影片
港鐵觀塘站 A2 出口, 步行約5分鐘
繼續閱讀
電話號碼
81182299
開飯介紹
環境雅致，光線充足，予人舒服的感覺。師傅以精湛手藝，炮製各式中菜和點心，如招牌菜之一的黑毛豬叉燒，是和親友及同事飯聚的好選擇。
繼續閱讀
營業時間
今日營業
11:30 - 15:45
18:00 - 22:30
星期一至日
11:30 - 15:45
18:00 - 22:30
以上資料只供參考, 請與餐廳確認詳情
有關獎賞計劃
又多個友人下個月就走啦，相約食餐送行飯，佢想食中餐，咁就介紹位公子比佢識。呢位公子小姓張，睇門口呢個位置幾咁有氣勢。茶/水各一壺，用火爐仔保溫，餐具擺位給人一種幾高級嘅感覺。醉鷄就食得多，藥膳醉乳鴿 ($68) 就唔係好多地方有得食。入口涼感，乳鴿浸得幾入味，唔會太濃酒味，肉質幾嫩，咁嘅煮法好岩呢個天氣食。鍾意食蝦但又唔鍾意除蝦殼嘅人，誠意推介呢客艷影蝦球 ($168)，顏色已經感覺夏日醒神。先上蝦球脆炸，炸漿唔厚輕易食到蝦球。再淋上甜酸醬汁，啖啖彈牙蝦肉，單食或送飯都正。食得”倪”豪D，叫個鮮露荀清湯鮮南非鮑 ($78/位)原隻南非鮑大過隻匙更，夠厚身入口帶嚼口，食到中間位置會有點咸味，配埋個清甜鮮露荀清湯，簡而清。另類食蟹法，來一客蟹肉扒菜苗 ($168)。蟹肉量都唔係幾留手，加埋蛋白一齊煮，再舖上菠菜上，令平凡嘅菠菜秒變成上菜。壓軸出場係呢個新菜………………..膏蟹清蒸肉餅 ($298)。大大隻膏蟹”責”死肉餅……..哇哈哈。打開個蟹蓋…………超多膏，用匙更”畢”黎食都仲得。蟹鉗已經爆好殼，方便進食，蟹肉味道超甜。個身都爆膏，膏同肉一齊食，超鮮甜。肉餅放底吸盡蟹嘅精華，仲”沾”咗D蟹膏，入口食到馬蹄嘅爽脆及冬菇粒，唔濃味，用黎送飯超岩數。最後送上紅棗杞子桃膠糖水，為呢餐留下美好句號，亦祝友人一切安好。
繼續閱讀
張公子餐廳位於九龍觀塘駿業街58號3樓,餐廳裝修簡時尚雅致,入門對住收銀處外型似一個大鍋,牆上掛有多幅中式花畫,餐廳主打粵魯菜,廚師以新派菜色和有創意廚藝,烹調各式小菜和點心服務員招呼殷勤有禮。,公子特色凍豆腐凍豆腐真的好特別,廚師用薑醋汁製作凍豆腐夠創新,有驚喜,味道不錯。秋霧鹵醉蝦醉蝦上桌服務員醉蝦夠大隻,酒味不太濃,醉蝦入口彈牙爽口。紅燒BB乳鴿乳鴿燒到金黃色,熱辣辣上桌,芳香撲鼻,乳鴿食落嫩滑多汁。張公子牛肋排牛肋排配有鮮蘆筍,芝麻和香蔥,牛肋排擺在一大條牛肋骨上,份量真不少,入口即溶好腍滑。勁量重手芝士大蝦伊麵.芝士夠動量,大蝦夠爽口彈牙,每條伊麵都掛滿芝士汁。
繼續閱讀
