Video
3-min walk from Exit C2, Prince Edward MTR Station
continue reading
Telephone
53237163
Introduction
Japanese-style izakaya is decorated with moon and stars, creating a comfortable atmosphere. Specializes in all kinds of baking dishes and sake, perfect for casual meetups with friends.
continue reading
Opening Hours
Today
18:00 - 02:00
Mon - Sun
18:00 - 02:00
Above information is for reference only. Please check details with the restaurant.
About Reward Scheme
好耐冇同女朋友拍拖，今日難得出嚟梗係要食好啲啦。我哋今日比較夜，見到呢間開到兩點，而家好難得嘅宵夜餐廳。嚟到日式居酒屋點少得叫返支sake，你朋友話想飲啲甜口啲嘅，職員就介紹咗呢支紀土，又真係甜甜地好易入口，最重要係冇乜酒精味，啱晒兩個女仔把酒談心，呢次絕對係需要Mark低，第時再飲過。嚟到居酒屋串燒雖然好緊要，但係都要試吓佢哋啲刺身先。我哋叫咗個蜜柑雕，佢哋鮮甜味同普通嘅鯛魚有啲唔同，加埋佢適中嘅魚油脂香味，口感會豐富少少，讚。然後叫咗兩隻牛油燒蟶子，簡單嘅牛油冇其他複雜嘅調味，淨係食到蟶子嘅鮮甜，夠晒大隻啖啖肉真係不得了。日式煎餃子就食得多，用炸雞皮嚟做餃子皮就比較少見。原本都好驚佢會好油膩，但係承諾又唔會有呢種感覺，佢個雞皮餃子外脆內軟，好好味呀。然後叫咗個芒果炸蝦卷，芒果加埋沙律醬同埋蟹籽，酸酸甜甜鹹鹹嘅味覺衝擊，夠晒新鮮。平時鵝肝多士就食得多，鵝肝豆腐都係第一次見，佢個鵝肝都好厚身，絕對唔呃秤。佢個炸豆腐都好特別，咬開入邊係一層層，出邊脆，裏面超滑，真係一舊滑豆腐，味道濃郁鵝肝都幾襯。跟住我哋叫咗個明太子燒蓮藕，佢個蓮藕輕輕燒個面，蓮藕味甜味再加明太子小小嘅辣味，又係一個口味嘅衝擊，但係又幾特別，令你想一試再試。串燒方面，我哋叫咗個辣味墨魚嘴，大家都知道墨魚嘴本身冇咩味道，好靠佢個醬汁。而佢今次呢個醬汁真係好成功，因為完全係神複製泰國辣魷魚片嘅嗰個汁，超級辣，但係辣得來又勁過，唔係講笑，真係好好嘅下酒菜。跟住我哋叫咗個豚肉紫酥卷，睇佢嘅外表平平無奇。但係一咬開就見到佢下左嘅功夫，見到豚肉係卷起左，包住紫蘇葉，紫蘇葉嘅香味真係好濃郁，個豚肉都唔會太油膩或者係燒到太乾，完全係啱啱好嘅配搭。最後叫埋個明太子茶漬飯，雖然佢係茶漬飯，但係其實佢個茶底係鰹魚汁，鹹鹹香香，加埋明太子，係呢一餐宵夜嘅美好結尾。
continue reading
