樂天客棧 (Closed)

繼樂天皇朝後，八色小籠包令我留下深刻印象，當我得知樂天集團旗下有另一間分支「樂天客棧」，已經喚醒我愛好試新事物的本性。於是，我跟媽媽約好到來光顧，發掘華人的「南洋家鄉」風味。樂天客棧將中國家鄉菜與南洋風味融為一體，因為早於數世紀前，中國人飄洋過海到南洋地區，如馬來西亞、新加坡、印尼等地經商，在「華南雜處」的情況下，促使了居南洋風味的中國菜誕生。樂天客棧的格局跟樂天皇朝十分相似，枱與枱之間的空間感寬闊，壁櫥上的黃燈打亮在瓷器擺設上，格調高雅而且富中國色彩。桌上的金色茶壺盛著芳香的茶，我們一邊喝著一邊看餐牌。每日靚湯一人參雞湯味道很香醇，看到表面的黃油已經垂涎三尺，湯料十分豐足，有滿滿的雞絲和人參塊，喝下去有淡淡藥材味，而且雞味濃郁，非常滋味。如果能放入雞腳，整體感覺更佳。手工蝦棗是必點推介，蝦棗跟一般吃到的不同，蝦肉攪碎並拌勻在芋頭蓉內，令餡料更豐盛、味道更突出。雖然蝦肉已經攪碎了，但仍然品嚐到它的鮮香，外皮炸至金黃酥脆，點配附上的蜜糖，甜美可口，實在老少皆宜。咖啡脆雞體現了新式Fusion菜的功力，咖啡脆雞的外層被厚厚的咖啡醬和蜜糖包裹著，入口時蜜糖味先佔據味蕾，內裡的肉質仍然鮮嫰、濕

梳化位，如能清潔一下會較好；因選用之布料較易顯現污漬，所以感覺上不太良好。幸好美食搭夠，特別是冰鎮苦瓜之汁醬，能突顯其苦瓜之苦甘味（不能點得太多哦…）。而招牌扣肉包更是首選。

今日帶兩個姪仔去奧海城玩全球第一個嘅Running M&Ms，玩之前係商場搵嘢食，見到樂天客棧下午茶時段，炒麵飯有五折優惠，好吸引，係門口望吓餐牌，都啱晒兩個姪仔食，就係依度開餐，食咩就由兩個姪仔話事。最先離蒜香紅海蜇頭，係哥哥點嘅，點知食咗一啖，哥哥話好辣食唔到，禁唯有我地大人食啦，海蜇好爽，吸咗d蒜味濃嘅辣汁，我覺得好好食，不過如果細佬食又真係辣咗少少。招牌扣肉包，扣肉好入味，望落好似好肥噤，但食落又唔覺，好鬼惹味。樂天營三彩，細佬點嘅，點知細佬只係食又甜又爽嘅南瓜，其他無食，不過我就最鍾意蕃石榴，又香又有口感，蕃茄都好食，酸酸味味，好多汁。阿婆蕃茄炒蛋，哥哥話好想食，蕃茄酸酸甜甜，好開胃，雞蛋又香又滑，顏色又靚，送飯一流，叫咗個白飯比佢地，一陣就食清光。再叫多咗個家鄉海鮮炒麵線，麵線炒得好乾身，又唔會好油，材料有蝦，有魚，仲有魷魚，加埋d蔬菜，都幾好食，同埋下午茶有折，只係$44真係好抵食，唔好以為下午茶會比少d你，其實個份量一d都唔細，講真茶餐廳用依個價錢都未必食到啦，所以絕對超值。唔知兩個姪仔係未心急去玩，佢地好快將d嘢食清光，仲叫我快d埋單，真係比佢地激襯。

