花貝日本料理 (Closed)

首先，當日約咗兩點鐘，有個打扮中性化嘅女經理，問佢餐牌上嘅嘢黑哂口面，可能覺得阻住佢收工啦，勁唔滿意嘅面口。叫咗每個差唔多$500嘅吞拿魚腩丼同特選刺身丼。一嚟到見到個份量少得可憐😒精彩嘅事就嚟喇，特上刺身原來係帶骨刺身，真係一生中第一次！吞拿魚腩腥到一個點！真係從來冇食過咁差咁差嘅日本菜😒咁啱有個普通侍應見到，問我係咪有骨？我話係，長食長有，啱止一條，佢就幫我同師傅反映。可能知衰，黑面中性打扮經理過嚟帶番啲好丁丁嘅態度講唔好意思，但吞拿魚腩用話一定係新鮮，我唔知係幾多日前新鮮啦，腥到咁。呢間嘢真係可一不可再，收成$500一個丼，咁嘅質素，食到一肚氣！

即將有backpaid🫣一於先用未來錢，食一餐豪嘅！今日嚟到位於銅鑼灣嘅高級日本料理餐廳，一入門口就感受到箇中氣派前菜柑橘醋配海蜇，相當開胃帶點冰涼感，酸醋不重手，海蜇口感爽滑。和風汁煮螺，白玫貝厚肉帶微甜，汁煮得非常入味。(特上)雜錦刺身真鯛、燒右口邊魚、拖羅、大拖羅、劍魚、海膽、赤貝、牡丹蝦、深海池魚等等新鮮至極嘅食材。來自北海道嘅海膽，堆砌得滿而不瀉，色澤橘紅入口即溶；赤貝鮮甜爽口，放喺檸檬隔離，腥味唔重；深海池魚爽嫩，入口魚香濃郁；燒右口邊魚半生熟嘅口感令人迷醉，大拖羅放置最後進食，魚油豐潤，肉質軟柔，略帶點筋位，但總括而言，魚生片片厚切，味道新鮮，食盡奢華食材。美國牛肉紙鍋第一次嘗試紙火鍋，湯底盡是海鮮嘅鮮甜味，除咗有大蜆、蟹腳，冬菇、大蔥、娃娃菜之外，當然要加入埋紋理清晰，雪花平均、肉質粉嫩嘅牛肉片，及後自己配合豉油或者胡麻醬，再加入蔥花和明太子，自己diy 每塊牛肉嘅口味。最後以雪糕作結，果然大滿足！今餐嘅花費都值得亦都欣賞師傅的用心，對擺盤的細緻

疫情之後冇得去旅行，唯有花啲金錢喺飲飲食食度，平衡返工作上嘅壓力。今日嚟到呢一間位於銅鑼灣嘅日本料理餐廳，格局舒適，座位寬敞。雜錦壽司(8貫）一盤放滿新鮮食材，每件壽司嘅米飯唔會太多，而且飯粒都握得幾實。深海池魚口感比較爽口，冇咩魚腥味。海膽包住爽脆嘅紫菜，入口即溶，啖啖鮮味十足，而白蝦黏度較高，非常清甜，瘦拖羅魚味較出，口感細緻一點，赤貝夠晒新鮮，爽爽彈彈嘅口感深得我嘅喜愛。師傅會把wasabi放進各種壽司之中，更帶出當中嘅鮮口感。另外我呢個食肉獸梗係叫咗黑豚串燒拼盤打個底先，全部都係來自日本嘅黑豚肉，各串都有特色。我最鍾意豚肉包蘆筍，食落口感更見清新，唔會太油膩。另一款包着香菜，面頭上嘅調味都做得非常足夠，入口獨特。至於最肥美嘅五花腩串，油脂滿溢，可以加上檸檬汁添！

