日喜樓 (Closed)

登龍街除了拉麵，還有不少出色的中菜館，除了樓上舖外，這間地庫的店也是富麗堂皇。搭乘電梯到下方，馬上有侍應迎接，內部偌大的大廰，光猛的燈飾也是不俗。Ipad菜單太多選擇，由廣東菜到川菜京菜都有，而我則懶得想，點了推薦菜單上的東西。砂鍋雲吞雞（半隻）$98湯底清而不咸，有些中菜館還會下糖，這邊卻沒有多手，雞湯沒有多餘的甜味，而且濃郁度高，帶微微黏的雞油香，縱使雲吞跟雞肉這些配角比較普通，主角出色就好。北京填鴨（半隻）$238如果點一隻不知會怎樣？半隻，也就是不會在你面前即切即上，但也吃到香脆的皮，也沒有多餘的鴨羶味，青瓜，大蒽，填鴨醬一應俱全。最值得一讚的是蒸餅皮上桌時熱辣辣，而且每片之間都有塊紙隔開，不會黏著下一塊。水煮娃娃菜（$148）心想這麼貴？原來除了菜，還有寶貝在下方，豆芽，寬粉，荀都有！根本就是水煮魚的變種。而顏色雖是嚇人的紅，但也不算很辣，只有較刺激味蕾的感覺。高力豆沙香蕉（$38）Juicy，稔滑甜香，熱辣辣又帶蛋香，實在做得很不錯！服務水平也高，侍應見桌子並無空間，主動雲吞雞先行分好再以碗上，值得一讚。

位於登籠街 V point地庫的日喜樓，落地牢就見到地下反射招牌，今次食嘅係主打川菜上海菜，還有佢地有個特色百碟宴，不過供起碼10-12人享用的，可惜我同媽媽細佬三個只可叫小菜，下次先約班朋友試一試百碟 100 Dish, 諗起都震撼似古代皇帝咁。安排四人枱比我地三位，而且有沙發的，感覺幾舒服同自在，唔會話好嘈傾下計食下川菜幾好。媽媽最喜愛北京填鴨啦，半隻三個都算多，好彩細佬有點食力，鴨肉同鴨皮比例1:3 肉較皮多，皮都算脆包著青瓜大蔥絲同甜醬，特別夾又好味減肥膩感。我鐘意炸嘅銀絲卷，可以係鐘意醮煉奶特別好味，炸得外層金黃香脆，而且內裡就一層層軟綿綿的銀絲卷，要襯熱食呀細佬話要食回鍋肉，不過呢款回鍋肉同我地食開完全唔同，唔夠香辣，配料唔係用椰菜青椒豆腐干炒，反而好多青蔥，唔係唔好味，不過自己較愛舊派的回鍋肉，用上豆瓣醬香辣但唔會過辣。一家人一致推介 薑蔥大頭蝦煮年糕 $258 絕對超值，因為他們採用非常巨型的大頭蝦，足足12吋咁長，蝦頭超多糕，蝦肉雪白又彈牙又有嚼頭，真係好少見咁大隻的，連頭都要食埋，蝦還有長長鉗都有肉，個汁出奇地充斥蝦的鮮味，同年糕煮得剛好，煙煙靭靭又吸收蝦同汁的精

從介紹上看到，位於登龍街Vpoint非常鄰近銅鑼灣港鐵站的日喜樓，揉合了中國傳統味道同埋西方飲食的概念，重新演繹京川滬經典滋味。所以今日經過銅鑼灣便刻意到來試一試。店內環境寬敞，燈光效果突出，設計走西式cafe路線。桌面很大，座位與座位之間有足夠距離，令客人坐得舒適。這裏是用電子餐牌的。六月份限量推介有多款，款款都吸引，我們選了雲吞雞半隻$98，非常超值。大大的一鍋雲吞雞熱騰騰，湯呈現奶白色，很清甜。份量非常足，差不多四個人食也可以，雲吞有六粒大大粒，吃起來是皮薄、餡靚、肉鮮。我們拍完照之後，侍應很細心將雞折骨分好再端上桌，雞肉口感也不錯。咕嚕肉$108，炸得剛剛好，味道調較夠入味，內裡的豬肉新鮮味美不油膩，我們很喜歡。我自己最怕吃到好多肥豬肉、好多粉的咕嚕肉。這裏的咕嚕肉絕對攞滿分。黑松露雜菌炒飯$88，一打開沙煲蓋時已聞到好香的黑松露味道。材料豐富，有什菌粒、紅蘿蔔粒、蛋白、雞蛋絲和黑松露粒，飯粒分明，超級惹味好吃。羅春角爆汁生煎包$78，皮薄，一咬開即爆汁，肉汁非常多，肉味非常鮮味，包的外皮上面鬆軟，底部金黃微脆，火候控制啱啱好，真是好好味啊!上海粗炒$78，麵條腍而不爛，有嚼勁

