52C Medium Rare (Closed)

佐敦搵食臥虎藏龍，又近九龍站，多咗好多有質素的良店，行過食街，見到一間清新簡約的 52C Medium Rare，望兩眼原來係食石燒牛肉，餐牌價錢又唔貴，一於坐低試吓！石燒套餐 都是美味的 400日美國殼飼牛，非常吸引眼球。CP值高！套餐配上餐湯,前菜,白飯，完整而且滿足！熱辣辣的石燒，牛肉上枱香噴噴，仲可以保持住溫度，生熟程度自己控制，滋味無窮！牛肩套餐 180g / $ 128Beef Flat Iron (Top Blade) Set配餐湯,前菜,白飯特濃羅宋湯，濃郁超好味，蔬菜豐富健康。牛肩上檯後輕輕切開，即刻有 Medium Rare 效果，入口勁濃郁牛肉香味，加入黑椒好香口，口感好豐富。配旁邊的前菜食，更加滋味。牛小排套餐 180g / $ 208Beef Boneless Short Rib Set石燒夠晒熱，牛小排味濃 ，脂肪分布平均，唔會太熟，入口柔軟潤滑，牛肉好嫩， 同個沙律菜都好夾 。加入香草牛油調味，和牛肉一起煎，肉的鮮嫩口感、多汁、燒烤的香氣，惹味值得一試！TIME FOR DESSERT! $38味道特別有多選擇，薑、廿八味、榴槤、火麻仁、豆腐、椰子、紅棗茶

餐廳有兩層，下面個層係石燒，上面果層係網燒，menu都有幾多肉類部位選擇😜套餐跟餐湯，羅宋湯味道好濃郁，比起平時飲嘅更濃稠少少。酸酸甜甜，帶點微辣，好開胃👍細細碗湯都十分足料，見到幾舊仔牛腩同蔬菜～石燒封門柳 $178 (180g)揀左最少180g都夠飽，仲有250g同320g選擇。封門柳雖然係比較瘦嘅位置，但肉質十分鮮嫩鬆軟，肉味濃郁，而且幾juicy😋！石燒北海道米豚肩 $168 (180g)餐廳新出左一款新豚肉，係日本首次出口、產量極少嘅和豚，員工介紹呢款豬係食北海道大米+特殊飼料嘅🐷～ 果然肉質會比較細膩柔嫩，肥肉好少，但食落仍然夠肥美。石燒完之後勁香，推薦大家試下🥰～雪糕 $38有好多款特別嘅雪糕口味，未係其他地方見過🤣例如紅棗茶、龜苓膏、廿八味，我試左紅棗茶同龜苓膏，味道同奶味中和返，所以唔會難接受，反而我仲覺得幾清新好好味，完全冇伏💓如果大家真係唔想試，都有其他普遍啲嘅味例如豆腐、朱古力、椰子等。

🤍🤍🤍🤍今年母親節揀咗喺度慶祝，係一個唔錯嘅選擇！跟餐送嘅羅宋湯好有水準：首先味道上有好嘅層次，可以飲到蕃茄嘅香味，而又有少少嘅辣味；同埋落咗好多料！我哋叫咗個和牛燒肉4人前同埋2人前，成個set入面，我覺得和牛 (of course) 同埋牛舌係最好食嘅！

香港有不少深受歡迎的燒肉餐廳❤️呢間52度Medium Rare 是老闆的誠意之作，價錢性價比高份量又多 ，座位非常寬闊舒適，重點係餐廳具備除煙技術嘅個人及共享式無煙烤爐，成個環境唔會好侷促！ 有別於傳統的燒肉餐廳😚前菜方面，餐廳首先會上一碗沙律及羅宋湯，羅宋湯非常足料 主菜方面，今次點的燒肉有四款，牛小排，牛肩肉，下腰西冷 及封門柳。本人最推介的是牛小排及下腰西冷。下腰西冷油脂比較豐富，食落都有咬口，配埋個靈魂燒肉醬汁，味道一流！另外牛小排肉質軟嫩，有肉汁，肥瘦適中，配白飯一流！另外餐廳還可以點燒蔬菜，蔬菜非常新鮮，解油膩之選。配上小店親自製作的竹蔗茅根，就唔怕熱氣了最令人驚喜的是甜品環節，老闆特地進口了意大利的Gelato雪糕，雪糕味道有別於傳統甜品店，這次我們點了龜苓膏味及豆腐味，龜苓膏味雪糕更伴有嘉應子一粒，非常有心思。下次希望過嚟試更多味道。這裏的員工和老闆態度都非常之好，更定期進口不同國家的燒肉，燒肉迷一定要過嚟試🥰

