Amplifier Restaurant (積福街)

Open Now

Now Closed

夜晚想食好啲，所以揀咗2人餐$1088。呢個二人套餐非常豐富，包括：Starter 自選3款、湯、主菜自選2款、甜品及飲品。Starter有新鮮嘅生蠔🦪，非常大隻鮮甜，帶海水味。巴馬火腿同甜蜜嘅蜜瓜都唔錯。香烤大啡菇同蒜香牛油田螺，蒜香牛油香濃。然後係湯嘅部分，呢個套餐有蟹肉龍蝦濃湯。湯幾creamy，有蟹肉同龍蝦味濃郁。主菜方面，揀咗香煎日本帆立貝蕃茄醬意大利麵，帆立貝嘅鮮甜同醬汁嘅豐富風味，蕃茄醬味道突出🥫。另一款係慢煮美國威靈頓牛柳，牛肉慢慢地燉煮至軟嫩，酥皮有牛油香。絕對係肉食愛好者嘅最愛。最後，就到甜品嘅時候啦。今日嘅甜品係Tiramisu，芝士及咖啡味夠平均。呢款經典嘅義式甜點一定可以完美為你嘅晚餐劃上句號。

今晚好開心和朋友在一間有現場歌手唱歌的餐廳食飯聽歌，食物、環境和氣氛都很好。*餐廳位於大圍積褔街，一出站行幾步就到。這條街晚上燈火通明，頗為熱鬧。*餐廳逢星期三有現埸音樂，星期四則有歌手自彈自唱。今晚剛好是星期四，七點半開始，年輕女歌手彈着結他，溫柔的唱一些抒情廣東歌和英文歌。我和朋友雖然已經食完，但仍坐在寬闊的梳化座上，聽了好幾首才離開，感覺舒適。*這晚我們點了二人套餐：Amplifier Signature Set for 2（$1088），連甜品共7道菜，豐富優質，擺盤精美。*Starter是生蠔和青口之選。我偏愛生蠔，可是朋友不吃，猶疑間見餐廳逢一至四有特價青口，只需$38。即刻加一份白汁忌廉青口，滿足所有人的願望。*食物太豐富，全部都美味，例如生蠔、八爪魚和藍青口都新鮮甜美，龍蝦湯濃郁，威靈頓牛柳肉質柔嫩等等，我不一一形容了。其中我最欣賞的是香烤大啡菇釀蒜香牛油田螺。平日食田螺多是把螺肉釀入螺殼中，現在放在大啡菇上，啡菇吸收了田螺和蒜香牛油，超級美味。*二人套餐中有幾項都有不少選擇，以下是我們的餐單：Starter：🏅新鮮生蠔 4隻🏅香烤大啡菇釀蒜香牛油田螺🏅慢煮西班牙八爪魚

前排返工好忙，終於得閒啲，想搵間chill得嚟又好食嘅餐廳拍吓拖，之前食過依間嘅lunch，質素都唔錯，一於試埋晚餐～叫咗個二人餐，有生蠔、前菜、湯、重點有威靈頓牛柳，仲有意粉、餐飲同甜品㖭！生蠔配有平時都有嘅檸檬同cocktail source之外，仲有個柚子醋都幾特別，食完好開胃～前菜我哋就嗌咗巴馬火腿配蜜瓜同慢煮西班牙八爪魚暖薯仔沙律。巴馬火腿配蜜瓜，蜜瓜夠爽甜，配埋鹹香嘅巴馬火腿食，真係prefect match～慢煮西班牙八爪魚暖薯仔沙律，一上檯就聞到好香嘅八爪魚味，慢煮嘅八爪魚煮到好軟身，但仍然保留到八爪魚嘅鮮味蟹肉龍蝦濃湯，淡淡嘅龍蝦香，仲真係飲到有蟹肉，真材實料！最期待嘅慢煮美國威靈頓牛柳，最外面有層鬆脆嘅酥皮，包住層雜菌粒，再包裹住牛柳，塊牛柳仲係粉嫰㗎！好正～帆立貝蕃茄醬意粉，又係超足料，條條意粉都掛有蕃茄醬除咗餐飲，甜品仲有tiramisu同奶凍，超滿足！！

