616牛肉火鍋專門店 (西菁街)

Open Now

Now Closed

616牛肉火鍋店之前喺西環食過 元朗區呢間開咗咁耐都係第一次食 人大咗就好小食任食火鍋 始終質素冇咁好 而616主打用新鮮運到嘅扇古牛做火鍋牛肉 雖然係單點 但係價錢都唔貴 都係40幾至60幾已經有碟牛肉 好抵食而且花款非常多 可以一飽牛魔王之慾念 哈哈 星期六夜晚入咗時唔太多人但食食下已經全場滿座仲有限時每枱食用嘅時間 菜單係用電子化 用掌上電腦點菜夠曬方便一目了然 而且側邊仲有註解 講明食法同埋係牛邊個部位 好細心坐咗陣已經有前菜 竟然係西瓜？？？有啲不解 但係食落幾清甜到咗主菜牛肉 我哋四個人食咗好多唔同款式 包括腩頭 牛駝峰 滑尾龍 牛朴肉 胸口膀 黑栢葉等等 南投牛美膠囊不過較煙韌滑尾龍 係尾龍加咗隻生雞蛋 攪勻再放落去湯底 真係超滑 仲有蛋花效果 而且已經預先調味 超好食 相反牛朴肉就比較少牛味 但係淋身 適合老人家同小朋友食 胸口膀 係牛胸口嘅一舊脂肪 但係放入去幾秒就食得 而且非常爽口 有濃濃嘅牛油香四個人食到飽飽都係唔使800蚊 而且唔使加一非常抵食 美中不足係入座有限時 坐得唔夠耐 如果閒日就冇呢個限制

今晚同幾名牛癡一齊岀發食「616」，牛牛牛全部都係食🐄鴛鴦酸菜牛骨湯，酸菜勺牛肉又幾鬼好味匙皮，牛隻胸部上少少位置，比較罕有，6秒食得滑尾龍，呢款十分喜歡食，好味到我要再 order 多一碟，因為真的太滑了食法：先將蛋同滑尾撈鈞，8秒食得三花腱，比較有肉味牛丸，十分爽口彈牙金花趾，幾有咬口6秒食很牛舌，少有食到咁新鮮的牛舌，非一般店舖食個d牛肉餃，內裏全部都係牛肉，另一類好選擇靈芝菇，都新鮮並且幾乾淨醬料自由調教，獨特的牛肉汁給大家多一種選擇枱面還有教大家淥牛肉的最佳時間

打邊爐打得多，今晚搵間專食牛肉嘅火鍋！元朗喺千色後面原來有一間616，位置唔算話好顯眼，就係士林台灣麵隔離！入到去餐廳見到啲餐牌好得意！好似去咗舊時嘅大排檔一樣！😂😂😂好有懷舊feel叫咗牛什湯底，翻滾吧！係等緊野食之前，我決定叫返支啤酒解下渴先，包裝好得意，係616牛肉火鍋專門店同麥子既啤酒！味道都幾易入口，唔會好多泡泡！餐廳都好細心係每張枱隔離都有個差電位😍😍😍岩我岩我！手機無電之際，救我一命！我哋再叫咗個麻辣拍青瓜，味道OK青瓜都好爽口就係份量少咗少少😕😕😕食材一到，店員就幫我地將生牛肉上面嘅雞蛋攪拌好然後我地落去我鍋底到616！最開心係叫咗油麥菜同皇帝菜，佢嘅份量超級多，而且仲好新鮮！放落去牛什湯6熟就食得，好甜，而且仲吸左牛什湯既味道！正正丫寶寶😍仲有黑色嘅牛柏葉添啊其實食咗好多野只係呢幾樣野我比較岩我心水，同埋我偏愛覺得好食🤣🤣🤣