之前聽朋友講過呢間嘢嘅石燒好高質，啲肉好腍又多款，所以搵日專登去咗食！發現除咗石燒，呢到仲提供網燒、定食同一人鍋等菜式，而雪糕仲有好特別嘅口味無論情侶定一大班frd嚟都好啱🥰.💎$178 封門柳套餐 180g套餐包咗牛柳、前菜、湯同白飯，180g聽落唔算好多，但原來上枱都幾大份！首先前菜沙律加上蕃茄仔同麻醬，好開胃！然後佢牛柳肉汁超多，脂肪平均分明，配埋特製嘅蒜蓉牛油醬勁香口！.💎$168 下腰西冷套餐平時好怕西冷會好乾好韌，但呢到嘅西冷反而好腍，幾軟滑，而且肉味偏濃亦多肉汁，覺得係超出水準嘅發揮！.💎 $38 豆腐雪糕豆腐雪糕真係稱得上我最愛嘅top3，今次見到有梗係要嗌嚟試下，結果都無令我失望🥰佢首先好重豆腐味，而雪糕係好綿滑，唔會好似冰櫃咁雪到硬晒，係可以食完一個再要一個的🤣.💎 $38 龜苓膏雪糕餐廳好有心思咁準備好多特色雪糕，之前有28味，最新就準備咗龜苓膏味，見咁得意我都嗌咗個嚟試下🤣食落無想像中咁苦，反而變咗雪糕後多咗少少好似蜜糖咁嘅甜味，感覺好清新好爽🥰

朋友約了我吃晚飯並訂了位於佐敦的📍52° C Medium Rare，見餐廳整體用白色做主調配襯以木製裝飾，餐廳內裏非常骨子、整齊、檯椅清潔並帶有一點文青feel。餐廳分上下兩層，上層是網燒而樓下層則是石燒，友人揀了網燒♨️所以上了上層。🍽兩個套餐已包羅宋湯、沙律菜和白飯 。💢 先來一個羅宋湯，牛肉味濃郁的湯內，其他蔬菜材料亦甚豐富酸甜味道一流，作為餐前湯非常合適。😚💢 芝麻醬沙律菜夠新鮮，入口味道清爽，細細碗飯前醒胃蔬菜。💢下腰西冷🥩紅肉中散佈白色的油脂紅白相混夠吸引，稍為一燒即熟肉香味散出來，吃上一口牛味濃郁，蘸上一點鹽已能帶出肉之原味道。😋💢牛肩肉比其他牛的部位肉質較結實一些，紋理清晰牛味濃郁有咬口感，食落沒有渣點一點茄子醋更能提升其美味。😊💢封門柳紅肉中亦帶白色油脂，肉質嫩滑鬆軟，放入網中烤即見油脂溢出肉香散來，是牛中肉味最濃之部位之一，入口柔軟夠juicy不會有韌的口感。👍💢牛小排🥩切得，夠薄白油脂和紅肉相隔，外觀賣相同樣吸引，肉質相對有咬口感，但烤後仍嫩滑不會變乾，點些柚子醋吃更帶出肉味。😚💢套餐還跟一個蔬菜籃，內裏的🍍菠蘿、🌽粟米、🍅車厘茄、🫑三色椒和甜薯仔，用來中和吃肉後

同屋企人去完永安百貨購物，就係附近搵間餐廳，打開OPENRICE見到呢間經濟燒肉，於是去試下。下腰西冷（$148）（⭐⭐⭐⭐⭐）見到呢款下腰西冷既賣相就知佢一定無叫錯，油肉相間既花紋以及厚度適中既質地，一放落燒爐就見到油花溶透整塊肉，一邊燒就一邊聞到陣陣肉香。放入口立即感受到油香四溢，配上白飯一流！封門柳（$158）（⭐⭐⭐⭐⭐）如果大家中二食牛肉味，一定唔會對封門柳呢個名陌生。封門柳十分罕有，因為成隻牛只得一條，佢更加可以講話成隻牛最濃肉味既部位之一。所以同下腰西冷唔同，封門柳既賣點係佢濃濃既肉味。餐廳既封門柳亦並唔係浪得虛名，果然食落啖啖肉香，加上自助烹調，要幾生幾熟自己話事。三拼-五花腩/豬梅肉/雞肉（$108）（⭐⭐⭐⭐⭐）食過又香又濃既牛肉，同屋企人都叫左d其他肉類選擇。豬肉最怕就係煮得鞋口又乾，所以見到餐廳既五花腩切得十分薄，令到燒上黎可以速戰速決，留住肉質感又唔會外面焦晒內面又未熟。至於豬梅肉，雖然並無五花腩咁多油香，但肉質卻可以保留鬆軟質感。無腌到既雞肉則保留雞肉既原汁原味，留待客人配上自選醬汁，一樣食唔停口。竹蔗茅根/檸檬薏米（$48）（⭐⭐⭐⭐⭐）食燒肉最怕就係熱氣