大圍區內有間高級西餐廳，慶祝節日好岩食！有氣氛情調，又有梳化卡位坐得幾舒服！又唔洗出市區咁遠就有好野食！仲有live 歌自彈自唱聽添🎸二人餐$1088生蠔四隻生蠔大隻厚身，好有海水味，鮮甜可口。巴馬火腿配蜜瓜有兩大件巴馬火腿配蜜瓜，買配有香醋汁既沙律菜，好開胃醒神！香烤大啡菇釀蒜番牛油田螺大啡菇烤完都好多汁！釀左好多田螺，好足料！田螺滿滿牛油香！招牌蟹肉龍蝦濃湯一上枱已聞到好濃龍蝦湯味！入面仲有點龍蝦肉！賣相精緻！香煎日本帆立貝蕃茄醬意大利麵帆立貝煎到好香口，意大利麵好香新鮮既蕃茄味同有蘑菇粒，好fresh!! 炭燒美國豬鞍扒豬鞍扒整到好入味，又有炭燒味！如再腍身少少就perfect!配上的沙律係有青瓜、青蘋果、提子乾好fresh, 剛好中和番炭燒肉，不會膩！是日精選甜品🍮奶凍賣相好吸晴！好大杯！下面係朱古力奶凍，上面係牛奶奶凍，又係好夾！Iced Lemon Tea &Iced Coffee餐飲凍飲各加$3，咖啡都有質素，凍檸茶都夠檸檬，清新解喝！🍱餐廳: Amplifier Restaurant (積福街) (大圍)🏫地址: 📌大圍積福街72號地下D號舖

響大圍內街搵下野食行行下聽到呢度竟然有live band show傳出黎,細看menu原來都有Signature 既Dinner Set, 一於就入去try try.二人餐menu都相當豐富有頭盤,小食,餐湯,主菜同意粉而且選擇都好多是日既精選生蠔係黎自法國🇫🇷生蠔🦪新鮮肥美帶有濃濃海水味, 最怕出面好多都沖到好淡,搞到冇哂鮮味香烤大啡菇釀蒜香牛油田螺大啡菇咬落極juicy,田螺起埋肉,食落好方便配埋落個菇度,成件事好夾香煎鵝肝鵝肝size都幾大件,煎得外脆内軟,鵝油香十足招牌蟹肉龍蝦濃湯🦞好濃郁既龍蝦味,飲落唔咸,味道很好同同行友人飲到刮碗😂香煎日本帆立貝蕃茄醬意大利麵有3大隻帆立貝, 意大利麵軟硬適中,係我鐘意食既口感5小時慢煮美國威靈頓牛柳最期待的威靈頓牛柳,第一次食金黃既酥皮配上嫩紅色牛柳牛柳熟成度做得剛剛好,食落好淋唔靭而酥皮入面搽左啲鴨肝醬,食落好香是日精選甜品- Tiramisu沒有很甜,好岩我胃口響呢個咁有氣氛同環境Chill住嘆野食同埋邊聽住首首耳熟能詳既歌真係完全諗唔到自己係置身響大圍聽到歌手話自己逢星期四 7:30 -9:30都會駐場的,鐘意聽live band同

鋪頭：Amplifier Restaurant 地址：大圍積福街72號地下D號舖。​💰1093蚊💰連加一💰Order左d咩？​ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟𝐂𝐨𝐦𝐦𝐞𝐧𝐭係呢到 ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ͟ ​ ​ ​ ​ 二人套餐：AMPLIFIER SIGNATURE SET For Two ​1️⃣精選新鮮生蠔 （唔錯）好新鮮，冇金屬味，冇腥味，海水味唔算好重，肉嫩​2️⃣東歐酥皮芝士焗牛脷（唔錯）其實係酥皮湯，上面酥皮夠脆，下面個牛脷湯好濃香，牛脷煮得軟​3️⃣香草牛油焗田螺（唔錯）好香牛油味，最底係薯蓉，蘑菇包住田螺，多種食材，口感幾豐富，田螺入哂牛油香味，唔韌，肉質爽彈 ​4️⃣蟹肉龍蝦濃湯 （唔錯）好濃香蟹肉&龍蝦味，又唔會太重口味，仲有真蟹肉食​5️⃣大蝦蘑菇蕃茄醬意大利麵（一般）一到主菜，味道即刻下降，意大利麵偏淋，蕃茄醬唔夠濃，唔入味​6️⃣慢煮美國威靈頓牛柳 （一般）賣相係好得，但整體有少少乾，同埋冇乜味，調味差左少少，酥皮夠酥&鬆脆，同牛肉比例剛好，牛肉唔韌​7️⃣甜品（唔錯）牛奶布甸，上面有馬卡龍，

