牛極 (雅怡居)

Open Now

Now Closed

今日去左深水埗附近買野朋友話想食西餐, 諗住食牛扒我就建議佢不如石燒牛扒, 起碼牛肉既質素有保證D同埋自己可以控制生熟程度於是我地就搵附近有冇石燒牛扒店, 揀左呢間叫牛極既石燒牛呢間鋪頭座位都幾寛鬆, 又有卡位坐, 坐得幾舒服一入鋪頭就先係自助機揀左想要既牛同重量除外牛扒, 餐廳既飯, 沙律同麵豉湯都係任食, 其中麵豉湯好好飲, 我飲左三碗 我地分別揀左牛肩肉同牛柳熱辣辣既石板用高溫煮熟牛扒, 一定要好快手, 小心煮得太熟店員仲好細心提示有圍巾提供, 唔洗怕彈到衫牛肩肉: 80/180g, 牛肩肉比較有咬口, 牛味都算濃牛柳: 110/ 200g, 牛柳比較淋身, 牛汁比較多$200 蚊唔洗就食到咁好味既牛扒, 性價比真係好高!

人氣食店牛極喺香港不停擴充，而家已經有唔少分店，對我嚟講，最就腳嘅就係呢間青山道分店！！睇返menu，佢有六款唔同嘅牛可以選擇，當中亦有細分唔同size比唔同食量嘅客人選擇，價錢相宜。先進地可以自己買飛，坐低就輕輕鬆鬆等店員送上。牆上亦都貼上指引，教客人點樣用熱石去處理牛扒，非常細心。少不免會有人怕油煙，所以都好貼心咁安排咗即棄圍裙。終於都等到主角出場， 好有神秘感咁搵紙巾蓋著，以免油煙飛彈。另外，有一個自助區可以任食，除咗白飯之外，仲有沙律同埋麵豉湯。麵豉湯都係足料嘅，絕唔係行貨。牛肩排$80, 180g牛柳$110, 200g叫咗兩款唔同嘅牛，當然係share嚟食啦! 左邊～牛肩排肉質比較厚實，鍾意有咬口嘅人嚟講，呢個係一個唔錯嘅選擇右邊～牛柳當然會比較嫩滑，見到肉質嘅纖維，就知道有好大嘅分別！！兩款牛味都好濃， 似乎唔落調味料先至係最好嘅選擇 ，而個人而言，會比較鍾意牛肩排。餐廳cp值好高，唔怪得知越開越多啦！！

新年就黎到，莉莉子襯住六日假同媽咪去到深水埗福榮街一帶辦年貨，行左一個鐘頭左右，媽咪就想到附近餐廳食少少野，沿深水埗行去長沙灣大型夾公仔機附近，俾莉莉子發現左一間專門食牛既「牛極🥩」專門店☺️☺️特別既地方係呢間餐廳需要你預先係門口售票機點選你想食既牛肉類別，付款後再等侍應提供送餐服務☺️ 客人可以先揀肉既款式以及份量，前莉子揀左牛肩排180g而媽咪就揀左牛柳200g，價錢都只係80蚊起，超級平🥩🥩入到正題啦，所有主食都係跟自助bar ，客人可以自由去到自助bar攞白飯（仲可以加紫菜）、牛肉羅宋湯（超級好飲，仲要勁多牛肉片）、前菜沙律（可揀柚子汁或芝麻醬），而更重要既，係佢地有一個3格既自助醬汁- 燒肉汁、辛燒汁同蒜容。等左十分鐘，人未到聲已經到，「sasasa」侍應姐姐攞住兩個熱辣辣既石板🤘🤘🤘，原件律柳同律肩肉放係而前非常震撼😱😱😱莉莉子既牛肩排180g 齋望已經知道夠哂大份，切開中間，係5成熟既肉質，侍應細心提醒客人可以按喜好控制肉既熟度。牛肩排入口嫩滑，肉質軟腍，外面煎到超級脆身🤗🤗媽媽既牛柳肉質更軟腍，媽咪仲好叻甘自己調製汁醬，先煎到7成熟再配上牛扒鹽同黑椒，簡單係最夾既配搭😎😎埋

