119 大口銀針粉 (Moved) New Location

記得數年前, 很喜歡吃連鎖快餐店的銀針粉下午茶, 可是不知怎的, 慢慢消失不見了, 同類型的粉仔/狗仔粉倒是比較多的店舖可以吃得到, 唯獨銀針粉, 似乎越來越少見了。所以得知旺角有間銀針粉專門店, 便放進願望清單, 而趁今晚跟灰熊有一點點時間在旺角, 便相約他陪我吃這地道懷舊小食。119大口銀針粉在黑布街, 是一間小店。當你行到附近時, 老闆就會熱情呼喚你去幫襯他。座位全在後巷, 有地道風味, 但有一些人可能會嫌棄, 還好我們都沒所謂。還得慨嘆, 香港真是寸金尺土呢。美食簡簡單單的, 圖文並茂, 貼在廚窗上。老媽子自製菊花茶 $22$22一支, 對我來說都幾貴, 但試過之後便知道, 這是與別不同的菊花茶, 老闆說別的菊花茶是用菊花精來沖製的, 而老媽子的, 是用真的白菊花煲給你, 入口菊花味非常清香, 不會死甜, 喝得人很舒服, 無添加的感覺, 大概就是如此。通常食店提供的紙巾都是平價薄薄的, 這裡用上名牌紙巾, 抹得舒適放心, 當然可能羊毛出自羊身上, 但這小細節是有加分的。大口(圍村)銀針湯粉$40用上發泡膠碗盛載, 賣相會較差, 也比較不環保, 但奇怪店家並不是所有東西都即棄,

我認識0既旺角好食0既食店唔多， 今次竟然搵到間，位置都算方便， 由旺角站行去旺角東就一定經過。大口銀針粉味道偏清淡，魷魚大大條，仲有好多細魚仔乾係上面加添香氣，令我想起以前我老媽成日煮比我食的銀針粉。蝦膠&墨魚膠夠彈又夠滑，蝦膠蝦味濃郁，墨魚膠就會食到粒粒煙韌的墨魚粒。蠔仔粥就最有驚喜，粥水好有海鮮味， 最難得係蠔仔非常滑，我們之前係打冷檔食甘多蠔仔粥，從來未試過有咁滑的蠔仔。冬天黎食個熱辣辣0既宵夜確係唔錯，雖然小食黎計人均$70的消費實在貴， 但用料十足， 又絕對值回票價。 另外， 由於堂食只有戶外坐位， 夏天可能會食到出哂汗 估唔到店名叫大口銀針粉，但墨魚膠同蠔仔粥仲出色。

近排銀針粉大熱，見到唔少雜誌都有介紹，仲講到話有專門店，當然益有晒我哋呢班大食家，講緊嘅係喺旺角嘅 119 大口銀針粉，煙韌嘅口感，有D童年回憶，好想去試吓。今日，星期日，咁啱喺旺角行完街，順便去幫襯吓，其實，行街路線係悉心經營出離㗎，應該話專登要去幫襯先至真。離遠已經見到好多人等緊位，但係座位好少，唯有買外賣返屋企食。就叫咗一碗銀針粉，同埋一碗墨魚膠蝦膠，銀針粉勁多料，仲係大大片個隻，有魚片、冬菇，仲有魷魚，精華所在絕對係D蔥花，有佢地成碗變得生色好多，又香又惹味，銀針粉仲好彈牙，唔會因為外賣焗到淋晒，好好味。墨魚膠蝦膠，大大粒，咬落口都好彈牙，粒粒都有墨魚肉同蝦肉喺裡面，清清地，都幾好食，不過自己都係鍾意銀針粉多D。

