稻埕飯店 (V Point) (Closed)

中秋節同屋企人食咗個好精緻嘅晚餐😛😛超級推介，係家人聚餐好地方，近排新裝修咗，有少少似酒吧嘅感覺，整體都好靚。話梅小山藥賣相超精緻，職員拎過黎果陣我以為係甜品😛原來係前菜，山藥帶少許話梅味，相反話梅啲味已經出晒嚟食落唔酸，感覺好得意。白滷水九孔鮑魚4隻大大隻✨✨冇諗過咁大隻，一開為二方面進食爽口好食，必嗌。鮑魚底部仲有件甜不辣，好掛住台灣!!滷水汁更顯出鮑魚獨有的鮮味。蟹肉蛋白泡泡脆米金湯✨✨✨超推介，本身聽到脆米已經好吸引，上面四個白色波波其實係蛋白。飲落甜甜地，好香南瓜味(希望無估錯)，湯入面有一絲絲蟹肉、蝦肉同元貝😆熱辣辣好好飲！鹽酥波士頓龍蝦脆角豆金瓜龍蝦炸得超級酥脆，連殼都可以咬😃加咗少少椒鹽調味勁香口。配菜方面同樣有炸得好通透嘅南瓜、秋葵、脆米餅，用嚟送酒真係好正。黑松露鮮百合花成朵花咁樣上菜，感覺混合左少許薯蓉、忌廉汁，百合入口即溶。黑松露為百合帶來點綴，食落濃濃黑松露香味，上面仲有少少金箔，感覺好高檔😆鐵板香煎一口鵝肝牛小排呢度都有我最愛嘅鵝肝😛😛勁香滑溜，醬汁味道唔會過濃而搶咗鵝肝同牛肉嘅味道。嗰碟外邊仲有一圈蛋，味道淡剛好中國鵝肝牛肉嘅濃味。八斗子炒飯大大隻虎蝦垂直

一落到去餐廳第一個感覺就好夢幻, 裝飾佈置如同一間高級西餐廳, 一定唔會估到呢度系做"台灣特式菜"就連cocktail的選擇都很多, 而且好有特色, 我地2人選了奇幻世界同埋微風醉人兩款都是帶有酒精的特式飲品, 奇幻世界是威士忌底再配上橙及金鑽菠蘿另外一柸微風醉人是vodka底配台灣石榴加紅梅汁兩款都是比較fresh, 果味重, 好適合夏天飲的, 酒味亦較重, 如果不懂飲酒的就要小心⭐️白滷水九孔鮑魚估唔到鮑魚配滷水汁原來咁惹味, 滷得夠入味食落依然爽口彈牙⭐️鹽酥波士頓龍蝦脆角豆金瓜期待的主角上枱了, 鹽酥波士頓龍蝦脆角豆金瓜, 龍蝦是新鮮貨食落爽口彈牙, 配菜色彩好豐富, 有南瓜, 秋葵等烤過的蔬菜片, 唔對唔會有油膩感覺, 健康好多⭐️黑松露鮮百合花平日食鮮百合花通常是用炒的, 這次用了西式白汁配黑松露醬去做, 每口都好香松露味, 口感較淋, 好啱我呢類黑松露愛好者雖然價錢是比一般台式食店貴一些, 但我覺得絶對物有所值, 一定會推介給身邊的朋友仔去試👍🏼

✨話梅小山藥首先來個餐前小食開吓胃口, 山葯用話梅汁調過, 消了山葯那份黏黏的感覺, 酸酸甜甜味好適合做頭盤✨蟹肉蛋白泡泡脆米金湯蛋白泡泡好軟滑, 可以吸收湯的味道, 而湯底是用海鮮湯, 啖啖蟹肉, 帶子及蝦仁, 非常足料...超正✨鐵板香煎一口鵝肝牛小排上面的牛小排好入味, 下面舗住煎鵝肝, 雖然兩種食材都是濃味, 但用上了黑醋汁配搭好夾, 令人食唔停口✨八斗子炒飯望倒呢受隻超大虎蝦已經好開心, 真不是一般的蝦仁炒飯, 飯面舖滿肉鬆,帶子等海鮮同炒飯撈埋一齊食, 多了一份咸香感, 好好味飲品✨氣球小女孩這款名字好特别"氣球小女孩", 非常吸睛, 造形非常特别, 絶對是打卡呃like必點✨玫瑰蘋果冰沙奶蓋味道清香，唔會太甜今次呢餐台菜體驗真是跟以往完全不同, 你看到這餐廳對菜式真的是用心去做, 不論味道及做型, 以至餐廳裝飾佈置都下過苦工❤️！

