影片
開飯介紹
焱丸水產是香港首間海鮮磯燒元祖店，有活海膽、鮑魚、活龍蝦、松葉蟹、帆立貝等十多款海鮮，可選擇磯燒或刺身。 復刻傳統魚市場場景，食客在木箱、漁旗的環繞下品嘗豐洲直送當日水產，享受活魚刺身、活貝磯燒的原始風味，彷彿置身於日本海邊。
繼續閱讀
營業時間
今日營業
12:15 - 15:00
18:00 - 00:00
星期一至日
12:15 - 15:00
18:00 - 00:00
以上資料只供參考, 請與餐廳確認詳情
有關獎賞計劃
相關文章
前陣子跟朋友來過晚餐，無論氣氛還是食物，都覺得不錯，超有置身日本的感覺(≧▽≦)這天午餐有空就跟媽媽回訪😙即使我們只是點了很少活海鮮，依然有專人幫忙燒烤，服務一流!不但可以解放雙手，而且成品也比自己燒得來得高質😂 By the way 桌上有一個尖叫雞，來呼喚職員，不要亂按啊😂(但往往就是想按😂😂) ✿ 鮑魚/帶子磯燒 $68@1超級新鮮! 上桌時，還是生猛會動😳個人覺得不需額外加醬汁就已經好好吃😚 ✿ 芝士蟹肉甲羅燒 $78蟹膏分量很多，飛魚籽脆脆的令口感更豐富如果可以配上幾片餅乾/吐司一起享用應該更正🤤 午市套餐：✿ 超豪華12件壽司盛 $238✿ 豐州鮪魚盛盒 $198每份還包括：茶碗蒸、前菜(豆腐)、沙律、味噌湯，好豐富!分量很足，媽媽完全吃不完她那份，我當然不客氣地幫忙吃光😂感覺上上次晚市的魚生質素更正，但性價比來說，lunch set 還是高一點，價格幾乎是晚市的一半🤣 ✿ 草莓乳酪蛋糕 $20 (lunch set加配價)這天沒有千層蛋糕，換成這款也不錯像 häagen-dazs的草莓味雪糕😍 🍴加一服務費：✔️
繼續閱讀
💁🏻♂️💁🏻♀️本身鍾意食海鮮，對日本濱燒情有獨鍾，今次嚟到焱丸水產，專人幫你燒埋，可以輕鬆一下，唔洗成日掛住睇火👋🏻😂🝮鮭魚冷麵 [$128]將鮭魚切成一條條，加上蛋汁同冷麵汁，口感清新🌱🝮自慢焱丸號 [$158]賣相澎湃🌊，食材有海膽、三文魚粒、帶子、三文魚子、吞拿魚蓉同蟹柳絲，暗格有6粒嘅青瓜絲小卷，足料而鮮味.🝮芝士蟹肉甲羅燒 [$78]➕ 加配薄餅 [$22] 蟹膏香甜係加分項，燒熱後同芝士融為一體，味道相映成趣🤝🏻😊.🝮海膽帆立貝燒 [$85]🝮和風木魚帆立貝燒[$75]帆立貝🐚大大隻，燒到熟度剛好，海膽有提鮮效果🫶🏻.🝮紫菜魷魚天婦羅 [$78]炸粉薄透，魷魚🦑爽口彈牙天婦羅炸粉加上紫菜碎碎，增添不少風味🍥.🝮蟹雜炊 [$168]見住員工煮粥，過程治癒🫶🏻粥底用上日本米，口感綿密有長腳蟹🦀加持，鮮味鮮味😜.🝮冰菠蘿燒酎 [$68]🝮梅乾燒酎 [$58]冰菠蘿幾鮮甜，梅乾就酸酸地，幾開胃🥰
繼續閱讀
