有口福 (Moved) New Location

黎食烤魚唔想食辣叫左個醬香，不過好咸有大荳芽同埋百頁(豆皮)墊條魚屍底另外叫左個白菜餃($48)同埋豬蝴蝶腩($88)個白菜餃一上黎就嘩左一聲「X，灣仔碼頭黎既」收我$48畀8粒灣仔碼頭我，如果係自己包果都無咁嬲個蝴蝶腩係幾抵食，夾極都仲有不過就太冧好似煲左好耐咁，似食煲湯啲肉總括黎講，太味精太咸，收新鮮料錢但係畀啲行貨你呢下唔太滿意應該都無下次了。

落九龍城買狗仔野，行吓行吓唔覺又成個幾兩個鐘，黎得九龍城梗係要食埋飯先走啦，同男人諗左好耐到底食泰國菜好定係食打邊爐好，點知行行吓俾我哋見到呢一間，完全未試過，反正行到門口就試吓啦餐廳裝修簡潔明亮，雖然係老式裝修，但幸好枱子與椅子10分大張，坐得10分舒服餐牌選擇甚多，除咗一貫嘅雞煲打邊爐之外，呢度仲有烤魚打邊爐，仲有唔少川菜小食添，飲啤酒確實係一流。可惜身旁男人唔食辣唔飲酒，唯有就一就佢，叫返一個胡椒豬肚雞打個邊爐暖一暖身見到牆上面有唔少小菜係餐牌上面冇嘅，仲有好多雜誌報道添等左10分鐘到，我哋個胡椒豬肚雞終於來啦，超重胡椒味，一打開蓋胡椒味已經漂晒出嚟！豬肚爽口，雞肉嫩滑，湯頭甜美，仲要係用最勁嘅瓦煲滾住咁出嚟，好食呢度嘅火鍋配料比較特別，好多唔同豬嘅部位。我叫左呢個豬蝴蝶腩， 食落有啲似牛腩嘅感覺仲有男人最愛嘅豬肺，呢度嘅豬肺洗得好乾淨，冇怪味，一放落去索晒個胡椒豬肚雞嘅湯味，10分好食， 男人勁捧場，我淨係返到兩舊，其他佢食晒其他火鍋配料亦都好新鮮乾淨總括嚟講呢間餐廳都唔錯，雖然冇華麗嘅裝修，但係小店經營嘅餐廳往往會更加容易發現到佢地對食物嘅用心之處，下次要再嚟試吓個烤魚先

呢度有好多選擇，可以叫小抄or 雞煲。我地叫左麻辣雞煲，有大中小辣同吾辣揀，如果吾食得辣又想嘗試的話，可以叫小小小辣，個Staff就會明白，咁就吾驚辣到食吾到，但又可以試到麻辣，不過我個Fd食得辣，所以就可以另外加碗麻辣醬，自己調教辣既程度，真係個好貼心既服務。同埋D雞煲好好食，味道濃郁，十分惹味，D雞肉夠滑，中意食雞煲既朋友一定滿意。頂級手切肥牛，呢個超推，肥牛好新鮮，而且份量夠多，肉汁鮮甜，同雞煲既味道好夾，中認食肥牛既人一定會樂而忘返。生抄菜心，入面仲加左豬腩肉去抄，特別香，而且D菜抄得岩岩好，吾會太老或太生，想健康D就食抄菜啦。另外，我地都叫左兩罐可樂，用嚟配雞煲，超過癮！

又係屋企附近開飯既時候啦~~ 講真係九龍城住食泰國野都食到悶悶地, 但無辣不歡既我, 呢間四川菜又係一個唔錯既選擇, 街坊餐廳簡簡單單裝修, 坐位主要以卡位同小圓枱佈局, 價錢大眾化, 亦都係一個唔錯既開飯落腳既好地方~~食物選擇都唔少, 但每次黎基本上一定點條烤魚先, 今次都試埋另一個招牌菜胡椒豬肚雞啦! 不過始終係二人前都試唔到太多, 唯有下次多d人一齊黎再叫埋其他啦~~ 尖椒皮蛋          HK$43最喜歡食呢隻金黃色既皮蛋, 真係唔係度度都食到, 流心既蛋芯真係好正, 係會食到上癮既飯前小食~~胡椒豬肚雞 (半隻)     HK$198胡椒豬肚雞連埋個爐上甘就幾時都飲到熱辣辣既湯啦!! 好貼心呀!! 而上枱時見到原來半隻雞都幾大煲下, 份量大足仲好真材實料呀!! d雞件都幾滑又幾嫩, 而豬肚又好爽口, 而湯方面係帶少少藥材味, 有杞子同黨參等, 仲帶濃濃既胡椒味, 個湯仲越滾越濃, 真係非常醒胃呀~~諸葛烤活魚 (半條)        HK$178我地都係非常喜歡食魚既人, 呢條鯇魚既肉好滑, 又唔算多骨, 今次叫左小辣, 呢個辣度啱啱好, 唔會遮蓋晒魚既鮮味之餘又辣辣