我諗我人生除咗米線可以日日食之外，而家牛肉都可以...連續三個星期都打邊爐，仲要係主攻食牛，仲要係同一連所經營...當然緊係要新鮮、好味嘅野先會食得咁密啦！今日約咗元朗住嘅朋友食飯，可能喺正最旺晚飯時段，好多地方都無位泊車，唔識路兜吓兜吓去咗西菁街見到有個停車場就泊咗上去，泊完打算搵野食啦，一落樓下朋友就指住呢間餐廳就話不如入去打邊爐，我當時心諗，啱啱星期一先同Honey食完尖沙咀616麥子，但我同朋友一向邊一個Reject就要Reject嗰一方諗食咩，基於諗唔到而好彩我又唔係港女（港女mode:吓，又打邊爐，熱氣呀！/又食牛，星期一先食完）所以就入咗黎喇！呢到最搞笑係有夾公仔機&遊戲機喺門口，如果要等位時，絕對可以消磨時間坐低後落完Order就去拎醬料我覺得呢間店嘅主題係童年回憶，除咗門口遊戲機之外，每一張格旁邊都有D小玩具，啱哂帶埋小朋友嘅食客而牆上仲掛咗D畫喺到，全部都係細個幼稚園時玩嘅野，估唔到食餐飯都有童年回憶😌呢個漏斗個作用係計算食物上菜時間，如果指定時間內都未上哂點咗嘅食物，就會Free一碟，當然佢地上菜速度係快啦...今晚就唔食沙嗲，轉咗酸菜試一試，烚咗D牛肉覺得有少少

今日工作量比平時多，所以放工好想好想放肆下大吃一餐..咁就想埋幾位同事去打邊邊先店內環境寬敞...枱與枱之間都有好多空位方便出入見到張壁畫就會想起元朗的點滴..！酸菜湯底還是第一次試到、味道有少少辣辣地...牛骨湯則比較原汁原味...！揀在幾款不同部位既牛肉、呢幾款牛肉香味比較濃郁....呢款係滑尾龍、十下十下之前必須攪勻在隻雞蛋係牛肉入面、之後再食會比較滑嫩，我個人比較喜歡食呢款。。牛肉餃比較少有...所以一試...餃子🥟肉汁多，同埋皮薄餡多...雖然呢度係牛肉專門店....但其實呢度會有好多不同既配菜可以order ...

616牛肉火鍋專門店，這裡有不同的牛肉部位供應，所以一定會點不同的牛肉部份來吃  店內的裝潢帶有一點懷舊風  一來到立即上送水果給我們  首次落單後店員會附上一個計時二十分鐘的沙漏，未能於二十分鐘內上桌的食物即免費送出  牛骨清湯$38清湯清而不淡，用牛骨淆成原汁原味，加上蘿蔔，粟米。  吊龍伴 $68 吊龍伴即肉眼邊，切至約2至3毫米薄，軟腍而帶少許油脂，涮12~13秒即可食用。肉質比較有咬口  牛朴肉$48 即牛頸脊，油花分佈密集，肉味香甜濃郁，肉質柔嫩且有咬口。  金花趾 $48 即牛後小腿，僅佔整頭牛的2%，非常矝貴，肉質爽口。  三花腱$48 牛前腿肌腱肉，味道會是較為鮮甜味濃，口感爽脆。  匙柄$48 牛肩胛肉，由於肩膊經常郁動，令肉質嚼勁十足，相對上牛肉味比較清淡  牛心椗$48 連著牛心的血管，厚身雪白，口感超級爽脆，坊間罕見。  牛骨髓$48 牛味清淡，質感滑滑的。  黑牛柏葉 未經漂白處理的牛柏葉，非常爽口彈牙  手打牛滑 $48結實有口感，味道鮮甜  牛肉餃 $48 餃子內肉汁多，皮薄餡靚，牛肉味突出。  豆腐  娃娃菜 $18特別的鮮甜，清脆爽口

