倫住蒸倫哥私房菜 (Closed)

朋友生日食飯book左呢間倫住蒸食蒸氣海鮮，去到先知原來係倫哥私房菜嘅系列，今次就主打蒸海鮮。倫哥就出左名多野食，由我地入去個一刻，咩都唔洗叫就已經有碗蟲草花湯飲。之後先比個餐牌你揀每一樣海鮮點樣整，就自己剔番個調味，之後就會咁多盤拎過黎。本身以為係好似9層塔個d全部一齊蒸，之後續層續層食落去，點知完來唔係，係一層一層蒸，店員會set好時間，夠鐘就拎比我地食咁樣。雖然就有少少取考，但係最重要都係食物味度同質素。聖子我地揀左用蒜蓉蒸，味道一定好食，面而佢用料都幾新鮮，都幾肥美，肉質都夠爽脆。薑蔥蒸花甲帶出左花甲嘅鮮味，亦都唔會話有沙/ 死花甲開唔到殼嘅問題。我最鐘意呢個剁椒醬蒸蝦，香口野味帶少少辣味，蝦肉結實爽口彈牙，正👍🏻清蒸蔬菜中間清清口味，估唔到就咁清蒸蔬菜都咁好味，紫薯勁香甜，南瓜亦都蒸到岩岩好，好腍好甜，好有驚喜。之後我地揀左黑皮蒸鮑魚，係屋企呀媽都會咁樣蒸鮮鮑，肉質都幾彈牙，易咬唔會過熟變硬，好好食。size亦都唔算細，合理。而龍蝦就揀左清蒸，亦都係店員推介，話可以食番龍蝦鮮味，清蒸就會最顯鮮甜，唔會比調味cover左個鮮甜。又真係冇講錯，真係好鮮甜多汁，唔會腥同澀，好好食，

之前見有幾個FB谷友post這店的海鮮相，所以忍不住去食。或許看飲食節目太多被洗腦，這裏沒有我想像中的私房菜格局，但就有私房菜的服務，每道菜都是店員為我們蒸的。菜式大家吃的都一樣，不過可以選擇不同蒸法，清蒸、蒜蓉蒸、蟲草花蒸、老干媽蒸等等，真是五花八門。茶樹菇燉雞湯足料夠味的靚湯。不過有點油。鮑魚花膠似涼拌小吃，微溫的。不過鮑魚有嚼勁醬汁又滋味。然後就是一輪海鮮盛宴，真的是倫住蒸密密食，店員忙碌我又忙碌。海鮮款款新鮮，肉質鮮嫩，吃得出它原有的味道。除了生蠔有點小，且因為選了薑蔥蒸，生蠔的味道被蔥味蓋過了，其他真的沒有可挑剔的。食飽飽最後還有足料蒸飯，份量多到吃不完，枱枱都打包，我也不例外。之後還有黑糖冰涼粉來劃上完美句號。本身無水放枱面，拿水要問，因為店員好很忙，所以會比較慢才有。不過現在有Like FB送飲品，但不知推廣到幾時。然後買單發覺早段時間的有折扣，一個人不用$200。真的好抵食。

