52C Medium Rare (Closed)

今次同GF試佐敦這間燒肉店，店舖分2層相當簡潔，樓下石燒，樓上網燒，今次我們選擇了網燒，一人一爐，環境晤錯，地方不太窄，沒有肥淋淋感覺，乾淨企理～ 由於GF只想食牛，晤中意食豬和雞等..，加上短期內有半價，所以我們點了幾款牛試，分別有日本A5和牛肉眼、封門柳、牛舌、 下腰西冷、牛小排和牛肩。 Order後很快將2 set羅宋湯、沙律和白飯給我們，羅宋湯晤錯，但如果可以輕輕酸番少少就更好（這是個人喜好），飯是用珍珠米煮，彈牙煙韌。 很快地！一眾主角“牛牛”來臨，擺盤美觀。 我們先試封門柳，我們第一次試，GF不太喜歡果種質感，而我就覺得有咬口都算ok，由於肉質較鬆軟似牛柳質地，燒耐亦不易變韌，所以我較喜歡燒耐一些，令佢脆口些才食。 之後繼續試其他幾款～牛肩肉：肉味濃，我幾中意～下腰西冷：肉質較實的部份，肉味都濃，好味～日本A5和牛肉眼：肉質鮮嫩，油脂最多，入口juicy，較多肉汁，雪花紋理均勻，正～牛小排：油脂及肉味都分佈較平均，肉味濃，燒落有些香脆邊感覺，如budget有限，但又想食口感豐富少少既牛，可選呢款，有油脂香及肉味濃～牛舌：平時我晤太中意食嘅位置，但這間的牛舌我覺得ok，因為無

在佐敦覓食，行過見到呢間舖頭幾光猛，原來係食石燒同網燒， 同朋友一於試試我哋2個都係想食石燒，就一人一個餐，一個入門版，一個中價版套餐包餐湯，前菜，飯。先試個羅宋湯，非常足料又夠 味，真係想來多碗前菜的沙律菜新鮮。而主菜分三個重量，180g，250g，320g主菜牛肩 180g $128  一上枱已經香氣撲鼻，牛肩鮮嫩 具彈性，味道濃厚外層已經煎好，一切開，非常粉嫩，自己烤到幾熟都得，配有香草牛油可自行加上，加後倍添香氣。另外枱面還有燒汁同岩鹽，朋友鐘意食濃味啲加埋上去。封門柳套餐 180g $178 兩個套餐一齊放在枱面，香氣誘人外，還有引人食欲的滋滋聲 。封門柳肉質鬆軟，一啲都唔韌，味道濃郁。同樣切開後肉質粉嫩，加唔加燒汁都好夠味叫咗自家製竹蔗茅根$25同檸檬薏米$25，清熱解渴。始終石板燒溫度高，有機會被油濺到，店主好貼心咁為大家預備圍裙見到有一人座位，有時唔想約人，想自己出街食嘢都唔怕尷尬

路過搵吃，男友突然叫停話想試呢間見到全白光明的，以為是文青CAFE, 原本是吃石燒肉，啱哂佢啦menu上見到有石燒和網燒, 大多是套餐價, 包含餐湯, 前菜和白飯套餐都是由百多元起, 一D都唔貴餐廳分別有2層, 地下是吃石燒, 一樓就網燒, 而且還有獨立洗手間(乾淨又大), 超方便餐廳應該都幾新下, 所以職員都主動向我們介紹, 仲話3月份每天2-6PM所有網燒都有半價, 超級抵!由於是晚泊唔到標位, 又想睇住架車, 所以坐咗地下試試石燒先搵日放假嚟吃半價網燒肉食靚牛, 其實無添加就最好, 可以吃得出牛肉嘅原汁原味不過呢度每檯都會放定黑椒鹽, 日式燒肉汁和喜馬拉雅粉紅鹽供客人有需要時使用我和男友分別點了: 180g 牛肩 $128 及 180g 封門柳 $178大家可以share試試落完單大約5分鐘左右就送到, 是日餐湯是好多料的羅宋湯, 日本米飯和麻醬沙律每份仲有附有牛油, 煎起來更香口由於熱石的溫度很高, 我都來不及影些靚相, 因為生怕牛肉會燒得過火這是牛肩這是封門柳2份牛都很厚切, 店主更貼心的附上一個吉碟, 可以先切一半侍候, 那就不怕overcooked放心, 就算食到一半,