下雨天來到大角咀，只好放棄埃華街一帶的小店，待在奧海城。似乎人人都有些想法。12時半，店面頗大的樂天客棧門外已有不少等位的人。不設搭枱，兩個人都有四人枱，夠寬敞，空間感強。中式設計，卻比一般酒樓簡潔、舒適。菜式看似跟一般中菜差不多，豆腐、肉餅、咕嚕肉、魚頭、各類蔬菜、炒飯麵等等，但在傳統之上加點新意，又混入東南亞美食的元素。樂天營三彩醃製番石榴、櫻桃蕃茄、南瓜被餐牌上的圖片吸引，打算為午餐來個清新的開始。賣相合乎期望，味道卻不似預期。去了皮的車厘茄，醃過顯得特別濕潤，咬下去爆汁，口感不俗，卻是甜得誇張的汁，完全沒有酸味。南瓜薄片爽口，但只有甜，不看餐牌也說不出它是南瓜。番石榴本來的味偏重，沒被甜味完全蓋過，算是尚可入口的一款。理應開胃的小食，甜得把我倆都嚇怕了。每日靚湯－菜湯蓋一打開，香氣撲鼻。內有菜膽、雞腳和豬肉。濃郁入味、清甜滋潤的湯，去掉上一道遺下的甜，這才是午餐真正的開始。喇沙海鮮米線一共有12款星洲米線選擇，有湯米線和撈米線，有辣有不辣。喇沙湯傳來陣陣椰香，湯很夠味，但蝦的鮮味未算突出。有蝦、蛋、魚片和豆卜，偏瘦的魚肉都幾嫩滑。碗很大，其實米線份量正常，一人一個米線，再配小菜

一間喺奥海城食南洋菜既酒樓 食物種類多又特別 即係住東南亞地區既人 搬到大陸 用番當地食材去制作原本自己國家既菜淆 所以好多星馬泰菜 喇沙海鮮米線 68 蚊超香椰奶味既海鮮米線 湯汁好濃 椰奶既甜香配上少少沙嗲味 配菜有蝦肉 蟹柳 豆卜 鯇魚肉 配埋 爽口彈牙近似上海既米線 吸盡喇沙汁味 推介之作 拍得住喺星加坡食既級別娘惹咖哩雞 小 86 蚊超濃味既咖哩雞， 雞肉 嫰滑 又不失少少彈牙感 , 而醬汁亦有少少椰香奶味 配以香草 同埋燘得十分林身既薯仔 要黎撈飯 一絕排骨王 小 88 蚊雖叫排骨但似肉排多d完全冇骨得黎仲切到大大件 肉質大慨8 成肉 3 成肥膏 醬汁偏酸甜完全融入左去 肉入面 食落juicy 又夠鑊氣 , 正！蒜香紅海哲頭 68 蚊十分唔錯既餐前菜 以新鮮青瓜墊底配以酸甜醬汁 再加上爽滑既海哲頭 上面鋪上辣椒同蒜頭 調味得唔錯 食落有番甘上下辣度得黎又不會蓋過左海哲既味道阿婆蕃茄炒蛋 58 蚊一個普普通普既蕃茄炒蛋 蛋炒得半生熟超香滑 而蕃茄鮮甜多汁 炒成半生熟 剛剛好 食落juicy熱度剛好 配合埋軟滑既蛋 推介四大天王 小68 蚊以茄子 四季豆 扁豆 秒葵整成既少菜

平時唔多去到奧海城食晚飯，呢一晚黎到食中菜，整體感覺都令到我地好滿意。食飯之前先有泰式鳳爪作小食，酸辣味道夠晒入味，但又唔會太過份，開胃醒神。食完主菜後，當然要叫返幾味撚手小菜。薑蔥鴕鳥肉，夠晒獲條，上菜時夠晒香噴噴，而鴕鳥肉炒得好嫩口，一啲都唔鞋，啖啖肉送飯就最正!鍋香豆腐蝦球，啫啫沙窩令到整碟小菜保持著溫度，加上彈牙爽口嘅蝦球，同埋嫩滑嘅豆腐，又係令人出色小菜。最後有當歸雲耳蒸鱸魚片，咁多真材實料嘅配料，烹調出黎嘅味道必然係夠晒層次。而鱸魚片夠厚切，鮮味十足，品嚐嘅時候再點點醬汁，簡直係一流享受。