知道太子有蒸海鮮，食9樣野都只不過係$238/位！咁抵我緊係要去試下啦😎每一款野食都有得你揀口味，用咩蒸都得😗首先就有每個星期都會轉款嘅燉湯，今日飲呢個係猴頭菇蟲草燉湯～非常足料，同埋一啲味精都冇，燉左幾個鐘入晒味！正《花膠鮑魚》雖然隻腳唔係好大隻，但係勝在蚊的夠入味同埋夠林！《聖子》聖子大大隻彈牙爽口，蘿蔔夠甜👍👍《蝦》🦐估佢唔到有咁多隻，仲要隻隻都開左邊，方便食～肉質一樣係爽彈👍《龍躉腩》唔似好怕喺街食魚，因為好容易就有陣腥味，但係呢個完全冇！唔好睇佢好似細細舊，其實勁厚肉，而且非常滑身，有淡淡既鮮甜味～《生蠔》蠔身脹卜卜，蒸嘅時間掌握得好好，唔會熟到縮晒，亦都唔會太生，咬開白色嘅部份全部熟晒，綠色嘅仲有少少流質嘅狀態食咗咁多海鮮，都成日食啲菜清一清先～特別推介南瓜同埋紫薯，激甜《龍蝦》🦞估佢唔到咁大隻，一樣肉質爽彈，我朋友直情忍唔住食埋啲膏《蟹》蟹膏非常好食，夠多，肉質鮮甜多汁其實隻蟹差唔多飽到食唔到，但仲有八寶飯未食！不過呢個係唔食得！冇諗過蒸飯可以試吓味道好似煲仔飯咁🍲食完即刻勁滿足！《鮮魷腸粉》都幾惹味架！仲有沙嗲汁～不過就偏重口味少少😛最後梗係唔少得甜品啦～《黑糖冰涼粉》

前陣子去幫襯倫哥火鍋私房菜，任食雞煲、火鍋同刺身，發覺餐廳食材新鮮兼抵食。食隨之味，今次一家去太子試試同系嘅倫住蒸倫哥私房菜。今次我地食倫哥海鮮鍋，店員先俾左份餐塊給我，原來係有得揀各款海鮮嘅食法， 揀好後再由店員「落手」。頭盤係花膠扣鮑魚，鮑魚肉質軟滑有咬口，花膠質素也不錯。燉湯用足材料去燉，暖身之選。緊接嘅蒜蓉蒸貴妃蚌，味道鮮甜，同蒜蓉好夾。黑松露豆腐賣相不俗，同埋蟲草花、龍躉腩一齊蒸，蒸龍躉腩時間拿捏得好，魚肉嫩滑同有膠質，口感一流！鮮魷腸粉嘅腸粉嫩滑同魷魚彈牙出奇地夾，加上沙茶醬後更惹味十足。生蠔新鮮肉厚，清蒸就最能保留原有嘅鮮味同口感。龍蝦加咗XO醬蒸，更加惹味。龍蝦肉質彈牙，夠晒新鮮。蒸蟹、蒸蝦，啖啖肉，新鮮，肉質彈牙。十足十二串足料蒸飯，果然名符其實，份量十足，配料有雞肉、臘腸、蝦干、粟米、翠肉瓜、南瓜、蝦腩片、芋頭、蒿筍、蒜蓉排骨等，真係食到舐舐脷😋

尋日朋友約我慶生, 佢地揀左呢間蒸氣火鍋店, 水準及新鮮程度都很好, 而且價錢相對較其他店便宜, 加上佢地做緊折扣優惠, 所以覺得更加抵食, 份量亦十足.地點及環境很好而且很方便，服務非常好, 每位員工都很有禮貌及很有耐性解答嘅問題, 而且也很關心客人嘅需要, 唯覺得人手不足, 希望可多加人手.每檯都有一張ORDER卡, 服務員很詳細地解釋點樣填, 如用咩配料蒸邊款海鮮都解釋得好詳細.味道很有水準, 呢個價錢食到D咁新鮮嘅海鮮真係好抵每檯於食蒸鍋時,都會先飲燉湯, 尋日係茶樹菇燉雞, 原盅上, 原汁原味, 而且味道好鮮甜; 之後係小食: 鮑魚仔配花膠, 鮑魚仔好入味, 正, 花膠嘅汁都唔錯; 拍青瓜及炆豬手, 青瓜好爽脆, 醋及辣椒唔會多, 味道剛剛好. 跟住就係蒸海鮮: 包括有蟶子, 我地揀左蒜容, 蒸出黎效果好好味; 蝦就用清蒸方式, 味道不錯, 之後就係龍躉腩, 奄仔觸, 鮮魷腸粉及龍蝦, 每款都份量十足,！最後就係八寶飯, 有雞肉,臘賜,豆,蝦乾,南瓜, 芋頭.........等配料, 而且係即時蒸, 所以食時真係好香及唔覺得油膩. 甜品係黑糖玻璃涼粉, 唔太甜, 好味

