LAB EAT Restaurant & Bar (金巴利道)

营业中

休息中

在此，我強烈建議大家book 呢間餐廳之前睇左呢篇食評先，我唔希望大家中左伏之後先上泥打負評，好似我咁....其實我宜家轆兩轆都見到之前D負評有講到我遇到嘅問題。唉其實個open rice account 都無用好耐，真係頂唔順先email 攞返個PW ，入泥打返個食評，見到好多標題都俾人用左...咩"希望愈大，失望愈大"，咩"300幾多like點泥"本來考到車諗住慶祝下，見到Open Rice 有75% 折扣就book 左位，點知1800hr去到餐廳1個食客都無?! 然後被安排左去坐收銀隔離。。。諗住叫D Signature 嘅菜式食下， HAHAHA !!  SORRY!! 你open rice 個折扣 90%商品不適用，唉頂硬上，同條女入左泥又費事走泥走去轉餐廳，明知俾人昆左入泥，最尾叫左: 黑毛豬(過熟啦唉)，生蠔，鵝肝(超細份，外面又淋茲茲)唉，其實本身mark up 哂再做優惠，最過份係大部份優惠都--做!唔!到!!!!強烈建議openrice blacklist 左呢間餐廳嘅discount 設定去!!!!跟本上取巧!!!!侍應全部hea 底，菜式全部無介紹.....生蠔

我的生日晚餐🥰 我地個日兩個人叫左個兩人set dinner。食到飽一飽先走🥰Set dinner for two $1288一共七樣野食再包一杯無酒精飲品或者三杯酒，有（Red Wine, White Wine and Sparkling Wine)。 ⚠️一開始落單已經要同waiter講要酒定其他飲品 當時我唔知 我地兩個都揀左酒 但我唔飲得酒 所以飲左一杯酒再問佢可唔可以想轉無酒精飲品。原來係三杯酒先可以轉一杯無酒精飲品 所以我男朋友就幫我飲曬啲酒🤣 佢地既上餐速度都快既 佢地會等你食完一碟再上下一碟 唔會好似有啲餐廳想你快啲走 一次過上曬好多菜😛Starter: 係生蠔(四隻） 男朋友平時唔食生蠔都覺得好食 好新鮮好鮮甜～佢唔屬於重海水味既生蠔！👍🏻Appetizer: 生牛肉薄切同芝士焗墨魚大啡菇-生牛肉薄切生牛肉我都係第一次食👅 因為係簿切 所以唔會話好難入口 有啲橄欖油加醋既醬汁再配左小小芝士-芝士焗墨魚大啡菇芝士中間夾住墨魚餅 彈牙爽口。之後係啡菇 多汁既 我就覺得中規中矩Soup: 黑松露野菌忌廉湯聞落好大陣黑松露味 夠熱 而且佢將啲野菌打成泥狀 食落覺得野菌係好香滑既

好友約晚飯，來到尖沙咀柯士甸路，著名有著不同食店的一帶。這一帶除了食店多不勝數之外，也藏著各式各樣的氣氛在當中。來到街角，竟是有著如此不一樣的店舖，很好奇好友是如何得知。餐廳燈光較暗，卻是一種貴氣似的氣氛。在稍暗的燈光下，令這個酒吧更為突出顯眼，有如明燈一樣為客人作為指引。細看之下，每張餐枱除了基本的餐具及紙巾外，還會放著兩支飲品，令餐廳更添上一份氣派。好友已預先點餐，待我的到來就可以開始晚餐，令我更為期待。先送上生蠔，飽滿的生蠔，顯露出新鮮的珍珠白色，色澤分明，非常新鮮的證據。生蠔蠔味香濃，香味及蠔味突出，有海水味卻不算太濃，但配合蠔肉香，非常特別，首次吃到這個味道。黑麥麵包，橢圓形，麥包表面有白色的粉末，看來很乾很硬的樣子。可是手感卻很柔，口感包軟硬適中，麥味香。黑松露芝士，黑松露香而不濃厚，芝士味也不濃，搽抹在麥包上，兩者的香味非常配合。餐廳為我們準備了紅酒，產地是來自西班牙。容易入口，紅酒單寧較少，帶點點木味，朋友說是鹹味，個人覺得帶點點甜度，比飲過的西班牙紅酒帶著清新的感覺。黑松露海膽意粉，送上時黑松露已經混合意粉的味，已經被氣味所吸引。在意粉之上放著橙色的海膽，份量也令人驚

