Elmo's Bistro & Bar (Closed)

星期六晚上，閒逛灣仔一帶，兼搵個好地方hea下食個晚飯。Elmo’s Bistro & Bar 小店形式，餐牌選擇唔多，但已經足夠。由於同時係酒吧關係，所以都有少量下酒菜，例如Golden Chicken Wings 等等。餐前有片多士，伴雜蒜蓉、橄欖油及醋，蒜蓉係現剁的，感覺有誠意。Soup of the day ($48)超級creamy及有咬口嘅Pumpkin Cream Soup!呢度採取open kitchen形式，所以一路食一路見到主廚現場煮食，好期待呢！好rich嘅南瓜蓉！頭盤叫左Hokkaido Scallop Carpacico ($88)，簡單嘅調味：黑醋、胡椒及海鹽，令你食到食材嘅原味，亦唔會喧賓奪主。主菜就叫左兩款。Seared Grouper, cameralized apple ($188)顧名思義，就係石斑魚伴焦糖蘋果醬。酸酸甜甜，仲有伴碟蔬菜、蘑菇都好新鮮，鋪底嘅薯蓉更係精華所在呢！Grilled Japanese natural pig, purple mashed potato ($198)以慢煮方法烹調，豬肉保持粉嫩色，紫色薯蓉入口甜甜地，可以解膩

天寒地凍，在黑夜中見到一間餐廳 ，連忙躲進取取暖。高椅意外的幾好坐，圖案好有異國風情。服務細心有禮，在我等朋友時，送上一杯暖水，又把握時間先 set 好位。每個晚餐主菜都送檻欖面包，真驚喜。面包是溫熱的，而且脆中帶軟，好棒。仲有黑醋和蒜做調味。Daily pasta $148甜甜酸酸的蕃茄醬意大利面，仲夾雜特殊的香草味，很特別。豬肉和肉丸很香口，口感稔軟適中。黑松露薯條 $68勁香濃的黑松露味，一送上桌就已經嗅到了。熱辣辣的，薯味很足，沒落鹽，很 健康。仲好大份耶。Hand made spring roll (beef cheek) $68皮超脆，裡面有滿滿的牛肉餡。通曉法文、在法國留過學的朋友說這嚐起來似法國菜的牛面味，稔軟但又不是肥肉的稔軟，朋友說很好吃。聽職員說 ，原這道菜色是用Slow cook的方法煮到好稔，用人手拎走肉，剩返面的肉，很花心思和人手的一道菜呢。Orange Iced Tea $35 好多大大塊的橙果肉，清新，涼入心脾。Marble cheese cake $48賣相很靚，苗條的外表，卻是滿滿香軟濃郁的芝士。喜歡芝士的朋友一定喜歡這道甜品。本來是跟雪糕球，但忘了

侍應捧來一個手寫的 a la carte 黑板餐牌，頗別緻的。Daily Pasta 有些神秘感，哈哈！除了 a la carte 還有 3 courses 的 Set Dinner，套餐的主菜更有四款可選，每款都很吸引。餐前麵包貌似簡單，但非常鬆軟！混合橄欖油、黑醋和蒜粒，令麵包更好吃。套餐的田園沙律份量不少，沙律拌有青瓜片、蕃茄和沙律雜菜，豐富又新鮮。飲品賣相不錯。主菜的烤美國牛小排烤到粉紅的 medium，肉質嫩滑充滿肉汁，伴碟的薯仔亦 grill 得香口！Truffle Mushroom Risotto 黑松露頗香，有充足的芝士和菇菌，很有口感。Risotto 的飯粒飽滿，很 al dente，口味正宗。甜品是 Cheesecake，質感綿軟。