蒸海鮮@太子上星期見呢道新開張，有成八種海鮮都係每人 $238 再七折，就同咗屋企人嚟食蒸海鮮。啲嘢質素都幾好，服務仲無得彈𠻹，呢道嘅蒸鍋係有計時，侍應一聽到個鍋響就會過嚟分海鮮，完全唔使自己動手又唔會 overcook前菜竟然係鮑魚同花膠，會唔會太勁？一人仲有一盅老火湯，湯料好足，好滋潤～每樣海鮮都可以自選醬料去蒸，同埋側邊都會配一啲時蔬。龍躉腩清清哋已經足夠，因為魚肉好鮮甜，而且勁滑！生蠔好飽滿，蒸完都無縮到好細，仲係大大隻，今次就伴咗荷蘭豆。貴妃蚌用咗蒜蓉粉絲去蒸，好惹味 啲蝦開完邊每邊都幾大，揀咗用蒜蓉去蒸，蒸蝦香口又好彈牙！奄仔蟹爆哂膏，真係好吸引～ 隻蟹望落唔大，但蟹肉食落原來都幾多，非常鮮味。連龍蝦箝都好巨型，可以成條肉叉出嚟食好霸氣 龍蝦肉好結實，好食～睇 menu 嗰陣都唔係好 picture 點樣鮮魷蒸腸粉，不過撈埋啲甜醬麻醬又幾好味，好似魔性咁搞到我食唔停 到最後仲有個荷葉蒸飯，成盤盤菜咁豐富，真係食到飽飽～甜品黑糖冰涼粉係透明㗎，屋企人話係倫哥版水信玄餅，笑死 呢個冰涼粉清甜冰凍，好消滯。

倫哥的雞煲火鍋早已來吃試過數次，每次都令人十分滿意，今晚發現倫哥在太子開了一間倫住蒸倫哥私房菜，於是來試一試。海鮮蒸氣火鍋套餐每位$238，共有九款菜品加上燉湯及甜品，指定時段更有7折優惠，埋單不用二百元，經濟實惠。燉湯燉湯是猴頭菇雞湯，真材實料，煲夠火候，不但滋味鮮美，那些豐盛味美的湯料更先聲奪人，令人先留下一個印象。蚌仔象拔蚌仔選擇了豉汁醬蒸，肉質嫩滑，味道鮮甜。花膠扣鮑魚扣鮑魚絕對是一門心機菜，材料、火候和時間控制等細節都是從經驗熬出來，切件花膠有相當厚度，入口軟腍，醬香馥郁。生蠔生蠔簡單以薑蔥蒸，食材本身有鮮味者，用適當的烹調之法可令其味道更為彰顯，肉質飽滿，蠔味濃郁。蝦用上最簡單的做法蒜蓉開邊蒸，新鮮蝦蒸起的會卷尾，肉質彈牙，滋味甚為鮮美，無須花巧已能突出食材的鮮味。波士頓龍蝦同樣以蒜蓉開邊蒸的波士頓龍蝦，簡單的為龍蝦提味，龍蝦肉爽滑鮮甜，甘腴可口，滋味雋美。龍躉腩龍躉腩以XO醬蒸，肉質厚實，入口嫩滑，XO醬更增添一抺惹味。肉蟹「有味使之出，無味使之入」，肉蟹個人偏好清蒸，新鮮肉蟹清蒸更能彰顯其鮮香，好讓蟹肉的味道不被其他調味所掩蓋。鮮魷腸粉鮮魷蒸腸粉，頗新穎的配撘，用上港式