📌 花貝日本料理📍 銅鑼灣 Causeway Bay🔍 環境環境幽靜宜人✨ 相當高級優雅🤍 有前檯同埋卡位🥰 係廚師發板～👨‍🍳 係我試過最高質嘅omakase!!😍仲有唔少日本式嘅包廂🤍 大家可以同朋友一齊book位💕 🔍 服務服務員態度好好👍🏻 -(👑爲推薦) Omakase $1699▫️先付（三點）▪️ お造り五品▫️ つまみ▪️海鮮土瓶湯▫️一品料理 （2種類）▪️握り寿司 10貫▫️湯▪️甘味-❥ ❥ 先付（三點）中間嘅係沖繩水雲,即係海髮菜✨食落爽口滑溜, 浸係日本醋食酸酸地幾開胃🥢最好食係炸粟米🌽 食落香口, 食得出粟米好香甜🤩❥ ❥ お造り五品分別有帶子、牡丹蝦、拖羅、鰈魚腩、螄魚!!帶子大粒新鮮🥰 鮮甜可口!! 最滿足係中間肥美嘅拖羅🤩 真係一流肥美飽滿,一試難忘💕❥ ❥ つまみ第一個係北海道毛蟹柚子啫喱呢個特別!!❤️ 蟹肉加酸酸甜甜嘅啫喱💛最特別係jelly!! 有少少酒味🥂連埋蟹肉一齊食好夾👍🏻第二個係鮑魚分左三件, 入口彈牙爽口🤓第三個係白梅貝食落清甜而帶嚼口✨口感甘香黏口😍食完仍在齒頰留香🥢❥ ❥ 海鮮土瓶湯土瓶湯就是把蛤蜊,鮮蝦,菇類等食材加入昆布高湯🥣放到特製的茶壺中

七月忙到hp負數, 好在都約到朋友仔食下好西, 🤩好味既食物真係有回血作用😆今次試下旺中帶靜係銅鑼灣開平道既日本料理😋💬前菜♔紫蘇葉腐皮卷 日式醬油精製過後酸酸甜甜, 十分開胃, 慢慢咀嚼就會滲出紫蘇葉既香味♔北海道生粟米清甜多汁, 唔會好多渣😊, 食完感覺好fresh! 💬 味噌湯非常足料 裡面仲有唔少海帶同蜆肉配埋香濃味噌湯 💬季節雜錦魚生♔鯖魚本身都喜歡食鯖魚, 鍾意佢重魚味~~🤩 不過鯖魚刺身真係第一次食, 入口皮脂油既甘香慢慢滲出, 好有驚喜!♔金木鯛新鮮爽滑, 魚鮮味濃郁💓幾鍾意!!!♔梭子魚燒過後既刺身, 除咗焦香仲有少少油脂香味, 用海帶包起食又另一個感覺💖正♔甜蝦甜蝦好大隻🥰入口好creamy, 鮮味係口內爆發~~~♔中拖羅非常厚身, 入口軟滑好rich, 油份非常甘香, 亦唔會太膩🥰♔右口魚肉質軟淋滑溜, 捲住幼幼既青蔥, 味道清雅加上青蔥既小清新✨♔赤貝平時食日本菜都鍾意赤貝, 赤貝鮮甜爽口,再加上檸檬汁, 更帶出鮮味回頭食: ⓨⓔⓢ💬海鮮天婦羅 另外仲試咗佢哋既天婦羅, 有超厚身帆立貝天婦羅包住紫菜炸提升味道層次🤤佢哋既炸蝦天婦羅大大隻好新鮮🤭仲有蟹腳天婦羅😚真

Cubus樓上嘅花貝🌸寬敞舒適～一睇個格局就知係食#廚師發板 啦～ | Omakesa $1488/位 ｜ 【先付】《 金箔蕃茄 》浸喺酸醋啫喱中，特別鮮爽～ 【時令魚】 《 鮟鱇魚肝 》口感滑嫩細滑、入口即化，配上以沙甸魚造嘅脆片，入口薄脆有口感～ 【一品料理】 估唔到食日本野都有《 雪耳桃膠 》而且唔係放到最後作甜品，味道清甜滋潤～ 【三品刺身】 《 劍魚腩、赤背、拖羅 》由淡至濃味嘅三款魚刺身都好新鮮～ 【酢物】 《 蟹肉炸蟹餅 》熱辣辣好香脆，入口啖啖混合忌廉芝士嘅蟹肉，好正～ 【手握8貫】 🍣深海池魚🍣蜜柑鯛🍣金線鯛 配牧之蘭麵豉醬🍣金目鯛🍣沙甸魚🍣北寄貝🍣火炙吞拿魚黑松露醬🍣海膽 - 以薄脆嘅鱈魚片作底，入口既香濃又有口感～壽司都用上我喜愛嘅赤醋飯～加上刺身鮮甜，基本上我無蘸醬汁。 【碗物】《 豆腐濃湯 》 豆腐加上洋蔥，湯味香甜～ 【甘味】 《 抹茶奶凍、蜜糖黑豆、靜岡蜜瓜 》 滿足～

