大阪李朝園 (已結業)

筆者和一位中學時代的朋友，大家都是章魚小丸子的發燒友，每每見到章魚小丸子必定兩眼發光，還記得以前在銅鑼灣百德新街的新大丸食街（相信九十後的朋友們已未必知道大丸百貨的存在了），當中有 一檔由日本人主理的小攤檔，專門售賣日式八爪魚小丸子，那外脆內軟的口感，和濃香醬汁的滋味，實在令人難忘，無法抗拒，每次和朋友去到例必你一盤我一盤的吃個不亦樂乎，但隨著時代變遷，店鋪交替，那小攤檔亦早已結業，隨後這廿多年雖然仍有不少販賣章魚小丸子的專門店，但始終未能嘗到那令人懷念的風味，可能就是那老土的 一句，回憶裡總是美好的。最近在網上發現銅鑼灣有一間日韓食店，可以讓客人自己製作小丸子，作為章魚小丸子擁躉的筆者，當然二話不說便約齊好朋友兩夫婦一起去試下啦。去到銅鑼灣駱克道，朋友已給門口的小丸子公仔吸引住，見到店內坐滿人客，心裡還想著可能要等一陣子，想不到十分幸運，等了差不多十分鐘就有位入座了。此店地方不算太大，座位也相對較為擠逼，除 了對著門口的幾行高身吧台，就是另一邊的幾張正常四人餐桌。店內 採用一般的地道日式食肆裝修，沒有堂煌華麗的裝飾，就是實用簡潔乾淨，讓人感覺在家舒服。望望設計精美的餐牌，圖文並茂，很

朋友話見過人自製小丸子，我地心思思又想試下，發現原來就係銅鑼灣呢間大阪李朝園，見MENU有泡菜等韓式食物，初頭有少少混淆呢間係咩菜，原來係一間日韓餐廳呢！係門外等左一陣，見到入面迫迫地有D驚，不過我地就好彩坐左高台自製小丸子有幾款，我地就揀左最經典既章魚小魚子雖然MENU有寫步驟，但店員仍然會逐個步驟教我地，之後就自己黎啦，我同朋友都話：好似好忙咁既倒完奶漿就要接住落4種配料(章魚、紅蘿蔔粒、菜、泡菜)，咁上下就轉90度再fill滿奶漿，再轉至兩邊都脆卜卜，再狂落漿同木魚，就上台啦！平時係街食得多見人咁熟手，原來自己嚟都幾「呢hea」，不過係難失手既！味道方面.. 自家制就當然好味啦！一路整既時候其他野都陸逐黎齊，唔，有少少失望，見佢咁多配料同色水咁靚，入口竟然無味豬肉炒泡菜，微暖幾易入口，但略嫌唔夠辣仲叫左個雞軟骨，不過不失，炸得幾爽口

要數我屋企買過最無聊的家品，應該都是章魚小丸子鐵模名列第一了，因為好似只用過一次，之後便長期收藏於廚櫃的深深深處。銅鑼灣的大阪李朝園最出名就是可以讓客人自製章魚燒，有得食又有得玩，合乎經濟效益!這頁冬日餐牌是冬季限定的，既然機會不常有就要試一試了。章魚小丸子 $128製作小丸子的材料及用具一應俱全，先在鐵模上噴上油當油開始沸騰時就可以加入麵糊及各種材料 (蘿蔔、八爪魚、洋蔥、泡菜)。煎到開始成形後就可以將小丸子反轉，其實都幾易反，又好玩。完成之後就加D沙律醬呀，木魚碎呀等等，真正即整即食，口感自然熱辣辣脆卜卜。醬油湯烏冬 $68冬日menu期間限定之物，烏冬夠嫩滑，一啜就可以成條吸入口。面頭加入大荳牙、泡菜等，增加了爽脆口感，而叉燒亦醃得入味，咬落鬆軟。大阪青蔥燒 $48見到面頭鋪滿蔥碎已覺得很吸引，每一口都夾雜著無窮青蔥，香味更加為之撲鼻。下次有機會要再黎試整章魚小丸子，希望我到時的技術會更進一步。