♡ 高質必去隱世居酒屋｜朝 ♡-今日有朋友推薦我食太子呢一間嘅居酒屋三周年生日❗️而家九點前賣單有八折九點後入座有六折 真係超級抵食❗️而且樣樣都 勁～好～食～😱-♡ 白子刺身 ♡ $88秋冬嘅白子特別肥美🤣 一入口已經好滑溜 口感綿密～ 入口即溶 -♡ 吞拿魚腦天（3切）♡ $138筋少脂肪勁多 魚味濃郁腦天唔係好多地方有所以見到一定要試- ♡ 和牛湯烏冬 ♡ $128和牛肉質軟嫩 厚薄適中 份量剛剛好足夠兩個人食作為最後既主食真係唔錯-♡ 左口魚邊蟹柳卷 ♡ $88左口魚配蟹柳原來出奇地夾左口魚邊既魚油滲透到飯粒之中配埋簡單既蟹柳，造就呢份卷既咬口-♡ 燒白鰻串 ♡ $68燒白鰻好多串燒店有但唔係間間都整得好食呢間既白鰻外皮燒得夠脆夠焦香而唔會過份燶肉地厚肉，咬落去肉汁咇哂出黎，正😍-♡ 月見雞肉棒 ♡ $48好多居酒屋都有既免治雞肉棒用照燒汁烤熟再配上佢地自家制既月見汁啖啖都甘Juicy -♡ 炸雞皮餃子 ♡ $68雞皮餃子都係居酒屋常見小食用雞皮取代傳統餃子皮，經高溫油炸後，外皮金黃酥脆，內餡軟嫩多汁。雞皮油香十足，再點上少少既七味粉，跟埋杯啤酒，簡直一流-♡ 雞頸肉 ♡ $38雞頸肉係好珍貴既部位，因為一隻雞得一條頸吖嘛😂雞頸肉肥瘦適中，肉質有彈性，有嚼勁，做串燒！同雞皮一樣做串燒送酒都係非常適合架🈴-♡ 熊本牛肉串 ♡ $52 調味剛剛好唔會過多既調味，肉質夠嫩唔柴🥰❥#⇢店鋪資料：朝 (太子)太子大南街39號地舖## 🔍尋找同區美食📍➾ #礦泥黃X太子-
continue reading
🐡 燒味醂魚乾（$88）一上枱係熱辣辣，魚乾好好咬口又夠味，佐酒一流🍴 紫蘇辣蜆（凍）（$88）蜆下面係用鹽塊墊起，好特別，個汁食落泰式風味比較重，蜆好鮮甜🐟 鮟鱇魚肝（$68）鮟鱇魚肝入面除左有魚肝，仲加有柚子醋同海帶，魚肝質感細膩絲滑，入口即化，而柚子醋嘅清新中和左魚肝嘅腬，海帶則吸收哂柚子醋嘅味道🪿 自家製醬汁鵝肝豆腐（$128）鵝肝質感細膩絲滑，入口即化，自家製醬汁味道似日式燒汁，甜甜地，提升咗鵝肝嘅味道；豆腐炸到啱啱好，外脆內軟🦪 慢煮廣島蠔配法包（$128）一上枱就聞到好香蠔味，每隻蠔都好鮮甜肥美，食落仲帶有淡淡嘅姜味，加上秀珍菇自己嘅鮮味同配上炸得香脆嘅法包，令人食唔停口🤤🐓 月見雞肉棒（$48）雞肉棒燒得金黃，賣相吸引，而且雞肉棒保持juicy，配上蛋味重嘅生蛋黃，為雞肉棒味道提升左另一個層次🐓 邪惡雞肉棒 （$52）雞肉棒上面淋左芝士醬，芝味好重，配合埋juicy嘅雞肉棒，正👍🏻🐓 明太子雞肉棒 （$52）明太子咸香濃郁，配埋軟滑多汁嘅雞肉棒，味道好突出🍢 大蔥雞肉串（$42）雞肉燒得比較乾身，配埋大蔥同燒汁食反而啱啱好🐔 汁燒雞心頂（$38）雞心頂出面比較少見，而且佢係限量供應，所以點左一串試吓；食落去有嚼勁，幾特別👅 牛舌（$98）牛舌中間帶有淡粉紅色，而且肉嫩唔韌，份量唔少，配搭佢哋自家製嘅蒜蓉芥末醬，酸酸辣辣，中和左食得多嘅肉膩🍙 明太子燒飯團（$38）佢將飯團燒至外脆內軟，飯團表面有明太子，食到明太子嘅鮮味，加埋脆紫菜一齊食，味道啱啱好之餘亦都好夾🍡 甜品拼盤（$148）佢有栗子雲呢拿雪糕、抹茶紅豆菓子，哈蜜瓜餡菓子同千層蛋糕；雪糕好滑，味道食落似咖啡味，而且雪糕仲有栗子粒；抹茶紅豆菓子包住抹茶忌廉同粒粒紅豆，皮好煙靭唔痴牙同甜度適中；其中一個令我有驚喜嘅係哈蜜瓜餡菓子，因為出面好少食到；千層蛋糕嘅每層都做到透薄軟熟，忌廉份量適中，食落唔會流🥃 日本威士忌梅酒（$78/杯）🍺 Gin Tonic （$88）🏮 居酒屋貼滿以前年代嘅日本明星廣告，裝潢好有氣氛，好適合同朋友飲下酒食下野吹下水✨ 適逢三調年優惠，而家夜晚9點前結帳及離座全單8折，9點後則6折