位於觀塘❣︎張公子❣︎係一間粵菜中菜酒樓，有成8000呎環境非常舒適寬敞，仲有獨立房間🤗岩晒一大班朋友聚會/公司晚宴，夠晒私隱度，呢度服務非常周到，值得一讚👍🏻❣︎公子特色凍豆腐❣︎$38凍豆腐好香滑，鋪面頭嘅醬料係豬腳薑嘅味道，酸酸甜甜相當特別，做開胃前菜一流👍🏻❣︎張公子叉燒❣︎$258🌟必食推介😋👍🏻叉燒色澤紅潤😍大大舊有少少燶邊，口感超鬆軟，肉汁juicy，半肥半瘦超正。❣︎秋霧鹵醉蝦❣︎(八隻）$168上菜時底部擺乾冰，營造煙霧💨效果😍打卡一流📸醉蝦用花雕酒醃過，有淡淡花雕香，大大提升左蝦嘅鮮味。❣︎膏蟹蒸肉餅❣︎$298成大隻膏蟹擺面😍相當吸晴👍🏻肉餅吸收晒膏蟹汁嘅精華😋👍🏻勁好送飯，膏蟹味道鮮美，啖啖肉👍🏻淺黃色蟹膏軟糯黏口，綿密微甜，超正🤤❣︎湯水❣︎最尾仲有糖水送🤗木瓜雪耳糖水超清甜足料，張公子龜苓膏，用樽上相當特別😍呢餐飯超滿足。
繼續閱讀
今晚約同三五知己尼到官塘駿業街電訊數碼大樓3樓的一間名叫“張公子”中餐廳晚飯。這裏地方寬敞，佈置優雅，完全沒有擠迫感，坐落十分舒服，再加上侍應殷勤招待，令我有賓至如歸的感覺。 秋霧鹵醉蝦 （八隻）$168這道菜端出來煙霧四散，十分吸睛。大大隻的大頭蝦食落爽甜，感覺新鮮。蝦頭裏還帶有蝦膏，十分香口。 勁量重手芝士大蝦球伊麵 $198熱辣辣的蝦球伊麵端出來香味撲鼻，真的有一種令人無法抗拒的感覺。芝士醬汁蓋滿了一整碟菜，不會過多也不會太少，恰到好處。蝦肉食落鮮甜爽口，伊麵感覺彈牙，每一條伊麵都掛上了濃郁的芝士醬汁，十分惹味。 公子特色凍豆腐 （位）$38這道菜真的很特別，估唔到豆腐都可以跟薑醋咁夾，軟滑的豆腐舖上磨了蓉的薑醋，食落感覺有薑的香辣味和醋的酸甜味，豐富了我的味蕾，令我胃口大開。 張公子牛肋排 $398這個名稱認真文縐縐，這道菜是“張公子”七大名菜之一，果然名不虛傳。牛肋排炆得非常冧和入味，食落牛肉的肉汁香味滿佈口腔裏，翠綠色的蘆筍鮮嫩爽口，再加上秘製的醬汁，令這道菜的香味更上一層樓，真的令我食不停口。 紅燒BB乳鴿 @$48紅燒乳鴿皮脆肉嫩，醃得十分入味，食落還有微微的肉汁滲進口腔裏，十分香口，再點上少許喼汁和淮鹽，提升了這道菜的味道，滋味無窮。
繼續閱讀
第二次黎食差左好多。😅點完菜唔夠5分鐘野食已經上哂枱，可想言之質素會有幾好。首先招牌叉燒偏肥，舊舊都斬到兩隻手掌咁厚，好難入口。豔影蝦球係極度失望，由$168加價到$218，唔係用新鮮蝦都算，上碟已經凍，外皮炸粉極厚又炸唔乾身，外皮仲大舊過入面隻蝦，越食越滯。🥴本來點個龍皇吐霧鮮鮑魚諗住打卡，但呀姐落乾冰過程整得好求其，成唔到水晶球。鮑魚味道中規中矩少少花雕味，但打唔到卡基本上叫黎無意思。😅總括黎講，份量睇落大份，但質素一般，同價錢不相符，服務亦有待改善。
繼續閱讀
您可能會有興趣的...