識嚟呢度係喺Facebook見有朋友打咭，今次同friend一行兩個女仔試下先！呢日我地9點先嚟所以唔使等位... 章魚小丸子$128首先店員會示範一次燒幾粒我地睇，之後就靠自己啦！個漿算係剛剛好落滿18個洞，而章魚份量有限，不能貪心想一粒加太多~其他蔬菜類配料反而好夠啊如果多d章魚就更加好啦！大概燒5分鐘左右，中間的章魚丸先熟要先反旁邊嘅要等多三四分鐘先熟建議大家一開始一定要加夠油，唔係反唔到啊！係唔係燒得好靚呢！其實我地叫左2次，因為第一次燒得唔好，店員見我地兩個人食2次都嚇左一跳！講返味道，其實正正常常無乜特別，不過係幾好玩！另外我地散叫左沙律同小食，掛住玩無影相。雖然未必會經常嚟食，不過今次係唔錯嘅經驗。

經常在外買章魚小丸子，看著人家製作就覺得好有趣。近期發現銅鑼灣駱克道有一家 DIY章魚小丸子，當然要找朋友一起去試, 一邊玩一邊吃!雖然地方不算大，但很乾淨整潔又夠光猛，店員服務都很有禮貌。我們二人點了，DIY章魚小丸子，黑椒牛肉石頭鍋飯，泡菜午餐肉飯卷!($128) 。店員很有耐性地學我們製作的步驟，起初都有些手忙脚亂，又怕多又怕不夠，弄多一兩個就很快上手，洋蔥，紅蘿蔔，泡菜，章魚肉，粉醬，沙律醬，燒汁，紫菜碎，全部有齊。不需要很長時間就做好，燒好的小丸子外脆内軟, 章魚味濃, 加起配菜口感一流，味道真係和出面街買係一樣的, 而最重要是這個美味小丸子是自己親自操刀! 黑椒牛肉石鍋飯($68) 。熱辣辣的，黑椒味濃但又不會太多而便飯過份辣，牛肉不會太靭, 牛味拈上點黑椒更覺惹味!內有粟米洋蔥等蔬菜所以不太油膩。。午餐肉泡菜卷($58)韓國的午餐肉不同港式午餐肉那麼咸，味道適中，應該是新鮮做的，因為紫菜沒有淋，同時泡菜卷中的泡菜不是太辣，配合得恰到好處, 辛辣中帶點口感, 又能飽肚。這餐飯很開心, 有得食有得玩, 大滿足~

成日收工行過見到都有D人排下隊, 終於黎到試呢到最出名應該就係章魚小丸子~可以自己整, 價錢真係唔算貴, $98 有18粒!黎到店員會好細心咁教step.先落50%漿, 落料, 再落滿漿之後一半熟時就反, 哈哈, 好難反!但過程好得意!幾經辛苦先整到~不過18粒好似太多... 有D難control... haha!最後加上木魚,醬,紫菜粉就食得幾好味~個人認為好食過好多章魚小丸子店賣既o個D, 有D會好滯, 但呢個唔會. 雖然章魚細粒左D, 但係好"煙un"! 所以都足夠我地有一半加左泡菜, 一半冇加到, 有泡菜既味道惹味D, 唔加既就淡口少少木魚好好食!!! 個人勁鍾意食木魚, 而份量都好夠!唔洗怕就住就住.不過由於唔識睇入面熟唔熟, 我地有幾粒好似唔係好熟咁..但我估全部D料都係本身熟的, 同事後都冇肚痛 就由佢啦哈哈!呢到有min order 除章魚小丸子以外仲要再叫其他野, eg 野飲(可能防止個個客只係入黎玩小丸子啦 )但如果正常晚餐, 只食小丸子唔夠的.所以我地仲叫多左個日式牛肉火鍋同埋軟殼蟹沙律但整小丸子真係好忙, 個火鍋我地搞到D牛熟曬, 個火熄埋都仲未食到第一塊牛