牛極作為係香港第一間的石版牛，人氣一直很高也很多人，怕排隊的我，也等到今天才去試試，但也剛好開鋪6點就到，客人不多，可以慢慢坐首先牛極也是首批，引入日本的自動買飛機的店舖，方便之餘不懂店員都會教你用，然後選擇最招牌的牛肩排（180g）和牛柳（200g），當等待牛排時，可以在自助吧拎東西牛極另一吸引的，就是沙律、飯和湯任食，牛肉湯超入味，只係湯都足夠送一碗飯，白飯另外都有味素，唔食牛都可以食飽你當仲拎緊東西時，牛排好快就到，埋位就剛剛好有得食，聽到牛排的吱吱聲，已經食慾大增，很多人食牛掛很喜歡一次過切開，但食石板牛就不好這樣做，因為內部還是半熟，如果切開就會將所有位置變全熟，吃得不夠快煎時間太耐，肉就會太硬

又到了深水埗長沙灣去辦事，這次也在網上搜了一下，找到這家吃牛扒的牛極，便走過去看看！原來這裡是供應著一成熟的牛排，讓客人自行於熱石上烹調，能自己煮，好像很好玩呢！這裡的白飯、沙拉、麵豉湯和醬料等都是自助，可以按喜好、食量拿取。牛肩排 Top Blade Myscle uscle 180g $80$80就能以熱石燒牛扒，還能有自助吧，這個價錢真的蠻實惠的，牛扒品質也不錯。想多吃點肉還可以點300g或360g。牛柳 Tenderloin $110比起牛肩排我更愛牛柳，配上蒜蓉真的很不錯，還可以按自己喜好選熟度。燒久了熱石不夠熱也可以要求更換呢。

近排好似興起食石燒牛 早前食過一間係旺角嘅 今次試下另一間係長沙灣紅噹噹既門面一眼就見到！入到餐廳 午市人流唔算多 侍應安排左座位之後再叫我地出去售票機 揀嘢食同俾錢佢哋有提供午市Lunch set 但我哋主要係想黎食牛扒 所以就冇揀到啦怕彈到白色衫污糟 可以拎個小團裙遮住餐廳廚房主要出菜石燒牛 白飯、沙律、湯就自己係自助區搞掂Wohoooo主角出場！我哋揀咗180g牛肩扒 （$80）同埋200g牛柳（$110）雖然份量係最少 但係上枱都覺得好大舊！熱辣辣嘅石板配上分量十足嘅牛柳餐廳講到明 上枱嘅牛扒只有一成熟左右 之後就根據個人嘅喜好 喺石板上面燒出理想嘅熟成度 切成小塊 慢慢燒慢慢嘆餐廳有提供醬汁、胡椒同鹽等但係我覺得本身塊排算係幾juicy同有牛味～ 我只係落咗小小楜椒已覺得OK足料牛肉湯如果大家係食肉獸 想平平地又食得勁飽 大家不妨嚟呢度食一餐！

這店的賣點是把一成熟的牛扒放在熱石上，再由顧客自行把牛扒切成小塊，用石頭煮成自己喜歡的生熟度。進入此店後，首先自行購票，然後店員就會送上牛扒。送上的牛扒用紙覆蓋，避免油分濺到顧客身上，很細心。另外，店家還提供紙圍裙，是另一貼心表現。牛扒的牛味不錯，我覺得略加點鹽就已經足夠。牛扒的價錢按重量和種類而有所不同，每客都包括湯、沙律和白飯，以上三樣由顧客自取，不限量自行添加，若要飲品就要另行購買。這店給人乾淨的感覺，店員的服務態度也好。