家常菜@樂天客棧大角咀海庭道18號奧海城二期UG樓UG09號舖ZOMBIE 電影唔一定只有血腥爆頭打打殺殺,人性同感人位的韓國ZOMBIE電影值得入場觀看, 看完後同妹妹一起到商場吃晚飯。茶芥$7位 , 晚市是吃小炒的茶樓格局,看了看菜單是混了些創新原素在傳統的中菜上。煮到好軟好入味的花生$12, 似食粟子,每台都強製的小前菜咖啡脆雞 $88相信是由咕嚕肉基礎演變出來,脆雞塊上裹了層咖啡色的蜜汁,再灑上了杏仁脆片來豐富口感同賣相。雞塊香脆可口,肉質嫩滑沒乾柴,咖啡醬汁帶點苦味得特別,一放近口邊已聞到咖啡香。平日根本沒機會喝湯水,反而外出用膳倒是樂意點上老火湯滋潤進保,乾貝菜膽燉竹笙炖湯$168  2個人喝個暢快。用料十足有乾貝、菜膽、竹笙、排骨雞腳。湯渣撈起後放滿一碟, 肉只要蘸上醬油又可下飯了,竹笙爽身而且中心吸盡了湯的精華,燉湯毫不油膩且甜鮮,燉足六小時的心血, 我們每人喝上了2,3碗,實在太幸福了,不過湯唔夠熱, 建議先等一下加熱才喝。招牌扣肉包 $20 是招牌之一,好處是可以點一件,一個人一件淺嚐, 打從心底想可沒有那麼油。不就是台灣的刈包嗎?扣肉的皮與脂肪層魯得入口即化,汁滲

最近想食住家飯 但啊娘比較懶 唔想煮 結果多數都出街食 點知今次誤打誤撞又喺街食到屋企味喎👅-家常燒素豆腐 ($88)嘩 呢個真喺食到我唔停口 添咗幾次飯 究竟佢有咩咁利害 咪就喺佢個豆腐超級滑 再配埋茨汁 真喺好好好送飯其他蔬菜好似冬菇同四季豆又吸收哂茨汁 所以真喺會食到停唔到口😂-黃金鹹蛋蝦球 ($132)由於黃金蝦球要喺屋企整的話 實在太煩 所以我娘親多數都喺叫我出街食 唔好叫佢煮😂今次呢個黃金蝦球我都幾滿意 事關出面裹咗鹹蛋嘅醬汁 但依然食到脆口嘅感覺 而且完全發揮到鹹蛋黃嘅香氣 但又唔會太鹹 個種鹹香真喺令人好回味❤-阿婆臘腸四季豆煎蛋 ($68)呢個一上枱 就覺得喺蠔餅啲friend😂 結果食落果然好酥脆 雖然佢缺少咗蠔餅嘅鮮味 但又多咗臘腸嘅獨有香味 再加埋四季豆 又增添多少口感不過臘腸就略嫌鹹咗啲 但拎黎送飯就一流👅-招牌扣肉包 ($20/1個)首先肉 生菜 同 包三樣是分開上的 你喺要自己搭埋一齊 幾好玩 你睇下塊五花腩肥瘦幾均勻 睇到我流哂口水😭 食落似喺食緊披住叉燒醬嘅五花腩 扣肉炆得非常淋 唔洗點咬 啱哂我呢啲懶人❤ 仲有要一讚嘅喺好彩有生菜 因為生菜佢減低咗個

最近就與我的家人一起到酒樓飲茶 因為餸會比較多元化,配合到不同口味及年代的我們 蒜香紅海蜇頭 $68 是凍的 分量都很多 而且十分彈牙 不算太spicy, 而且條條都很大大條又香 蘋果與荔枝$28 真的有幾粒荔枝在杯中 味道很清甜及鮮甜 而且沒有那種很假的味道 也王怕太甜及不滑 荔枝都很太粒 而且可以飲及可以食 乾貝菜膽竹生燉湯$168 覺得要必飲的 估唔到有咁多餸 而且仲好濃味 仲好足料 你地都見到架啦 滿到呢!!而且料都好新鮮好多竹生 櫻花蝦四季豆 $80 唔怕好油 而且分量都多 味道唔會好鹹 同埋四季豆都好RICH 姜蔥鴕鳥肉 $106 估唔到有.同香好滑 而且唔怕肥 真係好容易入口 配白飯都唔會單調 三色桂花班蘭糕$32好正好正..成為我最中意既甜品之一,因為好多料,同埋分三層的口味都可以食得出