若說在尖沙咀區內,要有一間餐廳酒吧在價錢合理之餘,又能在有格調的環境內享受到高質素的食物,LAB EAT應該名列其中;每次與朋友到此店消遣,都能盡興而歸!其室內的佈置裝潢以歐陸風格為主,酒吧為中心點,餐檯圍在三邊有致而鬆動地分佈著;配以恰到好處的柔和燈光,加上檯面的燭光,形成了浪漫元素!此餐廳酒吧除了有此優美舒適浪漫的環境外,還能夠穩定的保持出品高質素食物,配上花式多變的雞尾酒,更令人多幾分陶醉在其中!餐牌的選擇去到中等適量的程度,剛好可集中處理好每樣食物的細緻出品,所以基本上每樣食物都可順手拈來地點上!加起來共三人的晚餐,商量了一陣,加上餐廳經理有推介,點選好食物就立刻落單了;踏入五月,香港的天氣即濕且熱,來個這家餐廳酒吧,也來一杯驅走郁悶天氣的雞尾酒吧!看到酒水牌一欄有些夏日特飲雞尾酒,而且價錢相對合理,於是叫了一杯我特別喜愛的青檸與薄荷葉添加色彩的Champagne Mojito;以意大利汽泡酒為基酒,加入Rum酒與糖漿,就調校出這麽一杯消暑特飲!無論從外觀或是飲用角度/配搭食物來看,這絕對是一個好選擇!前菜的生蠔率先登場,在燭光的映照下顯得相當飽滿,三個人的份量剛好每人一隻;擠

今日一行五人去食飯慶祝朋友生日預先我已經openrice訂座 有88折今次搵人整左個蛋糕直接送去餐廳我地野食全部share嗌左兩個湯三個小食一個牛排兩個意粉龍蝦湯：味道濃郁，有好多龍蝦肉，抵丫黑松露野菌湯：吾夠味 無菌類食到如果兩個湯都嗌，最好飲左野菌先再飲龍蝦湯，如果吾係野菌就會淡味左生蠔今次簡左150蚊三隻又大隻又鮮甜 價錢吾貴但都有水準生牛肉片味道較淡，配上芝士同火箭菜不過剩係食到芝士味 無牛肉味煎鴨肝分量較小 5個人每人都係分小小試下，配上士多啤梨果醬都吾錯，如果鴨肝愛好者可以自己食一舊田螺薯蓉：我都係第一次遇到呢個食法，吾係用6個窿既碟裝住薯蓉，係將佢地放係多士上面配上黑松露，好好食，本人都比較喜歡食田螺，所以好開心呢間餐廳有新食法。主菜黎到牛排配沙律菜同蕃薯條，牛排嗌左medium，肉質易咬，但多左小小肥膏海膽黑松露意粉，比左一個驚喜我地全枱人，因為一心諗住係海膽汁煮，無諗過真係有好多海膽喎，混合一齊食又吾差喎，最梗要海膽吾腥因為吾夠飽，我地嗌多一個墨汁意大利飯食到個個咀都黑色的，好多墨魚，飯都煮得幾好，配上芝士一齊食更佳最後全部菜清哂，店員好聰明咁走過黎幫忙清乾淨枱面，

第一次去呢間餐廳食，好好味呀！今次叫咗一個兩人set，另加一個main 同dessert！全部食物質素都好高！我最仲意就係：（主菜）黑松露海膽意粉：海膽同黑松露味道好襯，海膽分量好多又新鮮 ，整個都意粉好cream！黑毛豬拼鵝肝：黑毛豬肉多汁又嫩滑，加埋好軟綿綿鵝肝，真係另外甜品係我最期待的，78%黑朱古力心軟，最喜歡食心太軟個種口感，但又怕甜，這個黑朱古力心太軟就滿足到我啦！一切開就爆漿黑朱古力再加雲呢嗱雪糕🍦一口食落去，真係滿足到特別的係，餐廳的兩人set係有wine配搭，仲係三款酒，俾你配合唔同菜餚。分別係汽泡酒、紅同白酒！氣氛，食物同服務都得滿意，但進餐兩小時就有點趕，如約朋友食飯，慢慢傾偈就唔得了*佢係要預約，分兩時段6:30或8:30。進餐時間兩小時！

