Video
Exit C, Causeway Bay MTR Station
continue reading
Telephone
23838686
Introduction
心燒食堂 in Causeway Bay is a Japanese izakaya skewer restaurant. Their signature dishes include the grilled brawn, dried shrimps stuff chicken wings, sea urchin and tofu salad.
continue reading
Opening Hours
Today
18:00 - 01:00
Mon - Sun
18:00 - 01:00
Above information is for reference only. Please check details with the restaurant.
今次一行10人黎呢間餐廳幫朋友慶祝生日，早幾日訂咗位之後，餐廳就安排咗一間房間俾我哋用餐，夠晒私隱度，非常適合朋友聚會，唔怕大聲傾偈嘈到其他人，亦唔怕其他食客騷擾到我哋。佢嘅串燒種類都算多，基本種類嘅豬牛雞海鮮都有供應，而比較特別嘅就包括有豚肉包提子串燒，提子嘅甜味中和左豬肉嘅油膩，係一個幾合拍嘅組合，而且提子食起上嚟非常多汁。另外值得一提嘅仲有佢嘅爆膽丼，每三個人就可以預訂1份，$99嘅價錢就可以食到一碗鋪滿三文魚子同海膽嘅丼飯，魚子同海膽食落都好新鮮，冇任何怪味，而佢提供嘅份量就好似日本旅遊節目上面嘅海膽三文魚子放題，非常有滿足感
continue reading
放工想去小酌幾杯，同時又想有高質嘅食物，居酒屋絕對係個好選擇🤩心燒食堂滿足哂兩個願望之餘，仲要推出勁抵食$98海膽飯優惠，即刻叫埋朋友放工直落啦🥳-🔥必食Items ▫️ 爆膽丼★★★★★ （$98 只限星期一至四 需預留） 新鮮海膽配三文魚籽同日本產蛋黃，呢個配搭簡直💯，雖然上枱個陣覺得有少少細碗，但好在海膽嘅份糧好足，又大塊又鮮甜🤩懷疑佢海膽多過飯🤫▫️ 涼拌山葵牛脷$45 ★★★★★山葵加埋蒜蓉做醬料，同牛脷好夾，口感夠哂爽口彈牙，開胃小菜一流👍🏻▫️ 炸七味魷魚鬚 $68 ★★★★☆魷魚鬚炸得好酥脆，配埋檸檬汁都唔錯，好啱做下酒菜😆▫️ 黑松露蟹柳炒飯 $98 ★★★★☆餐廳都幾大方比左唔少黑松露，如果個松露味再出啲會更惹味🤌🏻
continue reading
呢間又係 book mark 咗好耐，今日終於有機會一試。首先一定要介紹呢個兩餸爆膽丼，想食要預訂，碗仔細細，但海膽勁多又鮮味，撈埋隻日本雞蛋（朋友唔食所以另上），真係欲罷不能。唯一可惜係冇咗三文魚籽，唔知係咪缺貨？不過齋食海膽都好滿足😋。跟住就係幾款燒物，包括特級牛脷芯，豬頸肉伴柚子汁，鹽燒心燒雞翼同燒冬菇，樣樣都高質，牛脷芯同豬頸肉夠 juicy，雞翼燒得夠香口，冬菇就正常發揮，燒完唔會太乾，好食。再之後係幾款小食甜品，包括燒芝士年糕餅，燒菠蘿同燒芝麻湯圓。芝士年糕餅芝士味勁濃郁，絕對有驚喜；燒菠蘿係呢度嘅名物，又甜又 juicy；芝麻湯圓都幾有趣，外形勁似燒墨魚丸😹，味道都唔錯，如果可以整到佢流心就更加好（我認我好貪心😎）。朋友唔飲酒，所以我叫咗杯 mocktail，呢杯 Baby Bellini 有桃片，橙汁，檸檬汁同薑啤，對於我嚟講實在太甜，下次可能叫梳打類較好。最後必須一提，呢度嘅服務認真好，打電話同佢哋溝通過兩次，兩次都非常有禮，值得一讚👍。
continue reading
—🥗 一帶一露🌽 脆炸粟米金磚•🍢 燒特級牛脷芯🍢 燒豬頸肉伴柚子汁🍢 燒豚肉葡萄卷❤️🍢 心燒免治雞肉棒🍢 燒白鱔🍢 燒翠肉瓜🍢 燒菠蘿❤️•🍲 心燒炒麵—好久沒來心燒了 掛住個燒豚肉葡萄卷吾知係咪禮拜五晚太多人 好似無以前咁好食了...
continue reading
每一次當想食日本串燒，呢度必定係首選，而且未試過失望。最令我欣賞嘅，就係佢哋嘅「牛舌」🐮👅，每一次都煮得好好味，燒得好香口，佢哋能夠拿捏得到烹調嘅時間，牛舌唔會煮到韌，食落去有爽口嘅感覺，配上青檸🍋🟩，唧少少喺啲牛舌上面，更加帶出佢哋嘅味道👍🏻另一樣至愛嘅食物，就係佢哋嘅「鹽燒雞翼」，唔需要太多嘅調味，只係鹽燒已經好好味😋「味醂魚竿」都係每一次會叫的，不過今次有少少失手，可能要燒多少少時間，所以唔夠乾身，有啲腍，另外今次嘅份量都明顯少咗好多。「燒午餐肉」同埋佢嘅「粟米金磚」都係必食系列🤤
continue reading