餐廳環境相當高級，一進門便被這一個活像老松樹的佈置所吸引，加上木色的配搭，就好像去了日本一樣。先付(三點)。胡麻醬菠菜，口感冰涼清爽，胡麻醬跟面頭的木魚絲是一個很好的配搭。水雲又稱為海髮菜，喜於清澈的海洋與珊瑚礁之間生長，只生長在零污染的乾淨海域，和昆布同屬褐藻類，並含有豐富的的褐藻素。於高品質產地的水雲可以直接生食，肥厚口感佳，具有獨特的滑順口感與嚼勁，營養豐富且熱量低，富有礦物質及膳食纖維，加點日本醋當作冷盤品嘗，微微的酸味十分開胃。海草莖，海草莖是一種不常見的海藻，主要產自日本及韓國對開的海域。市面出售的羊棲菜一般都是短而粗的乾碎條，顏色接近黑色，富含膳食纖維和鈣、鐵、鎂等必需礦物質。廚師以紅蘿蔔、蒟蒻加上獅子狗入饌，調味是簡單的醬油和麻油，更能食出食材的原味道。刺身五品，按進食順序由右至右分別是象拔蚌、帆立貝、牡丹蝦、大拖羅及劍魚腩，由甜入鮮再進而肥美飽滿，令人回味。鮫鰈壽司，鮫鰈魚體扁平，跟比目魚一樣是在海底生活，肉質緊實爽脆，脂肪含量適度，口感細嫩鮮美。鰤魚腩壽司，鰤魚從稚魚至全成熟就有6至8種叫法，譬如長至40至60厘米會叫油甘魚，成長至80厘米或8斤以上則稱為鰤魚，肥美

見到有人分享呢間日本料理，一直都想試😆 終於有時間就即刻約埋朋友去食啦😚我哋每人都叫咗個lunch set💕前菜：紫蘇葉腐皮卷 +北海道生粟米鮮甜嘅腐皮包住紫蘇葉，一咬爆汁，慢慢淡出紫蘇葉的香氣💕北海道生粟米有淡淡的牛奶香清甜得嚟好爽口～好開胃刺身：真鯛深海池魚賣相好精緻，食落好鮮甜，肉質細緻爽口😋海鮮天婦羅🌟蠔：外表脆卜卜，入面嘅蠔好柔軟😚半生熟的程度，有種在口腔慢慢溶化嘅感覺👍 🌟飽魚：飽味濃郁，口感煙韌鮮嫩✨🌟帆立貝：包咗紫菜的帆立貝，鮮嫩帆立貝在紫菜的襯托下，特別鮮甜，外脆內軟💕🌟蟹腳：好鮮甜，滿滿的肉，口感順滑油彈性👍🏻🌟蝦：外層酥脆，內層鮮嫩✨仲有搭配檸檬🍋海鹽，有提鮮嘅作用✨同行朋友叫咗季節雜錦魚生～係Omakasa 🤩有鮮味鯖魚、清香赤貝、柔嫩金目鯛、灸燒棱子魚、甜蝦、厚切中拖羅及包住蔥嘅幼口魚～ 每種刺身都有特別嘅擺盤，真係好精緻，恍如一幅藝術品🤩茶碗蒸蒸蛋醬汁比較creamy，配埋蛋食特別滑配料有菇、白果及魚板等～麵豉湯入面有蜆肉，特別鮮甜😆 甜品：豆腐雪糕 🍦香濃雪糕+清香豆腐，令人覺得整餐真係好滿足😋

假期同朋友仔一齊食銅鑼灣「花貝」嘅Omakase, Lunch Omakase $888就有，一打開lift 門就見到日式小庭院🪨仲有榻榻米房間～店內環境舒適空間感十足，可以靜靜咁享受美食😋今次喺楊師傅負責我哋～🔸前菜3款有沖繩水雲、櫻花蝦海蜇、高糖蕃茄🍅水雲超開胃！高糖蕃茄本身含糖量夠多，不用添加處至已經好夠味👍🏻🔸刺身 5品有間八、中拖羅、牡丹蝦、北海道帶子、赤身。中拖羅魚脂感濃厚肥美入口即化🥹牡丹蝦大大隻，肉質鮮甜！赤身魚味濃郁～🍣壽司10貫伊佐木、深海深魚、鮫鰈魚、小肌、金目鯛、池魚、甜蝦、赤鯥、赤身、海膽魚籽伊佐木、鮫鰈魚+烤裙邊、金目鯛、季節性池魚都用火槍輕烤過，將魚油滲入壽司飯中，食落魚油感濃郁又帶有少少焦香感🔥深海深魚、小肌、赤身本身嘅魚味同鮮味都好香🥹 甜蝦加入用蝦殼自家熬製嘅豉油，蝦味超濃！赤鯥深海魚類夠哂肥，用紫蘇葉同紫菜包住解贖之餘仲有清新感🌱北海道海膽加上大大粒魚籽，表面再加上魚子醬，超鮮甜一啲都無腥味🤩作為最後一道壽司好奢華好滿足！🔸卷物一本赤鯥深海魚類夠哂肥，用紫蘇葉同紫菜包住解贖之餘仲有清新感🌱🍲湯品純雞肉製作而成嘅雞肉丸雞湯+薄切淮山片，湯品味道超清雞