佐敦食肆林立, 朋友推薦去52C Medium Rare食石燒, 之前佢食過網燒係好回味, 原來做緊優惠, 星期一至日2:00-6:00有半價, 可惜我地過左6點先到達, 下次要早D去餐廳有地下及一樓, 地下食石燒, 一樓食網燒。小店雖然地方不大, 裝修光潔帶點文青, 整潔度十分高, 而且十分光猛。每張枱細心準備了圍裙及調味料。值得一讚係洗手間(男女共用)面積十分大, 而且十分乾淨企理。職員有禮貌及耐性介紹石燒網燒, 而且為客人多次添水, 好盡責我和朋友選擇左 :*封門柳套餐 $178*北海道米豬肩套餐      $168甜品:*椰子雪糕 $38*榴槤雪糕 $38套餐還包括: 羅宋湯, 芝麻醬沙律, 白飯。羅宋湯材料好豐富, 入面有的牛肉都唔少, 微辣帶香, 好易入口芝麻醬沙律作為前菜, 清清喉嚨及腸胃, 味道清新封門柳套餐180g  $178封門柳肉質嫩滑, 一食難忘 ! 加少少岩鹽已好入味,而醬汁可以沾少少亦不錯, 由於同朋友SHARE, 應該要ORDER大份D, 真係唔夠分呀 ! (仲有250g 或320g選擇) 北海道米豬肩套餐   $168比較少聽米豬肩, 職員解釋此部份油脂

今晚朋友知我係牛魔王，就帶我去了一間叫52°C Medium Rare 食嘢,。餐廳主打食🐂，客人揀選主菜先然後會一份份set dinner 上。整個套餐非常豐富，有餐湯，碳水化合物同時亦有沙律。沙律菜相當新鮮，份量亦適中。餐湯則略較為淡味，但是也不算是弊點，反而令到整個套餐不致於太油膩主角當然是牛肩及封門柳。牛肩相對散發的牛味較為濃郁，而且油脂亦較多。肉質較為軟，而且個人感覺就算燒耐些也不怕。加上特製的牛油，絕對能令你食到停唔到口。封門柳同樣牛味非常濃郁，肉質同樣淋身為主。但是個人比較喜歡不要燒太久，這樣能令肉汁更加好的鎖在入面。特別需要一題的是那個牛油，再加入蒜頭後更加香濃入味，是整個套餐的亮點之一。另外餐廳的環境及設計簡潔舒適，而且非常乾淨，都是加分位之一

係佐敦發掘到一間好抵嘅燒烤店簡潔嘅裝修 以白色為主 店舖分上下層 座位寬闊舒服封門柳必食香草牛油 超加分放上石燒 香味爆分肉質鬆軟煎耐左都唔易變韌牛味非常濃郁另外 石頭燒耐左溫度唔夠熱可以請店家換塊新下腰西冷石燒口感韌度較強 肉質偏硬有嚼頭 切肉時連筋 相對封門柳 口感更強點燒肉汁 再落少少黑椒 最正雪糕都好出色好多種唔同嘅味道今日試左榴槤 紅棗茶食完燒肉 再食雪糕係好夾一清肉類嘅油膩感整體黎講百幾蚊就已經食到套餐有齊餐湯 前菜 白飯性價比好高

出左消費卷要獎勵自己，要食靚牛，經過喱間門面簡單白色裝修，有個大大燒字，見到餐牌有石燒同網燒，石燒主要係牛為主，而網燒就更多選擇，豬，入到去仲有樓上座位，地方闊落。點咗封門柳180G，牛味比較重，每個套餐包沙律，餐湯同日本珍珠米。封門柳口感比較冧身，煎起黎更食到牛既油香。牛肩180G，最嫩既部位加埋蒜蓉牛油，令肉既口味更加特出而且juicy 。最後有個甜品雪糕榴槤同火麻仁味。Overall 價錢相當抵食。

