅，感覺都係主打厚身炸皮而搶咗本身食材嘅味道及質感🤔所以對我嚟講天婦羅真係比較少食🤔 同朋友傾起天婦羅，佢就執意要帶我食呢間全部廚師都係日本師傅嘅「天婦羅 次郎」話我知正宗嘅天婦羅係點🤣 點知去完真係令我對天婦羅改觀‼️‼️原來天婦羅都可以完全唔油膩，反而可以更加提升食材味道&口感😍🥰 雖然廚師係講日文，但有店員翻譯，感覺真係去咗日本‼️‼️‼️🌟前菜店員介紹由綠色碟開始黑松露蟹肉配湯葉再到螢光魷魚配菜之花，最後蓴菜醋漬物可以就咁飲，酸酸甜甜，好醒胃💕🌟花竹蝦頭：建議配海藻鹽，超酥化蝦味濃郁💕🌟花竹蝦1.0：用高溫薄漿炸，仲清晰可見蝦身，保留到蝦嘅爽甜鮮味✨🌟花竹蝦2.0：用低溫厚漿炸，配蘿蔔蓉&天婦羅汁，口感特嫩滑💕🌟蔬菜：超甜嘅北海道粟米&清香幼軟嘅蠶豆🥰🌟京都茄子🍆一咬會爆汁，香甜軟糯💕🌟沙椎魚：魚骨與魚身分離，配不同食法～魚骨酥脆香口，魚身外脆內軟🥰🌟吞拿魚醬油漬：醬油漬更嘅鮮甜感更突出✨🌟 馬糞海膽：紫蘇葉包住海膽再炸✨香脆滑嫩，海膽嘅鮮味直湧🥰🌟紫海膽：入面已調味，可以就咁食😆口感好豐富，嫩滑又脆口✨(唔鐘意食海膽嘅，可以揀鮑魚，超大隻又新鮮‼️）🌟毛蟹：呢款要預訂

壽司Omakase就越黎越多，而香港少有嘅天婦羅omakase，就一定要講起呢間予約困難店之一，由日藉主廚主理嘅天婦羅次郎。午市和晚市都只有一個menu，而晚市只做一輪生意，真係要提早book定先有機會食到🥰Omakase dinner course $1880p.p前菜有爆漿螢光魷魚以及蟹肉豆皮等打開味蕾，而好快第一道就由2隻花竹蝦頭打響頭炮，天婦羅粉漿好薄，能夠保持食材嘅原味道高溫薄漿炸花竹蝦、低溫厚漿炸花竹蝦🍤同一食材用2種唔同嘅烹調手法去炸，個人較喜歡高溫薄漿嘅嗰款，鮮甜味突出，幾乎0油分，就連塑造形態部分，都充分體驗到師傅嘅功架北海道粟米、熊本県赤茄子以新鮮清甜嘅日本蔬菜作為間場，中和一下味蕾北海道半熟帆立貝👍🏻熟度控制完美，半熟軟心狀態嘅帆立貝，配搭表面輕薄嘅天婦羅令人贊不絕口呑拿魚醬油漬北海道蝦夷鮑魚鮑魚大隻，爽口彈牙，同樣面衣都係薄薄一層增加了口感，再配搭上鮑魚肝醬紫蘇和牛、小貝柱冬瓜煮物紫蘇北海道馬糞海膽😍海味衝擊嘅一道料理，用紫蘇包裹住大量海膽，入口會喺口腔爆發出海膽嘅鮮甜，同時又會有紫蘇嘅香味做襯托紫菜三文魚籽🤤又係冇得輸嘅一道菜式，由紫菜嘅脆口到魚籽一咬就爆嘅咸