上OpenRice搵到呢間餐廳，雖然見到其他人都會不約而同有一啲差評但咁岩近我就試試，而無我想像中咁差，起碼服務員態度都唔會話惡劣，都幾有禮貌。可惜上菜嘅前後次序就錯左，上咗湯先至上麵包，然後又唔記得我哋攞咗個前菜，搞到食晒主菜先嚟。講返食物先，第一個我哋叫咗黑松露野菌忌廉湯，味道唔錯，非常之香，有濃郁的菇味！之後就係生蠔，嗰日有三款，有兩款＄150（3隻）同一款＄180(3隻）,個人覺得貴少少果款得個大隻，反而150果款好食點。第三樣就係沙律，我地點左無花果水牛芝士沙律🥗味道不過不失啦，無花果係幾特別嘅。跟住就上牛肝菌意大利飯，感覺上啲飯嘅口感比出邊嘅意大利粉更加有咬口，味道都唔錯。之後就係溜咗單嘅芝士焗蟹肉大啡菇，唔知係唔係太過真材實料嘅關係，蟹肉有時會連埋啲殼一齊係隻菇，味道方面是幾好的。最後就係焦糖燉蛋甜品，因為我哋得兩個人，冇得試最多人叫嗰個拼盤....味道還好，同出邊都差唔多。提一提呢度係冇清水供應的，要另外一支支買。其實總括嚟講間野啲味道都幾好，只係作為一間高級餐廳來講收呢個價錢應該唔只呢個質素，嗰日我哋食嘢嘅客人唔過四台，但係咁樣都可以將啲上菜先後次序調亂同埋漏咗單，而

地點：離地鐵站有點遠，如果吾係有折，我應該吾會上網book ，因為附近好多野食選擇。我book 左星期日7點，一去到餐廳無乜人。餐廳環境吾錯，但坐既位置一般，張枱好細，枱與枱之間太近，完全無私人空間，全程我都係聽到隔離討論緊咩。同埋d職員不停望住我地食野，好想好急吹我地走。食物方面：個生蠔，沙拉，和牛正，但個意粉一般，甜品可以話完全吾得，個心太軟入面係無流心朱古力，已成為蛋糕。如果再有下次，我諗我吾會再黎，會想係附近試下其他，因為沒有特別令我深刻想再黎食。

預早跟友人慶祝聖誕節, 我們兩位女生選了這間很有格調的餐廳環境不算很大, 但都很浪漫, 很乾淨餐牌都有很多選擇, 海鮮, 意粉都有先來了餐包先, 很鬆軟生蠔都很抵食, 很有海水味再來一個洋蔥湯, 湯有很多洋蔥煮到已經很軟棉棉, 而且甜度剛好炭燒紐西蘭羊鞍配香草蒜蓉汁,皮脆內軟, 很有肉汁鴨肝, 配上多士味道很夾最後來個甜品就大滿足配埋這杯香檳, 柚子味, 很適合女仔飲價錢中等, 這裡有很多客人慶祝生日紀念日是不錯的選擇!

同事farewell去咗呢間度食，之前朋友都話呢間水準唔錯，我哋一行八人，叫咗個生蠔set配支白酒，生蠔非常好味，我地都唔夠分，最後再encore叫多兩份另外我哋想食Rib，服務員介紹我哋食一份可以足夠10個人嘅牛扒，嚟到真係好juice，分量十足，仲有一個海膽意粉，嚟到個海膽唔係揸流攤，有幾片大大片係上面，價錢非常之平民，有咁嘅水準，確實係非常之出色。另外同事仲偷偷地同我慶祝生日，一早order左一個甜品，好靚得來仲有好好味👍🏻👍🏻今晚過得非常之開心，平民價錢就食到嘅西餐，水準仲要非常唔錯，我都幾強烈介紹呢一間

生蠔好新鮮，味道唔太咸因為本人對於太腥嘅味道會好抗拒，而佢就一啲都唔腥唔黴值得一試🙌🏻依個salad賣相好好，煙三文魚唔太咸，配埋芝士同蕃茄，原來都幾好味系Openrice睇Meun寫系法式黑松露香草焗田螺，點知黎咗依個大啡菇，不過又幾好食啡菇加小小蟹肉，芝士，菇菇粒，洋蔥一齊焗，味道好夾可以一試依個黑松露忌廉湯好濃郁，飲落口感似食麥皮不過好好飲，可能本人中意飲na其實飲完都已經好飽依個2人餐會包每人3枝酒包括: Champagne.🍾White wine. red wine🍷我我中意champagne..但我飲得出佢應該系Sparkling wine，White wine比較酸，女士應該會中意，red wine就濃郁啲，男士會喜歡啲依個就我食嘅main..龍蝦焗得啱啱好，好juicy.龍蝦肉一早已經起晒，好細心而且另外署光先焗，好入味依個就系我男朋友嘅main..佢覺得幾好，5成熟岩岩好，keep到肉汁，鵝肝就可能要分開食比較好，唔系就會好(流)本身睇Openrice meun系心太軟，點知系cheese cake店員話個個系2個月前，已經轉咗，聽完好sad咁其實我打電話book台就