去咗呢間裝修充滿日式漁市場風情的日式料理店，主打磯燒海產、刺身、壽司，食材超新鮮，全程有Staffs幫手燒，控制生熟、調味等都好專業，店員們亦好有禮貌值得一讚👍🏻🔶焱丸活貝大盛有鮑魚、帆立貝、牡蠣、白蜆，食材超新鮮，見到鮑魚仲郁緊，每樣都燒得啱啱好，帆立貝厚肉鮮味，我連湯汁我都唔放過清曬😚，鮑魚好彈牙，牡蠣🦪肥美，白蜆鮮甜。🔶烏賊磯燒魷魚🦑好大條，店員好有心機燒，燒到開始乾身再搽醬汁慢慢燒，燒得啱啱好又吃到魷魚的香味。🔶黑松露蟹肉甲羅燒 加配 薄餅以蟹蓋作燒皿，有蟹膏、蟹籽、蟹肉、香蔥、黑松露、鵪鶉蛋，一邊燒一邊攪拌，一路聞到好香，我哋加配左薄餅一起食，蟹膏食起嚟好甘香又鮮味。🔶香草牛油蝦蝦吃起來好香亦彈牙，連配菜洋蔥都好好食。🔶日式甜醬牛肉鍋 +鍋用烏冬鍋裡放滿豆腐、蔬菜、菇類等材料，另外有三大片牛肉，點埋生蛋汁食更嫩滑，我哋仲加咗個烏冬，放落去吸滿湯嘅精華好好味。🔹鹽檸檬Highball🔹燒酎-荔枝玉露茶我哋揀咗啲小小酒精嘅飲品，配日式料理很不錯。
繼續閱讀
今次去尖沙咀食咗間超有氣氛嘅日本嘢😋 焱丸水產呢度有多種海鮮水產嘅浜燒同刺身食🐠 浜燒全部都有職員幫忙燒，服務一流，可以懶洋洋等食🥳🦪 焱丸活貝大盛嚟到呢度，緊係要揀返個浜燒拼盤！我哋揀咗活貝大盛，有活鮑魚、蠔、帆立貝各兩隻，蜆四隻，適合兩個人開心share🥳 啲海鮮上枱仲識郁㗎，真係超新鮮😋 職員會一路燒一路加入唔同啲醬汁，清酒等🍶 食得出超鮮甜又多汁，勁正勁推薦🤤🍣 三文魚壽司拼盤兩個三文魚控嚟食飯，當然要叫返個三文魚壽司拼盤🤩 呢個拼盤有五件壽司，各加上唔同嘅食材，例如海膽、魚籽、黑松露，仲有一件係炙燒🔥 三文魚肥美得嚟唔會太膩😆👍🏻🐥 炸雞軟骨估唔到呢度嘅雞軟骨都炸得好好食😍外表酥脆，內裏爽脆，仲粒粒都咁香口😋🍲 日式甜醬牛肉鍋我哋仲叫咗個甜醬牛肉鍋，再追加烏冬🍜 個鍋好大個，鍋裏面有幾款蔬菜🥬、菇🍄、豆腐⋯超滿！仲有三大片牛肉同日本生雞蛋配埋🥚 淥熟牛肉之後沾上蛋漿食，好似食緊壽喜燒咁，好味😋🍛 香蔥和牛炒飯男仔們怕唔夠飽可以叫埋唔同嘅飯或麵，我哋揀咗和牛炒飯，和牛粒油脂豐富，切成粒都好香好入味🥳
繼續閱讀
焱丸水產係我屋企好鍾意嘅日本水產餐廳，因為服務好同食材新鮮，幫你燒埋唔洗煩，可以專心食嘢傾計，所以都經常黎。1. 今次黎餐牌見到新食物，鮭魚冷麵，賣相好得，要即刻打卡。好適合夏天食，將鮭魚切成一條條，輕柔地裹挾著特製醬汁的醇厚與鮭魚的鮮美，好似食冷麵咁，每一口都是對夏日炎炎的完美詮釋。2. 鹽燒三文魚鮫，外皮烤至金黃微焦，锁住了魚肉的天然甘甜與豐富油脂，內裡則嫩滑如絲，每一口都是對味覺的極致寵溺。 每次黎都必點嘅燒海鮮：3. 黑松露蟹肉甲羅燒，當尊貴的黑松露邂逅細膩蟹肉，成就了這道令人難忘的甲羅燒。蟹肉的甜美與黑松露的馥郁在舌尖緩緩綻放，猶如夜空中最亮的星，引領您步入味覺的奢華殿堂。 4. 鮑魚殼燒，外殼微焦鎖住內在的海之精華，每一口鮑魚都是彈性十足、鮮嫩多汁，完美融合了海鹽的淡淡鹹香與鮑魚本身。 5. 海膽帆立貝燒，海膽與帆立貝的絕妙組合，呈現出海洋最純粹的禮讚。海膽的濃郁甘甜與帆立貝的細嫩爽滑，在炭火的輕柔烘烤下達到完美的平衡。 6. 醬油木魚帆立殼燒，醬油的香醇提煉出帆立貝的自然鮮甜，木魚花則帶來微妙的煙熏風味與細膩口感，三者和諧共融，呈現出層次分明又不失協調的美味，是對傳統日式料理精髓的現代演繹。
繼續閱讀