約左朋友係九龍城食飯，以為佢想食泰菜啦，點知佢話帶我去打邊爐🤔，平時兩個人通常都係食任食既多，但因為朋友話呢間食過好正要翻啅，所以就跟佢黎左呢間「有口褔」！雖然逐碟叫兩個人試唔多款，但食完呢間真係返唔到轉頭，唔會再想食任食果d!座位寬敞，重有電視睇有邊爐亦都有小菜，配料選擇亦好多，前後有兩頁胡椒豬肚雞煲，半隻雞$198呢個雞煲真係不得了，真心覺得「好正」，胡椒味夠、好香藥材味、好足料（杞子、紅棗、豬肚、黨蔘等等）、好惹味個湯真係堅好飲！就算食到一半再加湯，個湯依家好有味唔會變淡。隻雞好滑，就算係雞胸，食落都唔鞋，好入味油麥菜$30好新鮮，份量都好多鮮蝦雲吞$50一分錢一分貨，食完會覺得值呢個價一粒內面充滿蝦肉，重點係夠爽脆，好耐未食過咁好味既雲吞手打三寶丸$88一路食我一路對呢道既嘢都讚不絕口，雖然唔係點左好多款，但真係每款都好新鮮，好耐無食過咁高質手打丸，每粒都好爽彈鮮味，粒蝦丸真係痴住兩隻蝦係度😍特級肥牛$108肥瘦適中，入口牛味濃郁雞煲、邊爐我一年真係食唔少，但真心覺得呢間比起出名果幾間更新鮮好食！朋友上次試過雞煲話都好正，聞到隔離枱果煲都好香🙊必定要回頭再試！

有口福嘅川菜 有鑊氣 又大碟 又抵食水煮魚是經典嘅四川麻辣菜 精髓在於魚肉嘅細嫩 配上又香又辣嘅湯底 惹味非常餐廳選用咗生魚 作為水煮魚嘅主食材 皆因魚肉結實 魚皮爽口彈牙 唔容易一夾就散底部仲放滿咗各種濃味嘅香菜 及吸味嘅粉絲 越食越辣 越食越過癮另外見到廚師推介 燒蟶子$58隻 特大聖子皇 配合蒜蓉辣椒一齊燒 非常惹味 值得稱讚 燒嘅時間拿捏得非常好 依然保持到海鮮嘅水分及鮮甜度超級肥美 完全冇沙 肉質仲好鮮甜用咗美極炒呢個豆 一上枱已經好香 炒得好有鑊氣 老實講我平時唔食呢種豆 好怕佢入面滑劣劣嘅感覺 但係餐廳用咗呢種方法嚟煮 我竟然可以食哂 原來餐廳用咗個小秘訣 係油泡過清炒萵筍絲 爽脆清甜 火喉掌握得非常好 唔會炒得過火 而冇咗爽脆嘅口感嘆番支天地一號蘋果醋 酸酸味味 夠曬開胃下次有機會會嚟試埋佢嘅雞煲 烤魚 同埋其他川菜小食

經過九龍城 成日都見到呢間有口福 但一直未有機會嘗試 今日終於約到三五知己 齊齊食雞煲有口福除咗有雞煲 烤魚 仲有小菜㗎不過我哋今次嚟係有目的嘅 就係要一嘗佢嘅香辣雞煲餐廳職員建議 我哋可以揀 豬喉骨 蝴蝶腩 豬肺等食材 配合雞煲一起烹調 爆炒 會更好味 於是我哋揀咗豬喉骨一睇呢煲嘢 就知佢重口味 又香又辣 這裏是半隻雞的分量 選了小辣雞件肉厚小骨 雞皮彈牙 脂肪少 肉質細嫩肥大的雞腳 超惹味咁大個女都未食過豬喉骨 有幾好食喎 爽脆嘅口感 我猜大概是豬喉嚨的位置吧吃過美味嘅雞煲後 便叫職員加湯打邊爐墨魚滑值得一吃口感超彈牙 有墨魚嘅鮮 無腥味仲有即叫即炸響鈴 超脆超新鮮給曬湯底嘅精華 超入味 完全入口無油膩嘅感覺