餐廳有兩層，地下主打石燒，上層主打網燒，選擇豐富。石燒肉嘅種類多，而且提供唔同份量比客人揀。套餐包羅宋湯，石燒肉，飯，沙律。🍲羅宋湯🍲超級足料，紅蘿蔔、蕃茄、西芹樣樣齊。好香蕃茄味，味道酸酸甜甜，好開胃，好飲到想一碗接一碗。🥩封門柳牛扒🥩厚切封門柳，牛扒嫩而肉質有彈性，味道濃郁多汁💦，唔油膩，口感豐富。上枱嘅時候牛扒淨係煎咗表面，鎖住肉汁。我鍾意食生啲，所以煎到個面焦啡色就拎咗起身，費事煎到熟晒。🥩牛肩肉🥩薄啲但係大塊啲。油脂唔多不過分布平均，肉質比較紮實。朋友鍾意食熟啲，就算係7成熟都唔覺鞋。如果鍾意食牛嘅原汁原味，加啲鹽就可以。如果鍾意濃味啲，可以加啲燒肉汁，或者跟餐嘅香草牛油。🥤薏米水／竹蔗茅根🥤兩種飲品都係店主自己煲，真材實料。😍薏米水清熱、解渴、利水消腫。竹蔗茅根清熱解毒。兩樣都唔會太甜，飲落清清地，幾舒服。😊

今日和友人行過廟街發現這間店，在出面望入去感覺很有文青感覺，環境很簡潔，這裡有兩層，地下就石燒，樓上是可以烤肉，今日我們就選了石燒，坐下後我們揀選了180G的封門柳套餐和下腰西冷套。套餐有個餐湯，今日餐湯是羅宋湯，味道正常，裡面仲有好多蔬菜，都算幾足料。下腰西冷套餐到，除了西冷外，還有沙律和白飯。西冷面積都算幾大件，石板燒得熊熊的，放上西冷，一上枱熱騰騰的聲音隨即响起，未食已烴流晒口水。西冷牛味比較濃，口感會比其他部位硬一些，但好在用石燒，生熟由自己來定，我不嬲都喜歡西冷的口感，用石燒可以幾時都可以吃到即時熟的牛扒，真係大快朵頤。封門柳雖然比西冷的體積小，但封門柳肉質鬆軟，不會靱，很有牛肉味。如果驚牛肉過熟可以將牛扒先放在碟上，食時將牛扒放上石燒加熱，這樣會保持每件肉都剛剛好熟度。這裡還有自家製的雪糕，我就選了紅棗茶，友人就算了火麻仁味，紅棗茶味吃落有淡淡的紅棗味道，不會太甜，很可口，火麻仁有一陣陣的麻仁香味，很特別。他們還有廿四味雪糕，但今次還沒有機會試，下次一定要試下。

有同事推介一間位於佐敦的日式燒肉🥩餐廳“52c Medium Rare”，今日又帶老婆去試下。店舖裝修以白色⚪️為主，簡約整潔，帶文青風格。見餐牌有多個套餐📔選擇，既有石燒又有網燒。今次試石🪨，點了兩個4️⃣0️⃣0️⃣日美國穀飼牛套餐。套餐跟有白飯(珍珠米)🍚 - 軟硬適中有米香味🥰。沙津🥗 - 沙律菜新鮮，配胡麻醬，正常水準🤗。羅宋湯🍲 - 材料豐富，甜酸度適中，帶番茄🍅香味及肉的甜味，熱辣辣🔥非常好飲。封門柳套餐 180g $178高溫石板上放上厚切封門柳🐂，聽到滋滋聲已經好興奮。封門柳鮮嫩多汁帶油脂香味，易切又易咬😋。下腰西冷套餐 180g $168西冷🐂軟腍有彈性，肉香味相對濃厚🥰，無筋。同樣易切又易咬😋。飯後甜 (自家製雪糕) 每款$38這裏自家製雪糕🍨款式多而且味道特別，例如火麻仁、廿四味及紅棗茶等🫢。我和老婆分別點了喜歡的椰子🥥及榴槤味，同樣味道香濃，甜度適中，非常好食😋。後記，石燒有一個好處，就是我和老婆可因應個人喜好，用石板的熱力自行調較牛肉🐂的生熟度，方便分享同一份牛排😆。總括而言，食物質素好，價錢合理，環境衛生，店員服務細心，下次一定要試下這店的網燒牛肉。