continue reading
Blingbling美食推介✨📍太子🍻 朝 Asa✨ 氣氛一流居酒屋🧡💠💠💠💠💠💠💠💠大南街有好多好有特色既餐廳，今日試下門口已經好有型既朝 Asa☺ 餐廳入面裝潢都好有氣氛，好適合同三五知己一齊黎，摸下酒杯底傾下計~ 店員好nice，而且食物質素好高，完全係超高性價比啊！💠牛舌（份）$98牛舌真係燒得啱啱好，厚切牛舌芯爽口彈牙，簡單用鹽同胡椒調味已經好好食，加埋少少檸檬汁，味道更加清新，食到停唔到口！🧡💠五點刺身盛 $288刺身有海膽🧡蝦🧡劍魚腩🧡油甘魚🧡帆立貝🧡全部都好新鮮！而且係厚切😍色澤鮮亮，尤其係劍魚腩同油甘魚，油脂分布均勻😋海膽入口即溶😍鮮味爆棚✨💠炸雞皮餃子 $68炸雞皮餃子都係其中一樣我係居酒屋必點既小食🧡好邪惡🤣用雞皮代替餃子皮，炸到金黃脆卜卜，入面肉餡juicy爆汁，超正啊☺💠芒果蟹籽沙律 $68芒果蟹籽沙律好清新🥗芒果清甜多汁，青瓜絲好清新爽口，蟹籽卜卜脆，撈埋沙律醬，好開胃🥰💠甲羅燒$128原隻蟹蓋焗到金黃，蟹膏多到瀉，撈埋蟹肉同鵪鶉蛋，creamy得嚟又帶絲絲蟹肉口感😍加埋鱈魚餅乾，鮮味再提升層次😍海鮮控一定唔可以錯過！💠明太子雞肉棒 $52雞肉棒外層沾滿橙紅色明太子醬，燒得香噴噴‼明太子嘅微辣同雞肉嘅鮮甜好夾，加埋少少蛋黃醬，味道更加濃郁😋💠醬油燒蠔 $38/1蠔肉肥嘟嘟脹卜卜，燒到剛剛熟，淋上秘製醬油，鹹香帶甜☺一啖啜落去，蠔汁同醬油一齊爆出，超級好味啊🧡💠Coke Zero $20💠白桃果汁 $48餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5
continue reading
店舖位於太子鬧市中，餐廳主打有多種日本酒及下酒小食，仲有串燒、海鮮和多種日式料理，環境寧靜有格調，與朋友放工後談談心都不錯。甲羅燒以蟹殼作器皿裝住各種配料，表面有香蔥、蛋黃、蟹子及蟹肉，而底層藏有滿滿的蟹膏，味道甘香濃郁。可攪拌配料配上附有既烤鱈魚片食用，鱈魚片香脆，整體增加了口感。清酒煮蜆蜆煮熟後肉質仍然鮮嫩，而清酒煮過蜆後更清甜。裝蜆的盤是藍色，而蜆擺成一個盛開既花朵，好有心思。慢煮廣島蠔配法包廣島蠔以慢煮方式烹煮，肉質特別鮮嫩多汁，廣島蠔特別大和份量都有誠意，味道除左原有蠔既鮮味外，仲有濃厚既香料味。明太子燒飯團飯團經燒過後表面好脆口，同時內裹軟熟，有淡淡米香味，底下有紫菜，而明太子又辣又香，食落都幾惹味。朝邪惡玉子燒玉子燒內有濃郁芝士，表面仲有蟹子和美奶滋，芝士配搭玉子燒味道十分和諧，一層層既蛋香味和芝士濃厚味道相映成趣。大啡菇口感軟熟多汁，可以沾點調味料，再加啲薑蓉食，令大啡菇的味道更豐富。鹽燒白鰻串白鰻串肉質厚身又結實，口感彈牙爽口，食落好新鮮，主要簡單用鹽調味，更加食到白鰻原有味道鮮味。豚肉湯烏冬最後叫左碗豚肉湯烏冬作結，口感彈牙既烏冬浸淫係熱騰騰既湯底，豚肉肉質嫩滑，整體食落十分暖胃舒適。柚子日本果酒日本的果酒好易入口，酒精味唔會太濃，柚子味微甘，好適合在居酒屋邊食小食邊飲。蘋果日本果酒蘋果味果香味較特出，味道香甜，唔飲開酒的朋友都可以一試。
continue reading