店鋪位於小街後巷，座位都設於後巷，露天的，環境較黑不太好，所以不少人都外賣。 而且食物選擇不多，就只有銀針粉、蠔仔泡飯、豉油王小食、雞翼，加上營業時間主要在晚上及凌晨，所以比較適合做夜宵。 香港銀針粉有賣的地方不多，大多都是炒的，但這個以圍村傳統湯底煮，加入蝦米、冬菇、魷魚等，令彈牙麵條別有風味。 蠔仔泡飯名字趣怪，竟然形容自己為超難食？原來是指很難在別處吃得到，這樣足料至極的蠔仔泡飯！蠔仔有近十隻，隻隻嫩滑濃鮮，更加入不少脆口蝦米，很有口感！ 飲品就只有菊花茶可選，全部是枝裝的。帶強勁菊花的清香，又有點甘苦，甜度不高，很清潤的感覺！當晚在週末晚飯時間來到，都頗為滿座，而且店主沒有什麼落單或安排座位的系統，所以他會不斷問你點了什麼食物因為他根本不記得嘛！我會把這間小店推介給住在附近的朋友，他們可以夜宵外賣回家享用就方便得很！

經過黑布街，看到這間以銀針粉作招徠，香味撲鼻，忍不住來一碗。大口圍村銀針湯粉（$35）湯底是用了豬柳熬湯4-5小時，所以肉質腍滑，配上蔥花、芫茜、芹菜、鮮魷、冬菇、菜甫等，湯底咸香味足，配上銀針粉味道超好，因為沒有味精，所以吃完都不感口渴。 這個譽為極級難食蠔仔泡飯（$50）其實一點也不難食，還很好吃呢！這不過是一個綽頭而已。湯頭用上大地魚熬了4-5小時，不加味精，所以吃上來陣陣大地魚香，配上大隻又賬卜卜蠔仔好滿足！其間聞到滷水香味，忍不住來一份豉油皇四寶（$45）。包括了雞中翼3隻、雞腎一份、豬脷一份、豬肚一份。滷水滷得入味，濃烈的芳香味道令我們都感滿足，底下還有大豆芽菜呢！這個老媽子自制菊花茶（$22）超級足料，跟平日喝到的大有不同，菊花香味清香，沒有坊間超甜配邊，反之能喝到清涼甘甜的菊花香味。 

旺角黑布街其實都有好多小食餐館,隔壁就是球場。我覺得踢波出一身汗之後去附近就腳位置速速吃個小食都不錯。119大口銀針粉可以係不錯的選擇。一來到就見到一班甚有男人味的中年型男歡迎我們,原來他們都是老闆的朋友,過來探望老闆。老闆是一個很用心又似乎幾好玩的人,見到他在牆上貼上他跟明星朋友拍的照片,又將蠔仔粥改名為超級難食蠔仔粥就知。其實味道又幾好。 呢次拍照比較差,因為我的電話沒電要用我朋友的壞了的相機拍照。 銀針粉: 足料,老闆說用了一種我不記得了是什麼名字的魚去熬了幾小時,所以味道比較真。墨魚膠以及蝦膠:水準不錯,無偷工減料。蠔仔粥,ok呀。這裡的菊花茶亦都好足料,非常少甜,這正合我意。外面太多用糖和鹽調味,這裡沒有。不過是有少少苦,我就覺得無問題既。

近年尾夜收工, 諗住響附近食D野先返屋企, 路過見呢間小店咁夜都未收, 睇下有咩食先.原來有銀針粉同豉油皇小食, 銀針粉而家越黎越少地方有得食, 所以都好耐無食過, 今晚一於懷舊下, 尋回兒時回憶先.要左個"大口圍村銀針粉"($35), 成碗熱辣辣, 冬天食份外溫暖. 銀針粉粗粗地好爽口, 浸住湯一路食都無腍晒, 配料有魷魚, 瘦肉, 冬菇, 蝦米等等, 而湯夠鮮甜, 加埋調味胡椒粉麻油, 簡單調味已經非常惹味. "豉油皇小食2款"($35), 要左雞翼同雞腎, 雞翼夠大隻, 豉油鹵得入晒味, 雞肉嫩滑. 而雞腎入味夠軟腍, 爽口口感豐富, 份量亦好多.仲有"老媽子自制菊花茶"($22), 呢個菊花茶好清涼, 菊花味清新唔太甜, 非常解渴, 捱夜幾晚可以下吓火.呢間小店雖然食物款式唔算多, 但主打既銀針粉令人好回味, 真係本土特色.