呢間位於佐敦既韓燒，唔係傳統那一種，裝修黎講，外面睇唔出係食韓燒，入到去似Cafe既裝修，都可以影下相打下卡，一入去係地下及1樓2層，地方唔大，我首先係幫襯左佢個洗手間，整潔度可以係100分，去完洗手間，朋友訂左坐1樓，上到去6人枱，中間唔係傳統韓燒既圓型燒烤爐，而係換左每2人共用一個方型燒烤爐，沒有什麼煙的，是用電的，不是明火，食物大部分人都喜歡食牛肉,叫了4人餐加2人餐，我沒注意為什麼不直接叫6人餐，反正最後平均人頭300大圓，整體食物味道唔錯，環境幾好，也很整潔，就是一個點有小小覺得不好，就是每次落單要即時埋單對我來說這就不太方便了雖然如此，我相信我還是會再幫襯的 😁😁 好味😋😋

地方簡潔，我一家兩大兩小試咗樓上網燒，order咗一個二人前$700，同一個壽喜燒$398。有湯、嘢飲、沙律、蔬菜、白飯，最重要係肉類優質，份量好足，而且擺放得好靚。比同類食店抵食同好味，值得推介。我哋下次會試下層嘅石燒，希望再有驚喜。

朋友帶我去佐敦搵食😚找了家新燒肉餐廳，大致上都是一人套餐，價錢相宜，肉類選擇頗多，可以挑選自己喜歡部分來點。套餐包有沙律菜配麻醬，開胃新鮮，雜菜湯牛味濃厚，微酸辣更惹味，一讚！下腰西冷、牛舌西冷部分油脂分布較平均，口感有嚼勁，嫩滑多肉汁，牛舌薄切輕輕一燒便轉色，肉味帶油香。牛小排、牛肩牛小排紋路清晰呈大理右花紋，肉質較軟嫩鮮美，入口細味品嘗油香十足，牛肉最精華部分，牛肩肉質較有彈性，牛味會更為濃烈。一人燒肉份量剛好，可以試到不同部位的牛肉，性價比十足，用網燒或石燒，受熱更快和均勻，店內環境乾爽，值得一試。😚

同朋友相約去佐敦拜年，去拜年之前就順便食埋個午餐先，行行下發現呢間食石燒牛的小店！餐廳簡潔企理，主打自助式點餐，選好想要的套餐後，可以到自助機購買，購買後員工好快就會送上，好方便！牛肩套餐 180g $118套餐包括牛肩、餐湯、前菜同白飯！上菜的時候要小心，牛肩肉會放係超熱辣辣的石燒板上，而且會發出滋滋聲，好過癮！牛肩肉大大塊好厚肉，牛味偏濃，好有咬口！而附贈的羅宋湯同樣好味，蕃茄味濃甜酸適中！封門柳餐 180g $158套餐同樣有封門柳、餐湯、前菜同白飯！封門柳牛味冇牛肩肉甘濃，但勝在肉質爽口，亦比較juicy，封門柳相對比較生，可以再係石燒板上再輕輕燒熟，口感更佳！沙律配上芝麻醬，解除油膩，清新開胃！同朋友一路傾計一路燒，食物質素高價錢相宜，值得回味回購！同朋友一路傾計一路燒，食物質素高價錢相宜，值得回味回購！

丫姨約我放工去佐敦陪佢去食dinner。四周逛就發現咗呢間門面比較光鮮潔白企理嘅餐廳, 原來係食石燒牛, 啱哂天氣凍試下, 順便暖下身。餐廳分上下兩層, 地方潔淨企理, 門口位置設自助售賣機, 全日無加一服務費。主打石燒牛選自400日美國殼飼牛. 供應數款不同部位選擇, 另有少量豚肉、雞肉, 而每款肉分別有180g、250g同埋320g, 滿足胃口大嘅食客。我地點咗兩款唔同部位嘅石燒牛set各180g, 套餐包括了餐湯、沙律、白飯。餐湯為羅宋湯, 味道濃郁又足料。石燒板滋滋聲熱辣辣上檯, 180g有掌心般size大, 只有牛表面熟, 內裡依然keep成嫩紅全生, 可以影陣相打卡都唔怕牛會太快熟透。 【牛肩肉套餐180g 】HK$118 牛肩肉位於牛嘅胛部, 前腿上部, 含優質蛋白, 脂肪含量低, 口感軟嫩適中, 中間位肩位相連一條筋有d咬口, 配埋香草牛油增加香濃味道。 【封門柳套餐 180g】HK$158封門柳極少脂肪, 纖維幼細, 切開可以見到紋理清晰, 肉質較腍, 咀嚼後唔會有渣, 肉味濃。套餐不包括飲品, 需要額外order。