嗰日約咗啲舊同事出嚟食飯，約咗喺九龍城嗰邊等，之後去搵嘢食。之後發現有間鋪頭有得食雞煲同烤魚，我咁耐都未食過烤魚所以咪決定入去試吓囉。入到去發現已經有好多人，環境都算唔錯。首先叫咗支蘋果醋，酸酸地仲好開胃添。之後我哋揀咗個諸葛烤活魚。仲發現有其他小菜，樣樣都好吸引。烤活魚有幾種選擇，我哋揀咗半條鯇魚，上枱嗰陣已經聞到好香，我哋等啲汁慢慢滲肉魚肉同配料到先開始食。條魚肉質非常鮮嫩，啖啖肉，大量芽菜同，鮮腐皮吸收咗啲醬汁精華後好入味，食到停唔到口。店員介紹左個豬脆喉骨，要煮一段時間先入味，所以我哋就食住其他野先。啲萵芛片非常翠綠，口感非常爽鮮甜而且冇渣，感覺好清新。安格斯肥牛粒，好有肉味而且入口即溶。最後到返豬脆喉骨，真係好入味好爽脆，一定要留到最後先食。因為我哋兩個食，食唔到咁多野，所以決定下次再來試下其他小菜。

夜晚9點黎到唔洗等位，叫左半隻雞香辣再加啲小菜雞肉一上就食得唔洗等，肉質幾嫩滑，而且少見地入面有青瓜，即刻夾起好脆又入味墨魚滑食落好彈牙，食得出有墨魚粒而且好香。午餐肉厚切，冇臭豬味亦不過鹹。佢個煲夠多汁所以唔洗加湯都已經可以落白蘿蔔，索曬啲汁非常惹味辣炒土豆絲好有wok氣，同平時食既酸辣土豆絲唔一樣，個人建議呢個用黎送飯會幾夾最後值得一讚既係通風做得好，冷氣亦夠，食完唔會成身味/汗。仲有份量好足，一份生菜有成3棵

約咗幾個朋友去九龍城食晚飯，當然就選擇雞煲火鍋！又可以坐得耐，又多選擇🤤🤤經過見到呢間有口福，就行咗入去坐低左啦😁裏面都幾闊落，有四五張大枱，有卡位坐！^_^嘢食方面真係好多選擇呀👍我哋幾個都唔算好大食😂😂餐廳仲有串燒食，我哋不約而同都想食聖子，於是就嗌四隻真係要讚一讚啦，燒得又靚，加埋蒜蓉非常惹味👏🏻👏🏻食得出聖子好新鮮大隻！重點雞煲嚟啦，第一次食雞煲會加入青瓜，感覺好新鮮而且青瓜煮得好入味👏🏻👏🏻😁雞都夠滑，份量又多，我哋四個人大約嗌左半隻都食唔晒👏🏻👏🏻每樣配菜好足料👍👏🏻響鈴仲要係新鮮炸，浸一浸湯再食真係冇得頂☺️肥牛都靚仔😈

又係雞煲邊爐！唔小心兩個禮拜一都食左！事關上次車車話食芝士唔夠喉想食個辣既，所以今次就黎左咦間係九龍城既有口福食麻辣雞煲因為留左位所以唔洗等直接有位！因為撈勻女神係連十小辣都食唔到既，所以每次食雞煲都會遇到同一個問題：有冇得好似打邊爐咁鴛鴦湯底，左面大辣右面走辣？咁個答案當然係唔得啦見到隔離檯好大班人，八至十個咁、真係好羨慕啦！因為可以叫三四個煲，咁就可以食勻晒大中小唔辣四個口味！唔洗次次都要想食大辣既車車食小辣！餐廳建議先食雞，魚；後加湯打邊爐。所以我地都好乖咁叫左個麻辣雞煲小辣走茜先。除左雞煲邊爐之外，仲可以叫炒菜、大排檔野，好似椒鹽九肚魚、脆椒雞軟骨咁。Menu邊爐料叫左一客特級肥牛同一客牛柏葉。照舊一黎就啤啤佢先！好快就上左d邊爐料啦！睇落都算大份。等左兩個字到，雞煲都到啦！聞落花椒味唔算好重，面到都唔會成層辣油。所以應該唔會好辣，撈勻女神應該都食到。同平時食到既雞煲有少少唔同，因為佢加左青瓜。所以會隱約聞到青瓜個陣菜瓜味。雖然揀飲擇食既車車好怕青瓜陣味，不過仲接受到。所以唔食既人都唔洗太擔心。因為係小辣既關係，所以真係好易入口。撈勻女神話辣不過仲食到，大家可以當係！十小辣啦！