帶屋企人去試吓最近好興嘅石燒牛，我哋叫咗2塊牛肩，1塊肉眼同埋1塊牛柳。食過幾次石燒牛，最難控制係生熟程度，因為係喺熱石上面燒同切割，係切割既同時塊肉都不斷越嚟越熟，所以最好就快手切割然後裝起佢慢慢食，但係善忘既我唔記得左拎碗😗但係就比我發現呢間牛扒點熟都係林既，只係如果真係過熟的話就會有少少鞋口，唔會韌🤓由此相信呢間野既牛係高質既！中意蒜既你，一定要試下呢度既生蒜🧄非常之好味😋仲有牛肉湯，好有牛氣😆我自己都飲咗兩碗，仲有沙律吧同埋飯可以自助，不過就食唔落飯啦😛

呢排成日聽人講牛極，今日出開深水埗就緊係要試一試啦呢度用自助既方法點野食，好似日本咁，喺部機度點餐再放紙幣或者支付寶比錢，呢個做法幾好，又方便又快又吾會出錯我地兩個女仔，點左一個最平既牛肩扒 180g hkd 80, 同一個牛柳 200g hkd 110 蚊，另外加15蚊要左一個提子氣水點完餐幾分鍾就送到黎，所有牛扒都係一成熟,跟住你自己係個石板上面整到你自己適合既熟度，呢樣幾好。。。自己想幾熟就幾熟d牛排質素都幾好，好有肉味另外呢度嘅沙律，白飯同埋牛肉湯都係免費任食既，所以男仔黎食都吾會吾夠飽沙律幾新鮮，牛肉湯好多料，有d羅宋湯既感覺，下次都會再黎試下其他牛排

朋友話深水埗牛極味道不錯又抵食，因佢至愛吃牛扒。所以回頭再吃。餐廳店舖頗大，紅色卡位座很很舒服。門口放了一部售票機，半自助形式有白飯、沙律和湯要自取。沙律很新鮮再加芝麻醬超正、日式牛肉湯味道不錯。牛扒放熱石板上慢慢煮熟， 自己調節生熟程度，切合個人喜好。我們點左牛肩肉眼180g $80牛肩肉眼扒，牛味香濃肉汁多，極不錯👍十分好吃。牛柳200g$110，也十分好味，牛味香、軟、滑、腍。難怪我朋友經常吃，這餐我們都是大約二百多元，真超值抵食。

牛肩排180g $80肉質結實，牛味🐮稱得上濃郁 牛柳 200g $110肉質鮮嫩juicy，口感軟淋👍🏻可惜牛味唔夠突出🤔 每張台都放置左黑胡椒同喜馬拉雅山岩鹽🧂作簡單調味，出面仲有三種醬汁提供，分別係燒肉汁、蒜蓉同辛味燒汁。燒肉汁普通🙊蒜蓉係生蒜，入口有辛辣既感覺🥰愛蒜人士必試！辛味燒汁味道酸酸甜甜帶微辣，幾開胃😋 除左有牛扒食之外，仲有沙律🥗、餐湯🥣同白飯🍚任食，絕對夠飽！值得一讚既係，雖然係免費任食，但餐廳都冇hea交功課👏🏻沙律菜🥗口感爽脆，頗為新鮮；醬汁有柚子沙拉汁同和風胡麻醬可以揀 餐湯-日式牛肉湯🥩🥫用料大方！配料有牛肉、洋蔥、白蘿蔔片、紅蘿蔔粒🥕等全部都煮到軟淋。但湯味道偏鹹。 白飯🍚選用珍珠米，飯粒飽滿、有口感！一啖牛肉🥩一啖白飯🍚真係好滿足～私心推薦，用蒜蓉同辛味燒汁撈埋白飯一齊食，超送飯，開胃得黎又好食🤤 餐廳係自助形式，需要係門口自助販賣機買左餐票先，但店員都會好熱心咁從旁協助，唔洗擔心操作問題💯店內服務員唔多，但服務態度殷勤，要求換熱石會即刻幫我安排👏🏻店內有一次性圍裙提供，唔洗擔心整污漕件衫🥼