今次搵左間專食天婦羅既阿媽家姐😍好有驚喜，不得不提‼️店內坐位唔係話好多，但勝在入到去好似去咗日本咁😆值得一提店員好親切，好有禮貌👍🏾👍🏾見食材用料幾新鮮，會選用時令食材即炸。師傅仲要係日本師傅😯睇到佢哋好用心去整每款食物果份認真😳仲有種治癒感☺️餐廳連調味料都有五款，十分講究✨包括有松露鹽、抹茶鹽、海藻鹽、梅子鹽、青檸。點左個午市套餐 $880位吞拿魚醬油漬好新鮮👍🏾魚味濃郁，浸左醬油後帶出左魚肉既鮮味熊本縣天草市花竹蝦即炸即食，師傅用薄既天婦羅漿去炸，令成隻蝦炸得好靚🫶🏻蝦頭炸得好香脆，食落脆卜卜😍 蝦身肉質仍保持到結實爽彈😆連蝦尾都食得✅店員建議加少少青檸汁同海藻鹽，可以令味道更加開胃清新。京都伏見唐辛子口感略帶辣味，點天婦羅汁同蘿蔔蓉食成個味道幾清新。沙錐魚沙𩺬魚肉質細嫩，細骨唔係太多，咬落啖啖肉🤩再配上海藻鹽，味道好夾。小洋蔥第一次呢個食法，入口清甜，食落唔油，再點埋天婦羅汁，幾有驚喜😯北海道甜粟米又係第一次呢個食法😆店員建議點抹茶鹽或梅子鹽，兩隻各有特色，令粟米味道更加豐富。香魚店員話可隨意點一款鹽，入口有陣微微甘香味。馬糞海膽又係第一次呢個食法😆先用紫蘇葉包住黎炸炸，暖暖哋嘅

第一次食tempura omakase ，相當有驚喜！因為我有好多魚都係唔食，一去到既時候服務員都好貼心咁了解左我有咩係唔食有咩係食，幫我轉走哂我唔食既野。成個set既食物都好好食，個鮑魚、大蜆、炸海膽、炸粟米、炸蕃薯係最好食，我本人好喜歡🥰師傅炸錯左個海鰻比我，因為我係唔食鰻魚…但係我又唔想浪費咗佢，所以我最後係試咗，我人生第一次食鰻魚，呢個鰻魚完全冇腥味，佢打破咗我對鰻魚嘅感覺☺️最後個飯係可以揀炒飯或者茶漬飯，我揀左茶漬飯，佢哋上咗個飯，師傅喺我面前將個炸蝦餅擺喺碗飯上面，當水同油相遇….我就係見到嗰個情景😂呢個tempura omakase 大令我失望，啲職員個個都好有禮貌，好好服務，特別係個經理☺️真係值得一試，喺香港食嘢唔一定要米芝蓮先至係好食😉

係日本食過一間𝑻𝒆𝒎𝒑𝒖𝒓𝒂 令我回味無窮· 但係香港一直搵唔到稱心滿意既直至遇上Tempura Jiro 天婦羅次郎·天婦羅次郎位於中環疫情期間仍一位難求· 有幸朋友帶上感受一下高級天婦羅料理·裝修以日式木系作為主調餐廳位置不多· 只有9個位置所以想食記得訂位！♡ 𝑶𝒎𝒂𝒌𝒂𝒔𝒆 𝑫𝒊𝒏𝒏𝒆𝒓 𝑺𝒆𝒕 （$1880）提供4款鹽· 與食材配搭松露｜抹茶｜海藻｜玫瑰·ꕺ蟹肉湯葉｜螢光魷魚菜之花｜順菜醋蜜湯葉吸收了蟹肉精華·鮮味無比螢光魷魚爆膏· 非常鮮甜順菜酸酸甜甜很開胃ꕺ花竹蝦頭蝦頭香脆無比·蝦香十足ꕺ薄漿花竹蝦超薄的粉漿· 花竹蝦肉質紮實爽嫩ꕺ厚漿花竹蝦明顯感覺到粉漿既厚度· 香脆彈牙ꕺ粟米ꕺ蓮藕ꕺ茄子ꕺ沙錐魚魚骨配以鹽食· 魚身配蘿蔔蓉天婦羅汁師傅火喉把握得好好·魚肉鮮甜多汁ꕺ醬油漬赤身蠻有驚喜的赤身· 魚味濃郁而魚肉富彈性ꕺ紫海膽賣相精緻吸引· 以海苔盛載海膽配搭魚子點綴· 海膽甘甜濃郁實在令人回味無比ꕺ小貝柱冬瓜煮物來個汁煮剛好緩一緩蔬果吸盡湯汁· 非常鮮美ꕺ北海道海膽天婦羅海膽用紫蘇葉包裹· 海膽有入口即化既口感ꕺ和牛 第一次食和牛天婦羅· 有點小驚艷牛肉肉味濃郁·口感幼嫩富