朋友係灣仔返工，約左收工吹水hea下，推介左Elmo’s Bistro & Bar。地方唔大，但開放式廚房，野食即叫即整，新鮮熱辣，仲好方便吹水。一坐低即送上香脆法包，可以點上健康黑醋加蒜蓉，好正好高級。點左杯orange iced tea，用上茶包即沖，之後加入兩大塊鮮橙，新清開胃又唔甜，感覺好健康。話明吹水，蒜蓉薯條同黃金雞翼冇走雞。薯條比較粗身，加上生蒜蓉連同香草，入口首先係生蒜蓉既香同辛辣，之後有香草淡香，最後先食到薯條本身既油炸香味，第一次食有生蒜味薯條感覺好特別，好回味。黃金雞翼做到都好出色，雞翼一開為二，方便食客，而且更入味，用壓碎左咸蛋黃包住雞翼，所以好香濃，咸蛋黃一啲都唔咸，雞翼肉汁都算豐富，雞肉都嫩滑，令人忍唔住一隻駁一隻係甘食。最後叫左碟牛肋骨，佈碟好精美，除左沙律外，更有小露筍同車煎過車厘茄，以及炸薯，好飽肚。牛肋骨淡淡粉紅色肉汁好吸引，因為汁鎖得好，所以七成熟肉質都幾鬆軟，不過下次可以試五成，應該更鮮嫩。整體上，食物有保證同新鮮，又方便吹水，算你一個唔錯既新落腳點。

Ordered lamb shoulder and game hen for dinner. Lamb shoulder is cooked just right. Hen is little bit overcooked but I guess that might be the way to do it for crispy skin.Presentation is nice, great taste but portion is way too small. Stomach not even half filled with 2 mains to be shared by two people. 200+ for a main definitely is not cheap. Not value for money.

又再經過那個街角，原來已經換上了新名字。新的名字下，餐廳依然吸引。多士烘得香脆可口，更伴有生蒜蓉黑醋，很特別。Iced Apple Tea $35真的有新鮮蘋果在上，味道酸酸甜甜，用作解膩很適當。Golden Chicken Wings $78送過來已經覺得很香，雞翼上的蛋黃醬汁分佈平均，蛋黃味香濃，加上洋蔥更覺香甜，雞翼炸到脆口但不會太熱氣太硬，雞肉夠嫩，分割成單骨更方便食用。Fish & Chips $128賣相不錯，沙律菜夠新鮮，薯條炸到金黃香脆，內裡軟綿夠薯味。脆魚柳粉漿不算太厚，而且炸到外脆內軟，魚肉夠嫩滑，點上咖喱蛋黃醬更添惹味。Grilled Japanese Natural Pig $198日本自然豬，就是自然養殖的豬，肉質紮實有彈性，味道更原始。自然豬下是紫薯蓉，不是一般香甜的，而是帶點鹹香，中間混合了炸了risotto ，口感有趣。另一邊是帶微辣的菠菜配薯仔粒，味道刺激醒神。有新意又有質素的餐廳，值得再去。

之前同小妹黎過前身店「Aroma」， 便一直對這間店的「黃金雞翼」念念不忘。🙊😂 雖然餐廳現改名為「Elmo's Bistro & Bar 」， 但不少菜式都保留了，招牌菜「黃金雞翼」還在呢～😳 餐廳內外都相當有氣氛， 門口便有一個outside bar檯， 餐廳有兩層，地下是開放式廚房和水吧， 靠牆有幾張bar枱。 我們被安排到二樓， 燈光比樓下光猛，又有懷舊別緻的裝飾， 天花仍然吊着懷舊的電燈膽，牆上掛着各式各樣的海報！ 餐廳提供的菜式是中西合壁的fusion菜， 知道當天是小妹愛喝的南瓜🎃湯，所以我們二話不說便點了，😏 小食方面，我們打算試下新野Chili & Garlic Sautéed Prawns、Truffle Fries和食過返尋味的Golden Chicken Wings， 主菜方面，我們點了Truffle Mushroom Risotto， 小妹最愛吃牛扒，當然要點Grilled US Short Rib啦！ 未上菜前， 店員便先奉上手工麵包，麵包香脆可口， 蘸上即磨的蒜泥和黑醋， 兩種口味可以一次過試晒！😏 Soup of the day （$48