💁‍♀️💁‍♂️19/8/2022(Fri), Dinner今晚A先生帶左我🚶‍♀️🚶黎 食台灣菜😋~一入到餐廳比佢個復古既裝潢吸引住😱~餐廳呈昏暗~帶有桃紫紅色既燈光~帶有夢幻既感覺🤩~有好幾個打咭位~例如大型楓葉既擺設、亮眼既大月球同花既裝飾等等～都令人目不暇給😍😍😍今晚我地就order左🍽：品味華饌套餐 A. $558/2位話梅小山藥⚪用話梅汁醃製過既山藥，酸酸甜甜咁，令人胃口大開，準備接落嚟既食物。又或者主菜之間用嘅清一清味蕾都唔錯😋。鵝不是鴨肉(獅頭鵝)🦢有鵝片、鵝件、豆腐、芽菜同埋醃蘿蔔🥕。鵝片嫩滑入味，鹵水汁唔係好濃味的一種，但都夠味。配上甜辣醬，相信係台式既食法，點過醬之後食既鵝件又係另一番風味😋。豆腐嫩滑入味；芽菜唔係潮式既大豆芽，但入口都爽脆；醃蘿蔔都係爽脆，酸酸的用來解膩不錯🤩。蟹鉗肉酥蛋捲🦀🫔蟹肉份量好多🦀，配合肉酥來煎蛋捲，煎出來蛋香唔錯，加上甜辣醬點綴一下味道。反而有啲覺得蛋捲份量多咗少少，要留返肚皮再食其他食物。黑松露奶油鮮百合花⚘呢個菜式真係有驚喜，黑松露既香氣配合奶油，仲有少少金箔做裝飾。仲要可能我地呢碟個煲兩邊受熱唔平均，反而可以食到鮮百合既兩種口感，熱

因為同朋友都一段時間無見，所以都想搵間坐得舒服，嘢食又好似唔錯嘅餐廳嚟食個飯，朋友推薦左呢一間fusion台灣嘢，咁就即管來試一試佢!.嚟到嘅時候我哋已經book咗位，所以好快就安排咗位置俾我哋啦，主要嘅地方都係卡位，幾舒服!加上佢有幾個位置可以方便你打卡，覺得都係幾貼心嘅。.我哋兩個人就order左：1. 白滷水甜不辣 💲582. 蔭樹米豆乳鵝仔菜 💲883. 燒香金鑽鳳梨芭樂安格斯牛小排 💲1684. 台米滷肉飯 💲385. 櫻花蝦古早油飯 💲586. 黑糖珍珠奶蓋 💲45.首先不得不讚一讚佢嘅重點推介安格斯牛小排，雖然我食嗰兩舊都有d 筋，但係牛味突出，油脂感豐富，唔錯，朋友食嗰兩件基本上冇筋嘅，口感應該更加理想。.另外就係去過甜不辣，非常適合打卡， total有4舊，都幾啱兩人當小食，加上佢唔係炸嘅，感覺上冇咁邪惡感(˶‾᷄ ⁻̫ ‾᷅˵).然後就係兩個飯啦！我食嗰個係滷肉飯，佢面頭有半隻半熟蛋，飯同滷肉飯比例啱啱好，個人覺得唔錯！朋友食嗰個係櫻花蝦古早油飯，佢一上個飯嘅時候，面頭都鋪滿櫻花蝦，見撈埋個色水好惹味，可能係有飯嘅關係，所以都食唔晒，感覺有啲濟。.最後講一講鵝仔菜，開頭因

今日同朋友去食好嘢，去咗銅鑼灣嘅稻埕飯店。一入鋪頭，比好靚嘅環境吸引，有幾棵粉紅色嘅樹，好特別呀，啱晒打卡。睇menu見d菜色好特別，好多都未試過，叫咗嚟試下。前菜係話梅小山藥，係個冷盤，酸酸地，好開胃呀。白滷水九孔鮑魚，第一次食鹵水煮，又幾好味喎。下面仲墊咁片好似甜不辣嘅嘢，吸左鮑魚嘅鮮味，好好味呀！蟹肉蛋白泡泡脆米金湯 ，個湯好好飲，好足料。泡泡口感好滑，好似食緊棉花糖咁呀。鹽酥波士頓龍蝦脆角豆金瓜，入面每樣食物都係脆脆嘅口感，南瓜片都係脆卜卜，好似薯片，配cocktail好夾！黑松露鮮百合花真係好特別，未試過百合花嘅菜式。個忌廉汁同黑松路味好正好濃郁😍鐵板香煎一口鵝肝牛小排 ，啖啖肉，牛肉多汁，完全唔韌，好夠鑊氣！野飲叫左d打卡cocktail, 真心靚！有盞燈放入去，會變顏色，影相靚靚。味道都唔錯。