 小妹每年赴日幾遍，在香港極少吃天婦羅，連 casual 的例如『金子半之助』 都沒有去過。前一次是幾年前的『一寶』了。香港『一寶』，印像是店內素淡的裝修比大阪本店更美。朋友帶我來『次郎』，說我會喜歡，又話下次再去『天ぷら　次郎　はなれ』，因為福田次郎先生在「はなれ」啊。他又解釋話「はなれ」（就叫它「別館」吧）一般都是包場的，而且基本上是「完全紹介制」。說「基本上」，皆因凡事都有例外掛。其實日本有小眾料理店都是「完全紹介制」，例如『松川』啦，又例如現在還有點熱度（？）的 SugaLab 啦。說實話，連 book 餐飯都麻煩得很，小妹對那些 hard-to-book gimmick 無甚興趣，不過卻無法不愛『松川』。又說遠了。小妹於是就來了『天ぷら　次郎』（就叫「本館」啦），今天由村上大將主理。先來【 梅酒 】『鳳凰美田』梅酒 soda。十分 soothing。好似『すし　志魂』，這裡都是沒有 soda water 的，用 San Pellegrino 的 sparkling water 代替，其實 San Pellegrino 都是 carbonated 並非天然的喔。用來溝梅酒，好似

朋友知我最近迷上左天婦羅，佢就介紹左呢間係中環既天婦羅omakase 店俾我，餐廳坐位唔多，但師傅就有4～5個，而且仲係日本遠道而來，雖然語言不通但係都感受到態度好親切，食材方面，餐廳會選用時令食材，保證新鮮🐟吞拿魚醬油漬吞拿魚好新鮮，醬油帶出左魚肉既鮮甜🦐熊本縣天草市花竹蝦頭蝦頭炸得好通透，口感脆卜卜，搭配橘子汁同海藻鹽，味道更加開胃清新。🦐熊本縣天草市花竹蝦蝦肉好爽口，味道鮮美，薄薄既天婦羅漿令鮮甜既蝦肉多左一層脆脆既外皮，令口感同味道都更上一層樓🌶京都伏見唐辛子唐辛子口感有輕輕既辣味，味道很恰到好處，點天婦羅汁同蘿蔔蓉食就最岩。🐠沙錐魚配上海藻鹽，味道十分好。而魚骨搭配天婦羅汁都係一個不錯的選擇。🧅小洋蔥入口清甜，搭配天婦羅汁，味道十分清爽。🌽北海道甜粟米搭配抹茶鹽或梅子鹽，鹹甜相交，口感更加豐富。🐡香魚原條冇劏香魚BB，入口有淡淡甘香味。🔅馬糞海膽用紫蘇葉包住黎炸炸，可以用海藻鹽或原味松露鹽增加味道層次感。🫘蠶豆入口軟糯，味道清甜，可以各自配唔同既鹽食出唔同既味道。🐚蝦夷鮑魚鮑魚仲識郁，即叫即劏，肉質彈牙鮮甜，可以搭配鮑魚肝醬，味道很美味。🍠九州紅遙蕃薯甜味十分突出，就咁食已經

