影片
港鐵尖沙咀/尖東站 N4 出口, 步行約1分鐘
繼續閱讀
電話號碼
37978839
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
這間韓式美食廣場位於尖沙咀的K11 ART MALL，內有五個知名品牌，能一次過品嚐正宗又地道的韓式料理。店內環境寬敞舒適，有壁畫塗鴉及霓虹粒裝飾等充滿韓風，適合多人聚會。韓式前菜前菜可免費無限任添。韓式辣豆腐細嫩柔軟；西蘭花爽身鮮甜；韓式泡菜集酸辣甜好有層次。韓式部隊鍋套餐 - $398韓式部隊鍋採用松炭式部隊鍋風格，陣陣濃郁的韓式泡菜香氣噗鼻而來，兩片芝士慢慢溶化平衡辣度，再加入惹味的大蒜，酸辣得好有層次。一粒粒免治牛肉嫩滑多汁增添肉香、一片片司華力腸外脆內軟，帶有濃郁的豬肉鮮味，又有一條條厚切午餐肉爽滑彈牙。韓式部隊鍋湯底炒飯炒飯充滿著泡菜香氣及半溶化的芝士，富有濃郁的韓式風味。即食麵波浪型的公仔麵非常掛汁，又吸飽部隊鍋的精華，煙煙韌韌充滿彈性。炸雞兩件Nene Chicken王牌炸雞金黃酥脆且毫不油膩，咬開雪白的雞肉嫩滑多汁，可蘸上芝士醬。水果梳打(兩杯)包兩杯無酒精飲品。豐富的碳酸氣泡清爽怡人，又有濃厚的水果香氣。牛油黑松露養生釜飯 - $88傳統韓國飯食之一，粒粒圓潤分明的珍珠米，有牛油增添奶香之餘，又有飄香的黑松露及其他菇菌，再加入香脆的紫菜絲、韓式生蛋，還有木耳絲、南瓜蓉及韓式韭菜等配料，鬆脆鍋巴有些許焦味更具口感。
繼續閱讀
好耐冇食韓國野，見到呢間話係集合五個知名韓國餐飲品牌既餐廳，就即刻決定要試下。餐廳幾闊落，坐得舒服。平時兩個人食唔到好多款，呢個3+1鍋就岩哂，可以每樣有啲🤤感覺係一個縮小版既布帳馬車先黎前菜，簡單開胃，唔夠食仲可以免費加 火焰牛油海鮮3+1鍋酒煮牛油海鮮鍋 用左多款海鮮去煮既湯底，裡面包括蜆、蠔、青口同蝦，另外仲加左牛油和大蒜。一上枱，記得要準備好手機影相，首先店員會加燒酒然後點火再加入高湯，陣陣的牛油香和海鮮的鮮甜香氣，真係等唔住想即刻食。煮完後個湯好好飲，好似係韓國食魚糕湯咁，但多左一份鮮味🦪🦐😳鮮甜不膩，帶點胡椒香辣味，整體搭配豐富且打卡一流熱炒豬皮及豬腸豬皮入味又彈牙，有豐富膠質，個人好中意呢個豬皮🤤🤤豬腸口感煙韌，加埋蔥越嚼越惹味，食材處理的很乾淨完全冇臊味。熱炒小章魚及五花肉小章魚軟嫩，搭配肥瘦適中既五花肉，食落脆口又帶油香，好岩送酒🍻香辣無骨雞腳及辣炒雞肉呢款係唯一冇得揀唔辣既，雞腳調味偏辣，唔食得辣既人會handle唔到！但係中意食辣既人會覺得每啖都辣得好爽好過癮，香氣及辣度完美滲透到雞腳，真係好正🤩韓國辣醬就係有種神奇既魔力，入口帶甜，後勁好辣，越辣越讓人停唔到。配埋好夠鑊氣肉質嫩滑既雞肉，每一塊都入晒味，又可以飲多兩杯燒酒啦🙊
繼續閱讀
26/10/2024📍The Jang - Pocha & Korean Cuisine呢間餐廳集合咗幾間韓國餐廳嘅野食 所以野食嘅選擇多好多 餐廳入面空間好大 好多位 星期六中午去到都唔洗排隊⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨前菜前菜係可以refill 嘅～款式都唔少 有醃蘿蔔、豆皮、豆芽、泡菜、牛蒡、海帶 算幾有誠意✨豬脊骨湯炒飯其實係泡菜芝士炒飯嚟 仲有紫菜添 雖然好好食 但真係唔知同佢聲稱嘅豬骨湯炒飯有咩關係😂用鐵板上 熱辣辣 連飯焦都出埋嚟 ✨馬場洞脊骨土豆鍋湯底揀咗小辣 🙍🏼♀️都食到 入面有7、8件脊骨 啲肉煮到超腍但有啲柴 幾乎煮到係骨肉分離😂但係冇汁可以點 所以唔係咁夠味配料比得好足 有薯仔、西洋菜、娃娃菜、金菇、蘑菇、豆腐、芽菜、粉絲、即食麵呢啲配料都好索汁 所以好夠味！