今日心情超靚，上完個花藝班，攞咗張證書，終於完成心願了，跟住約埋學員朋友一齊去食一餐好嘅勵獎勵自己，之前miss介紹過我哋話呢一間餐廳，食物好好味，我miss係一個好有品味嘅導師，一個對生活質素，非常有要求的人，講到食更加不用置疑，一入到去，環境優雅舒適，座位寬敞，侍應們 非常有禮，跟住我哋就開始點食物。3Courses Set Dinner＄298/one set先有香脆麵包～田園沙律全是新鮮嘅蔬菜，配有一個 餐包，呢個餐包好食到不得了，蒜蓉味香濃，卜卜脆， 清幽橄欖油香，清新怡人。烤紐西蘭羊肩肉 一客烤羊肩肉，烤過後散著羊肉幽幽香味，肉質軟軟腍腍，羊肉味香濃惹味。精選甜品- Cheese Cake 甜品同樣出色，有極濃芝士香，滑滑口感，潤甜好味。卡邦尼意粉＄108 自家調製卡邦尼醬汁，稀稠相宜，濃郁甘香，非常滋味，意粉時間控制得巧妙，滑捋捋，爽口彈牙。Cappuccino $40 一杯醒神咖啡，香味濃郁芬芳，食飽飽後，飲過呢一杯感覺得好像擁有全世界一樣。

喺灣仔皇后大道東食晚飯，可以揀利東街、QRE Plaza、合和中心，或行遠少少近藍屋一帶。藍屋附近的餐廳或酒吧較多外藉人士光顧。今次友人帶我去其中的Elmo's Bistro & Bar一試。餐廳定位為Bistro & Bar，既有酒精飲品、送酒小食，又有意粉飯及慢煮扒類。餐廳店舖位置不大，長長窄窄的走廊放上高枱高椅，燈光比較昏暗。未上餐飲食物前先上免費麵包，隨麵包送上兩碟油醋加生蒜。生蒜混入油醋中再點食撕開的麵包塊，辛辣中又帶有油醋的溫馴，很不錯的點子，自己喺屋企都要試一試。是夜不打算叫酒，見到有Apple Iced Tea與Orange Iced Tea，每樣都叫上一杯。Orange Iced Tea不太甜，有很多橙塊，橙味濃郁，很不錯很好喝。調製Apple Iced Tea時見到用上調酒器，加入小量雪碧，上面再放上一串蘋果切片。Apple Iced Tea因為加入汽水關係較甜亦有點氣，與Orange Iced Tea做法不同，有點意想不到。小小的黑板代替餐牌，單點食品一目了然。Golden Chicken Wings單骨雞翼共有十隻之多，雞翼即炸後再撈上咸蛋黃碎。新鮮熱辣的炸雞翼

平日好少到港島區嗰邊，因為係急件緣固，老闆叫我送份文件過去才休息，所以收工後約埋朋友就喺嗰度搵嘢食，朋友介紹咗呢間西餐廳，佢話幾有質素㗎，所以我哋就入去食晚飯。連麵包都好香脆，點埋黑醋和欖油好清新呢！＄298套餐有3樣野是日餐湯或田園沙律（揀左湯，係龍蝦湯)香氣撲面嘅龍蝦湯，味道濃郁，滑溜溜，能潤澤你嘅喉嚨，飲得好舒服。慢煮日本自然豬 養殖在一個大自然環境之下嘅豬隻，有專人打理，先有優質嘅食材，後再加上大師父嘅手藝，配合得天衣無縫，肉質柔軟鮮嫩，肉汁鮮甜無比。甜品係芝士蛋糕 喜歡食芝士嘅朋友唔好錯過，整件軟綿綿蛋糕內，滿載豐盛濃郁芝士，加上清香蛋味，令你食到停唔到口。黑松露薯條＄68呢個精緻又夠高檔次嘅薯條，名貴黑松露，幽香怡人，薯條炸得外邊脆卜卜，內心軟淋淋，多層次嘅享受 想輸都難。鹹蛋黃雞翼Golden Chicken Wings $78 呢個別樹一格嘅菜式，用心製作，非常惹味，鹹蛋黃鹹香撲鼻，雞翼吸收蛋黃嘅香 配合出色，調味出眾，雞翼滑溜無比，整碟賣相金光閃閃，色香味俱全。Virgin Mojito$45 strawberryVirgin Mojito $45 Passionfr

