海景軒

Open Now

Now Closed

I was here on a weekday for dim sum and opted a dim sum lunch set of $198/person (choose 8 out of 14 dishes). It was by far the best dim sum of my Hong Kong trip. I couldn’t fault any of the dim sum dishes and it was a pleasure to eat here. I strongly recommend this place and would definitely come back again to try their dinner menu.

好多朋友都會好好奇，點解我生日會選擇食中菜？係呀，其實我好鍾意食中菜，特別係京滬菜。不過今年生日，我決定去「海景軒」，一間我等咗好耐都未試到既中菜廳。海景軒位於尖沙咀海景嘉福酒店B2層，雖然已經唔再係米芝蓮一星餐廳，但依然非常受歡迎。餐廳以金色同酒紅色佈置為主，平日夜晚黎到出奇地熱鬧，都好滿座既。餐台上除咗擺咗豆瓣醬同辣椒豉油，仲有好野味既榨菜豆卜。由於訂位既時候已經落好餐單，所以食物都好快咁上台。第一碟位上既係招牌菜「冬坡扣釀肉」。唔係東坡肉，係「冬」坡肉；顧名思義就係用冬瓜代替傳統肥豬肉，做成東坡肉既樣。雖然冬瓜係夏天既食物，但呢個冬瓜菜式真係不得不試喔！然後有off menu菜式「酥香蛋皇肉」，以肥豬肉卷包住鹹蛋黃再脆炸，非常腍滑；「萬壽果牛肋肉」亦非常出色，肉厚肥美，用汁拌飯真係一流，值得推介呀！另外係手工招牌菜有「欖菜玉珠」，清淡得黎又不乏味道。「龍皇珊瑚煎米粉」，以蛋白，菜心頭，蕃茄粒，東星斑肉做成芡汁，淋上底部煎得香脆既米粉餅，非常好食。當然唔少得最期待既甜品啦！黃金脆鮮奶、泮塘山楂卷、蛋白杏仁露，都是店方著名之作。黃金脆鮮奶食落似牛油多士包住煉奶；山楂卷酸酸的；蛋白杏仁

如果要小弟揀一間中菜廳作為飯堂，海景軒絕對會是其中之一，其實這兒也真的曾是小弟的飯堂，幾年前是經常去的，不論飲茶及晚飯也是。說來慚愧，對上一次來已是半年前，很久沒有來找梁師父了。 選擇此時到來，當然就是為了梁師父的菇菌菜式。未踏入主菜的來臨，當然要吃上幾道師父的招牌頭盤，先以酸溜溜的家鄉醬瓜皮來清除暑氣；接著就有淡淡燻香的煙燻玉帶子，特別喜歡師父用上玫瑰花瓣來添香；還有清爽的牛肝菌拌蟲草花苗，絕對是梁師父的得意作，百吃不厭；最後就是腍滑的招牌叉燒皇，值得一試。 一向也十分欣賞梁師父的手藝，當上素松茸灌湯餃上菜時，聞其香已令大家讚嘆不已。湯色清澈見底，再以松茸提味，令人動心。細味之下，湯頭濃香鮮甜，菇菌芳香馥郁，菇菌餡料更以麻油調味過，齒頰留香。 菌香海皇球的賣相美侖美奐，以東星斑起肉與羊肚菌等材料做成魚肉球，再以斑片包著，最後注入菇菌醬汁，清新不膩而令人留下深刻印象。 大廚以簡單的做法將薑蔥煎封銀鱈魚的鮮味發揮極致，肉厚肥美的銀鱈魚煎得金黃，皮脆肉嫩，配以薑蔥豉油調味，非常好吃。 一品素香石榴球脹卜卜的，師父以腐皮包著津白、馬蹄、竹笙、冬菇及羊肚菌的餡料，做成

