牛極 (雅怡居)

Open Now

Now Closed

居家安全齊抗疫，變得口味也平淡了，難得周日探外婆來到長沙灣深水埗交界，對面正正有間好吸引的自助牛排餐廳，門面與店內也充滿日式格局，再睇埋介紹話每款牛都經過三天自然熟成處理，充滿期待入去點餐。5款自助煎牛扒來自美國、紐西蘭及日本，牛肩肉眼、牛肋骨扒、西冷、牛柳及和牛，售票機選好不同重量後，店員安排入座等食期間，到自助區拿餐具及圍裙。任飲任食任添珍珠飯、日式牛肉湯、椰菜絲沙津和檸檬水。三色醬料: 自家製燒肉汁、蒜蓉及辛味燒汁。兩款沙律醬: 柚子沙拉醬、胡麻沙拉醬。日式牛肉羅宋湯，有紅蘿蔔，牛肉粒及洋蔥。珍珠米飯記得灑上紫菜粉粒，檯上有岩鹽、黑胡椒及BBQ香料任加。兩口子點了牛肩排180g及牛柳200g。牛排放上火山石前已有一至兩成熟，再放在已有高溫300度的火山石上，生熟度自由煎熟，熱辣辣牛排到，廚房紙蓋上面以防牛汁四濺，牛肩排180g $80 Top Blade Muscle牛肩排質素不錯，切開肉色粉嫩，肉汁豐富擠出，軟腍肉味也不錯。牛柳 200g $110 Tenderloin牛柳肉質同樣軟身，肉汁豐富，比牛肩排厚肉，肉紋有層次，肉味比較前者重，反而口感就牛肩排較佳。完滿的一餐是必飽食

疫情期間及餐廳防疫新措施實施之後，每個客人之間距離要相隔1.5米，入店前要量體溫。 今日相對平時嚟講， 算係少咗人， 已經食咗好多次牛極啦， 最鍾意係佢畀人白飯任加， 牛肉湯任斟， 沙律任添， 自助醬料任你試。牛柳肉 200g點菜等咗三分鐘左右 ，就有得食啦 ，同樣地上菜嘅時候大概1成熟， 牛柳肉比較少肥肉， 容易咀嚼， 吞噬， 比較少筋， 一嚿牛柳大大嚿仲要係厚切完全冇呃秤， 切開曬之後可以鋪滿曬成個石板上， 煮緊嘅時候肉汁慢慢滲出嚟。牛肩扒 180g牛肩肉比較 牛柳肉硬少少， 搭配埋炒香咗嘅蒜片味道好夾， 食牛肩肉最好食啲定係加買海上嘅醃料調味， 以及冷盤椰菜沙律更有口感， 簡單講兩種食法， 兩種牛肉， 都值得一試。推介， yummy....今日嘅牛肉湯比平日更加濃沃， 牛肉材料好豐富， 大量紅蘿蔔等配菜， 每次都要飲最少兩碗先夠喉。牛極嘅白飯有樣嘢幾特別， 可以keep住保溫加熱，但珍珠米嘅口感亦都可以保留住， 好欣賞。平日都會keep住繼續過嚟光顧，太抵食啦。

做街坊生意，最緊要大件夾抵食，今日又再去牛極食石燒牛，明顯少咗好多人，大家都分開座，其實我覺得咁樣食飯都唔錯。自己先在機買食D乜揀啲平平哋嘅黎食下先，牛肩排同牛柳點完啲姐姐就話我哋可以自己去裝湯飯同埋沙律先啦。個飯都煮得唔錯似乎係用珍珠米煮嘅，佢買牛柳，實有好多頭頭美美整咗出嚟所以依個日式牛肉湯裏面都有幾多肉幾好味，係有D味精咁啦。椰菜絲沙律可以配芝麻醬或者柚子汁，食多啲菜，感覺健康啲。攞完晒嘢食就見見牛準備好已經上咗枱啦。佢仲有自助醬汁，包括燒肉汁，蒜蓉，同埋辣味燒汁。仲有燒烤岩鹽黑椒同埋香料。200g 牛柳大大件咁切起嚟都幾嫩，呢段時間都係食熟啲好，切開佢前前後後都燒吓，感覺安全啲。佢其實已經葉咗未所以如果唔係要食好從未嘅係唔需要再點汁但係可以加啲蒜蓉咁就更加惹味。依份係平啲嘅180克牛肩排，肉味比較龍但係就唔好牛柳咁嫩同多汁啦。因為飯湯同埋沙律都係任裝嘅關係，所以可以食得好飽，依個價錢係好唔錯嘅。