今日收工後俾老細捉住訓話咗幾句,心情非常差,於是約埋同事一齊食飯申訴下冤屈氣，行經呢間餐廳感覺幾舒服就揀咗入去食晚飯。＄298包1個3Courses Set Dinner 是日餐湯（龍蝦湯）未上枱已經聞到陣陣龍蝦香氣，濃甜龍蝦湯幼滑順喉， 不稠不稀，飲進口內感覺非常舒暢，冤屈氣少咗一半。烤美國牛小排牛小扒調製時間剛剛好，軟熟夠腍甜，牛扒味香濃，肉質夠滋味，汁液豐富。芝士蛋糕 芝士味濃郁芬芳，融合蛋糕 內，有清香鮮雞蛋加上濃郁芝士，鬆化嘅口感，一流配搭。黑松露蘑菇意大利飯$148高質素嘅食材，黑松露芳香撲鼻，幽香嘅蘑菇，配上粒粒圓潤嘅意大利米，再加上大廚嘅手藝，冇得輸。吃完呢個晚餐，令我屈氣全消， 明天再跟老闆戰鬥到底。English Breadfast Tea$35 順一順喉嚨 真係零舍醒神...

※本文以用餐當日的環境、服務和食物質素為準，口味亦因人而異，文章只作參考之用。-前身為Aroma的餐廳，最近聽聞轉了手兼改了名，但也有保留了前身的招牌鹹蛋黃雞翼，小妹仲記得一試難忘！這次二訪，餐廳的門面變化不大，只是換了餐廳名。今次我們被安排坐在樓下的四人高枱位，枱子的花紋一如以往的充滿復古味，環境燈光昏暗，也不失為一個小酎談天品嚐美食的好地方。餐點菜式在一個白板上一目了然飲品餐牌先上餐前麵包，煙煙韌韌兼微熱的麵包蘸上生蒜和橄欖油，又幾好食啊。Chili of Garlic Sauteed $68辣椒大蒜炒蝦仁，全都很乾淨的挑晒腸。雖然用了大蒜去炒，蝦仁很爽彈，但覺得味道還是不太夠，欠缺了點惹味度。Chorizo of Toast $68另一款小食西班牙香腸，望落色澤較深，食落味道都較重（鹹）和乾實，建議連埋烤吐司一齊食會無咁鹹，如果可以切得再薄少少會更好。Golden Chicken Wings $78改良了配方的鹹蛋黃炸雞翼，炸過的單骨雞翼咬落皮脆肉嫩，面頭裹上層惹味又邪惡的鹹蛋黃，改良後還多加了蜜糖和檸檬汁，令味道更開胃之餘也無咁膩。Grilled U.S. Short Rib