佐敦向來小店多，今次同朋友試試呢間燒肉店，餐廳裝修座位佈置都係行簡單清新路線，比人感覺舒服。位置有一人燒座位，就算一人燒肉都唔尷尬。牛小排+牛肩網燒套餐-跟餐有餐湯沙律&白飯-餐湯飲得出係用心之作，足料，似中式版羅宋湯-沙律份量一啲都唔少，新鮮-牛係400日美國殼飼牛。牛小排肥瘦適中，十分肥美-牛肩冇牛小排咁肥但牛味好濃郁牛舌+五花腩+雞肉套餐-牛舌有四大塊，薄切，爽口有牛味-五花腩燒後油脂好香，有三大塊。脂肪比例唔係超肥個隻，食到有埋豬肉香唔係淨係食脂肪，讚！飲品係自家製-檸檬薏米清新又唔會過甜，解膩一流

今日去佐敦辦年貨，見到間食燒肉店新開，門外黑白色裝修得很型格，在街內顯然是最突出的一間。地方好簡潔乾淨，店內自助形式的在螢幕點出自己想吃的燒肉，店員會很快送上好方便。牛肩套餐 180gBeef Flat Iron (Top Blade) Set配餐湯、前菜、白飯熱辣辣石燒盤放上牛肩肉，咋咋聲很爽呀！羅宋湯餐湯材料很豐富紅蘿蔔、西芹、薯仔、椰菜，酸酸甜甜帶點辣很開胃，沙律菜很新鮮，牛肩肉牛味濃很厚身，肉質有咬口。封門柳套餐 180gHanging Tender Set配餐湯、前菜、白飯封門柳肉質嫩綿，吃下較腍身牛肉味也濃抹少少蒜香牛油令牛肉更香，輕輕點黑胡椒鹽和烤肉汁很惹味。飲品點了自家竹蔗茅根和自家檸檬薏米，吃了燒肉點了滋潤飲品，竹蔗茅根很鮮甜喝下很舒服潤喉，而檸檬薏米微酸很清新加埋薏米可以去油膩感。

有一天與朋友聊天時，才得知原來她沒有吃過石燒牛，所以我就上網找到這間餐廳，決定和她來試一試。餐廳很方便，近門口位置有部機可以自助落單及付款，餐廳提供石燒和網燒，我們一人點了一個石燒牛套餐，套餐亦包括白飯，沙律和羅宋湯。牛肉選擇種類多，而且亦有不同重量可以選擇，我們不算太肚餓，所以都選擇了180克的牛肉套餐，牛肉都是400日美國穀飼牛。餐廳亦會提供即棄圍裙予客人用，非常細心，這樣就不用害怕被油彈到衣服。牛肉套餐會提供香草牛油，可以在燒牛時放牛油，一起煮增加風味，令牛肉更加美味，油味更香口，石板燒得非常熱，所以牛油亦很快溶了。牛肩套餐（＄118）180克已經好大塊，而且非常厚生，性價比高，口感比較有嚼勁卻不會靭，表面煎香了非常香口，切開看見粉嫩色，再可自己煮到自己喜歡的熟度，肉味豐富。封門柳套餐（＄158）比起牛肩的口感柔軟些，牛肉味比較重，肉汁豐富。因為牛肉非常厚，所以煮的時候都要切開比較好，由於石板很熱，吃完飯亦都仍然保持到牛肉的溫度，不會變凍，非常適合冬天吃。沙律配上麻醬汁，非常開胃，沙律菜亦很新鮮。羅宋湯酸辣度適中，而且配料亦都好多。飲品方面最吸引就是竹蔗茅根和檸檬薏米水，可以清熱