呢排都要慳下錢，去佐公司附近間牛極食晚餐。牛極主打以火山石讓顧客自助煎牛扒，之前食過其他火山石牛扒店，價錢都要$200多元，但呢度價錢非常親民，最平$80已經有一份牛扒！呢度採用自助形式，首先要去售票機選擇食物及購票，再等店員安排入座。等待食物期間，可以去自助區任添珍珠米飯、牛肉湯、沙津、醬料及水，全部免費任添，絕對夠飽。呢晚就試下牛肩排，$80有180g，份量都幾多！師傅會先將牛肉燒至一成熟，再放在經焗爐烤至攝氏300度嘅火山石上，然後自己控制生熟度，自己牛扒自己燒。上桌時鐵板滋滋作響，香氣撲鼻，不過鐵板實在太熱，好容易就煮得過熟，需要一d技巧。雖然我煮到太熟，流失咗d肉汁，但肉質依舊軟腍。本身牛肉無任何調味，所以都食到牛肉本身嘅肉味，如果鍾意重口味d嘅，都可以蘸店內嘅幾款醬汁，都好惹味。男友就試咗200g牛柳($110)，牛柳就比牛肩排位置更加軟嫩。呢個價錢好抵食，啱晒食肉獸！

宅在家一段時間🧎🏻‍♀️今日近近地附近走一走🤫🏃🏻‍♂️支持食肆唔想見到結業潮加劇落去...依家出街食大家都已經好小心謹慎！規例：每枱隔1.5米！探熱！提供搓手液！呢度都係一入門口未售票就幫你量體溫，幫你噴酒精搓手！枱與枱隔開，另一枱食客唔會隔離而距離亦有1.5米！石燒牛扒😬加白飯任裝，仲有湯同沙律🥗無限任飲任食🤩🤩🤩啱晒要有飯落肚，有湯有蔬菜，既均衡實飽肚😆😆而且D牛扒好有水準...又唔貴😉🐂🐂仲有我喜愛嘅紅蘿蔔牛肉湯🥣$110有200g，牛柳比較淋身肉質嫩滑👍🏽$80有180g，牛肩就好有咬口👍🏽Encore都係佢哋🤩🤩今晚人少少，慢慢食慢慢坐一啲都唔急！自己做大廚🧑🏻‍🍳自己燒自己食🥰期待下次嚟可以回復正常，叫埋班friend食可以坐八人枱😁😁

一直都好想試吓石燒牛，呢間都係幾出名的而且係豐儉由人。因為唔同類型唔同價錢唔同大小唔同重量都有得揀，所以話係豐儉由人。餐廳內環境舒服😌而且乾淨企理。新鮮沙律菜配上日式芝麻醬，讚！味增湯裡面超足料，有基本昆布同豆腐外仲有香菇，味道好香甜。仲有三款配肉一流既醬料。白飯任裝，食肉都係要配番碗白飯食！檸檬水同餐具都整齊排好，大家可以自己隨意拎合用的。終於要介紹牛，牛肩排同牛仔肉眼都好正，雖然兩款都係比較便宜的選擇。但都已經好夠肉味，又夠腍，好香好食又好切！切開之後大家可以照自己喜歡的生肉程度再調較，好適合一家大細黎食！

今日朋友放假,因未食過用熱石嚟燒的牛扒,所以就約埋一齊去試下呢度似快餐店形式,先付款,再等食物送上枱我哋選咗牛肩排,牛柳,付款後票交店員,大概10分鐘左右,店員就送上牛排湯,飯,沙律菜,醬汁有三種,就放係自助區牛枊～牛柳嚟到未熟,切開仲係鮮肉顏色,係熱石上發出吱吱聲,自己再燒自己鍾意的熟度,塊熱石都好熱,塊肉係上面唔使好耐就熟雖然燒得有點過熟,仍然軟腍,但牛肉味較淡牛肩排~有黑椒醃過的味,肉質較實,有咬口,相比牛柳,更有牛味,唔使蘸醬汁,都已經好好味