這夜我們又來到海景軒。除了回味一下經典美味菜式外，也趁機品嚐了數款梁師傅期間限定的菇菌新菜式。前菜先有「家鄉醬皮瓜」($78)。西瓜皮經醃製過，製成爽口涼菜，消暑開胃。「玫瑰花香燻帶子」($368)，帶子甜嫩香軟，入口帶微微煙燻香。這道菜曾經一度成為off menu菜式，要特別預定。現在又從新出現在menu上，身邊朋友不知多開心。適逢菇菌當造，我們選來數款時令菇菌菜式，當中我最喜歡的，就是賣相與味道都同樣誘人的「菌香海皇球」($268/位)。東星斑起肉再加入羊肚菌等菇菌製成一顆大'魚丸'。魚肉加上幽幽菇香，啖啖都是滋味鮮香。海皇球底部墊了爽口脆長豆，讓整體食感層次更豐富。「上素松茸灌湯餃」，松茸的幽香來得濃郁而自然。「牛肝菌拌蟲草花苗」($288)，清香的當造牛肝菌配搭蟲草花苗，清爽開胃，作為夏日涼拌，真不錯呢。「一品素香石榴球」，腐皮包著甘筍粒、馬蹄粒、冬菇粒等素菜，味道清而不寡，健康又好吃。另外我們也分享了海景軒的「招牌叉燒皇」，肥瘦適中，肉質爽甜美味。而「薑蔥煎封銀鱈魚」($388)，濃郁醬汁與肥美香甜的銀鱈魚很夾，魚柳外層微微煎香，惹味得很。「蹄香肉餅盅仔飯」，看似簡簡單單的馬

天氣熱到一個點，想出街食嘢嘅意欲唔係冇，但最好坐得舒服又好味啦。今日同老婆去「食好西」，我地去左海景軒嘆下一盅兩件。金銀帶子腸粉（$62）用帶子做餡，加埋南瓜同翠玉瓜做金銀夥伴，腸粉餡多皮薄，唔錯喔。海景蝦餃皇（$57）蝦餃屬於大大粒，蝦料多果種。蝦肉都算爽口彈牙，餃皮呈半透明狀態，有3粒，當然要比老婆大人食多粒啦。韭黃黑豚鮮蝦春卷（$57）金黃色嘅外皮，脆卜卜；餡料用上黑豚同鮮蝦，比起一般只用鮮蝦有創意，食味上亦多個層次。蜜汁叉燒包（$48）總覺得最平凡嘅點心最考功夫。叉燒香味十足，包皮蒸得軟熟，稍稍烈開露出叉燒餡料，兩三啖已經食完了。如果要揀一處好地方飲茶，呢度符合左我幾個要求：服務、環境同最重要嘅食物質素。絕對會再來嘅店。

悉心安排兩圍共十八人菜式。由於人多，又有充足時間，可以品嚐多款signature dish. 現介紹四款: 1)水晶牛肋肉 (是李釀牛腩。李軟硬適中，清甜撞上牛腩的濃味是一絕); 2)冬坡扣釀肉 (因有人不吃牛肉，故安排這道菜頂替水晶牛肋肉。圖見冬瓜代替傳統肥豬肉，清新健康。亦有金華火腿搶味和扣豬肉碎，很有心思。) 3)欖菜肉珠 (是冬瓜丸釀欖菜，心思技術盡現); 4)山楂卷 (必食醒胃甜品。賣相也精美。)相信大部菜色要預訂兩天。

又到休閒嘅星期日，同屋企人夜晚去食海景嘉福酒店嘅中菜😋呢度嘅中菜好多都有攞過獎，素菜肉類海鮮不等，北京填鴨亦都係呢間餐廳值得一試嘅菜（填鴨至少要一日前book，可以係book枱時訂埋）是晚book左7點鐘食飯，不過我地6:30就到左，服務員亦安排我地入座（餐廳夜晚6:30開門的）餐廳位置都幾闊落，就算坐近走廊位都唔會好逼/好近隔離枱。因為下午茶食左嘢，所以夜晚我地3個人只叫3個餸同甜品，包括：蕃薯芝麻球味道唔會好甜，肉食者都會鍾意！呢道菜係蔬菜餐牌上廚師推介嘅～咕嚕菠蘿豚肉，甜酸而不膩，炸左嘅豚肉啲粉漿唔會好厚，綠椒同菠蘿切嘅size都差唔多，賣相👍🏻南乳燒雞～🐔雞皮燒得超薄，脆脆地好好食😋唔點南乳醬都OK因為個雞醃得都幾入味。甜品叫左牛奶布丁同杏仁露（無影相😆）。杏仁露一路都保持水準👍🏻，牛奶布丁 🍮上有薑汁，估唔到薑汁同牛奶咁夾，味道有啲似薑撞奶咁但薑味較清新。服務質素👍🏻，服務員見我地就黎無茶會主動同我地加茶，見到碗碟污糟就同我地換啲新嘅碟同碗。服務員有分負責攞菜同負責serve，佢地都好有默契同跌序，唔會爭住黎，可以係呢度讚吓佢地嘅餐廳培訓做得好👍🏻下次人多黎會叫北京填鴨食！太