終於去到哩度食野喇 好開心啊～～～不過黎哩度食野一定要book位如果大家都想嘗試自製章魚小丸子的話 就要順便book埋喇喇喇喇喇其實坐的地方有點迫但不是問題重點是入坐起計只有75分鐘 所以就要快喇自製章魚小丸子 會有專人講解點整佢時不時都會提下要點做 不錯喔～～～又有得玩又有得食都幾開心味道緊係正啦哈哈 記得要吱多啲沙律醬同埋紫菜碎 好正～～～另外仲有叫左泡菜牛肉飯 韓式壽司芝士卷全部都係即叫即整 新鮮熱辣上枱的泡菜牛肉飯唔太辣 怕辣的人都食到牛肉都唔會好韌 味道不錯至於 韓式壽司芝士卷 真係好芝士😍😍一定要趁熱食 因該係入口即溶 同卷物好夾 哈哈凍左食就無咁好食架喇第一次來 我推介這三款食物👍🏽👍🏽

DIY章魚小丸子玩得好開心@大阪李朝園早幾日在FACEBOOK見到友人DIY章魚小丸子相片,非常有趣,打聽下原來章魚小丸子在大阪李朝園可給客人即席自製,而且價錢不貴,便和媽媽去試試看大阪李朝園位於銅鑼灣廣場一期過一點,近鵝頸橋附近,非常容易搵到,小店入面裝修充滿關東風情建議早一點來食飯,大約7點左右門口已經出現在等的人龍,入到去店員會問你想食章魚小丸子還是單點其他食品,如果是來食定食之類,店員會安排坐在高腳椅那邊我們為了章魚小丸子而來,因此安排座在四人桌那邊,店員已預先放好一系列做章魚小丸子的材料~壁上也有中文日文說明,圖文並茂,非常清楚不過店員還是非常細心為我們講解做法先加以油,等爐燒熱(媽媽好專心地聽~)之後加入預伴粉漿再加入其他配料媽媽努力中~之後待夠熱後就可以轉動小丸子雞手鴨腳的我們最後還是請店員幫我們弄好了之後可以加入沙拉醬和醬汁,還有柴魚乾味道很好呢,雖然有點醜,不過過程非常有趣 我們還點上了炸雞紫菜卷,味道有點像韓式飯卷,入面的炸雞脆卜卜,上面加了芝麻更為香口,卷入面加了大量蔬菜,食落一點也不膩燒牛肉石鍋飯天氣實在太凍,我們另外點了一客燒牛肉石鍋飯,上桌時的樣子非常吸睛,

契妺返親香港都必定會幫襯駱克道某壽司店，因近幾次喺門外都見到隔離舖企出人龍，行近啲就俾佢發現原來一眾年輕人都係等緊去「大阪李朝園」玩燒「章魚小丸子」 。契妹好奇心重，見門外o既廣告實在吸引，所以就即興相約收工後去試玩 。正門迎接食客o既章魚公仔肥嘟嘟、滑嘟嘟，勁可愛 ！店子以木為主o既設計日韓味極濃。高枱上o既吊燈都幾靚。矮矮o既散座都放有爐頭，似乎已預計大多客人都會燒煮章魚小丸子。幾邊牆上雖掛有推介餐牌，不過細佬留意到客人大多都係黎燒小丸子，好少會叫牌上o既推介食品。下午茶時間黎食「章魚小丸子」原來有特價，不過小肥要返工，無緣享用優惠 。可能大多人客黎「大阪李朝園」都係第一次落手落腳自己燒小丸子，牆上貼有一張彩色大海報，圖文兼備教授煮製過程 。 章魚小丸子（$128）：除咗火爐、鐵板、秘製蛋漿之外，燒緊o既時候大家可隨意加入小碟上o既洋蔥碎、紅蘿蔔粒、泡菜、及章魚。可能見二人不知從何入手，傍晚六點半店裡面又未有其他人，哥哥仔好友善地自動上前教路並出手相助，仲喺中央嗰兩格簡單示範 。小肥唔多入廚房，只明白秘訣同開頭落油有關，同埋啲蛋漿要好有耐性地分幾次加：起手先落一半，加