銀針粉。不是只會配燒味嗎？ 或者當早餐食嗎？ 經過黑布街發現有間打正旗號食的銀針粉，當然要試下啦。。。大口圍村銀針湯粉銀針粉在香港的食肆唔係好多地方有得食，當然就要試下啦。。這個銀針粉材料很豐富，有冬菇。魚片。蝦乾。魷魚。瘦肉，湯底味道餚得很甜鮮味，銀針粉得爽彈，是個有誠意的銀針湯粉!水牛雞翼上碟時熱騰騰，雞翼大大件，外皮香脆，雞肉滑嫩又多肉，好Juicy，配會酸酸甜甜的醬汁，很惹味!上湯灼墨魚膠。蝦膠蝦膠，呈淺橙色，咬落有點爽口，香氣十足，但我個人較喜歡墨魚膠，內含墨魚肉粒，墨魚膠打得很彈牙，加上墨魚粒，口感很豐富!感覺這間是有誠意的小店，師傅也很友善，是有心的傳統小店，下次會再試其他食品!

到旺角購物, 只想快快解決晚餐經過119大口銀針粉, 小小店鋪卻吸引唔少客人2個人點了2碗大口銀針粉, 豉油皇四寶, 神級炸雲吞銀針粉很快上台, 估唔到咁足料!魚片、肉碎、尤魚等入口湯底頗清~肥嘟嘟的銀針粉, 口感很特別~食的是一種懷舊味道~豉油皇四寶分別係雞翼、雞腎、豬利、豬肚~雞翼最為突出，不過入口即散~但其他3樣有點不夠入味 神級炸雲吞即點即炸! 熱辣辣上台~~忍唔住用手拎住食~一拎上手，稍為大力… 雲吞皮碎了~~可想而之, 十分穌脆!!入口果然無失望~入口即化的外皮, 內裡是豬肉碎跟蝦肉~配上泰式辣醬~~十分美味呢~~足足有6大粒! 推介給大家!

這個「 119 大口銀針粉 」招牌實在亮眼，於這個炎寒天氣下，買點熱吃回家作宵夜暖暖身，主意實在不錯。 不要少看這間位於街角的小店，這𥚃的裝潢毫不遜色，以傳統的「 萬壽無疆」圖案為主題，就連盛著蔥花及各樣配料的小碗、小碟亦配套著。多款美食盡在眼前，猶豫之際，就聽從兩位友善的店員大哥心水推介，點了這裡的鎮店之作「 銀針粉 」，另外再點了，上湯灼墨魚膠和蝦膠，以及水牛城雞翼。 掀開盒蓋，銀針粉賣相清淡，沒有油脂，感覺健康，用料新鮮十足，有魷魚、魚片、冬菇及肉碎，先呷一囗熱湯，味道清甜之中帶著一點微辣，銀針粉口感煙靱，令人回味的懷舊美食。 上湯灼墨魚膠和蝦膠，份量十足，一碗有八粒，確實不小，墨魚膠、蝦膠爽口彈牙，有嚼勁，入口啖啖墨魚及蝦肉，真材實料，值得推介。 水牛城雞翼，即叫即做，熱辣新鮮，㚈皮很香脆，內裏肉質嫩滑，蘸上酸甜而微辣的醬汁，味道更加開胃惹味。 這裡店面較小，以開放式廚房，可飽覧內裡製作過程，感覺整潔衛生，讓你的確可以，大口大口的吃著這個滋味的銀針粉。