今日約左表姐去銅鑼灣祟光百貨買嘢，之後她帶我去V Point 的日喜樓食晚餐，表姐說喜歡日喜樓地方夠大，坐得舒適，食物質素很好，所以帶我來試試！羅春閣爆汁生煎包：即叫即煎，包的底部煎得脆口，餡料鮮肉鮮味多汁，真的做到爆汁的效果！杞子花彫醉雞：花彫清香，杞子明目，雞肉鮮嫩入味。北京填鴨半隻：一片片的鴨肉份量也不少，鴨片嫩滑，油脂香，連埋大蔥絲、青瓜絲，甜麵醬，用薄餅夾埋一齊食，十分惹味！四川擔擔麵：麵條細薄、湯底鮮而不膩，辣而不燥。上海粗炒：麵條有嚼頭，炒得夠味又有穫氣。

V point 新開京滬菜 兩個人食不到五十碟 但仲有好多菜可以食☺️ 在地庫全層 有不少枱都訂了五十碟 。 店內設計風格新舊共溶，餐具選用了有中國特色的圖案。 1️⃣北京填鴨（半隻）鴨肉嫩滑 皮燒得鬆脆 調味適中 撘配青瓜和京蔥😚好食 潤皮份量有12片，煙韌不乾 ！.2️⃣小籠包夾起皮薄 睇到飽滿的湯汁，一咬爆汁 濃郁肉汁！肉餡多汁軟熟，味道軟濃郁！3️⃣咕嚕蝦球大蝦差不多有手掌咁大 薄薄一層炸漿包著爽彈的蝦肉 咕嚕汁酸甜度剛好 最岩配碗白飯4️⃣高力豆沙食上海菜必點的甜品 即點即炸 做到鬆軟有空氣感而不油膩 內面有豆沙和香蕉

日喜樓裝修時尚清新，環境寬敞舒服，燈光明亮，沒有傳統中菜館的正紅色裝潢，全店反而用上藍色和白色，給人眼前一亮的感覺✨🔸北京填鴨 （半隻）$228店員說片皮鴨是即叫即製，所以要等候約45分鐘，如果想食，就要預留一定時間⚠️傳統的北京片皮鴨，會配上薄餅皮和配料，餐廳提供青瓜、京蔥和甜面醬，都是常見的配料，我們可以隨自己的口味配搭。餐廳非常細心，餅皮用牛油紙層層相隔，避免黏手或撕爛。餅皮比想像中厚了一點，質感煙韌。餐廳提供的餅皮很多，絕對夠用😆鴨肉皮脆肉嫩，師傅切得很均勻，但鴨肉味略淡了一點。🔸日喜灌湯小籠包 $74 （4隻）小籠皮上桌時是熱哄哄的，所以要小心燙嘴🙈 好喜歡💕 小籠包皮薄，一咬下去，已經飲到湯汁，好juicy😚😚🔸爆汁牛肉餡餅 $48 （2件）

提早賀父親節，相約一家四口銅鑼灣 Vpoint的日喜樓晚飯，當晚就家人約六點半早點食，時間早唔需要同人迫，呢間地牢全層，裝修好光猛亮麗，唔同一般川菜館，沿扶手電梯落就到。好貼地已改用平板做 Menu , 客人容易使用，有圖有晒價錢，店員招乎我地同推介是日精選，非常好服務。六月份限量推介店員極推介話超抵，我地選左鮑魚慢烤紅燒肉煲$258 佢話有4隻五頭鮑魚的，媽媽喜歡鮑魚就選佢。韭黃炒鱔糊$148超級惹味肥美的黃鱔配韭黃炒可口，媽媽非常欣賞熱辣辣又香噴噴，送白飯或者炸銀絲卷無得輸。賽螃蟹 $128好正宗用上蟹肉配蛋白同炒，還要保持蛋白的嫩滑，伴香醋蛋黃同食好鮮味，整體口感一流。店員真係好介紹，還滾著上枱，一開蓋香味湧出，鮑魚呈現眼前又真係唔細喎，成隻湯羹咁大，鮑魚煮得入味又有咬口鮮甜香濃，不過我反而讚佢地在鮑魚下面的炆煮五花腩肉，肥瘦層層分間，入口即化無肥膩感，反而估不到的五花肉肉質還可保持這麼嫩口。睇落有點肥膩，但食落口一點肥膩也沒有，還有層次同有collagen較膠口。北京填鴨 半隻 $228皮脆肉質較實，蒸包皮軟熟但有彈性，包著鴨肉加埋青瓜絲同大蔥絲甜醬，一大口咁食真係豪氣。