Amplifier 位置好好，從大圍港鐵站步行幾分鐘就到。餐廳屬復古工業風，坐位係卡位同梳化座位，夠闊落坐得好舒服。MPLIFIER SIGNATURE SET For Two ($988)Dinner Set 包括三款頭盤、湯、兩款主菜、甜品同飲品。Starter【精選新鮮生蠔4隻】🦪我地加咗$108要多4隻，total 8隻。生蠔肉質偏向爽滑，鮮甜多汁，有海水味得黎唔會太重，比較清新。【香煎鵝肝】(+$30)大推! 鵝肝大大件，煎得外脆內軟，油香十足。多士亦好脆，配埋少少蘋果醬酸一齊食，酸酸甜甜，同鵝肝勁夾之餘亦可以減低膩感，忍唔住食多幾啖。【慢煮西班牙八爪魚薯仔沙律】八爪魚大大粒厚肉又彈牙，配埋薯仔同沙律，都幾開胃唔錯。Soup【蟹肉龍蝦濃湯】味道好濃郁有龍蝦鮮味，入面有蟹肉，若果份量再多啲會更好。Main【帆立貝茄汁意大利麵】帆立貝鮮嫰，意粉口感爽彈有嚼勁，醬汁亦好creamy，鮮茄味濃郁，口感豐富。【威靈頓牛扒係重頭戲】厚切既威靈頓牛柳用上慢煮方法，非常入味唔會乾身。外層酥皮鬆脆有咬口，內層牛柳軟腍有肉汁。兩大件再配上焗蒜頭同豆苗等配菜，好滿足。Dessert 【Tirami

位於大圍的Amplifier Restaurant是香港少有的音樂主題餐廳，不時有現場音樂表演，同時享受聽覺及味覺的雙重感官體驗。店內是走工業風的水泥牆裝修風格，塑造出復古懷舊風格。全晚播放著耳熟能詳的英文金曲，在昏黃柔和燈光的映照下，給人一種寫意、放鬆的感覺。這裡亦是Pet-Friendly餐廳，店門的戶外座位可帶同寵物入座。間中有live music演出，一邊享受佳餚，一邊聽着音樂演奏，增添醉人氣氛，不過有點可惜的是這夜無緣碰上。今次就點了招牌二人餐 Amplifier Signature Set For Two $988，包括三款前菜、餐湯、兩款主菜、甜品和餐飲。白酒忌廉汁青口青口全部已煮成開口，煮熟後貝類海產的鮮汁滲至醬汁當中，將鮮味再昇華。當酒精遇熱揮發後，白酒忌廉汁與青口的鮮甜味相得益彰，佐以脆卜卜的多士同吃。慢煮西班牙八爪魚暖薯仔沙律擺盤色彩繽紛提起食慾，配上清爽沙律，提出八爪魚的鮮味。西班牙八爪魚色澤呈現深櫻桃色，肉質柔軟，還保有彈性咬口，一點也不會過韌。香煎鵝肝 +$30厚切鵝肝油脂豐腴，煎得表皮香脆並帶有焦香，內裡卻是軟綿順口，再以薄脆多士墊底。鵝肝入口即化，散發濃

適逢朋友生日，佢話想食青口，小妹搵左間西餐同佢慶祝，點知竟然遇到驚喜🥳，好值得介紹俾大家。⭐️藍青口配白酒忌廉汁藍青口唔算話好大隻，但個白酒忌廉汁好正好杰身👍🏻。每滴汁都完美掛係青口上，好夾。個汁實在太好味，我地食哂啲青口都唔俾佢收走，拎黎點其他野🤭。⭐️慢煮美國威靈頓牛柳牛柳熟成度剛剛好，酥皮入面搽左啲鴨肝醬，配上蒜頭一齊食，多重嘅味道係口腔中一齊爆發！既豐富又有層次，互相配合，洽到好處。但就少貴，2件已經$4xx😜.⭐️特色小食拼盤秘製醬燒豬肋排，非常腍身，有點似手撕豬👍🏻，味道少少辣嘩，好惹味。蜜糖柚子雞翼，好好食！柚子醬好fresh，酸甜酸甜咁，好開胃！🫶🏻另外，脆炸洋蔥圈、風乾火腿配蜜瓜、魷魚圈都好正！😬呢個拼盤，好適合叫黎做開胃餐前小食👍🏻❤️。⭐️黑松露野菌意大利飯黑松露唔算好突出，但忌廉汁好濃好重身好杰👍🏻，包裹住每一粒米飯同野菌。意大利飯煮得外軟內硬，好有咬口。如果鐘意食忌廉汁嘅朋友仔，一定會好喜歡呢個！👍🏻小妹當日去，係星期四，但好驚喜地，竟然有live music😊。聽住一首首懷舊的金曲，配上佳餚，令晚飯更有情調，既chill又relax。而且餐廳裝修好stylish，環境

