壽兵衛 - 壽喜燒專門店

营业中

休息中

前排去完日本食完壽喜燒意猶未盡返到黎香港決定繼續發掘好食既壽喜燒😋聽朋友介紹呢到既壽喜燒好有質素 所以今晚決定黎試試佢今次叫左 Deluxe Wagyu Set 黎試下一個set有足足十二道食物 份量黎講非常之夠食😍一開始首先有前菜三點 接住仲有刺身三點蒸物 同埋 海膽和牛他他😍前菜磯煮鮑魚非常入味 濃郁既鹹鮮味 口質好夠爽彈前菜仲有蟹膏豆腐同埋水雲菜 酸酸地 夠哂開胃😋刺身分別有拖羅 帶子 油甘魚 每一塊都非常之厚身鮮味蒸物係一個茶碗蒸 高湯味道非常鮮甜 食得出材料既鮮甜味海膽和牛他他 海膽非常之鮮甜 完全唔會覺得腥他他仲有配上紫菜 可以同海膽和牛同洋蔥配埋一齊食口感非常之豐富 一啖過食落去 鮮味滿滿🥰食完前菜 刺身同各樣小食之後 就到重頭戲了😛呢個set分別有美國熱成肉眼 牛舌 日本和牛肉眼日本和牛西冷 同埋 都幾大份下既蔬菜盤 配埋壽喜燒一齊煮師傅好細心 會按照各人既喜好 製作適合既生熟度比客人今次美國熱成肉眼 揀左七成熟 配上雞蛋一齊點黎食肉眼肉味非常濃郁 肉質好軟熟嫩滑 調味鹹度岩岩好😋牛舌煎得外面微脆微脆 肉質好夠爽彈 肉汁滿滿同時亦有配上柚子醋洋蔥 非常合適解油膩日本和牛

最近好想食壽喜燒 做完資料蒐集之後覺得銅鑼灣嘅壽兵衛性價比好高！除咗和牛壽喜燒之外 仲有鮑魚/海膽/和牛他他/刺身etc 最重點係仲可以任添筋子！！勁滿足正正子～～ 而且真心好食 亦有師傅幫我哋煮壽喜燒牛肉😚✨如果怕唔夠飽 仲可以飲添飯🤣（但其實已經超飽xd) Btw我見到隔籬枱慶祝生日餐廳仲畫埋生日碟超靚！不過我冇影到費事偷影人哋🤣 慶生/紀念日一流💕Deluxe Wagyu Set $980/pp先付三點有爽脆鮮甜鮑魚 新鮮八爪魚 同埋好好食嘅蟹膏豆腐～刺身三點有帶子 油甘魚 同拖羅 全部都好新鮮 尤其係拖羅非常肥美鮮甜😋蒸物茶碗蒸好滑好滑 而且蛋味好香濃👍🏻海膽和牛他他有A4 和牛碎 鮮甜海膽 同鵪鶉蛋 同海膽呢個配搭真係冇得輸😛超正～～ 海膽一啲都唔腥！配埋佢嘅醬汁同鵪鶉蛋撈埋埋一齊食 非常惹味🤤壽喜燒+ 季節野菜盛合到重點嘅壽喜燒！呢個set包咗：美國熟成牛/日本產和牛背峰日本A4和牛肉眼日本A4和牛西冷厚切牛舌全部都好正！師傅煮得啱啱好～ 尤其和牛肉眼油花分佈平均 入口即溶 配埋蛋汁一齊食超正！而且如果唔夠飽嘅仲可以任添飯！！不過我同男朋友都已經食到好飽 好彩中間可以有休息

這間樓上和式壽喜燒以日本關西型式烹調，廚師在席前表演厨藝，店内富清雅悠閒的氛圍😃從菜單中選了，Deluxe wagyu set前菜三點: 磯煮鮑魚，鮟康魚肝，蟹膏豆腐，三種不同口感，爽軟滑有齊😋刺身三點: 帆立貝，油甘魚，拖羅，日菜例牌， 魚鮮味足😋茶碗蒸: 蟹肉三文魚子蒸蛋，嫩滑香口， 熱度適當😋海膽和牛他他: 配鵪鶉蛋香，放在青瓜上入口芬芳滑溜😋季節野菜盛盒， 大大盆多款蔬菜豆腐，加入肉食菜式中間， 可以沖淡香濃肉味😋牛舌: 面灑鹽花，爽脆有咬感，軟韌適中😋美國熟成肉眼， 伴日本茗荷，大蔥，沾上红蛋黃更增肉香😋主角出場前， 廚師先奉上白米飯，黃雞蛋，以配搭和牛肉香和油份日本A4和牛肉眼， 嫩滑非常 咬落油脂啱啱好， 配一口飯 好正😋日本A4和牛西冷， 肉香濃烈 油脂豐富又是拌飯好朋友😋舞茸菇清湯， 甘甜清淡，正好解解多款肉類的濃烈味道😋滿溢筋子釜飯， 大碗三文魚子任食, 混入蟹肉，黑松露， 香氣滿溢😋豆腐雪糕，密瓜作為結尾甜品滿足矣😃