今晚又一次同朋友到Lab Eat食晚餐了，超開心，因之前食過一次感覺好好，於是再來一次。而今晚叫了個set dinner for 2，包括starter、appetiser、soup、main course、dessert及3款wines！今次starter每人有2隻生蠔，生蠔相當新鮮，非常飽滿juices，而且都頗大隻。肉質結實好爽，入口有一股淡淡的蠔香味，而且帶有少少海水咸味，吱少少檸檬汁更能提高生蠔的鮮味，好正！係呢個時間就飲第一杯香檳，感覺好fresh！而Appetiser有兩款，分別係玫瑰煙三文魚配蕃茄水牛芝士沙律及法式黑松露香草焗田螺。首先係玫瑰煙三文魚配蕃茄水牛芝士沙律，煙三文魚唔係太咸，帶淡淡的煙燻咸香味。而水牛芝士質感煙煙韌韌，但咬落好軟身好滑，帶出淡淡的芝士香味，味道唔係太濃。而沙律菜就好新鮮爽口，加上黑醋汁，味道酸酸的十分開胃。呢個係法式黑松露香草焗田螺，擺盤好靚。田螺焗得剛剛好，唔會乾晒仲好juices，而且肉質好爽口。味道方面一食落口好重黑松露味，但慢慢帶出香草味，兩者match埋令田螺更惹味，令我呢個唔係咁食田螺既人都覺得好食。係田螺下仲有又幼滑又香甜的薯仔

與好友相約到 LAB EAT Restaurant ＆ Bar 聚餐，餐廳位置雖有點難找，環境幽靜格調舒適，實屬聚腳談天說地吃好東西的好地方。見餐廳有提供即叫即開生蠔，二話不說每人嚐一隻。生蠔件頭雖不大，蠔肉飽滿，蠔味濃郁且 Creamy ，不需要檸檬汁或辣椒仔提味亦美味非常。Set Dinner 內頭盤有香橙牛柳粒沙律，擺盤精緻。骰仔盤的牛柳粒肉質滑嫩，咀嚼時不感韌口。是日餐湯紅湯味道略淡，表現稍遜，畢竟餐湯是套餐內的配角吧。添加調味料後尚可。主菜：黑椒吞拿魚配黑蟹籽露筍忌廉意粉。忌廉汁香濃幼滑豐盈。意粉質地有彈性，配合黑蟹籽於口中爽脆口感，有種和而不同的感覺。吞拿魚帶點油脂香，加上黑椒香味，配搭令人討好。炭燒羊鞍配香草蒜蓉汁，羊鞍表面烤至微焦、油脂略融的表面令人垂涎。味道具濃厚羊肉獨特味道而不覺其羶味，不用沾醬汁吃已經相當好吃。脂肪在口腔融化，不覺其肉質結實。芝士焗原隻波士頓龍蝦，雖芝士並非半融狀態，配以龍蝦啖啖肉。份量不少，沒有可挑剔的地方。另外一人叫了一支手工啤酒， Big Wave Bay IPA 印度淡麥酒，味道比普通啤油具較重的麥味與苦澀味，而苦澀味過後竟有柑橘味散出，苦

一年一度聖誕節快到了，又是阿Jam和阿Tea一起放鬆的時候。下班後和阿Tea相約於尖沙咀地鐵站找地方吃晚餐。店家附近不難找到各式食肆臨立，可謂各式其適。今次因為想吃西餐關係於是一路走來找到店家，真的直接來不像阿Jam和阿Tea般慢慢走的話大約花十分鐘左右吧。甫進去店家很細心的領位，並介紹相關菜式。店家不久端上四款來自不同產地(Live Oyster /美國; Gillardeau, Majestic, Normandy/法國)的生蠔。四種生蠔新鮮肥美，味道迥異。美國產地的相對沒有太強的海水味，法國產地則帶有淡鹽又或鹽味會較重。店家並配上自家製的醬佐以食用。之後店家端上Sweet Corn Soup (粟米湯)和面包。阿Tea覺得湯的質感幼滑。阿Jam則覺得湯質感可以再幼滑一點，否則予人感覺好像是在喝一碗沒有加入味精的罐頭粟米湯，有點令人失落。美食當然要配一杯合宜的飲品。阿Tea點了當月的推薦飲料(wine of the month)—雞尾酒Santa Claus ($78/glass)，阿Jam則點了意大利白酒Prosecco ($70/glass)。Santa Claus用了烈酒(C