我個bff又約我食好嘢，今次佢揀咗呢間天婦羅Omakase，餐廳要一早book定枱，因為裏面只有10個座位，晚餐只有一個Dinner Set👇🏻OMAKASE Dinner Course $1880食咗呢度呢啲👇🏻-螢光魷魚、玉子、水雲藻-熊本縣天草市花竹蝦 蝦頭 點海藻鹽 蝦身 中高溫油炸 青檸汁/海藻鹽-熊本縣天草市花竹蝦 蘿蔔蓉 天婦羅汁 厚漿，海藻鹽-日本野菜筍露荀上面點鹽 下面點天婦羅汁-日本沙錐魚 魚身沾天婦羅汁 魚骨點鹽-吞拿魚赤身刺身-北海道白海膽 香脆紫菜 魚子醬-蟹肉冬瓜煮物-馬糞海膽 海藻鹽/松露鹽-三文魚籽海苔 已經調味 可以直接食-海鰻 魚骨同魚尾點鹽 魚身點天婦羅汁-九洲紅遙蕃薯-天婦羅茶漬飯-白桃雪芭 日本蜜瓜 綠茶佢地嘅調味鹽粉有松露鹽、綠茶鹽、海藻鹽、梅子鹽同青檸。我最鍾意點松露鹽同海藻鹽第一次食天婦羅Omakase ，比預期中更高質，日籍師傅會即席製作，由上粉、掃粉、落漿….每個步驟都一絲不苟。無論係薄漿，厚漿都炸得非常鬆脆。另外火候控制得好好，炸到統一都係金黃色，而且食物水份都保留到，口感令人念念不忘，每一樣都好好味，其中有幾樣特別鍾意！用脆薄外層

係香港主打天婦羅既餐廳真係無乜幾間，前幾年同朋友係中環食過一間好出名既，但食完都係覺得不外如是，所以我一直以黎對天婦羅既興趣都唔太大。✨✨✨直至我上星期試左《天婦羅次郎》之後，先發現原來天婦羅係可以整到好好食架！每一嚿都炸得好脆好乾身完全唔會覺得油膩😋✨✨✨唔好以為炸天婦羅好似好簡單，沾完粉就落鍋炸。除左炸漿份量要掌握得好，油溫同烹煮時間都好緊要 ，一唔覺意炸耐左就會影響味道同賣相，所以要做得出色真係好考功力。✨✨✨餐廳使用木系裝修，環境好舒適。有大約9個bar枱位，抽氣超好，就算個炸爐係正我地面前，都完全係零油煙味👍🏻佢地lunch同dinner都係得1個set，就係廚師發板。食材方面都係按季節調整，用最新鮮既食材烹調。當晚同朋友食Omakase Dinner Course $1880Serve我地既係村上師傅同另一位日本師傅。《Omakase Dinner Course $1880 》一坐低見到面前擺放左4款鹽。由左至右：松露鹽、綠茶鹽、海藻鹽、梅鹽、青檸。邊樣野食配邊個鹽都會有專人講解。✨螢光魷魚、玉子、水雲藻魷魚口感爽脆味道鮮甜、玉子鬆軟有蛋香味、水雲藻酸酸甜甜好滑捊捊。✨熊本

第一次留言,真係要俾其他人知道等人哋唔好中伏,$880 lunch set 加埋10%,要成千位,錢唔係問題如果好食同有好experience個lunch time有兩個時段,好似食快餐咁樣,唔可以慢慢享受食物,服務員表面好似好有禮貌,其實不斷咁催你快啲食同埋走.感覺非常之差.例子:最後一個飯到咗都未開始食第一啖就已經將個溶緊嘅雪糕擺喺側邊,真心冇禮貌! 就算你去出邊食啲平嘅餐廳絕對唔會將甜品咁樣逼你撈埋一齊. 每道菜之前介紹嗰幾句,好似念急口令咁樣,完全唔係用個心serve見到嗰啲服務員眼神都唔又善,尤其有一個長頭髮更差明白做生意困難,趕時間又唔有禮貌同客人講聲先,呢種服務態度好趕客.食過好多比較貴嘅餐廳,呢間最差. 食物可以,但係唔係好食到值呢一個服務態度同埋價錢.仲要之前book定如果想食性價比高lunch ,寧願去天秀.如果肯比多啲錢又可以預早book定嘅話,咁不如去四季入邊嗰間Uchitsu ,服務同態度同食物一流，好過呢間好多倍.