來到九龍城不一定要吃泰國菜才算風味，香港人特別意外火鍋，喜歡一邊食飯一邊聊聊天，豪說心中事朋友挑選了這家餐廳，因為喜歡他室內有冷氣餐廳裏亦設有多個卡位，中間亦有幾張元枱，方便一大班朋友過來食飯這裏除了有麻辣雞煲之外還有還有胡椒豬肚雞煲、烤魚。多款肉類蔬菜和酒水每日新鮮海鮮， 聖子大大隻，而且非常鮮甜戲肉想到了用砂煲上更加原汁原味，因為會鎖住肉汁，不會蒸發。而且這是滾住上的，可以馬上食雞肉大小適中，煮得很入味，不會很多骨，雞肉亦很嫩滑烏絲襯雞煲未加湯之前先放在煲裏煮很入味資深院一邊先剪過，更有嚼勁午餐肉經過一番煲煮後，入口即溶響鈴新鮮炸出來，非常鬆化看看花紋和顏色就知道特級肥牛有多新鮮，煮幾秒馬上食，入口後直入喉嚨，很嫩滑魚皮份量多，口感酥脆，單吃也很不錯生菜很新鮮爽脆，每棵都是翠綠的邊食飯邊行看餐廳內其他poster ,下次一定要來食水煮魚

平時，對我來講，沒港鐵可去到的地方，我是好少去找食的，何況我住在港島區，到九龍城，都是很不方便，車程遠及花上時間，我是怕怕的。朋友多次同我講，這裡的麻辣菜色，很不錯，一定要去食一次，但對我交通不方便，真是有點難道。幸好，朋友有車，願意做柴可夫司機，接我來回，真好。麻辣菜色，多款美味，百吃不厭，越食越愛上。諸葛活烤魚，味濃湯稠，魚外皮香脆，肉質鮮嫩，加上大量配菜，都吸入了味濃的湯底，香辣中有點麻辣，獨特的香味，辣而不燥，回味無窮，口是停不了。美極炒秋葵，平時我是不食秋葵，是怕了它內的液汁，黏黏的，口感不太接受，但今次就改觀了，那美極的味道，已好香，秋葵炒得口感清脆又鮮甜。炸鯪魚球，鯪魚球炸得大大粒，炸得酥脆，魚肉鮮味，點上蜆介，美味。生炒骨，是我的至愛，肉排炸得薄脆，外脆內軟，肉汁鮮甜，配菜分量都好多，菠蘿好甜味，醬汁剛好掛在每件肉排上，酸甜美適中，口感味道一流。

有口福這天我和朋友在九龍城逛街，到了晚飯的時間，我們經過這間雞煲火鍋店，看見食物的選擇足夠多，店內環境寬敞和清潔衛生，店內的座位是座滿了人客,證明食物的質素都有一定的保證，所以我們便決定入去試一試烤鉗魚一條($288)鉗魚非常大條新鮮香稔軟嫩,绝小幼骨,所以老人小孩都適合食，大量彈牙的豆芽配菜安格斯肥牛粒($108)吃完魚再食肥牛粒，湯底更加入味，肥牛粒質素十分高,非常軟彈煙韌,再用大量细碎的生菜絲鋪底,之後當然要飲涼茶下下火整體來說，食物的選擇足夠多，食物的質素非常高，價錢相對合理，店員有良好的服務態度和勤力，所以我認為這間餐廳值得再去惠顧

九龍城除咗出名食泰國嘢之外，原來仲有一間食小菜、烤魚同打邊爐都同樣咁好食，就係九龍城嘅(有口福)！雖然位置比較偏，但都容易找到嘅！餐廳環境寬敞，清潔衛生，服務態度不錯!好好人㗎！呢間餐廳有小菜、酸辣烤魚、胡椒豬肚雞煲，經典火鍋等，各式各樣俾食客選擇！款式多多，最啱一大班人嚟歡聚。我哋先嚟試咗一個小菜「秋葵」，份量一般，味道口感爽脆，都有好多食客品嚐這道小菜，有益又健康，仲易入口！而「胡椒豬肚雞煲」價錢唔算太貴，材料味道十足，用料新鮮，味道香濃，雞肉非常嫩滑，用嚟伴飯最好不過。「紅燒雞軟骨」入口帶點微辣，啲雞軟骨爽脆易入口，而且又夠大碟，好抵食！「烤魚」原隻大大條，調味合宜，夠晒新鮮！「頂級肥牛」新鮮薄切，呈鮮紅，大大碟！份量夠兩至三人享用