女朋友公司出花紅, 今晚好豪爽, 請我去銅鑼灣 壽兵衛,  正宗 Sukiyaki  壽喜燒 專門店.開放式廚房, 師傅團隊好有陣容齊集中央, 左右設吧檯. 我們 點了 兩客 Deluxe Wagyu Set, $980/位, 好豐富.  服務員接待有禮, 安排我們座位對住師傅, 又奉上熱茶.首先送上前菜三點 ~鮑魚質感彈牙爽口, 鮟鱇魚肝, 厚度十足質感綿密細滑, 蟹膏豆腐, 蟹膏夠鮮味. 海之幸刺身三點 ~ 帆立貝, 鰤平魚, 拖羅.  好新鮮, 沾些檸檬汁及 Wasabi, 更可口. 今晚拖羅好肥美, 入口即溶. 蒸物 ~螢光魷魚墨魚汁茶碗蒸,黑色的墨魚汁把蒸蛋及魚籽也蓋上了, 蒸蛋好滑溜,  裡面還找到有BB 螢光魷魚, 鮮味十足！海膽和牛他他 ~用上玻璃盛器, 賣相吸睛.  海膽和魚子醬, 味道滿分,  伴有和牛他他粒, 更令我們有驚喜. 師傅指點,  把海膽, 魚子醬, 和牛他他粒混合, 再放在青瓜片上, 一齊食, 味道好有層次, 有牛味加上青瓜, 又甘又爽.  壽喜燒材料送到,   季節野菜盛盒 ~有冬菇, 金菇, 香菜,  娃娃菜, 洋蔥,  南瓜,  豆腐.奉上三款牛

位於銅鑼灣的壽兵衛，除左服務好之外，環境舒適，食物質素好，都係吸引我再來的原因。每道菜都會由店員或師傅親自介紹，大大個open kitchen，享受美味的食物之餘，可以睇住傅親用心的製作過程，有雙重享受😎Supreme Wagyu Set ($1280/位)同Deluxe Wagyu Set ($980/位)🔸前菜三點磯燒鮑魚、鮟鱇魚肝、燒蟹肉豆腐賣相精緻吸引，磯燒鮑魚肉質鮮嫩彈牙，鮟鱇魚乾配上辣蘿蔔，味道濃郁，燒蟹肉豆腐嫩滑甘香🔸刺身三點/四點刺身四點方面，其中包括了帆立貝、深海池魚、大拖罹和牡丹蝦，每一款都鮮甜美味。我特別喜歡深海池魚和拖羅，肥美而且油份豐滿 ，讚🔸蒸物三文魚子墨魚汁茶碗蒸：茶碗蒸顏色好特別，是黑色的，因為用上了墨魚汁來做，口感綿密，墨魚汁增添了豐富的風味，而且更嫩滑。🔸海膽和牛他他將海膽，鵪鶉蛋和牛和雪梨粒混合，雪梨嘅清爽另整體冇咁膩。是和牛碎加海膽、魚籽、香䓤和鵪鶉蛋，內餡加入了香梨粒，混合後一齊食，可以增加口感，也可以減低和牛的油膩感，令到味道更清新🔸和牛紫菜卷師傅用火槍把和牛燒至半熟，再混合紫蘇葉、海膽，最後用紫菜包住再上枱，口感十分特別，輕燒過的和牛更突出

這間位於銅鑼灣的餐廳，主打傳統關西壽喜燒，開放式日本吧檯設計，能欣賞到師傅即席料理手藝，如置身日本傳統餐廳，帶出日式地道滋味！Supreme Wagyu Set - $1280Deluxe Wagyu Set - $980前菜三點磯煮鮑魚保持鮑魚鮮嫩的肉質，醬汁鮮甜香濃。蟹膏豆腐滑溜的豆腐富甘香蟹膏香。鮟鱇魚肝質感綿密細膩，散發幽香的魚肝甘膄。刺身四點雪白肉厚的北海道帆立貝好清甜；深海池魚清爽富魚脂；大拖羅富甘香的魚油脂入口即化；肥碩的牡丹蝦甘甜濃郁；Deluxe Wagyu Set則是三點。和牛刺身(Supreme Wagyu Set)細嫩柔軟的日本A5和牛帶清甜甘潤，卷著清新的牙蔥，配日本醬油酸汁。海膽和牛他他(Deluxe Wagyu Set)高貴的海膽魚子醬及和牛充滿鮮味，鵪鶉蛋增添順滑感，清爽的水晶梨減低和牛的肥膩感。墨汁螢光魷魚茶碗蒸一別傳統，濃郁的墨汁好鮮味，更有爽口的螢光魷魚、煙韌的墨魚片和香菇片好有層次。壽喜燒和牛紫菜卷(Supreme Wagyu Set)火炙逼出和牛豐溢的油脂，海膽更突顯和牛鮮味，散發陣陣紫蘇葉香。季節野菜盛合豆腐、金菇、日本洋蔥、皇帝菜、金菇等解