同事搵既地方，方便同啲老細開完會就近搵地方食飯。打左幾次電話都無人聽，結果星期五走落去親身卜檯。之後問餐牌改booking 老細親自回覆，非常感謝。到事發當日（？），一行6人行上2樓，幾位大人話出面睇根本唔會諗到入黎。咁又係，出面睇明明係間bar ，得5-6個位，其實上去二樓有3張大檯，都坐到廿個人到架。貼心位：大人們因為要繼續傾野，一坐低我覺得音樂好大聲想叫人熄細聲啲，但都未叫人音樂已經細聲左。正！野食：大人們叫左意粉，牛扒，豬肋骨。湯好濃，麵包好香，薄薄一片但唔會又乾又硬，配balsamic +欖油好夾。大人甲話意粉好食，蝦睇落好新鮮。大人乙＋丙既牛扒都係叫左5成，好食又夠份量。豬肋骨口味問題，大人丁唔太愛。我自己叫意大利飯，唔覺漏或者滯，食齋啱晒。餐茶有試到橙冰茶，無特別feedback。齋啡我覺得幾好。另外叫左latte 好耐先上到，一飲完就俾大人催我賣單走人。總括，好坐，好食， lunch 價錢合理。本來好擔心，話晒生日正日要做野，朝早仲要唔多順利，好彩有個正lunch 扳回一城。下次會去試下晚餐！

因爲今日喺灣仔返工，咁啱喺公司對面有呢間鋪頭就入去。見佢個沙律68蚊都唔算好貴。今日又唔想食太heavy既野。入到嚟第一個感覺就係覺得間餐廳好靚。桌上全部都係民族嘅磚，坐低就覺得自己好似去進入咗另外個世界食嘢咁。 其實食lunch就係想離開下公司嘅環境，等自己放鬆下。 呢度嘅音樂都幾舒服， 不其然都好期待佢啲食物嘅味道先上嘅麵包一啲都冇令我失望！我真係好鍾意食麵包點醋！以前係美國食嘅時候就應該得呢個食法係最好嘅！但係香港真係好少鋪頭會咁樣做。廚師最好有心機咁樣買咗好好味嘅醋同埋整咗好碎嘅蒜蓉。蒜蓉應該真係好新鮮，雖然有少少辣，但係嗰陣香味真係好正！生蒜原來都可以咁好食。 而且佢個包包唔會太硬，有少少脆！呢個蕃茄湯都幾好飲，唔會太酸，同埋飲到唔係淨茄膏煲出嚟嘅！ 有啲新鮮嘅感覺，呢個好難得！到我個主菜喇！68蚊嚟講呢個沙律算係大，我覺得佢個無花果真係好好食！好新鮮！ 而且佢啲菜都係好新鮮嘅，唔會好似有啲餐廳咁用啲有啲霉嘅菜，一咬佢其實就分得到啦！ 特別喜歡佢配沙律左個source, 有少少辣，唔係淨係一味得個酸字，調味做得啱啱好！朋友叫咗個牛扒，生熟程度啱啱好，我哋叫左5成。 lunch

路經灣仔的話，必定要走到藍屋附近逛逛，有時的確會有驚喜，現在更因這附近多了一間備受讚賞，得到米芝蓮推介的餐廳，人流也旺了起來，該餐廳更是人龍不絕。要即時醫肚的話，其實旁邊也有一間不錯的小餐館，以供應tapas及簡單的主菜為主，加上裝修都幾別緻，就與友人入內了。 甫坐下不久，看一看餐牌，小餐館的雞尾酒menu令人眼前一亮，不少都以自家製的材料製作，所以也各自點上一杯雞尾酒，友人所點的【Tea Martini】，以Earl Grey作底，茶味香濃，酒精亦烈，是杯烈錯的開胃酒，而占苗的【Basil Mojito】，入口較為清新，有著豐富的羅勒香，十分消暑解渴。 喝著雞尾酒的同時，店員亦放下了麵包，蘸上的是蒜泥及黑醋，配搭得有點攪笑，可是味道又唔錯。 既然供應tapas，當然要點【Chili & Garlic Sautéed Prawns】，以蒜片及辣椒煮過的油來煮熟大蝦，蝦肉的質感剛好爽滑彈牙，可是蒜片及辣椒的香味不夠突出，若再濃烈一點，定必不錯。 相反地，【Golden Chicken Wings】做得很好，炸得香脆可口的半骨雞翼掛上了惹味的咸蛋黃醬，每