稻埕飯店 (V Point)銅鑼灣登龍街18號V Point地庫=======================今日慶祝朋友生日,所以諗住揀間高級D ge餐廳黎食! 平時不嬲都知登龍街多野食, 其中稻埕飯店佢ge 門面玻璃好大,不其然吸引我地去食!佢係一間台式高級餐廳, 燈光昏暗得黎又有好多打卡位, 好有氣氛, 座位亦好寬敞! 佢唔只有台式飲品, 仲有唔同類型ge cocktail, 我地4個人去, 所以揀左4人套餐, 再試下佢ge cocktail!😍😍前菜係話梅小山藥, 山藥吸收了話梅的味道,爽脆得黎又酸酸甜甜,好開胃! 跟住就係白滷水九孔鮑魚, 鮑魚非常彈牙, 而且滷水味好入味!! 幾特別! 😳再黎就係蟹肉帶子蛋白泡泡脆米金湯!!上面有4粒蛋白泡泡, 好岩打卡! 南瓜味幾出！鹽酥波士頓龍蝦脆角豆金瓜除左龍蝦，仲有米通，南瓜乾，秋葵乾等做伴碟！成碟好快俾我地清晒！龍蝦同伴碟都好好食！黑松露奶油鮮百合花平時百合花只會拎黎煲湯，估唔到佢都可以做主菜，好特別！出奇地同黑松露味夾！鐵板牛鐵板邊有爐邊蛋，立即食都幾滑！d 牛肉醃得又好食！最後仲有個八斗子炒飯！非常足料，每啖飯都一定有d 餸夾

今晚同屋企人一齊食好野，見到佢啲菜式又好新穎，裝修又好特別🤣就一於同佢地試下啦！！！一入到去要撘電梯落地庫，好有去到另一個世界嘅感覺🙈入面好多打卡位！！！啱哂影相！！！Balloon girl $138超啱打卡，店員會係你面前吹個波落杯飲品到！好得意㗎💕仲要好好飲！係西柚加gin ，飲落酸酸甜甜，無咩酒味！巨蜂烏龍 好易入口！有粒巨蜂係入面浸住！！相對比較甜🤣🤣白滷水九孔鮑魚超入味，好好味😋有咬口！！而且爽口嘅！好細心切咗一半，唔會食到失儀態!下面仲有個甜不辣😍😍好特色！！蟹肉蛋白泡泡脆米金湯高質👍🏼👍🏼👍🏼金湯基本上係海鮮湯，有帶子仔，蝦肉，蟹肉，南瓜！！超好飲💕💕個蛋白泡泡好有趣，我覺得浸落湯食好好食！！🤣有啲似食空氧！！黑松露鮮百合花媽子至愛！！！中西合璧嘅菜！！賣相高貴，有黑松露同金箔點綴！味道亦唔算好重好漏👍🏼波士頓龍蝦脆角豆金瓜好適合同酒一齊飲！！一上菜超香，雖然成個菜係炸，但一啲都唔油！健康👍🏼龍蝦就唔算好大隻，不過啲肉食得出係新鮮，好爽口彈牙！！鐵板一口煎鵝肝加牛小排佢有邊爐蛋添呀🤣🤣媽子表示好有新鮮感！牛小排肉汁豐富，好juicy!!必食！成個調味都好香口👍🏼👍🏼👍🏼