友人話佢之前食過灣仔分店覺得好食，今日就帶左我黎銅鑼灣分店試下-餐廳感覺好grand,睇門面已經感受到果份認真要搭lift落一層先見到真身😎--餐廳價格比想像中平飲杯做緊買1送1 $58兩杯🤑🤑同朋友一人一杯話梅薏米水個味道幾易入口，又唔會過分甜👍🏻-四川紅油龍抄手 $78食唔到辣既我都覺得唔錯，因為唔太辣，但又好香口惹味，個皮都好薄👄-奶油娃娃菜 $78有別於平日既奶油，呢個奶油汁更creamy就咁飲都覺得好好飲😆😆😆-爆汁牛肉餡餅 $48哇原來真係會爆汁😂估唔到牛肉餡咁香牛味同咁鮮味雖然唔算大件但真係一定要試下！好好食😍😍-估唔到呢間中菜都有火方食！身為火方迷一定點黎食下！蜜汁火方 $148呢個價錢有6塊火方真係超級抵！！有別於平時既火方，呢間既火方係比偏濕身少少有大量蓮子做配菜，一齊夾埋落火方餅都係唔錯幾配搭🥰呢個價錢食到咁多塊又有質素既火方令我好滿足🤪🤪🤪-黃金鱈魚粒炒飯 $108炒飯份量好大，炒得好乾身，係稱職既炒飯，炒到金黃色加上鱈魚粒，唔錯！-呢間中菜我一定會為左火方再來～下次仲想試下餐廳既百碟宴，見到好多人都有點～呢個價錢呢個質素真係超級值，餐點精緻得黎地方又好坐👍🏻👍

幾鐘意食中菜，比起西餐的較多層次及少肉。不過有時中菜份量較多，但這間中西fusion的日喜樓也適合小口子來光顧。四川擔擔麵 $58顏色橙紅，好似幾辣，店員說拌勻才享用。湯底好濃郁，花生醬香味中帶中辣，忍不住飲了好幾口，麵條帶點煙韌有彈性，美味。四喜臨門 $58即是4款口味小籠包，原味、蒜香、九層塔、茴香。小籠包皮很薄，而且很多肉汁爆出，蒜香幾惹味，九層塔、茴香加入小籠包又幾特別，好香草味。乾燒蝦球配鍋巴底 $168好大隻的乾燒蝦球，質感彈牙爽脆，不過我覺得調味有少鹹，而鍋巴是加入鹹蛋黃製，又脆又香口。桂花糕 $28好晶瑩剔透，質感好Q彈，桂花香甜，好適合夏日。高力豆沙香蕉球 $38漲卜卜，咬一口是鬆軟的質感，內裡有香蕉及豆沙，甜度適中。

公司同事聚會, 同事建議到銅鑼灣日喜樓食京川上海菜, 地點亦很近地鐵站, 交通都幾方便。日喜樓設於V point地庫, 環境開揚, 有好幾張大圓檯, 岩哂約埋三五知己食飯聚一聚。晚市茶位每位$12, 沒有前菜等額外小費餐牌上食物款式多, 仲有每月精選優惠, 今個六月其中【雲呑雞 半隻】HK$98 份量絕不可睇小! 呢個份量足夠6-8人, 大約有6碗, 雲吞亦有六粒, 皮薄餡甜, 湯呈奶白色, 極之清甜, 侍應協助將半隻雞拆骨, 雞肉很林, 容易撕開, 不過唔太嫩滑, 湯中另有小棠菜, 盡吸湯底, 整體個湯味道係唔錯, 飲完亦唔會狂飲水, 唔係味精湯。【四川擔擔麵】HK$58擔擔麵較細碗, 湯底紅卜卜, 初初食唔算太辣, 但擔擔麵慢慢吸左湯底味道, 愈食愈辣, 當中有肉碎, 更食到淡淡花生醬香, 麵質很滑, 帶點彈性, 唔會一pat pat。【杞子花彫醉雞】HK$78醉雞很鮮嫩, 雞皮不帶雞油, 質地嫩滑, 浸得入味, 有陣陣花彫酒香, 酒香得黎不帶澀味, 唔錯!【四川紅油抄手】HK$78抄手皮厚薄剛剛好, 餡料豬肉鮮甜, 抄手淋上甜豉油同埋少許辣油, 味道甜中帶少辣, 同時亦加左蒜蓉同