關東sukiyaki食得多，關西壽喜燒呢？香港有嘅，不過唔多，今次近近哋試吓銅鑼灣呢間壽兵衛先Deluxe Wagyu Set ($980)最好係全日一個menu，晏晝食多啲，仲有成個下晝夜晚去消化前菜三點係北海道白粟米、磯煮鮑魚及水雲水母；集鮮甜煙韌酸甜於一身刺身三點有白身魚、帆立貝及拖羅海膽和牛他他平時好少食牛肉他他，不過呢個比較特別，上面有黑魚子、海膽、鵪鶉蛋及最底有雪梨粒，撈埋一齊食真係冇咁膩㗎！墨魚汁八爪魚仔三文魚子蒸蛋個名長到差啲撈亂晒，第一次食黑色嘅蒸蛋，食落有鹹香，好特別！熟成西冷配赤雞蛋食，唔洗煮得太熟，入口超級滑溜牛舌係牛舌芯，加咗洋蔥柚子酸汁，上面再加淡雪鹽、辣椒蘿蔔茸、蔥粒及蒜片。超級爽口，有入口即溶口感！和牛西冷睇住大廚先煎煎食材，再加sukiyaki汁，味道偏甜，南瓜好入味，牛肉一入口係會融化㗎！菜有本身已經好甜嘅洋蔥、黃芽白及冬菇最後再食西冷，今次加咗日本春菊菜，有啲似中式嘅皇帝菜仲有紫心蘿蔔、豆腐、芋絲及青蘋果，吸晒所有牛肉汁枝豆蟹肉黑松露釜飯有無限三文魚子任加，其實食到呢道菜已經好飽，不過個飯真係好正，勁香黑松露味最後終有湯及甜品，真係飽到今晚都唔洗食

阿女話從疫情開始至今都兩年幾，無論社交或出外覓食都有限制。最惨連旅行都冇，她最喜愛旅遊；特別是日本，而今真的冇哂人生樂趣。為免她情緒影響健康，提意叫佢放縱一下齊齊去食壽喜燒一償相思之苦。 Deluxe Wagyu Set  （$980/人+10%）前菜三點磯煮鮑魚煙韌鮮甜，葉松蟹鉗大大隻好多肉；日本白粟米清甜爽脆。刺身三點海膽甘香鮮甜。中拖羅油脂充沛飽滿，入口嫩滑。帆立貝厚肉肥美。蒸物做法創新以香濃鮮甜墨魚汁蒸蛋，配上海膽、魚籽和金箔顯得高貴而帶神秘感。海膽和牛他他和牛他他、海膽、魚籽和鵪鶉蛋組合充滿罪惡，但廚師混入日本水晶梨來中和油膩感。食時把所有食材攪勻味道由甘香鮮甜轉移至清新爽口，正。👍季節野菜盛盒有鮮冬菇、甘菇、大葱、日本洋蔥、南瓜、豆腐、天津菜、皇帝菜和蘋果，用料十足。美國熟成肉眼五成熟，配上京蔥沾上赤蛋漿更覺柔軟細膩。牛舌放上紅蘿蔔蓉和蔥花，洒些淡雪鹽令賣相更美；最後放埋一片炸蒜片，令口感豐富不少。日本佐賀和牛肉眼3mm厚切，雪花紋理分佈均勻；非常嫩滑，入口卽溶。大厨還預備左小碗“一見鍾情”飯，提意撈埋一起來食；反而覺得冇咁腻口。日本和牛西冷油脂同樣豐富，牛味更濃。師傅為免

壽喜燒是日料中最受歡迎的菜式之一，我和太太當然也喜歡。當日和她一起來到這間壽喜燒專門店品嘗一頓高級壽喜燒晚宴✏️位置: 10/10✏️環境: 9/10✏️衛生: 9/10✏️服務: 9/10✏️食物: 9/10餐廳設於銅鑼灣港鐵站口正對面的商廈12樓，地點超方便。面積不大，但裝修認真及和諧，席間不斷播放和式純音樂，頗有日本的感覺。師傅會在客人前煮食及講解，收拾亦迅速，服務到位🍱日本和牛套餐 - $980/位餐牌上有不少選擇，最終因為A4和牛選了這款套餐🌟前菜三點包括有鮮甜的松葉蟹鉗一隻、兩片飽滿多汁的磯煮鮑魚及清甜爽口的白玉粟米🌟海之幸刺身三點有嫩滑甜美的帶子、香濃而沒有根的赤身及鮮甜有海水味的海膽🌟海膽和牛他他混合A4和牛和拖羅打成、香濃惹味的和牛他他，底部加上切粒清甜的水晶梨，並在他他頂加入鵪鶉蛋、日本海膽、黑松露醬及金箔，食材相當高貴，把全部混起來食有獨特的鮮味及滿足感🌟蒸物是日蒸物是墨汁三文魚籽蒸蛋，蒸蛋本身香滑，加入三文魚籽多了一份鮮味，而最有特色是再加上墨魚汁，味道不會太重，反而令蒸蛋感覺更為香滑🌟牛料理四品(和牛兩品)壽喜燒的精華部份，師傅會在客人面前烹調，主要有以下四款食材：第一