倫哥私房菜集團分店遍佈港九新界就係人都知，主打抵食大件而且價錢夠親民，明益街坊，包你捧住個肚走收到路邊社消息，倫哥竟然在太子開左蒸氣海鮮🦞店叫倫住蒸，價錢只係238一位，梗係要支持下啦同朋友book左B時段八點入場，一於來個豐富海鮮之夜店內環境整潔光猛，全卡坐舒適闊落，我地安排坐樓上卡坐，兩個人坐四人位，檯面又大又闊，冷氣充足，十分滿意套餐包七款時令海鮮，口味由你決定，十分民主，可選擇清蒸，蒜蓉，老干媽蒸，鹽蒸....等等，我地就每樣揀啲，試曬不同口味分量按人數配給，如果唔夠食可散叫追加㗎餐具🍴齊全，蒸爐銀光閃閃，準備開餐另外提提大家，只要like一like倫哥私房菜Facebook專頁，即送汽水一罐，咁著數我地兩個梗係九秒九like啦未食蒸海鮮竟然有鮑魚花膠同燉湯送，真係未出發先興奮🥰仲要好高質素咼，個湯勁足料超鮮甜架蒜蓉聖子，好甜美，時間蒸得剛剛好鹽味生蠔，蠔味好重，不用落任何調味已經好鮮，我地連蠔汁都飲埋蒜蓉蒸蝦，分量不少，好鮮甜，蒜蓉味好香，仲有節瓜做配菜蟲草蒸龍躉配黑松露醬蝦膠釀豆腐，龍躉大大塊，膠質豐富，近乎無骨，好新鮮豆腐好滑好濃豆味，配上黑松露醬蝦膠簡直係絶配之後來一盤

倫哥私房菜食過好多次，但未食過倫哥嘅海鮮蒸鍋，今晚約埋朋友一齊食，蒸海鮮，超鍾意呀想點食 任你配~倫住蒸的最大特點是，每種海鮮都可以自選配料蒸，有薑葱，蒜蓉，面鼓醬，豉汁，蟲草花， 喜馬拉雅山礦物鹽， 果皮，剁椒醬， 艇家xo醬，老干媽蒸和清蒸而海鮮方面有:聖子/蚌仔/貴妃蚌(沒有指定，按當天時令), 生蠔，蝦，龍蝦，龍躉腩，肉蟹/奄仔/花蟹，鮮魷腸粉，再加上燉湯， 鮑魚扣花膠，蒸蔬菜盤，八宝飯和黑糖冰涼粉，都只是$238 per head, 絕對CP值超高揀完配料配海鮮後，店員即奉上熱辣辣的猴頭菇燉雞湯給我們暖下胃，估唔到呢個燉湯真是絕不馬虎，十分足料，火爐十足，味道非常鮮甜濃郁鮑魚扣花膠好入味，作為餐前小吃真的不錯蒜蓉蒸蟶子~蟶子又大隻又爽甜，配蒜蓉蒸更能帶出蟶子的鮮味薑蔥蒸蠔~蠔又肥美，又juicy, 連埋薑蔥一齊食，正呀蒜蓉開邊蒸蝦~蒜蓉味完完全全滲入蝦肉，好鮮甜美味清蒸龍蝦~不加任何配料更顯出龍蝦本身的鮮味，肉質結實又彈牙，隻龍蝦鉗仲啖啖肉，好好味呀蟲草花蒸龍躉腩~肉質嫩滑有彈性，魚味濃，再加上蟲草花特有的味道，perfect 黑松露蝦膠釀豆腐滑嘟嘟，黑松露味濃郁清蒸蟹~蟹我