聽日要做姊妹，今晚要先去新娘屋企，所以收工後先去旺角Physical沖涼洗頭，去之前當然要先食飽飽~姑姐話屋企後街新開一間銀針粉店，嘩……銀針粉，好old school……以前返學每日經過銀行中心，都會見到有位婆婆每日推車仔賣銀針粉，返學之前媽媽都會買俾我當早餐難得見到有間壞舊地道銀針粉，無可能唔試呢~鋪位正正就係大隻佬雲吞麵舊鋪，所以，好懷念~~一行到門口，望兩望，叔叔就會問想食咩，其實我真係以為只有銀針粉，不過……原來有好多其他選擇，真係選擇困難症又出籠，當然立即叫叔叔推介一下，叔叔話，最出名一定選擇銀針粉不過……我需要走蔥及芫茜，叔叔即話……呢兩樣係碗銀針粉靈魂，不過我好難接受呢兩款“靈魂”味道，最後叔叔亦無堅持，幫我走所有蔥及芫茜好特別，好少見銀針粉有滿滿配料，有魷魚、魚片、肉片、、冬菇、蝦米，出菜前再加少少胡椒粉，第一啖先飲湯，個湯有陣好特別味道，同我觀塘買做早餐銀針粉湯底簡直係好大對比，呢個係香濃鮮甜味，銀針粉加埋湯一齊食，完全無得輸，可能我真係太鍾意食銀針粉，我覺得呢個真係好值得搵日同大少去食菊花茶 - 其實媽媽經常都會煲，但係……永遠都係隔離飯香，鍾意飲街外涼茶都唔飲媽

今日同朋友行街 去到mk 就試下呢間銀針粉。諗起細細個食銀針粉 係細細碗 上面有d 花生碎, 已經好美味。難得有一間銀針粉店, 回味下兒時美味~呢間店係黑布街 因為新開人流唔多 主要做外買。仲見到有d 車經過買野食走。店舖簡單只有2枱台幾張chair , 有點兒時去大排檔既感覺。 大口銀針粉三十幾蚊, 我諗住係得粉同肉碎點知係勁足料~ 幾條大魷魚 冬菇 肉碎蝦米 魚片 胡椒粉 茜第一時間試下個湯, 竟然係冇味精! 試真d 係自己our 既雞湯! 香味十足 味道清甜。銀針粉滑 放係匙上會滑走~魚片魷魚彈牙 ~太開心了！隔離枱有個女仔食完 同老闆講好好食tim~其實好大碗。不過都想吖下小食。豉油皇雞亦雞亦入味 加埋銀針粉一齊食真係perfect~臨走見到餐牌有一個菜叫“ 極級難食蠔仔泡飯“ 我好奇問下老闆點解個名甘有趣佢話 ” 我話好食蠔仔泡飯你信唔信吖？”哈哈！老闆優默好人 成餐飯感覺 好有人情味, 仲搵返兒時滋味。就係佢呢句我決定下次試下 “ 極級難食蠔仔泡飯“

2015已經成為過去了，2016是一個新開始，今日是2016的第二天,就同屋企人去了旺角，在黒布街附近見到有一間銀針粉,銀針粉已經好少見到有餐廳有呢個. 小時候好愛吃，這間119大口銀針粉的店鋪不大. 主要做外賣，亦有一張枱給客人坐係度吃,我同屋企人点了一個銀針粉+上湯蝦膠,銀針粉十分爽口，湯又不是太咸 ,蝦膠味道又幾好 ,價錢又不是太貴 老闆的服務好好 ,環境就一般，食品質素杍好,充滿人情味店

自問對銀針粉興趣不大，但睇見呢間小店佈置幾得意，又未夠鐘去食飯飯，咁就整返碗啦！從來未見過咁足料嘅湯銀針粉，味道好有細個時阿媽係屋企整通粉米粉粉仔嘅味道，淨睇個賣相已經好有heart, 銀針粉軟梗程度剛剛好，最鍾意佢超足料，特別係條尤魚蘇，找回了小時候吃粉仔茶點的味道👍