今日黎到元朗616牛肉火鍋專門店，入到去已經感受到好親切既服務態度，店員非常有禮貌，店鋪看起來亦算寬闊，凝望四周有一些兒時玩具，有興趣的朋友可以去玩玩，重拾童真和美好回憶。由於餐廳提供的牛肉款式眾多，我們亦需要一些時間仔細考慮，餐廳送上兩小碟西瓜解暑，讓我們在思考下單的同時亦有食物進肚，非常貼心。經過一番思量，我們終於選擇好，每一桌都有iPad給客人自己下單，既方便又快捷，將食物選擇好後按傳送，餐廳就會收到訂單，並馬上處理，唯一美中不足是有些牛肉部位太受歡迎已經售罄，如果iPad能加設一個售罄功能就更好了，避免下單後才知道無法享受該美食。下單後店員提供了一個沙漏，正當我們感到奇怪之際，店員解釋原來是餐廳為了保證上菜的速度，當沙漏完結時，即大約20分鐘的時間，如有菜式仍未到達，該食物便會免費送贈客人，我還真第一次希望時間快點過去。我們當然重點品嘗牛肉，牛肉薄切味濃，我們選擇了吊龍伴、牛朴肉、金花趾、三花鍵等等，不同部位有不同的口感、味道等等，我特別喜歡吃牛，但這是我第一次看到分得那麼詳細，真讓我大開眼界，餐廳亦提供烚牛肉的時間，希望顧客能享受牛肉最佳的質素。吊龍伴牛朴肉金花趾三花鍵我們叫

今日同女友唱完happy hour K ，夜晚諗緊食咩好，搵到一間專食牛既616火鍋店，聽落唔錯，我地決定去試。店內裝修富元朗特色，幾特別。店內環境清潔。這裹很好，會有箱子放袋，十分方便。用iPad 落單，十分方便，想食咩就食咩！我地叫左牛骨清湯，湯底清甜，不錯。飲品方面，叫左凍豆漿，正常味道不太甜，岩我。我地叫左個冷盤，冰麻牛，麻辣口感令人開胃，青瓜爽甜，牛有咬口，不錯。主角終於到了，就係牛肉，肉質花紋靚，夠晒新鮮。我最鍾意食牛朴肉，牛味夠，肥瘦均勻，正！蔬菜類都很新鮮，夠爽甜，最後叫埋烏冬，就係完美結局啦。我地食左咁多野，埋單先$392，而且唔收加一，很抵，下次我會再黎食。

身為一個食肉獸 牛肉更加係至愛 所以今日就同朋友去到元朗 食呢一間牛肉火鍋專門店一入到去已經畀餐牌上面嘅牛肉所吸引 牛肉鮮紅無比 新鮮 又有好多唔同牛嘅部分可以選擇我哋首先就叫咗腩頭 紅卜卜 而且富牛肉味 脂肪分佈均勻 而且豐富 淥一淥 食到 嘴舐舐 只係略嫌肉質偏硬胸口膀 係牛胸骨嘅筋膜所以比較有咬口 經過碌一碌 更加爽口彈牙 非常之有口感 我鍾意呀牛扑肉 呢個真係一個驚喜 因為佢不單止唔硬 而且牛肉味非常濃郁 值得一讚 我哋叫咗三碟匙柄 相對上牛肉味比較清淡 但係肉質亦都尚算鮮嫩可口牛骨髓 牛味清淡 但係佢嘅質感都幾淋滑 唔錯黑柏葉 即係未經漂白處理嘅牛柏葉 牛肉味清淡 但係非常之爽口彈牙 一啲都唔痴牙 幾正滑尾龍 即係牛尾龍骨嘅肉 非常之滑 可能因為再加埋蛋一齊食嘅關係 更加富層次 係今晚最大嘅驚喜響鈴 普通質素 不過不失