每日我地都以中餐為主，食極都唔覺厭，因為中菜伴著我地成長，令我地愈食愈咀雕，反而想搵更多美味既中菜迎合自己既口味。依間主打粵菜既中菜館平平無其，附近唔少人都到店門前望望餐牌，好多菜式都係我地平日所食到既家常菜，都幾合我地口味店門雖小，但估唔到店內面積幾大，闊落得黎帶少許氣派裝潢感覺，店內仲有無線上網提供，接收得好好，幸好救左已數據用量既我餐牌上大部分菜式都有大、中、小份量，我地可以因應唔同人數而叫因應份量，非常貼心櫻花蝦四季豆(S): 賣相拎滿分之外，有超級多既櫻花蝦鋪滿係四季豆上，四季豆口感爽口不油膩，配香脆既櫻花蝦同菜圃，味道清新帶點惹味又足料，好有特色創意菜香鐵板豆腐(S): 熱辣辣既鐵板裝著大件既豆腐淋上香菇菜心肉碎汁，豆腐切開四份，皮脆內軟，質感好嫩滑，鐵板旁仲有半熟雞蛋，連肉碎汁同豆腐一齊食真係好正點，忍唔住叫左碗白飯撈住食，有家鄉味道黃金蝦球(S): 用左鳥巢裝住蝦球，蝦球外面既咸蛋蓉同少許既青紅椒粒，整個炸到金黃色，蝦肉口感爽口同咸蛋蓉融為一體，惹味十足荔枝咕嚕肉(S): 第一次食咕嚕肉同荔枝肉一齊炒，味道本身酸甜但帶少少荔枝既清甜味，食落無咁膩口，咕嚕肉大小適中易入口

一行4人，當日安排坐圓枱，環境優雅，座位非常舒適夠闊落。叫左幾個菜乾貝菜膽燉竹笙炖湯－炖湯有小火爐保溫，唔怕凍哂。非常足料，湯料足足有一隻碟咁多！湯鮮甜，菜膽煲得夠腍，好好味的老火湯。沙律排骨－沒有驚喜，沙律太多，有點膩立味炒飯－叫左中ＳＩＺＥ，份量多到不得了！足足有８碗份量！炒飯好香，就咁食個飯都夠味！南洋參巴空心菜－好惹味有點辣，我幾中意呢個菜！阿婆菜圃煎蛋－喜出望外的一味菜，第一次見真實樣靚過餐牌圖，仲要靚好多好多！鹹香味好夠。煙煙韌韌，煎得美味煎得甘香，加入菜圃令口感豐富，又不會過份飽滯，相當不錯！金絲的麥片蝦－之前係新加坡第一次食，覺得好特別！甜甜地好鬆化，會令人一隻接一隻食好多！今日終於係香港食到新加坡味道！！真心推介呢個菜，隻隻蝦都有份量！最後到甜品,選擇不多，我們點了楊枝甘露、椰汁西米露湯圓,兩款都是水準之上!

今日和朋友往樂天客棧食tea, 我們點了以下:海鮮炒飯：整碟飯的色澤及賣相都很好。整碟飯有不同材料包括有蝦仁，帶子，魚春子，碎蛋花，蔥花及炒飯。入口時，感覺到一陣陣微䁔的感覺，而且不覺得過度油膩；至於味道方面，有海鮮的鮮味及清甜味，蝦仁是爽口彈牙！香酥南乳五花腩：雖然有菜花及蒜頭作為伴碟，可是花腩色澤光鮮，賣相一流可以，而且有南乳的香味！入口時五花腩肉質，口感都算不錯，肥瘦比例為1比9，炸粉不算太厚也不算乾身、南乳味不太重！咖啡雞脾：整碟餸的色澤不算單一，深啡色配以菜花及薄切花生片!入口時雞脾肉很有咖啡味道，糖醬味重！雞脾肉嘗算爽肉滑!黃金蝦球:蝦球賣相算幾好！有紅(紅椒)有綠(青椒)及有紫(洋蔥)，色澤漂亮及鮮艷！入口時，先會感覺到粉粉的咸蛋黃及爽脆的青紅椒和洋蔥；細嚼鮮蝦時，覺得很嫩滑及有鮮甜蝦味及清甜的蝦汁！喇沙湯海鮮米線：整碗米線色澤幾鮮艷，賣相幾好！有鮮雞蛋、鮮魚片丶鮮蝦丶豆卜及米線！入口時，鮮雞蛋蛋白嘗算彈牙，流心蛋黃囗感不錯、鮮魚片很脆滑嫩口、鮮蝦彈牙爽脆、吸了收喇沙湯的豆卜不覺得豆卜裏有食用油的油脂味、米線撈了喇沙湯吃時有少許辣味，可是喇沙湯味道清新令到原本無味道的米線