好鍾意食牛排，特別鐵板燒果種，牛極真係啱曬我口味同心水，皆因分店多，今日特地同朋友到牛極深水埗分店食。照舊點了份牛柳同牛肩胛，好體貼地有圍裙提供，就不用怕熱辣辣的牛扒的油會彈到身上。牛柳比較嫩滑，而牛肩胛較有口感，一成熟的牛排可以按照自己喜好慢慢煎熟，這裡還有幾款醬可以自己配搭，襯托牛排鮮味，十分搭配。半自助形式的牛扒餐廳，白飯，湯，沙拉都是任裝，真的可以食飽飽，每次的湯都不一樣，這次是麵豉湯，而且白飯是正宗日本米，正到爆，配著美味牛扒，白飯都食多碗，未食過鐵板燒牛扒的朋友，大家真係要來牛極試下。

雖然疫情持續 但生日飯都可以簡簡單單吃一吓 另一半很喜歡食岩石牛扒 上網找一找 附近有二家岩石牛扒店 就選了其中一間坐位較舒適的去試 入到店內同係日本一樣 自助形式 自己入錢禁制買飛 （新炒用唔到 可找店員換舊炒）買完之後搵個位坐低 另一半就出去 沙律吧自由發揮 當然唔少得牛尾湯同白飯任裝 唔怕食唔飽仲可以拎定紙圍裙以免比油整污糟件褸 過左一陣牛扒送到 我哋叫左牛肩肉同雜牛 各300g. 牛肩肉好淋身 好嫩 不過牛味唔濃 牛雜扒 乜肉都有少少 啱曬好似我咁貪心想試幾款牛嘅大家 🤣 總括黎講 我都推薦牛扒控來試試 哈 （P.S.油煙味比較大）

近年香港興起熱石燒牛扒，而這間則位於深水埗與長沙灣之間。.進入店舖後，他以日本拉麵的營業方式，在購票機先購買餐票然後店員安排入座。.等待牛扒期間可到自助區域，自行領取沙律，湯品，飯，調味料及餐具。.🔸沙律菜分數: (7.5/10)沙律菜十分新鮮而且乾爽，不會有苦味，並設有胡麻沙拉汁及柚子沙拉汁可供選擇。.🔸日式牛肉湯分數: (7.8/10)牛肉湯有驚喜！味道有點像羅宋湯，十分濃郁，非常足料，有很多蘿蔔，洋葱及牛肉，而且用來煲湯的牛肉亦非常軟熟，一定要喝！.🔸米飯選用珍珠米，旁邊有紫菜調味粉。.🔸調味料自助區提供自家製燒肉汁，蒜蓉，辛味燒汁。個人喜歡用桌上提供的鹽，黑胡椒和香草，不會蓋過牛本身的味道。.🔸牛肩排 180g ($80)分數: (7.3/10)相對有較重牛肉味，牛扒較薄，肉汁較少，牛肉上桌只有一成熟，需將牛肉切成小塊，放熱石上烤，生熟度自行控制。.🔸牛柳 200g ($110)分數: (8/10)牛柳肉較厚，肉汁非常豐富，肉質嫩，但牛味相對較少，生熟度自行控制。如熱石在較後時間熱力不足，可通知店員更換。.他們有提供圍裙，穿淺色衣服也不怕被牛汁淺到身上，又有消毒濕紙巾供餐前清潔

星期日放假最仲意同男朋友去食飯行街睇戲👫💕經過深水埗呢間日式石燒牛吸引左😽咁我地都坐低試下💛先講一講服務方面，我覺得係幾好，因為一入到去就會有一部自動販賣機，而職員都會好有耐性咁去教我地點樣落單！所以落單都好簡單易明！另外我都好仲意呢到既日式裝潢設計風格❤️🎏燈光又夠哂光鮮💡食物方面都有牛肩排、澳洲牛、西冷、牛柳、和牛可以簡😍仲有唔同數量比你簡！唔洗驚唔夠食啦🤪呢到既石燒牛、原來係會提供一成熟既牛、等客人可以切開一小件去慢慢燒，由自己決定想食幾多成熟❤️客人可以邊燒邊食👍🏼🥰而我同男朋友就簡左🎏牛柳200g 同 🎏牛肩排180g share😍 我個人非常推薦牛柳、肉質好淋仲有肉汁👍🏼 而牛肩排就肉味較濃🥰建議唔好太熟！如果想個味重啲，建議可以加黑椒同玫瑰鹽！另外自助區都有醬汁可以拎！食肉當然唔少得白飯啦😹所有白飯、麵豉湯、沙律同檸檬水都係自助區任添💕🎏總括黎講好滿足，會同男朋友再食多次！

