靚煲皇 (Closed)

今次嚟嘅時候侍應同我地講今次佢哋推出左麻辣雞煲，咁我哋梗係試吓啦，一上枱雞煲要煮一煮返熱先，大約5分鐘時間雞煲嘅麻辣香味開始散發出嚟，等不及待我已經夾左一舊擺落口入口已經很香濃的醬汁味道把整舊雞肉布滿晒，醬汁濃而不咸，麻不會蓋過辣的味雞肉香滑一點也不鞋口。食完個雞煲更系要加湯食火鍋配料啦，叫了好幾樣整體都新鮮美味，最值得一提的是配胡椒豬肚，豬肚原本有一點胡椒的味道再加上麻辣的香味，令到豬肚更加入味，我食果陣就系未加湯落豬肚的，因為醬汁最濃郁，食落豬肚煙銀彈牙有麻有辣

天氣涼涼地好多時候朋友聚會都會選擇火鍋或者雞煲，原本朋友提議食黎食打邊爐，嚟到嘅時候侍應介紹咗佢哋而家推出嘅麻辣雞煲，我哋就試吓啦，橫掂食完都可以當火鍋用，我哋帶叫咗麻辣雞煲，一上枱要自己加熱一下，慢慢加熱嘅途中已經聞到好香嘅麻辣味啦，個個都忍唔住想快啲食到，一食得個個都搶着食，因為雞肉很柔嫩，一點都不嘞，肉質不霉霉爛爛，而是結實嫩滑，麻辣味很香不太鹹，雞肉布滿晒很入味，再加了炸豬皮落去味道更豐富美味，令到每件雞塊更香，吃下去多了層次。

呢一間火鍋鋪頭，都來了好幾次了，最值得一讚的是他的火鍋配料到現在也沒有變到，也是一如既往那樣新鮮好味，沒有偷工減料。冬天一定要book枱先好黎食，如果唔係食飯時間真係有排等都未必有位，最好嘅佢係有露天茶座，有食煙嘅朋友都可以坐出去食。佢嘅珊瑚螃新鮮隻隻大大隻爽口彈牙，一點腥味都冇。本地蠔佢哋依家出咗去流浮山蠔，每一隻平均大細食落也肥美，鮮甜美味，一點腥味也沒有。炸響鈴，即炸響鈴，一上枱就可以食，超級吹口熱辣辣如果凍左可以放落湯底，浸林左少少食落另一種風味，整個炸響鈴都佈滿湯底的味道。

天氣一凍，最想食點熱辣辣的食物，火鍋雞煲就是不二之選，又可以三五知己坐低慢慢食吹下水飲番杯，價錢合理食物新鮮，因為原本做火鍋的，所以火鍋配料都比較講究，而家推出麻辣火鍋真系可以比人多一個選擇。麻辣雞煲我今次叫嘅係中辣，麻子很香麻，辣的來不太喊，雞肉夠晒入味，雞肉很柔嫩細滑，咬落每一啖麻辣香在口中，雞肉不鞋，醬汁濃的來不會太咸。麻辣雞煲，最佳的配搭是胡椒豬肚，炸芋頭，估唔到甘正，芋頭同豬肚都系好索味，芋頭在鍋裏面煮過後，整塊芋頭都是麻辣雞的味道，再加上芋頭很鬆化

冬天最啱對住個火爐, 所以今晚約埋個朋友一齊食雞煲.想刺激一下要左麻辣雞煲, 個煲一黎到已經聞到好香既麻香味,滾熱之後炒下佢, D花椒八角既香味更加溢出, 令人食指大動.雞肉件件都夠晒豐滿肥美, 咬落肉質滑溜, 鮮嫩. 麻味夠香, 食完會留住響口腔, 但感覺又唔算好辣, 好易入口, 呢個辣度令人好開胃.食到咁上下加左胡椒豬肚, 豬肚唔係度度都有. 呢度既豬肚洗我夠乾淨, 無怪味. 豬肚好爽口, 唔會太腍, 滾耐D入晒D麻辣味仲好味.

成班友睇完戲喺旺角搵食，咁多人，最好就係打邊爐。揀來揀去，我地男仔多，於是揀左山東羊腩鍋😆😂傳菜叔叔好開心咁放底個鍋然後祝大家都咁靚，同身體健康平安快樂 😂👏🏻👏🏻👏🏻咁當然大家咁話啦。個鍋好多料，當然最多係羊肉啦，湯底味道唔羶,仲要好香另外再加料要響鈴、手切牛肉。全部肉都好新鮮，而牛肉就更具特色。 牛肉嫩滑不特止，裏面肉汁熟左之後仲爆出嚟，真係好味到震～～想嗌好多菜，點知好多都未翻貨，不過後來食到一半果陣，店妹話炒蠔剛翻貨，問我地要唔要，咁梗係要啦，咁好記性知我地想要乜，抵讚～ 蠔肉新鮮又爽脆，大廚做得好好味,抵讚 第一盤牛肉已經好食,另外仲嗌多個牛肉拼盤，鮮蝦,豬潤等等。極尚牛肉拼盤好有肉味，啖啖肉埋尾食埋多個烏冬，夠彈牙，麵質靚，吸晒湯精華😋呢個港式邊爐，無得頂👍🏻👍🏻👍🏻 靚湯底加料新鮮，絕讚～ 而且環境好，服務亦周到，美滿❤️