同友人去完奧海城，大家都對樂天客棧有意思，所以就到這裡食晚飯。蒜香紅海蜇頭:$88海蜇不但爽滑，而且用上了大量的酸醋，所以食落酸酸甜甜，作為前菜絕對係必叫之選。天麻藥膳豬肚湯：$148用上唔同中藥煲製而成的豬肚湯，入口不但有大量天麻的香味，而且還有其他藥材，絕對係經常頭痛的朋友必叫之湯，加上豬肚爽滑，十分有咬口，亦都唔會太硬。菜香鐵板豆腐：$88把豆腐放上鐵板之上，再係上面淋一層肉碎醬汁，令到豆腐吸收晒醬汁，不但清而香，而且一軟一硬，實在係送飯之選。最後，這店菜式十分吸引，餐牌每款菜式都想試，所以係一間會再食的店鋪。

今晚去完奧海城，就到左樂天客棧一試佢地出名的小菜。咖啡脆雞：$88將雞斬到細細件，再拎去炸，之後再用上咖啡醬汁而成。食到不但香脆，而且有很濃郁的咖啡味，絕對係對味覺一新的新菜式。三杯鴕鳥肉煲：$158第一次食鴕鳥肉，肉質比雞肉有點梗，不過由於用煲的形式，所以肉質都十分嫩滑，加上醬汁都十分濃，入口十分用易接受。楊洲炒飯：$82用上鮮蝦去炒的楊洲炒飯，所以食落都十分鮮味，加上每粒飯都炒製過都唔會太肥，絕對係大師傅的級數，而且用上特別醬油所以食落有別於一般炒飯。總括來說，這裡菜式特別，絕對係一種新常試，對於鍾意新菜式的朋友必到之選。

前菜一般比人既感覺都係餐廳用嚟收費既其中一個項目，食之無味，棄之可惜。但估唔到自己會遇到食唔停口既前菜。今晚入左一間餐廳食飯，入坐先放底前菜。平時不屑一眼既前菜，今次竟然吸引到我。由栗子同埋花生製成既前菜，咸咸濕濕，夠晒開胃，自己一個已經食晒成碟前菜。連對面既朋友都比我嚇親。食晒前菜先開始慢慢睇餐牌，餐牌上面既食物種類多。招牌扣肉包 $20/片邪惡既扣肉包，先將包同埋扣肉分開上。包新鮮熱辣，扣肉大件肥美。一定要襯熱食，因為包凍左成個感覺會差好遠。將扣肉同埋菜放入包中夾住，鬆軟既包加上肥美扣肉，口感一流。三杯鴕鳥肉煲 $106鴕鳥肉算係比較少接觸，煲上用左大量濃味既薄荷葉同埋蒜片，夾埋一齊食味道濃烈。鴕鳥肉比想像中腍身，整體上都唔辣。蒜香排骨 $88份量唔錯，起碼都有六七件，而且size都幾大。大量香蒜係排骨上面，入口蒜香味濃。排骨啖啖肉，雖然叫做排骨，但一路食都唔覺有骨。鯪魚炒油麥菜 $72成碟油麥菜香得嚟唔會咸得濟，鯪魚同油麥菜夾埋一齊食十分開胃。雖然只係揀左最細，但係份量已經好多。酸辣素羮 $42味道偏濃，酸味味好似重左d，但辣味就岩岩好，夠晒刺激。喇沙湯滑雞米線 $62喇沙湯味道