我為左帶老婆食好嘢，事前都做足準備架，訂好位亦訂好菜式。前菜-茶香燻素鵝（$88）茶香味濃的素鵝，的的式式。龍皇白玉卷（$268一件）*須預訂賣相一流，口感亦豐富，由三層組成，最上面果層係斑片夾金華火腿，中間果層係蝦膠釀冬菇，底層就係綠色嘅，原來係菠菜茸加蛋白。我最鍾意個汁，就係蟹皇蛋黃汁，成個配搭都好有特色！鴛鴦糯米飯（$188一件）*須預訂上面係芋頭紫米糯米飯，好有酒香；下面係香煎糯米飯，外脆內軟，好精緻！甜品-泮糖山楂卷（$42三件）山楂卷酸酸甜甜，可以消消滯。蛋白杏仁露（$48一位）即場製作嘅一味甜品，睇住侍應打蛋白，再加落杏仁露度，杏仁味好香，蛋白亦足料。呢餐晚飯老婆好滿意，我都係，當中我最鍾意就係鴛鴦糯米飯同埋蛋白杏仁露。

臨近母親節，今晚豪豪地去左海景軒食個精緻的晚餐。就寫下我心水推介吧。花雕蛋白蒸鮮蟹拑（$228/件）充滿酒香嘅一道蒸蟹鉗，蛋白索滿左蟹嘅鮮味，蟹鉗都幾大隻，啖啖肉又夠鮮，如果有碗白飯就可以夠我一餐喇，哈哈。欖菜玉珠（要預訂）（$248）未食已經贏咗個賣相，冬瓜同欖菜雕琢成一個藝術品一樣，而欖菜爽脆嘅口感同冬瓜加埋一齊幾特別，份量都幾多，兩個人食都食唔晒。海景軒嘅服務一流，而且檯與檯之間都有一定嘅距離，雖然今晚臨近母親節幾近滿座，但侍應都幾多，經常幫我地換碟同斟茶，服務無可挑剔。推薦第一次光顧嘅食客，可以試下上面呢兩樣食品。

介紹給朋友的米芝蓮中菜。菜式是以手工菜巧煮一些普通的食材。龍皇白玉卷：彈牙班塊加蝦餅和蛋菜，連汁都好味水晶牛肋肉 三式豆腐 - 好靚巧手菜 - 冬瓜球包欖菜如果再加D馬蹄會更好味和爽脆最後加個蛋白杏仁茶，細滑不太甜

第一次來晚飯為了慶祝長輩生日，電話訂位時員工很有禮，亦非常樂意解答我的問題。餐廳環境舒適整潔，我們一共點了五道菜，每道菜的份量適中，當中最為推介蜜梅燒骨、香醋豚肉卷和煎米粉，食物新鮮，味道非常好，賣相亦見很用心精美。飯後我們追加了蛋白杏仁露，員工在顧客前現場製作，很香滑。另外，員工懂得在適當的時候端上電話預訂的壽包，令長輩很驚喜！員工的細心值得一讚！而壽包內的蓮蓉不會太甜，很適合長輩的口味！最重要是員工的服務態度十分殷勤有禮！長輩都讚好！