朋友飯聚，相約在銅鑼灣的日喜樓。這食肆枱與枱的擺放不算密坐得算舒適，食物出品則令人感覺很的骰，起菜快且食物能保持溫熱，味道適中大至不錯，價格則屬中高。火焰松子桂魚，上枱時有火焰效果，魚原條上色香味具足，魚肉酥脆甘香鬆化，愛吃魚人士魚尾也不浪費。宮保蝦球，一碟四隻，蝦大爽口亦做得皮脆內彈滑。橙燒醉脆鱔，上枱夠熱味調得適中，好吃。螞蟻上樹煲，此菜名堂喻如螞蟻爬在樹枝上，其實是肉末沾在粉絲帶點大辣，灑上蔥花色香味全。金腿娃娃菜，鋪上香茜火腿菇菌，津白吃來腍甜，但份量少了些。砂鍋雲吞雞，雞肉另上，此鍋做得略為鹹了些。上海炒年糕，煙韌彈牙年糕做得軟腍，加上菜肉醬油炒，味道適中。羅春閣爆汁生煎包及炸銀絲卷。不知羅春閣名的由來，不過吃時要小心，以防沾到衣物。甜品有高力豆沙香蕉球及豆沙鍋餅。豆沙鍋餅皮很薄。

Evelyn's Garden is renowned for Chinese tapas where there are 100 dishes served on a round table.V Point is the new location as they were at Tonnochy Towers before under a slightly different Chinese name.The restaurant is spacious with round tables and tables for smaller groups.The menu is digitalized which is good but the app they use isn't that smooth so it makes it difficult swiping the pages.As well English Shepherds pie, the Chinese have Sheperds Purse!Here were the dishes we had and it was

今次係我第一次寫食， 但一來就要寫個負評。媽媽鍾意食上海菜，諗住見佢啲評價好高去試一試，佢喺好多地方sell去佢既百碟宴，搞到我都心旭旭想試， 於是母親節中午就帶咗阿媽去試，嗰日除咗個唔知乜鬼黑豚肉好食之外， 其他完全唔識形容， 當日冇得叫餐牌上嘅嘢， 得張冇乜嘢食嘅餐牌而且個價錢係提高咗嘅。 佢啲嘢真係又貴又細碟。 小籠包個湯汁味道好怪，個醉雞味道同我自己用李X記醉雞汁整嘅冇咩分別， 個脆鱔炸到過曬火有啲苦，其他野好細，最多3，4個人食，呢間就一定會有下一次。

家人偏好環境舒適的中菜廳、特意找到這間銅鑼灣V Point 地庫的日喜樓、走下扶手電梯見到白色雲石牆的日喜樓招牌。餐廳裝潢簡約摩登、空間感十足、予人一種舒適溫馨感覺、想跟家人朋友來靜靜吃頓飯就適合不過了。先點了個前菜 - 橙燒醉脆鱔、炸到脆卜卜、雖然橙香味不太突出、卻真的有見到塊燒過的橙在旁😛可能要加點橙汁煮會更好。宋嫂魚羹 有好多魚肉、豬肉碎在裡面、味道清清地但好好喝、媽說她也要學學這個怎麼煮。這個爆汁牛肉餡餅 要小心吃、裡面真的超多汁啊、還很熱！牛肝菌雜菌慢煮黑豚肉 份量挺多、賣相有點像東坡肉、黑豚肉炆得好淋、滲透著雜菌的香氣。好喜歡吃這個碧綠萵筍絲 、爽口清甜～四川擔擔麵 要了不辣、仍舊惹味。總括這裡的食物質素不錯、服務員亦很有禮貌、值得加分。

位於灣仔 是我喜歡的上海菜之一，記憶中上年年尾先去過。原來短短半年間已經結束營業， 實在令人感慨。 我經常都說； 在香港開餐廳的老闆心口要有個 字。  但一雞死一雞鳴的道理是永恆， 另一火紅滬菜 已經登陸銅鑼灣V-Point 地庫。   和 最大分別是前者是一間有氣派的上海菜，而後者則走新派路線。  的百碟宴在 IG 火紅 ， 我們只有兩人來晚餐， 當然無緣享用。 所以散點為皇道。 日喜灌湯小寵包 $74 即蒸小籠包放上枱時熱辣辣出晒煙，隱約看到湯汁在蕩漾。於是小心翼翼夾起第一個，但因為皮太薄令小寵包一夾即串，白白浪費了湯汁。第二個夾起時好小心，先蘸些香醋，小寵包果然皮薄肉錎有彈性，湯汁濃郁， 好像喝了一口肉湯一樣美味。四喜烤麩 $48材料有冬荀、木耳、 毛豆、 烤麩，用足料，也是正宗的上海 造法。烤麩如海棉般吸味， 調味亦恰到好處，令人看高一班的冷盤。 經典肴肉 $72 賣相恰如其分，   精瑩通透， 豬手肉和水晶部份比例平均，令口感更佳。食時必要蘸上香醋，令味道更顯豐富。 黃金薑米鱈粒炒飯 $108飯先炒後放沙窩內焗香， 一打開蓋子， 金黃色炒飯盡配眼前，相當吸引。 很難得炒