終於約到班三五知己去食飯，緊係㨂返間正野啦🤩‼️😆稻埕飯店係尖沙咀食過一次，聽講銅鑼灣開左新分店，係另一番風味🤔😯一於試下佢😏😏一入到餐廳都幾驚喜，門口有好多打卡位：月球燈😍紅葉🍁酒櫃，裝修好似間high class bar咁😎👍🏻無諗過原來係食台灣嘢都可以咁elegant咁有feel🤣🤣我地四個人試左個4人餐😋前菜係話梅小山藥，開胃爽口～😄👌🏻酸酸甜甜，山藥爽脆但又帶點黏滑，朋友們好鍾意呢種口感💯💯之後就係白滷水九孔鮑魚😍😍😍白滷水入味得來係帶清香，唔會搶走晒食材既鮮味，又可以食到鮑魚彈牙既口感😌👌🏻而且鮑魚已經預先切開左2件，亦都清潔得好乾淨，方便進食，睇到廚師既細心☺️☺️印象最深刻，一定係：蟹肉🦀帶子蛋白🥚泡泡脆米金湯🍲侍應會幫我地分湯，每人都差唔多有2碗，份量足料，見到脆米都知又係好有口感，湯汁鮮美😋最正係個蛋白泡泡，好得意、好軟綿又帶點彈牙，呢個係文字形容唔到既口感🤣建議大家親身試下，必點‼️主食㨂左鹽酥波士頓龍蝦🦞脆角豆金瓜🎃又一個創意之作～鹽酥既做法有啲似避風塘咁香口，龍蝦肉質彈牙亦都食到鮮甜，諗起都想再食🤤伴碟有米通、南瓜、秋葵，好欣賞佢唔係炸，而係類似風乾既做法，脆口得來唔

今日去咗稻埕飯店同屋企人食晚飯，呢一間餐廳可以話係最推薦比大家嘅餐廳之一👍🏻首先嚟咗前菜：話梅小山藥，話梅酸酸甜甜，淮山好爽口，兩碟都唔夠食😋白滷水九孔鮑魚亦都很彈牙，鮑魚下面亦都墊了一塊腐皮，非常特別。之後有蟹肉蛋白泡泡脆米金湯，打泡泡嘅口感入口軟淋淋，南瓜味亦都好香濃，加上蟹柳作為搭配，成碗湯非常之豐富😋主菜方面首先有鹽酥波士頓龍蝦脆角金瓜，入邊有秋葵、脆米、南瓜、龍蝦等等，全部都係脆卜卜，龍蝦亦都很容易脫肉，味道很不錯！跟住就係黑松露鮮百合花，感覺非常新鮮，食落嘅感覺就好似薯蓉咁，佢嘅味道香香甜甜再加上黑松露嘅香味，簡直係絕配😍鐵板香煎一口鵝肝牛小排熱辣辣，肉質鬆軟，鮮美多汁，絕對係我至愛❤️❤️❤️八斗子炒飯非常足料，飯粒粒分明，用咗蟹子、帶子、肉鬆等等去炒，最重要嘅係超大隻蝦，係味道定係賣相都好好！值得一提嘅係餐廳服務態度非常好，而且好有禮貌，招呼周到。餐廳佈置亦好適合打卡，好值得一試！

之前係門口見到呢間咁有格調嘅餐廳已經好想試吓 今次同屋企人終於有時間嚟食😍 趁happy hour嚟飲cocktails仲有折添白滷水九孔鮑魚擺盤精緻 店員好貼心 預先將鮑魚切開 方便食用😚 底層仲有塊魚餅 白滷水鹹鹹地 但又冇平日滷水嘅顏色 都幾特別話梅小山藥呢個係個開胃小食 鹹鹹酸酸 小山藥係淮山 每一粒都沾滿咗話梅嘅酸汁🫢蟹肉蛋白泡泡脆米金湯十分推介呢個湯👏🏼 首先係用料非常豐富 有蝦肉 北海道帶子 蟹肉 金湯底好香蟹味 而且南瓜味都好甜 面頭白色嘅係蛋白泡泡🫧 質感好特別 有少少似食緊疏乎厘pancake 然後仲有啲脆米喺蛋白入面😉 口感好有層次鹽酥波士頓龍蝦脆角豆金瓜呢個賣相都好別緻 有秋葵 南瓜片 米通 同埋波士頓龍蝦🦞 龍蝦已經預先剪開一細件 方便食用 龍蝦肉質彈牙 仲好有鮮味添 米通同南瓜片都脆卜卜 勁想食完一片又一片黑松露奶油鮮百合花呢個有啲似煲仔飯咁樣上 鮮百合花味道香甜 有少少粉粉地嘅質感😝 再加埋好creamy嘅醬汁 雖然有少少邪惡 但係真係食唔停口啊🫢 鐵板香煎一口鵝肝牛小排鵝肝入口即溶 味道有少少鹹 牛小排半生熟 肉質唔韌 又好香牛味🐮 整體調味有少少椒鹽咁