靚煲皇於旺角近大角咀方向，人氣極旺，就算是閒日的晚上，也車水馬龍，平均也要等好幾檯客人，不算太久。我們點了海公主魚煲,非常鮮甜好喝；除了有以豬骨為主的湯底，亦有花膠，亦可直接飲用，無限加湯。他們選用了本地高級生蠔,富油香及幼滑之餘，亦不失鮮味。蠔控必點之選！小菜的蠔味非常香濃，完全滲入口中，質感相當豐富，且富有肉汁，質素蠻不錯推介！海蝦也是十分新鮮,感覺這兒的海鮮是主打,配上湯底味道更佳餃子和蔬菜最後才吃,餃子的餡料很特別,味道很刺激,蔬菜份量多,而且鮮味濃郁價錢不貴,每人才100多元有找,宵夜來說不錯

又是聖誕大餐的時候，友人提議去靚煲皇，蠻出名的火鍋店，以新派海鮮火鍋見稱，有興趣好耐，而加可試下，位於塘尾道18號，十分方便之地。裝潢是中式設計，紅黑色主調，感覺型格時尚。我們5人，座的是卡位，位子寬敞，枱下有個木架，可以放袋子。濕紙巾都好型。餐廳很多配料，簡直係混醬,也是十分精美。餐牌的名字好有心思呀。鹹菜豬肚煲見到個名，忍唔住叫了，感覺很惹味,材料十足。湯底味濃郁，口感腍滑帶爽，食落很重豬肚味，難得口感仲係軟滑，好滋補呀。 頂級手切肥牛,色澤好似幾新鮮，牛味濃，口感軟腍，味道不俗。難得口感軟嫩，味道不俗。魚肉口感彈牙，味道新鮮，頂級水準。爽口，感覺不俗呀。即炸雞軟骨，平時都會食，但打邊爐就未食過，口感很脆,入口也不油。蔬菜拼盤配上湯底也不錯,吃過大量肉後要吃點蔬菜消化一下,味道清新。食物有水準，價格合理，服務幾好。

肥牛，牛肉類價貴份量少，唔抵食，又唔糸特別新鮮，去洗手間又特別麻煩要去隔離大廈，室內空間太細，戶外又太大風，好在冇落雨應該無下次，人均消費$3XⅩ有大把選擇，牛丸，豬肉丸，水餃份量適中，魚皮最好夠翠，啤酒汽水較貴，

而家打邊爐ge選擇好多，但要有格調得來又有噱頭就特別吸引，呢間喺旺角既靚煲皇，裝修唔似一間普通火鍋店，係一間飲下野，傾下計嘅好地方。呢度嘅火鍋選擇好特別，有辣有唔辣，全部湯底都係新鮮煲成，任君選擇鹽香骨大白菜煲湯底香濃，湯底亦都夠滋補；栗米份量都多，有得食，而個湯底亦都幾清甜。配料方面點左本地新鮮牛肉拼盤，擺盤夠別致。牛肉食落幾嫩，輕灼幾秒已經食得，好食嘅。另外點左牛舌，有食到日本牛舌既新鮮嘅味道同感覺，喺香港來講，相當難得。至於鮮蝦水餃，一份８粒，食得出有鮮蝦肉，爽口新鮮份量都幾大粒，但蝦嘅味道都出，配料索哂味道就咁食都正。價錢唔貴，幾抵食

同朋友仔慶祝生日，想找一間又坐得耐啲同好啲嘅食肆吹下水，奈何天氣驟冷，想搵不限時打邊爐真係難上加難，尋尋覓覓之下，好在搵到靚煲皇啫。其實我哋仲嗌咗好多野，不過掛住食冇影到相。😅其中炸响鈴都好出色，如果唔係太飽會再叫多碟是夜大家吹水吹到盡興而歸，朋友仔都滿意呢餐生日飯😀臨走前見到出面露天都有打邊爐座位，別有風味，下次再來試其他煲。