最近在四週圍都見有「牛極」，一家人都好愛鋸扒，今次帶小朋友嚟，食我地最愛嘅牛柳．牛肩排，店員速度神速，未裝飯未飲湯，扒已經到了。熱熱嘅石板上，煎著厚厚嘅牛柳，好有份量。一邊煎，肉汁不斷湧出。配埋燒汁．蒜蓉，又落d黑椒... 嘩，真係好好食😋沙律．羅宋湯．白飯無限量添加．個湯好足料，落咗好多牛落去煲。仲可以喺飯上加添紫菜。自動販賣機都有好多款唔同嘅牛同唔同份量可選擇，真正豐儉由人．老少咸且。下次會再嚟試埋日本和牛😍

喜歡食牛的我一直都想試這種石板燒牛, 剛好遇到現在人流不多, 終於可以一試。一進入餐廳是需要自行在售票機購買食票, 非常日本的做法。外面有沙律無限取食, 有兩種醬選擇, 柚子汁, 胡麻汁, 個人喜歡柚子汁, 胡麻汁1:2比例另外有日式牛肉湯也是無限取食另外也有三種醬汁選擇自家燒汁, 蒜蓉, 辛味燒汁 給燒肉加添多點味道食客的枱上會有3種調味料, 海鹽, 黑椒, BBQ 粉我點了一份牛肩 180g 和一份牛柳 200g牛肩 180g 賣相不錯, 很厚的一份牛肩, 上枱前店員已把牛肩外圍輕輕煎過, 內裡控制多少成熟就交由食客自行主理, 我喜歡吃五成熟, 所以都要耐心把他兩面煎約2分鐘左右, 很有牛味, 肉質鮮嫩, 個人推介加點BBQ粉味道會更加豐富。牛柳 200g賣相同樣不錯, 超厚的牛柳, 燒的時間比較長, 建議可以切成小份再燒會較易控制, 牛柳肉質比牛肩嫩, 牛味更重, 個人比較喜歡牛柳, 調味料比較推介加點海鹽, BBQ粉, 味道更加豐富, 海鹽更能帶出牛味。總結這餐廳有趣之處在於食家可自行控制燒牛的成熟程度, 但如果不太熟識燒牛扒的朋友可能會令牛扒過熟而失去原有的肉質, 味道, 所

媽媽未試過石燒牛，今日就帶她一齊去.我們兩人都點了牛柳200g因為在便宜的肉類中比較稔身易咬牛排都是超過厚身，一煎出來已經很香。入面是一成熟，切開入面呈鮮紅色，非常香的牛肉味，似是高級扒房的質素呢。.上台時用紙巾cover 住，以免油煙四濺。還有一些圍裙，帶上就不怕弄髒衣服了。.媽媽第一次去已經很喜歡了，在試不同的醬，又落黑椒等，自得其樂。.一塊扒已經夠飽，出面有自助任拿的沙律、蕃茄牛肉湯、白飯、檸檬水，一定食得飽。

自從上次係荃灣食過間超抵食又高質既石板牛之後一直念念不忘，但荃灣實在太遠，男朋友搵到呢間係深水埗，見評價唔錯，一於去試吓。飲品同食物都係自己售賣機到買票，好似日本連鎖店咁， 亦有圍裙可以拎，防止比油彈到件衫。店員為我地挑選左兩款抵食牛扒，一款係牛肩排，另一款係牛柳，Order左牛扒就可以任食自助吧嘅飯、湯同埋沙律。自助形式唔錯，如果唔夠飽可以任添飯或者飲湯，不過今次我哋冇飲湯同埋食沙律，只係要左個飯，加埋兩塊牛扒已經好飽。牛肩排 180g $80雖然重量輕過牛柳，但睇落更厚肉更大件，牛事先已加鹽同黑椒，食落好夠味，亦有牛既香氣，唔洗再蘸醬汁，肉質嫩滑。上盤時係一成熟，可因應自已喜好再係石板上燒，keep住食到熱辣辣既牛扒👍🏻牛柳 200g $110賣相冇牛肩排咁靚，但牛味更濃，肉質更嫩滑，但要小心燒到岩岩好就要拎起放入碗，over左就會冇咁好食。如果唔要求靚景/坐得好舒服，呢間既牛扒值得一試。