城中芸芸中菜廳中，最愛就是海景軒了，時不時也會與家人到來，這兒的菜式不會獨沽一味，大廚梁師父用心不斷研發新菜式，雖然說是新菜式，但絕對不會離地，憑著他多年的功力，每次都做出令食客相當滿意的菜式，所以未到今日之前，非常期待，然而今次到來，也可品嚐新的豬肉菜式。 首先以幾道前菜打頭陣，一道蜜汁叉燒徐徐送上，錯錯錯，不是叉燒，應該是【桂花明爐五花腩】才對。師父以桂花糖等的醃料去烹調，吃來沒有一貫叉燒的油膩，變得更為清爽，而且用上的也不是梅頭位置，以肥瘦相間的五花腩代替，令質感軟滑得來有嚼感。 如果上道是爽口，那麼這道【家鄉醬瓜皮】就是爽脆，咬下去脆卜卜的，味道酸酸甜甜，十分開胃來，正好清新一下口腔。接著的【肉醬小竹筍】既有爽滑，又有爽脆，兩者兼得，肉醬的香味正好滲進竹筍內，實在美味。 萬眾期待的【四寶元肚湯】終於送來，還記得以前經常都來點上這個，可是近來卻迷上了師父的鳳凰魚雲羹。這個湯製作不單繁複，而且也很考功力，要將一隻釀滿了糯米、蓮子及紅棗等材料的烏雞放入豬肚，再以鯊魚骨湯底去燉煮數小時，湯底中的胡椒香氣融入糯米中，另一方面又令湯底有著鮮香，真是百喝不厭的好喝，珍品是也。 接著

位於尖東海軍嘉福酒店內的海景軒向來是城中其中一家我很喜歡的中菜廳。這晚再訪，大家先來2款前菜。「肉醬小竹筍」($198) 和「家鄉醬瓜皮」($78) 。真沒想到平日吃完西瓜肉後隨手被拋棄的西瓜皮也能做出如此可口的「家鄉醬瓜皮」。味道酸酸甜甜，開胃清爽。接著是由朋友預定好的「四寶元肚湯」($1280，約10位份量)。豬肚包著釀滿了糯米、紅棗、雲南火腿和蓮子的烏雞，湯料相當豐富。奶白色的湯頭濃郁鮮甜，真滋味呢～這晚大家一口氣點了多款豬肉菜式，皆因「海景軒」正推出以美國自然有機豬肉炮製的特別菜單。「桂花明爐五花腩」($228)，賣相看來像叉燒，不過少份甜、多份桂花清香，五花腩肉質爽而不肥膩。「紫蘇生煎肉排」($238)，紫蘇香撲鼻，對愛紫蘇葉香的我來說特別吸引。而「紫薯肉荷包」($138/件)賣相色彩豐富，肉丸juicy肉香豐富，好看又好吃。說到這夜我最喜歡的一道菜，就是「香醋豚肉卷」($198)。豚肉卷外層炸得酥脆，而中間豚肉片卷著的是爽口沙葛，蘸些酸甜香濃香醋汁，真美味呢！甜品前還有位上的「海皇蟹蓋焗飯」($94/位)，賣相有心思。海鮮粒味道鮮美，用料足。底部的飯還要帶點香脆飯焦，絕對有

超級好朋友的老公生日超級好朋友的老公也是我的好朋友所以我都超級努力咁樣揀餐廳睇食評呢間幾好之前擺酒都考慮過呢一間因為米之蓮級數中餐廳選擇唔多我預約嘅時候已經問咗有冇野要預訂先可以食職員話冇點知我去到冇片皮鴨呢度其中一樣最有名嘅就係片皮鴨所以都幾失望而且我哋兩對夫婦都比較腌尖所以食飯都會有要求難得食生日飯，希望盡善盡美今餐啲晚飯presentation確係唔錯影相一流不過味道唔屬於米之蓮級數好似有點名過於實3700 for 4 person

好友邀請的慶生飯局 通常我們這些年齡很少選擇中菜慶生 不過可能剛從北歐回來 真的很想吃中菜來到餐廳 好友已點好了菜1.蝦多士♥️♥️♥️♥️♥️♥️♥️♥️奇脆可口, 值得2.椰香焗釀蟹蓋♥️♥️♥️♥️♥️♥️本人很愛吃蟹蓋 但不太喜歡太重椰香所以我比較喜歡洲際欣圖軒的蟹蓋3. 水晶牛肋肉♥️♥️♥️♥️♥️♥️♥️♥️賣相一流 牛肋肉用了梨來煮 份外軟棉棉 減低滯膩感覺4. 青翠白玉蔬♥️♥️♥️♥️♥️♥️♥️5. 蜜梅香骨♥️♥️♥️♥️♥️♥️♥️6. 壽包♥️♥️♥️♥️♥️♥️Cheers Happy Birthday Dear 完滿的晚上叫了一支紅酒但忘記了名稱