☆ 花貝日本料理銅鑼灣開平道1號CUBUS 6樓✦ 雜錦刺身拼盤(上)好靚呀，燒左口魚、甜蝦、帶子、赤貝、Toro仲有好多，足足有成9款唔同嘅刺身，好新鮮鮮甜，而且仲放得好靚，睇見就開心(〃ω〃)✦ 鱈魚棒 + 燒沙甸魚苗王 + 味淋河豚魚王開胃前菜，3款都係我鍾意嘅野，如果飲埋酒仲正呀！✦ 胡麻醬燒黑豚肉沙律本身胡麻醬嘅沙律點整都咁好味，配埋黑豚肉真心正，而且佢份量仲要勁多，岩晒食肉獸。✦ 黑椒燒赤雞真心！皮脆肉嫩，連雞胸位置都一樣，完全唔”鞋”口，好好味！✦ 米牛壽喜燒呢個又係必食無得輸系列，本身個壽喜燒味道調得好好，牛肉嫩滑，點埋蛋汁更加好食，食埋呢樣真係大滿足。✦ 甜品楊枝甘露 焦糖布甸 生果餐廳環境好靚，有幾間獨立房，服務又好好，食飯慶祝又多一個選擇啦，下次試下佢嘅omakase先(*´꒳`*)

前幾日同朋友去CWB搵飯食，咁岩去呢頭又想食日本野，所以就試試呢間。胡麻醬燒黑豚肉沙律 – 喺熱辣辣嘅天氣食清新沙律真係享受，呢個沙律好足料，黑豚肉份量都好多，沙律菜脆口新鮮，小蕃茄酸酸甜甜好開胃。燒物三味分別係 – 鱈魚乾、燒沙甸魚笛干同埋味醂河豚魚干，噢！如果配埋冰凍啤酒真係人間享受。（上）雜錦刺身拼盤 – 總共有9款刺身，每款都新鮮，特別一提係赤貝同吞拿魚腩，肥美之餘味道香濃，唔錯唔錯。黑椒燒赤雞 – 看似平平無奇，但係真係好好食🤩🤩，4個字「皮脆肉嫩」。講緊雞胸位都做到嫩滑唔係湯渣質感，果然每樣野都不可以貌相。米牛壽喜燒 – 上枱時我同朋友都嘩一聲，好！足！料！喎！米牛都重牛味但無和牛咁膩，其餘配料都係壽喜燒嘅好朋友，吸曬湯底精華，食完好滿足好飽。飯後仲有甜品 – 焦糖燉蛋、楊枝甘露同水果，我覺得食嘅次序應該係楊枝甘露，然後焦糖燉蛋，咁樣就可以完美發揮到兩種甜品嘅味道喇😀呢一餐我同朋友都滿足，加上餐廳環境幾好，座位之間距離充足，都係聚會嘅好地方。❤️

上星期同朋友係離港講前道別， 揀咗呢一間位於銅鑼灣CUBUS嘅《 花貝日本料理》食Omakase 。一踏出𨋢門，就感受到呢度嘅高雅氣息。松樹加上原木，感覺自然亦高貴。 呢度嘅Omakase有幾款選擇。由$588起，任君選擇。今次就選擇咗最豐盛嘅板前Omakase $888， 嚟餞行友人。先來《前菜三小碟》胡麻醬菠菜，菠菜選用咗最幼嫩嘅部分， 加上咗日本麻醬及木魚絲，配搭雖簡單，但美味。日本醋水雲， 係沖繩嘅特產。海雲其實係一種海藻，加入醋來涼拌，帶有微酸，既健康亦開胃。醬油海草莖，伴隨獅子狗卷及蒟蒻，鹹鹹香香， 令人食慾大增。《刺身五品》師傅先了解食客喜好， 再挑選出幾款新鮮嘅刺身。白色的劍魚腩， 肉質較為實淨、而且爽身。 油份十足， 帶有魚油香。粉紅色嘅大拖羅， 入口即溶， 魚油融化在味蕾之中，回甘十足。牡丹蝦，味道鮮甜，一入口就感受到蝦肉彈牙。帆立貝， 同樣以鮮甜味取勝。象拔蚌， 肉質爽嫩，咬落有質感。 鮮甜得黎亦帶海水味， 夠曬新鮮。之後來一個小間場， 幾款漬物《牛蒡、紅蔥頭、生薑》《手握壽司十款》鮫鰈魚壽司， 肉質較為鬆軟，但係味道鮮甜。鰤魚壽司， 選用咗魚腩部位，油份充足，