大圍一間有Live Music 威靈頓🐮 有情調既bar今次同朋友食叫咗個👫餐 星座唔使諗🤣頭盤白汁忌廉青口 青口算幾大隻 份量都好夠 香煎鵝肝比起出邊係大件嘅 都幾肥美😌 香烤大啡菇配牛油田螺 呢度餸💯 啡菇多汁 田螺厚肉 整到有啲似沙律嘅感覺 好清新 主角當然係威靈頓牛扒 ✌️大件 外面收皮香脆 中間夾住啲菌 入邊牛柳粉紅色🤤 擺盤📸都好靚 牛肉好淋 肉味都唔錯 成件加埋食口感豐富✨主食帆立貝鮮茄意粉🍝 意粉好彈牙 醬汁都係偏清新 唔會好重蕃茄醬咪 加上大大粒日本刺身級帆立貝🤩🤩甜品有一件tiramisu 一件芝士撻 份量唔算太多 但係兩個人分享啱啱好😌 因為成件事夾埋都好飽了👍最後睇吓呢間餐廳有注場歌手 人靚聲甜👩🏻👏🏼👏🏼👏🏼

聽朋友講話呢度可以一試就同女朋友過嚟今日呢度食飯，發現這間餐廳坐得舒服而且環境好！都係坐卡位同埋梳化座位的，而且會播住音樂非常有feel今次叫咗個雙人餐有生蠔四隻，香煎鵝肝，蟹肉龍蝦湯，帆立貝茄汁意大利麵，慢煮威靈頓牛柳同埋甜品1.生蠔，我加咗108元多4隻，共8隻，生蠔質素比較高，有海水味，配埋啲醬更加好食2.香煎鵝肝外脆內軟！非常多汁。而且比較大件3.蟹肉龍蝦湯。感覺用了天然係真係熬出嚟嘅湯，有蟹肉係入面，唔會食到好制4.慢煮西班牙八爪魚薯仔沙律，都係一個開胃菜唔錯5帆立貝茄汁意大利麵，茄汁味非常重，係新鮮茄汁嘅味道！份量都正常的6.個人認為威靈頓牛扒係重頭戲，慢煮嘅牛柳非常入味唔會太乾！而且有兩大件。食到好飽

Amplifier在大圍食街積福街，從港鐵站走幾分鐘就到。工業風裝潢挺有特色，背景播放著懷舊英文歌，我們坐在寬敝卡位，感覺輕鬆舒暢。我們點了二人的Amplifier Signature set，包括頭盤、湯、主菜、甜品、餐飲，挺豐富的。頭盤【精選新鮮生蠔4隻】4大隻生蠔，清涼的鮮鹹甜味交融，很享受～【香烤大啡菇釀蒜香牛油田螺】大啡菇多汁，上面有十多粒田螺，蒜蓉牛油香味十足～【香煎鵝肝】鵝肝也很大件，外脆內軟，油香十足，可以塗些啤梨醬，再和吐司一起吃，減低膩感之餘又多一點甜。湯【蟹肉龍蝦濃湯】味道濃郁，蟹肉也挺多，若果份量多一點就好了～主菜【原隻法式龍蝦米多】龍蝦肉是先起出來，切開煮熟，塞回龍蝦，再以芝士和蛋黃醬焗至黃金。龍蝦肉已切開，所以吃起來很方便，味道又鮮甜又惹味。配菜有軟滑薯蓉和沙律菜，吃起來不覺膩滯。【炭燒美國豬鞍扒】豬鞍扒已切件，肉和脂肪比例均勻，吃起來肉香油香兼備，上面的甜醋汁令味道更加豐富。配菜是華都夫沙律，有蘋果粒、西芹粒、提子同合桃仁，第一次吃這種沙律，挺有特色。最後到甜品，我們加了$30轉【朱古力心太軟】，外面焗到微微帶脆，裡面是暖暖流心朱古力醬，配雲呢拿雪糕一冷一