週四晚上在銅鑼灣逛街，途中發現了一間特色小店「大阪李朝園」。餐廳地方大算很大，左邊是一排高桌，右邊是一列普通木餐桌，兩者共通點是桌上都放了一個小巧的章魚燒爐。翻開餐牌，首頁有小店的簡介，餐廳始於「李朝」燒肉店，靠泡菜發跡，第二代接棒後以「李朝園」品牌發揚光大，現在在日本開了三十多間分店。一場來到，當然要試試特色章魚小丸子。依照店員建議，先燒熱丸子爐，再加入少許油。待油溫足夠，便可加入麵糊及各式餸料烤煮。可選餸料有章魚、紅蘿蔔、洋蔥及泡菜，各人可依自身喜好隨意配搭。待半邊丸子成型，便可翻動丸子加入麵糊弄製另外半邊。最後的部驟是在金黃丸子成品上加上醬油、海苔及木魚片。章魚丸子外層香口，內裏熱辣燙嘴，整合味道和面上的醬汁很匹配美味。 再來一份人氣 No. 1 的滿腹套餐，內含豬肉泡菜飯及韓式冷麵，一冷一熱，對比極大。豬肉泡菜飯以燒熱石鍋盛載，內𥚃有豬肉碎、泡菜、芽菜、雞蛋等等，吃前先將所有配料與鍋飯拌勻，再加入帶甜的辣醬。鍋飯帶飯焦，特別香口。配上的泡菜不是只有酸辣兩味，相反地酸辣兩味力度點到即止，留下空間予白菜有所發揮，口感爽脆。鍋飯整體味道不俗。吃過鍋飯，熱感由內而外湧出，一碗韓式冷麵

星期一, 下午茶時段, 見有自製章魚小丸子, 又玩得又食得, 緊係試試啦.都抵玩既, 2個人$98, 大約整到18粒. 如果整整下搞唔掂, 店員會幫手整. 或者你直頭唔想落手, 店員會幫到你.而且有圖介紹點整法.章魚小丸子 ($98/2人) : 約18粒先上爐仔同丸子鐵板, 好的骰好可愛.之後有一盤配料, 包裝丸子粉漿, 油, 甘荀粒, 洋蔥粒, 椰菜粒, 泡菜粒, 章魚粒,,,,,等等還有木魚絲, 紫菜粉, 小丸子醬汁, 沙律醬. 當然有工具, 夾丸子既夾仔, 同木竹籤.板燒夠熱就落油, 跟住落9粒分量粉漿 (揀板既中間, 火力平均, 熟左就放邊邊位熱住).接住加自己中意既配料, 等成形, 用木竹籤轉動丸子, 再加粉漿直至整成一粒.成形後可放在旁邊燒脆外層底熱住.用木竹籤吉上碟, 加醬汁, 沙律醬 (拉花紋, 自己想畫咩都得), 木魚絲, 紫菜粉.搞掂, 同自己整既美食影相啦.之後可以再整9粒, 一邊食一邊整....甘就一個下午啦.味道係普通, 同平時食既差唔多, 不過自己整黎食好玩, 又可以整俾朋友, 親人, 伴侶食.

你又浸他又浸……浸什麼呢? 大家還有印象曾經掀起製作水果酵素的熱潮嗎? 有人以健康之母來形容酵素, 當時身邊有不少朋友都紛紛自家製作, 還向我推介它多種益處, 如幫助消化、改善體質、促進新陳代謝、排毒、提高免疫力等等……, 而根據網上資料所得, 檸檬酵素含豐富維他命C, 又能止咳化痰及有助排出體內毒素, 還有美白肌膚作用, 哈哈, 岩晒我! 故當時也想試製作一瓶檸檬酵素, 但聽了朋友的講述後, 過程挺繁複, 重點是要保持乾淨, 一受污染便會發霉, 全部不能要。最終……我這個懶人當然沒有製作。幸得今次來到一間日韓菜食店, 竟發現它推介一系列健康酵素菜式。食途尚淺的我確實沒有在食店吃過加入酵素的菜式, 究竟當食材遇上酵素會有什麼變化呢? 真的滿有期待!店子門面以紅色為主調, 店頂舖了瓦片, 設計成一所日式建築物, 門口貼滿食物相片, 亦放了寫上菜式的黑板和一部播放着製作章魚小丸子的螢幕。甫進店內, 以油木色為主調, 設有一個放滿酒類和日韓食品的玻璃櫃。店子地方不大, 一邊設有四張二至四人的高木枱木椅和沙發座位, 另一邊則有四至五枱四至六人的普通座位, 枱與枱之間略為狹窄, 坐得不太舒適。*