天氣才剛剛轉涼，朋友已經急不及待相約去太子食蒸鍋。來到食店，原來也曾經惠顧過另一間專食火鍋的分店。進入店內，但見整齊地有七張卡座，原來樓上還有座位，但都已經爆滿，幸好朋友早已訂了位置，隨後而來的幾批人只有望門輕歎。原來這系列食店已經開設了很多間，而且獲得很多獎項，如企業家成就獎及星光大道成就金獎，厲害。這系列食店是行私房菜路線，所以都是以套餐形式，除非要另加食物，否則無須費神點菜，只是要選擇用甚麼蒸法，如清蒸還是蒜蓉蒸就可以了。之前食過的蒸鍋是一次過放幾層來蒸，然後逐層來食；而這裡則是由服務員在枱前操作，一次蒸一樣，校好時間，蒸好了就拿來給客人享用，跟著又去蒸另一樣，與店名「倫住蒸」遙相呼應。發覺蒸時蒸鍋邊放了一隻匙羹，原來是用以疏導蒸氣，避免蒸氣濺出傷及客人，相當細心。只要在facebook的專頁上給個Like，就可以免費獲得罐裝飲品一罐。一開始先來個茶樹菇燉雞湯，熱騰騰的夠火候，湯味濃，除了茶樹菇及雞外，還有紅棗及杞子，雞的味全都出了來，所以湯渣也不用吃了。而首先蒸的是蒜蓉粉絲蒸蟶子配蘿蔔，每人一隻，上面放著蒜蓉及粉絲來蒸。蟶子肉質爽脆，味道鮮甜。繼而是薑蔥蒸龍躉腩，二人份量雖然是

「倫哥」已經係信心保證。今次倫哥開蒸鍋，當然要約埋一班朋友食返餐。「蒸」最能吃出海鮮的鮮味，今次食倫哥揀的海鮮，更令人期待。倫住蒸位於太子柏樹街，距離地鐵站不遠。卡座設計，方便一班人邊食邊傾計。海鮮方面，餐廳已經為你安排好，只需選擇自己喜愛的口味便可，多款調味可選，靈活自由。揀好就乖乖地等食。每位只係$238一人一碗熱辣辣足料燉雞湯，真材實料，飲得出不含味精。扣鮑魚、花膠，非常入味，膠質濃厚到黏嘴。好快一籠籠海鮮已經排好隊。蒸海鮮十分講求時間的掌握，蒸太耐海鮮會「鞋」，蒸太短時間海鮮又未熟。唔知要蒸幾耐？唔駛怕，職員會逐樣海鮮放在爐上蒸。職員十分熟識每樣海鮮蒸的時間，時間控制得宜。設定好時間，時間一到，職員就會來把海鮮逐一分到客人的碟上。完全唔駛自己動手，十指不沾陽春水的朋友，唔駛擔心。蒜蓉蒸貴妃蚌，蒸海鮮不能缺少的粉絲吸收晒貴妃蚌的湯汁。生蠔加點點喜馬拉雅山礦物鹽提味，鮮味爆燈，蠔味濃郁，久久不散。開邊蝦用薑蔥蒸，簡單但鮮味滿溢。龍蝦用惹味的艇家XO醬蒸，肉質結實彈牙，蟹鉗啖啖肉。龍躉腩加上蟲草花蒸，魚鮮味突出，肉質紮實。旁邊還有滑嘟嘟的黑松露蝦膠釀豆腐。清蒸蟹，蟹膏甘香，蟹肉香甜。