牛極係一間食石燒牛排的餐廳，採取自助形式，有點餐機：自助沙律、白飯、醬料：仲有牛肉湯都係任拎任添的！重點係牛扒價錢唔貴，$80已經可以食到。牛肩排（$80）及牛柳（$110），若你唔係大胃王的話，最小份量的180-200g已經好夠食。牛扒上檯時只有一成熟，其餘時間就靠呢塊熱石板煎熟，所以自己想食幾熟就幾熟。檯面上仲有粉紅岩鹽及黑椒等你調味，我就鍾意加少量黑椒更香。切開牛扒，真係medium rare，所以可以再煎多陣，$100左右價錢有牛扒食，都算係平價美食之選。

石燒牛扒現在開到成行成市...而幫襯開呢間石燒牛扒點解仲可以開到有分店呢!? 相信一定有佢成功既原因, 講返點解成日幫襯佢既原因先😬就係白飯任裝湯同沙律都係全任飲任食🤩🤩🤩絕對可以滿足我呢D餓底啦🤭而且D牛扒好有水準又唔貴當然梗係當佢飯堂啦🍽🐂🐂牛柳同牛肩係賣飛佛！所以今次照舊在自動販賣機點了呢兩款😝牛柳比較淋身肉質嫩滑👍🏽牛肩就好有咬口👍🏽可惜我喜歡嘅牛肉湯變了麵豉湯！下次再黎係咪又會轉咗呢？🤨🤨

💁🏻‍♀️ 牛極 (深水埗) 🍴-深水埗真係窮人天堂，系呢到食個牛排每人$100唔洗有找，自助點餐，岩曬小毒毒，地方幾闊落，仲可以任添沙律、飯、湯，真係唔洗驚食唔飽～牛肩排180g ($80）呢到嘅牛排一上碟會係一成熟，之後就放系熱石板上面燒，燒到岩你心水嘅熟度就可以食，個人覺得牛肩排cp值都幾高，食落好嫩口juicy，但個feel又唔算太熱氣，如果女仔食呢個份量岩岩好！牛柳 200g ($110)牛柳又岩大食啲嘅朋友食啦，真係啖啖肉，好重牛味，加埋啲蒜片同醬汁食，好惹味吓。但要小心唔好燒到太熟，唔係就會開始鞋架啦～/📍 牛極 (深水埗)#深水埗 菴由青山道195A號雅怡居地舖#小丸子搵食記 #小丸子深水埗-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #香港拉麵

去日本都未正式食過熱石牛排，估不到係香港開齋食先，今次好有驚喜，原來熱石牛扒係咁正既，下次去日本一定要朝聖一下。西冷牛扒200g $130上枱已經好震撼，塊扒又肥又大，上面放了幾塊金黃色的香蒜片，睇到口水流。三種醬汁無限添，香蒜配牛扒是絕配。一刀切開牛肉鮮紅唔洗驚，因為超熱石可讓食客自行決定牛肉既熟度，令您有滿足的控制權。牛肩排180g $80唔好睇輕呢款相對平宜既牛肩排，味道同樣出色。慢慢品嚐唔怕石既熱度減退，反而要小心辣親，哈哈。麵豉湯無限飲，好暖胃。海鹽黑胡椒任你調味。日本珍珠飯任添唔嬲，好好味。無限任食既日式沙律菜真係超醒胃，又健康，K.O.兩大碗無難度。地方乾淨整潔，服務員熱情細心，又有禮貌。六款牛扒任揀，價格真心抵食，下次必再幫親。採用日本自助售票機，迎合年輕一代，causal 得來夠平易近人，又多一間好選擇。