呢間以木系和風裝飾，感覺舒適，設有格枱和多個日式和室，一班人嚟都好有私隱度🥰午市Omakase《板前》$888/位前菜三點係酸酸地好開胃嘅「水雲」、「櫻花海蜇」、清甜爽口嘅「蕃茄」刺身五品就有「間八」、「牡丹蝦」、「大拖羅」、「帶子」、「赤身」， 新鮮香甜， 最深刻就係粉潤色嘅大拖羅，魚油味濃郁，另外就係色澤鮮艷嘅赤身。壽司十貫：伊佐木➡️經炙燒再加左昆布豉油，魚香味突出深海池魚➡️肉厚肥美，入口甘香交蝶魚➡️上面放咗炙燒嘅交碟魚裙邊。魚油香爆發，魚肉甜美小肌➡️我最喜歡之一，雖然唔係好貴嘅魚，但魚味香濃，配壽司最夾金目鯛 ➡️ 炙燒後魚油香滿滿，上面加左柚子皮，份外清新池魚 ➡️肉質扎實爽口甜蝦 ➡️醬汁係用蝦殼製作，好花心思💕赤身➡️脂肪比較少，好有咬口赤綠 ➡️魚肉肥美，用紫蘇葉及紫菜包主食，可以一減油膩感，而且入口芳香海膽三文魚籽魚籽醬➡️ 呢道極為名貴✨，甘香鮮甜嘅海膽，加上晶凝通透嘅三文魚籽，最後放上華麗嘅魚籽醬～～每一啖都好滿足💓成餐最後以啖啖肉又香濃嘅雞肉丸湯🍲及精緻嘅甜品水果🍇作結好開心🥳 就係師傅👨🏻‍🍳全程都好友善又有耐性咁講解每道菜💓

今晚星期三，不是太多人客。點了2位最貴Omakase, 餐廳還送了1隻龍蝦刺身，但發覺食材大多沒有什麼鮮味，尤其師傅講係西澳龍蝦，真係嚇親，完全冇味！個鮑魚熟食更加了wasabi汁，真係好難食！食個和牛粒時，負責師傅更不知所踪，要另1個師傅走來介紹，真係差勁👎🏻 同師傅反映食材冇乜鮮味，佢就話唔好意思，剛換了供應商！最後個魚湯更有大量古月粉味！呢間供應Omakase日本餐廳真係一大伏店，慘不忍睹😵🤬

之前成日比人笑淨係識食平價壽司所以今次就比朋友帶咗嚟銅鑼灣Cubus食日本高級料理一打開𘋢門已經嘩咗聲因為成個日本庭園咁,感覺好高級🤣職員師傅都十分好客,用餐體驗好唔錯先上前菜三點:日本蕃茄仔,沖繩水雲,胡麻豆腐用上甜度較高嘅蕃茄仔🍅加上牛油果醬🥑水雲微酸,好清爽；胡麻豆腐豆香嫩滑之後係三點雜錦刺身($288)分別係火炙竹簽魚,深海池魚,真鯛真鯛仲砌到成朵花咁🌹3款魚都鮮味十足😋火炙三貫($208):右口魚邊,拖羅,和牛🐮脂香感十足活貝三貫($208):北海道帶子,赤貝,炙燒北寄貝帶子肉厚鮮甜🤤第一次食燒過嘅北寄貝,好香好特別之後就到土瓶湯($336)食材有魚肉,蝦,蜆,菇類,銀杏等等湯頭當然都十分鮮甜☺️仲可以吱啲青檸汁落去,即刻清爽哂個湯大大壺飲咗好耐先飲完🤣熱食方面有黃金燒大蝦($298)厚實蝦肉配上沙律醬同海膽好夾🤤另一款雜菌燒帶子($238)帶子大大粒下面個芡汁菇味香濃🍄雜錦魚生飯($376)個容器成隻飛碟咁好可愛🛸入面有好多款角切刺身,仲有豪華嘅海膽同金箔最後甜品環節,係赤肉蜜瓜🍈+抹茶奶凍抹茶奶凍茶味濃郁質地又滑溜😍赤肉蜜瓜香甜多汁間唔中食餐豪嘅好滿足🤣