無論咩季節我一向都係咁鍾意打邊爐！今次仲要專食牛！唔只我地大人食得咀雕，我地D小朋友都係，如果肉冇味唔夠香、”un”少少都唔食呀！616之前我都係報紙雜誌報導見過，賣點係食牛嘅唔同部位，都會有唔同嘅口感同味道！仲有佢地自己店可以攞到最新鮮嘅牛運送去不同分店！一入去都好親切咁招呼同安排座位！之後就細心講俾我地聽去用iPad落order!大概分咗7個column好清晰唔多花考嘢唔會令到你唔知按咗去邊！落咗單之後waitress就俾個計時器話如果落單後20分鐘野食未到嗰啲就free俾你！出邊有個配料吧，可以自己調校醬汁！湯底我哋揀咗牛骨清湯，熔岩沙嗲湯底！因為多人我地決定加多個爐加多個牛雜湯底！我特登飲咗幾啖先！牛骨湯夠清，小小白色夠骨膠原,仲有落粟米一齊！到牛雜湯嘩好香呀，就好似入咗一間食牛雜麵店嘅嗰煲牛雜香味咁香,再加入京蔥同牛雜一齊食都以經好夠味！到沙嗲好香濃帶小小辛辣又唔會搶咗啲食物味道！前菜叫咗冰麻牛，涷涷地，幾麻辣，牛舌同牛雜爽爽地係開胃！一次過叫咗十幾碟唔同部位嘅牛包括：雙層牛、匙柄、牛舌、吊龍伴、脖仁、金花趾、牛駝峰、封門柳、牛柳、黑白葉、牛朴肉、胸口膀、牛心！菜叫咗金菇、粟

行過616牛肉火鍋專門店好多次，每次都只係經過，今晚終於可以品嚐到。因為已經訂咗枱嘅關係，所以唔需要等可直接入座，坐底店員已遞上西瓜作飯前果。店內環境都幾寛倘，中間放咗一個調味料自助吧。就坐後先望望Menu，佢哋哋個Menu好方便，完全用哂Ipad，簡單而清晰，㨂完㩒一㩒Send Order就可以。但係第一件事先選擇湯底，因為佢哋牛肉種類繁多要啲時間消化一下，所以先叫湯底後叫食物，湯底有6種，我哋叫兩個湯分別叫咗”鴛鴦沙牛湯底”同”牛雜湯底”。跟住開始揀牛肉，就咁望望牆上塊版，我諗都有成30款以上不同牛嘅部位選擇。咁我哋就叫咗以下嘅牛，封門柳、金花趾、脖仁、吊龍伴、雙層肉、牛舌、牛柳、尾龍、題柄、牛駝峰、胸口膀、牛心、牛朴肉、黑栢葉，涼菜方面都叫咗一個冰麻牛試試。另外再叫啲金菇、響鈴、油麥菜、唐山菜、稻庭烏冬等等。一落完Order後店員會放底一個沙漏（漏20分鐘），話食物會喺20分鐘內送到，遲咗到的話嗰樣食物免費，個人覺得呢樣幾有Gimmick。叫完就出去攞醬料，呢個自助吧最特別係有個秘製牛肉汁。整完後話口未完湯底及食物亦陸續送上，由Order到送到嚟都唔洗8分鐘。當牛肉放到滿哂張枱時

週日家庭樂去完行山，夜晚同爸爸媽媽入元朗打邊爐！🤤🤤🤤知道爸爸鍾意食牛肉，所以我地揀左呢餐616牛肉火鍋專門店🙈🙈🙈環境都幾大,我地3個人,店員安排左我地坐4人位! 店員拎咗兩西瓜前菜比我地食，之後比左個IPAD我地,裹面有MENU,齊哂唔同口味既湯底同食材,電子化落單好方便,圖文皆全‧因為616主攻食牛肉,佢既牛肉款式都幾多元化!616牛肉有分3個系列:616推介 ,616 罕見,616特色。我地選擇左牛雜湯底😝，有得拾下拾下又有得食丫嘛！等緊嘢食嘅時候就去咗醬料區拎想食既醬汁😝😝😝叫咗成枱都係嘢食要擺落去火鍋616🤤🤤🤤其中一個係胸口膀！有人會叫佢做牛白肉其實佢係牛前胸嘅一片脂肪！雖然佢係脂肪，但係食落去爽口，唔油膩！口感幾特別！ 616先6左大概15秒左右就食得啦！我哋仲叫咗自家製牛肉餃牛肉餃既肉質好嫩滑，唔會好銀！幾juicy!!!早知叫多碟！😂😂😂最後，我哋再放埋到庭烏冬樂寶鍋底就完成成左我哋呢次嘅晚餐！好滿足！下次要叫多啲人一齊食先得，咁先可以試牛既唔同部位！🙈🙈🙈