約咗一班朋友食飯，順便就翻其中一啲下晝先去沙田踩單車嘅人，方便大家集合，所以就揀咗響大圍食飯，其中有朋友建議試吓大圍呢間西餐廳，位置都算方便，地鐵站行過去唔使5分鐘。環境裝修都好好，服務方面亦都非常唔錯，更加特別嘅係仲有live音樂聽，所以成件事感覺到非常好。今次食物方面因為人多點嘅嘢食亦都相對多，所以就應該唔會特別逐樣嘢細講嘞。龍蝦湯都幾香，不過有少少偏鹹。新鮮青口，配白酒忌廉汁，味道適中，配嘅薄麵包都唔錯，有少少偏硬嘅。芝士肉醬墨西哥脆片都可以，份量亦都幾足夠。特色小食拼盤，特別要讚嘅係啲醬汁幾好味，不過會建議簡單介紹一下邊隻醬汁點乜嘢比較好味會更加好，因為睇落去每一隻都唔知係乜嘢味要逐個試，先至會知道點樣配會更加好。威靈頓牛柳，因為唔係自己嘅喜好，所以唔會加以評論，但係賣相方面同埋食落口係唔錯嘅。黑松露薯條，勝在夠新鮮，簡簡單單，多啲茄汁更加好。傳統二式蒜香辣椒意大利麵，味道同份量都幾好，其實唔係好難，幾香。香煎帶子八爪魚墨魚汁，西班牙焗飯，份量好足夠，焗飯好煙韌，八爪魚好大隻，出到嚟好好睇，不過八爪魚切得比較大粒，所以食落去有啲韌。龍蝦汁海鮮意大利麵， 分量味道都好穩陣。香煎帶

餐廳以復古風為主，地方雖然不算大，但環境舒適，枱與枱之間有一定距離，不會給人壓迫感。設有幾枱卡位其坐位以梳化形式設計，我們便是坐卡位的，覺得很有格調和舒適。當晚是星期五餐廳設有live band表演，不過可能我們距離較近，略嫌少許大聲影響我們傾談。 食物賣相和味道都不錯，而最值得一讚是餐廳的服務。相信大家也遇過去餐廳用膳時「叫極都冇人睬」或「叫完對方冇咗件事」的經驗，但這裡並没有。我們入坐後，侍應給我們每人一杯水，並即時介紹菜單：有散點、有套餐、是日餐湯和是甜品都一一講解清楚。我們點了凱撒沙律但來錯了，正當我們想舉手通知職員時，對方已發現並即時更正。上菜速度亦恰到好處，我們吃完一道才上另一道，期間更經常主動幫我們斟水。 當晚是為朋友慶祝生日的，所以訂枱時已請餐廳在甜品上寫字。我們點甜品後，侍應向我確認是否xx小姐訂枱的，相信目的是確定生日字句没有寫錯。甜品來到，字句是用朱古力漿寫在碟上的，而朱古力字是硬的，明顯是預早寫好再放雪櫃，此舉令我覺得餐廳很貼心、很重視客人要求。是一次非常滿意的用餐體驗！

前兩日午飯時間一家大細去點了一個兒童餐和一個墨西哥茄汁雞肉腸飯。最驚喜是兩碟都是辣，最過份是兒童餐的肉醬意粉都是辣的！因為餐牌完全無標示到什麼食物會是辣，最初我不知道食物食辣的，侍應生下單時亦沒有告知，待我女吃了好幾口後才告知我“食物很辣”。跟他們說，那個像經理的人就說“墨西哥茄汁就是辣的”。我回道“小朋友是絕不能吃辣的，你不可假設每位客人都知道吧” 如果是你應該標記好在餐牌上” 。特別他們是有款待小朋友的，下位小朋友吃完又不適了。我女吃完咳得很厲害，晚上還咳到嘔至床上感覺這家讓餐廳的員工就是非常不細心的我不推薦這家餐廳給家庭食客！