食燒肉食得多, 今次去佐敦這間燒肉店有些特別, 店名 52C  Medium Rare.   提醒52 度高溫小心燙手.  共有兩層, 裝修整潔清雅, 沒有油煙味,  與其他燒肉店不同. 門外有餐牌,  石燒牛類, 網燒豬肉, 雞肉.  還有壽喜燒.套餐也有多款.地面鋪主要是石燒牛類,  入門有自助點餐機, 看準那種自己喜歡, 可用八達通付款真方便.  樓上主打燒豬肉, 雞肉.  用網燒, 一人一個電爐. 今晚我哋飲嘅係竹蔗茅根精 清熱, 食燒肉最啱.  另一個薏米水, 可以清腸胃, 真係唔錯.我們兩人各點了石頭燒套餐, 下腰西冷 (180g)  $148.  配白飯, 沙律及羅宋湯.另一個石頭燒套餐, 牛肩套餐 (180g)  $118.  也是配白飯, 沙律及羅宋湯.沙律菜, 新鮮翠綠, 有胡麻醬, 好開胃.羅宋湯好甜, 足料有蘿蔔, 蕃茄, 西芹, 牛肉粒, 好好味.白飯好滑口. 牛肩色澤鮮明, 切割得厚身, 備有五金夾夾肉,   塗上蒜蓉牛油,  燒一燒.牛肉份量足夠, 香味突出,   自行燒至理想的熟度, 自己控制,  好味.設海鹽, 胡椒粉.  同豉油. 下腰西冷,  牛肉

日式燒肉店越開越多，今晚來到佐敦這間裝修雅緻的燒肉店嘆網燒。入門便可見到一部自助點餐機，可先點餐後入座。這店選擇頗多，有石燒或網燒套餐，再可追加其他肉類。又有燒肉二人前，足兩個人份量。另有炸物，小食及飲品等選擇。網燒套餐 $88  有白飯，湯， 沙律  及豬梅肉 +  雞肉 +  五花腩蕃茄湯自然清甜帶點酸味，沙律加咗日式芝麻醬好惹味。網爐可自己控制温度，慢慢燒。喜歡這裡設有一人網燒座位，一個人也可以自由自在地享受燒烤樂。價錢大眾化，年輕服務員有禮殷勤，是嘆燒肉好去處。

牛肩套餐 Beef Flat Iron (Top Blade) Set牛肩肉位於牛嘅前肩胛部，脂肪含量較多，肉質鮮嫩。厚厚嘅牛肩肉喺鐵板上肉汁豐富。幸運地我哋嘅牛肩肉中間部份包圍着晶瑩嘅牛脂肪，鐵板熱力令油脂滲出再滋潤牛肉嘅其他部份，係味覺嘅享受。下腰西冷套餐 Beef Sirloin Flap Set下腰西冷肥瘦相間，很有嚼勁。 西冷嫩肉中含有一定數量的肥油，牛肉味非常香濃。西冷好快煮熟，所以我將佢先放開一邊，煮一口食一口。套餐提供香草牛油，加上香草牛油嘅西冷份外滋味。自家竹蔗茅根 & 自家檸檬薏米餐廳嘅特飲竹蔗茅根同埋檸檬薏米特別適合鐵板燒，下火降溫，清熱解毒。餐廳已膠樽作器皿，有特色又非常細心，因為鐵板燒會將豐富肉汁彈入飲品。

佐敦廟街近年開了好多食市，今晚同小姪女搵野食，年輕人更係要食d 年輕野，「燒肉」就適合不過了☺️「豬梅肉＋雞肉＋五花腩」這款套餐有齊3款食物，岩哂為食的我，甚麼也可試到😎 五花肉烤至金黃色，肥瘦均勻☺️ 雞肉可燒至雞皮脆口🥰「封門柳」是牛的一種, 牛味比較重☺️ 燒出來好香的牛味😌「配餐湯,前菜,白飯」每個餐都會配上，當食燒肉配上日本珍珠米飯的確唔錯☺️ 重點想提及餐湯-羅宋湯，足料！野味！👍🏻備註：🔺唔止有燒肉食，仲有迷你火鍋，熱石燒肉😎🔺有樓上雅座，地方闊落😌🔺會提供圍裙，以免油漬亂飛😆