影片
開飯介紹
有百年歷史的公和，使用加拿大非基因改造黃豆，以手工製作豆腐、豆卜等豆製品，口感又香又滑。此外，以古法製作的石磨豆漿原汁原味，值得推薦。
繼續閱讀
獎項殊榮
最優秀開飯小食店 (2010-16), 最優秀深水埗開飯熱店 (2015-16), 米芝蓮街頭小食 (2016,2017,2019-20), 米芝蓮必比登推介 (2023-2024)
營業時間
今日營業
07:00 - 21:00
星期一至日
07:00 - 21:00
以上資料只供參考, 請與餐廳確認詳情
相關文章
今日我去開深水埗～所以就隨便來吃个豆腐花同小小野～羅白糕同腸粉當食 lunch, and因為好少去深水埗～所以打算食左先再行去我去的目的地！去到好多人～但巷仔有个位～我不怕巷仔～所以就可以坐～要坐室內～排隊吧！好多小食呀！我叫了大熱豆腐花～好熱好滑～俾七分！羅白糕料足俾8.5分～腸粉真係一般～六或七分！叫做試一下～都几有香港local feel的店～可以打下 甘囉！
繼續閱讀
之前同朋友都想試吓呢一間位於喺深水埗嘅豆腐花，今日就約埋佢哋過嚟一齊食，仲喺附近一齊掃街，我哋就揀咗一個三拼，一份炸魚腐，咖喱豬皮同埋梗係唔少得豆腐花！豆腐花非常好食，充滿黃豆香味，而且好香滑，再加埋少少黃糖，成個豆腐花嘅味道更加突出，而且呢個價錢真係冇得輸，難怪咁多人都過嚟呢度食，而且價錢非常抵食，成間餐廳都差唔多滿咗，佢嘅三拼亦都熱辣辣，鍾意食嘅朋友可以一試，個人嚟講最鍾意食魚腐，出邊好少有地方可以食到呢一啲豆製嘅食品，而且佢嘅熱量唔高，所以都適合我哋女仔食🙈🙈
繼續閱讀
放工去鴨寮街買完電話卡，想食小食就諗起想食豆腐，用Google map 搵下附近有無豆腐嘅餐廳，就搵到北河街呢間公和豆品廠 👏👏舖頭唔只賣豆品類，除左豆腐花～豆漿～釀豆腐～釀豆卜之外，仲有瑞士汁豬手～雞腳～雞翼，可以堂食或者外賣，超多人幫襯！我買左煎豆腐 18蚊5件 😍現場即煎 件件都熱辣辣 豆腐厚 豆味香上面薄薄一層釀魚肉 滿足°！買完先知原來可以雙拼，下次我要試埋釀豆卜！！
繼續閱讀
收工專登搭車黎深水埗，就係想食返佢嘅美食，好耐冇黎見到原來裝修過，佈置都好特別，去到唔使等位即刻入筆，座位都算乾淨，落完單之後上餐速度好快有得食，三拼荳腐荳扑魚腐好好味一定要叫，如果唔係叫咗腸粉本身諗住叫多一碟，豉油王炒麵正常味道，瑞士汁雞翼都OK可以一試，蘿蔔糕煎得夠香，見唔夠所以叫咗腸粉，凍豆漿好飲，食完有啲飽所以冇食到佢個薑汁雪糕，整體用餐感覺OK，職員有禮貌，價錢都算合理，如果經過附近就要再食多次。
繼續閱讀
朋友話想去睇地道啲嘅地方，帶咗佢嚟深水埗，想坐底食吓小食，又唔想食咁飽，就諗起呢間公和豆品廠。細個同屋企人嚟深水埗都會去飲吓豆漿，食個釀豆腐，所以都想比外國朋友體驗吓。我哋嗌咗個三拼、兩杯豆漿同埋一個薑味豆腐雪糕。三拼有釀豆卜、釀豆腐同埋一個炸魚肉撈豆腐。我自己最鐘意食釀豆腐，豆腐無額外調味，一食就有好香濃嘅豆味，好正！炸魚肉豆腐都唔錯，會食到豆腐嘅軟嫩同埋綾魚肉嘅彈牙。我朋友就話炸豆卜最好食，佢係煎釀三寶豆卜嗰隻味，我覺得麻麻哋，因為鐘意食有索汁，軟淋淋嘅豆卜多啲。薑味豆腐雪糕我覺得都唔錯，比起一般雪糕紥實，唔容易溶，豆腐味都好出，係薑汁糖水味道唔算太濃。我哋食晒所有熱食先食佢嘅，可能都至少十五至二十分鐘，都唔會話溶咗好多食唔落。豆漿就有糖嘅話都偏甜嘅，不過豆漿唔落糖又會好寡，所以都無辦法。飲完會有啲口渴，不過出面天氣咁熱，真係要整返杯凍嘢抖吓氣先得。以後嚟都會去食豆腐，坐吓傾吓計都幾似去咗cafe啊～
繼續閱讀