之前食過深水埗倫哥火鍋，價錢合理，味道一流。今次友人提議試埋佢地太子分店嘅海鮮鍋。店鋪喺太子柏樹街，太子站行過黎都係話3-5分鐘，非常方便。呢個海鮮鍋唔係打邊爐，係蒸氣海鮮鍋，價錢$238一位，最近做緊優惠，晚上8點前結帳或10點後入座都有7折，價錢相當吸引，所以友人今次預約左，一黎就可以入座，連店員都讚佢醒目呀。共有8款海鮮供應，每款仲比你選擇用咩配料去蒸，加薑蔥、加虫草花、加蒜蓉、加果皮.....等等而且檯邊仲貼左張紙列明每款海鮮蒸煮時間，但最重要係其實有專人幫你去蒸架，唔怕掛住同朋友吹水唔記得蒸左幾耐，服侍週到，值得一讚。先黎每位一個燉湯，今日係猴頭菇燉雞，熱辣辣咁上檯，而且足料好味。跟住再黎每位一份嘅蠔皇花膠扣鮑魚，花膠質感煙韌爽口，點埋鮑汁就更爽。另外，鮑魚雖不算大隻，但有濃郁鮑魚香氣，質感腍滑。簡簡單單用虫草花去蒸，健康又夠清香，貴妃蚌肉厚而且鮮味十足。店員一早先將海蝦開邊，加入蒜蓉只需蒸兩分鐘就搞掂，快熟又容易剝殼。一打開蓋，蒜蓉味撲鼻而黎。龍蝦我地選擇清蒸，咁先做到佢嘅鮮味嘛，6分鐘時間剛剛好，既可蒸熟龍蝦，又能保留蝦肉本身水分唔好太乾，肉質味美。用薑蔥蒸可去除胜味，而

之前都聽朋友介紹倫哥既火鍋質素唔錯，本身想去試下，不過有朋友話想食清少少，改為到太子既倫住蒸倫哥私房菜，試下海鮮蒸氣火鍋。蒸氣火鍋每人約收$238一位，一共有八款海鮮。餐牌上既海鮮可以按客人口味配搭，選擇唔同既調味方式。店員建議可以選擇清蒸，可以食到食材本身既鮮甜味，而且又健康。食蒸海鮮前先飲燉湯，裡面有紅棗雞腳排骨等，飲落好清甜滋潤。之後仲有花膠同鮑魚做小食，非常矜貴，味道好入味，炆得幾好。蟶子選擇左蒜蓉粉絲蒸，帶出蟶子鮮味，加上蒜蓉粉絲食起來非常香口。蝦唔算好大隻，不過肉質鮮嫩彈牙，好鮮甜。蒸蠔蒸得岩岩好，唔會老，而且好鮮味又有蠔汁，蠔味好濃郁。龍躉腩就用左XO醬蒸，魚肉好結實好滑，加上XO醬既咸香，好滋味。蒸完幾款海鮮，就蒸左D蔬菜，都有唔少選擇,如南瓜﹑紫薯﹑蘑菇等，健康又可以清一清口腔。之後仲有龍蝦，肉質好彈牙好實，清甜爽口啖啖肉。肉蟹就簡左薑蔥清蒸，食起來原汁原味，味道鮮甜，加埋蟹膏既甘香，口感好豐富。鮮魷腸粉入面既魷魚同樣爽口，不過沙茶醬有少少似麻醬，點埋甜醬食就岩岩好。最後仲有黑糖冰涼粉，透明既冰涼粉比一般涼粉軟滑，好似食緊日本既寒天咁，但唔會太甜。

倫哥出名打邊爐就好多人都知，原來倫哥都有蒸汽火鍋，點都要試下。睇下有咩好食先。有人服侍蒸海鮮，飲住個靚湯等食先。而家Like Facebook 仲有一罐飲品送。沒有指定，按當天時令，有聖子/蚌仔/貴妃蚌。蒜蓉蒸蝦好香口，選蒜蓉蒸既海鮮，味道最夾。蟲草花蒸龍躉腩，魚腩好滑，唔使清蒸甘單調。薑蔥蒸生蠔，生蠔有肉，夠海水味。食住海鮮，都要有D蔬菜食下先夠均衡飲食。本來我地選左XO醬蒸龍蝦，店員提我地龍蝦要清蒸，唔好用醬汁遮左個鮮味，會浪費左，真係好貼心。蟹仔都係睇當天時令。蒸飯好多料，蒸出黎好香，飯粒都好彈牙。鮮魷魚腸粉用花生醬蒸，仲食到粒粒花生。黑糖冰涼粉，涼粉係透明既，食落比黑色涼粉更滑，食完解渴透心涼。