天氣一凍第一時間就諗起打邊爐，可以暖泣泣，三五朋友一齊十下十下，但呢個時候食打邊爐，一定book台，如果唔系食飯時間有排等，今日平日我地book 左7:30pm,來到不算多人，但一坐底一陣場就爆滿了，好彩我地有預先準備，提前book左台，如果唔系都唔知要等到幾時。生蠔，侍應話而家生蠔系黎自本地蠔，雖然望上去不算好大隻，但每一隻也算肥美，咬落口卜一下，內裡的蠔汁爆晒出黎，鮮甜可口，一點也沒有腥味。桂花蚌，上台望落去好有色澤，一看就知是新鮮沒雪到變色，滾熟左食落爽脆，鮮甜。炸香芋片，可以當小食食用，因為一上台是剛炸好的，所以即食用是十分香口，食落芋頭夠晒粉，所以好香芋頭味，炸得夠乾身，但沒炸到過晒火，如果凍左仲可以放返落火鍋裡面，煮返熱黎食，兩種食法，一樣甘好味。

天氣開始凍啦，最岩一班人一齊吃火鍋，今日揀左以多湯底聞名既靚煲皇試一試環境系以中式風格為主,所有既餐具 Menu都有悉心設計過， 入面既裝潢古色古香,望落乾淨企理，傾計都舒服。因為岩岩放工既關係，大家都嗌曬肚餓,好彩既系佢上菜速度好快,而且不得不贊既系waiter 真系好Nice,會主動幫手加水添野,佢地既醬料好齊料,應有盡有。山東羊腩煲吃火鍋湯底就當然系主角，而羊腩煲既湯底味道香濃，仲用左臘肉增加味道,個湯底味道好香,岩哂我地4個鐘意重口味既朋友仔.其中仲有一大舊羊肉，令成個湯底都充滿濃厚羊肉味，各種食材亦都因為出色既湯底加左分，補充同豐富左食材既味道。羊肉一食就好有驚喜，唔羶係靚既羊肉既基本，口感非常豐富，有別于平時一般既羊肉，令人眼前一亮。而且食物佈置非常有心思，用好多綠色既配料令個視覺好靚，即使我地最後先食，都一樣keep住新鮮，羊肉份量好多，同湯底真係好夾。頂級本地牛肉一上菜就俾佢個外觀吸引住，好多塊牛肉一齊並列,感覺牛放耐左都keep住新鮮，牛肉新鮮嫩滑，配埋醬料食真系物有所值。牛肉彈滑既口感已令人一試難忘，一咬落口豐甜既肉汁已經多到漏出黎，鐘意食牛肉既朋友一定唔可以錯過。

朋友生日就去左佢番工既附近幫佢慶生，慶生總係不離三不開三樣野，打邊爐、酒樓大排宴席、西餐扮高級，麻甩女仔組當然首選就係打邊爐。打邊爐總不能打極都同一間，今次來點新意思，來左依間搞作多多既--靚煲皇！靚煲皇搞作多多，而裝修保留左滿滿既中國特色，去到門口就見到，靚煲皇3個字相當有氣勢。入到餐廳中國風格仍然不斷湧來，可以容納幾多人～超爽。雖然今次我地就無十人大軍，四個蝦兵蟹將，但安排既位置都好好，好有舒服既位置～！一坐低見到個Meun已經好吸引，樣樣都係唔係一般火鍋鋪可以食到，我地四個人口味都唔同，就揀左個鹽香骨大白菜煲湯底香濃，湯底都好鬼足料，飲落口有好濃厚既豬骨香味，入面有唔同種類既首菜，令到湯底既滿滿菜既鮮甜同埋甘香味，忍唔住一啖接一啖甘飲湯底已經令人讚口不絕，更加值得讚賞既係店家既配料，樣樣都好精美同埋誠意滿滿，有幾樣野食大家必定要點，實在太好食啦！本地高級牛肉，打邊爐又點可以唔食肥牛呢？依碟肥牛牛味夠濃，店家用料十分新鮮不在話下，而食得出牛味極度濃郁~！絕對唔係次等貨色，大家絕對要掌握好時間，見到牛變左淺啡色就要起筷食落肚！如果到左深啡色~你就浪費左甘好既牛肉！黑柏葉，建議大家一定

一直對這裡的火鍋深感興趣，選了窩心的鹽香骨大白菜煲當天沒有book位，兩人18：30左右walk in，不用等就進去了。坐的是隔間，裡面總共六張桌子。環境光亮，裝潢有特色，以古色古香為主，茶具餐具十分乾淨。除了本地人，也有不少外國遊客到場，到處都是國語或英語。火鍋實在足料，有濃濃的湯香，豬骨已經加進去，湯底不算太膩，味道8分。調味給個7分，喜歡的。除了這個湯底，牛肉拼盤也是不錯,我很喜歡吃牛,這兒的牛肉實在是相當高分,入口香嫩,肉質滑溜.牛柏菜和牛舌都很新鮮,配上湯底很好吃,感覺這個湯底配上任何食材都很好吃。餃子吃起來也是非常鮮甜。煮的時間控制好一點，不會過老，也是今晚的重點。即炸手工紫菜嚮鈴卷，我都吃了！平常就喜歡吃嚮鈴，這個加入紫菜捲在裡面，吃起來多了一層口感。這兒的氣氛十分好，也是可以加分的。