✨炸雞4件炸雞外皮好厚 大大扣分！有好多款口味揀 我哋揀咗青芥末白郡主+蒜香醬油宜家先知白郡主炸雞係指 加咗乳酪同洋蔥做topping😂食落有啲奇怪 甜嘅乳酪擺係熱嘅炸雞上面 有啲格格不入 仲有最怕嘅生洋蔥🙂↕️下次唔會再揀呢隻味蒜香醬油就正常啦✨鮮奶紅豆冰好大杯 好多紅豆🫘甜度適中 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$427（收加一）我哋食晒真係飽到傻咗 呢個set 應該夠三個人食😂野食味道不過不失 都可以試下嘅推薦指數🌟：3.5/5📍尖沙咀河內道18號K11購物藝術館1樓107號舖
繼續閱讀
冬天嚟啦，係時候食返個部隊鍋去暖吓個身咁啱喺K11 Artmall見到呢間The JANG 有一個"The 正 部隊鍋套餐"，有飯有面有炸雞勁豐富，搞到我忍唔住叫咗一份。佢部隊鍋裏面有勁多芝士，腸仔同埋午餐肉。而且最特色嘅係，佢嘅麵可以自己用手撕，想食幾粗幾幼都得，意外又幾好玩。套餐裏面仲會有個部隊鍋炒飯，佢個飯充滿咗韓式辣湯底嘅味道，而且加咗芝士同紫菜都好正。再配埋佢嘅炸雞，脆卜卜又大份，真係食得好舒服🥰最後我仲叫左一份牛油黑松露養生釜飯，飯香四溢，黑松露嘅香味混南瓜蓉嘅氣味再加小小佢嘅特製醬汁，帶出養生釜飯嘅獨特風味，養生又好食。
繼續閱讀
.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯尖沙咀K11嘅韓國餐廳今次有The Jang 同馬場洞攜手合作推出新嘅菜單，分別有兩款組合，特級韓國鰻魚, 牛, 豬套餐同“The正” 韓式部隊鍋套餐兩個組合分別都各有千秋-特級韓國鰻魚, 牛, 豬套餐精選韓國進口的風川鰻魚. 係一種特別嘅鰻魚品種味道比較清淡肉質彈牙厚實燒過之後特別香脆鮮嫩套餐非常豐富，配搭五花肉同烤牛膈肌仲可以配搭牛油黑松露養生釜飯可以被稱為特級韓國鰻魚,因為我們選用韓國進口, 風川鰻魚. 風川鰻魚大名鼎鼎, 是出名的淡水鰻魚, 生長在江水與海水交匯的地方, 是一種特別的鰻魚品種. 此外, 它們的來源, 它們的成長都引人入勝. 有傳它們是全北高敞禪雲山, 味道特別清淡而香的鰻魚. 有傳它們跟禪雲山毫無關係.另外, 它們在產卵期間會穿越西海到太平洋深處，然後返回原處。這種迴歸性的特點使風川鰻魚顯得獨特而神秘。它們的故事充滿了奇幻與美妙的旅程。-“The正” 韓式部隊鍋套餐呢個部隊鍋真係好豐富側邊圍住一排香腸片中間係軟綿綿嘅牛肉碎入邊好有層次，除咗配搭公仔麵仲有年糕，同埋午餐肉仲可以配搭兩件韓式部隊鍋湯底炒飯, 同兩件Nene Chicken王牌炸雞我哋兩個套衫都有叫晒，因為兩個套餐都好豐富好精彩配搭都好吸引，份量又夠多好適合成班朋友一齊過嚟食如果唔想錯過其他好介紹，記得follow我呀😘多謝大家！！！你嘅支持就系我嘅動力！記得點贊❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
繼續閱讀