餐廳好有特色，具有台灣懷舊風味，在疫情期間冇得出外旅行，的確是一個好吸引的地方，置身於台灣一樣，食物方面感覺到廚師用心製作，服務細心，價錢合理，值得再去幫襯，推介指數10分👍👍

今日同友人嚟銅鑼灣搵食😚 見到呢間台灣菜菜式幾特別 所以就落咗嚟試吓啦😉 呢度嘅裝修好別緻 仲有唔少打卡位㗎🎤 貪玩嘅我梗係行咗埋去枝咪面前扮唱歌表演啦😂話梅小山藥呢個前菜幾有特色 小山藥即係淮山 本身嘅選材已經比較健康 再配埋話梅汁鹹鹹酸酸 作為餐前小食真係好開胃呀🤤白滷水九孔鮑魚呢一碟賣相已經好靚😂 食落口絕對有驚喜 佢係用白滷水製作嘅 所以顏色上唔似坊間滷水鮑魚一樣 食落冇一般滷水咁鹹 間食到鮑魚嘅鮮味 鮑魚上碟嘅時候已經切開咗一半 方便我地可以好優雅咁食 鮑魚底層有一塊魚餅 咬落口都幾煙韌蟹肉蛋白泡泡脆米金湯呢個脆米金湯做得幾出色 蟹肉南瓜濃湯入面仲有好多一絲絲嘅蟹肉 再加北海道帶子 蝦肉等嘅配料 每一啖都係滿足嘅滋味😍 加上佢有個蛋白泡泡🍳 外型獨特 配上脆米 口感豐富鹽酥波士頓龍蝦脆角豆金瓜鍾意食脆卜卜嘅就會好鍾意呢碟 因為秋葵 南瓜片 米通都係好脆卜卜嘅🥰 再配埋用椒鹽調味嘅波士頓龍蝦🦞 龍蝦已經切開一件件 所以都食得好方便 食到我地嘴舐舐黑松露鮮百合花呢碟有少少似西式嘅菜式 有啲似芝士焗蔬菜 但係佢係用奶油同鮮百合花組成 鮮百合花好甜☺️ 配埋黑松露同埋奶油真係好夾呀鐵板

去之前睇過啲餐牌，見都幾多嘢食，點知嚟到店員話有*嗰啲菜式晚市係無🥲夜晚主要係叫小菜，最後揀嚟揀去，竟然叫晒全部都係雞😂😂就算係個滷肉飯都有隻蛋，都關雞事🥢古早味三杯鮮雞$98🥢逢甲串B醉雞卷$58🥢金沙蛋黃單骨翅$62🥢三款雞嘅菜式都整得好好食，好入味為送餸，我哋叫咗🥢滷肉台梗米飯 $35🥢養生系列叫咗一壺🥢杞子桂圓紅棗米水🥢第一次飲米水，本身擔心好淡，點知飲落又幾好飲👍🏻最後當然唔少得甜品🥢黒糖珍珠舒芙蕾班戟配抹茶冰淇淋🥢班戟好大份，可以用巨型嚟形容，但係口感就同我想像中有啲出入。本身以為係梳乎厘嗰種好soft好鬆軟，點知食落係似蛋糕🫣班戟中間仲有好多珍珠，真係好真材實料🤣好飽

今日帶屋企人試下特色野餐廳位於銅鑼灣Vpoint 一入餐廳眼球就比佢地裝修吸引住感覺有d似華燈初上🤣座位好闊落 坐得好舒服前菜方面話梅小山藥, 山藥爽口 酸酸甜甜好開胃白滷水九孔鮑魚餐廳已經將鮑魚切開 方便我地食用蟹肉蛋白泡泡脆金湯呢個菜式好得意 有4粒大泡泡 其實係蛋白泡泡下面係湯 十分足料!!有蟹肉、蝦、帶子, 仲要唔係細細舊另外有小小西芹、脆米增加口感黑松露鮮百合花鮮百合入口香甜 又帶有濃濃黑松露香氣入口即溶 菜式好新穎八斗子炒飯上菜時候陣陣蝦膏香味撲鼻炒飯同樣足料 有蟹肉、叉燒、皮蛋 炒飯粒粒分明 夠惹味仲有大大隻大蝦😋飲品分別叫左氣球小女孩同石榴傾情店員會即場整個球係飲品上面 打卡一流整體來講 食物質素高而且樣樣都十分精緻 十分有心思