焱丸水產 (已結業)

〈焱丸水產〉一直都係〈本兔〉首屈一指，最愛嘅開飯熱選之一原因好簡單，除咗食物質素夠高，夠新鮮之餘，價錢又夠抵當然佢哋嘅設計咁富日式風格都係本兔咁喜愛依間餐廳既其中一個原因。〈焱丸海鮮沙律〉夏日炎炎，先來個清爽嘅沙律唞一唞暑新鮮非常嘅沙律菜清新又爽脆，加上多款新鮮嘅刺身例如三文魚，吞拿魚，油甘魚等等我最愛嘅刺身粒粒，配埋酸酸地嘅清新醬汁一齊食，為今晚嘅美食展開序幕。〈原條池魚刺身〉所謂不時不吃，嚟到主打活水產嘅〈焱丸〉當然要睇下當日有乜新鮮推介之選！！原條新鮮池魚成條上都只係$188，仲可以兩食，真係超抵。特厚切嘅池魚油脂非常厚，入口質感爽脆，透着淡淡的鮮甜，再配以特製的姜蔥醬油，鮮味更見突出。〈焱丸號壽司〉餡料滿到絕對要用〈澎湃〉來形容的壽司鮮甜甘味嘅海膽一直系本兔嘅最愛，再加埋魚味濃郁嘅吞拿魚和伴有沙律醬嘅鮮帶子和蟹柳條滿滿的舖在壽司上，好豪華喔〈蟹味噌甲羅燒〉來到〈焱丸〉，必定必定必定要點〈蟹味噌甲羅燒〉！！因為真係實在太好食，每次食完都回味無窮，成日都心思思想返來食。〈甲羅燒〉的做法非常簡單，就是專人會在你面前把盛有滿滿蟹膏，蟹籽和鵪鶉蛋等材料的蟹蓋放在爐上磯燒。不消一刻就熱辣

日式水產店開到成行成市，呢間店食落真係貨真價實首先前菜叫咗蟹籽蟹柳薯仔沙律，簡單嘅生菜上面有一早預備好嘅薯仔沙律，薯仔切粒，大小適中，加上少量嘅青瓜，大量嘅蟹柳絲，蟹籽同蛋黃醬，冰涼清新三文魚洋蔥卷更係將前菜嘅水準帶上一個層次，多種材料口感豐富入面嘅洋蔥絲帶刺激性，好爽口，包住香滑嘅三文魚片，仲有醬油漬最上面有薄切radish，蛋黃醬同黑魚籽，食落脆卜卜又夠清新，十分推介名堂響噹噹嘅龍神卷～壽司小卷好多魚生片！有兩隻白身魚，鮪魚赤身，三文魚，松葉蟹肉小卷入面包住蟹籽同海膽，好鮮味，加上簡單嘅海苔絲同蔥絲，整體味道好夾食日本嘢最後先食熟食，浜燒海鮮十分新鮮由海鮮上枱到正式食落肚，都有專人幫你整，而且呢度啲店員手勢好純熟每隻白蜆都脹卜卜開口透氣，雖然受熱唔係好均勻，有蜆要遲啲開口，不過店員都係仔細咁去料理與此同時甲羅燒就落咗鵪鶉蛋搞勻，全程都唔使我哋郁手燒香嘅蟹膏，蟹籽，蟹肉，蛋，蔥，撈埋一齊，口感好獨特，味道又濃郁店員將啲白蛤嘅殼沿住中間剪去，食落方便好多，真係有落功夫最後嘅蜆肉十分juicy，磯燒鎖住海水嘅鮮味

今日男朋友帶我食好嘢佢話竟然未去到日本旅行，不如去食日本嘢。咁我梗係無所謂啦，港女最鍾意食日本菜！銅鑼灣係人來人往，鋪頭係後面，相對寧靜。 店鋪裝修相當日風 入到黎好有返鄉下感覺！除了主餐牌，仲有時日精選前菜先黎個唐揚八爪魚，即叫即炸，炸粉不會太厚，外脆內嫩溫泉蛋天婦羅相當有驚喜 食個陣諗唔明個蛋黃點樣可以係炸完後都係流心！一個字，正！黎到當然要食食磯燒！烏賊爽口新鮮，蟹蓋蟹膏味夠曬濃再黎刀貝，店員好細心幫我地燒，唔洗怕過熟or過生。刀貝鮮味重，無沙，好味道！蒲燒饅魚，北海道炒飯都唔錯㗎。饅魚個汁不會太流，食得出饅魚鮮味，又無乜骨，幾好。北海道炒飯都好足料，又香口。雖然已經好飽，但都盡力食。總括，好食到下次要帶啊媽食。

炎丸海鮮沙律熟蝦三文魚刺身 + 吞拿魚刺身 + 生菜 + 青瓜粒 + 油醋汁 = 清新開胃刺身3盛 $160 + 甜蝦刺身 $68包括三文魚、帶子、油金魚、甜蝦… 有圖有真相，全部都好新鮮。三文魚富士山堆得山一樣高的三文魚刺身，內藏著青瓜卷。三文魚魚脂均勻，肉質嫩滑，配上了新鮮清甜的青瓜卷，吃完也不會覺得太膩。蟹味噌甲羅燒即松葉蟹膏釀蟹蓋, 蟹膏上面加咗些少蟹肉和鵪鶉蛋。呢啲組合想唔好食都難。海老天婦羅天婦羅粉漿開得剛剛好。唔太厚，但足夠脆口。而且完全唔油膩。Perfect ! 烏賊磯燒原隻魷魚放在爐上烤熟，有人幫你燒、唔怕over cooked。厚切的魷魚烤熟後肉質仍然很爽滑，佐酒一流。白蜆磯燒蜆肉非常新鮮飽滿，而且完全無沙粒。燒熟開殼後加入少量清酒同煮，完全唔需要其他調味… less is more巨峰提子乳酸Refreshing ! 

喺日本食過磯丸水產一直念念不忘。今日思鄉病發，一於要喺香港搵返一間差唔多嘅去回味一下日本嘅味道啦！一踏入焱丸水產之後有濃厚嘅日本味道同配合着日文歌，真係令人期待今餐飯。先來一碟刺身三盛再加甜蝦刺身。刺身三盛有三文魚、油金魚同帶子，刺身嘅口感非常好，口感好厚，好有肉質。同放題所食到嘅完全差九丈遠。甚至覺得比係日本食到嘅好。完全係重質不重量嘅典範！沙律我就食得多啦，但係配魚生嘅沙律我就未食過。覺得幾特別就叫左嚟食啦。依個配搭好fresh, 感覺好新鮮。雜錦天婦羅有蝦、青椒、南瓜、薯仔、洋蔥仲有件雞肉添。不油不膩，食落肚無飽飽濟濟嘅感覺。蘆筍煙肉牛油燒，洋蔥好似多咗少少，不過真係好香好香。跟住落嚟就到最期待嘅磯燒水產啦！就咁睇個樣未煮熟已經好吸引啦睇住佢慢慢熟，啲香味係咁飄呀飄呀出嚟終於有得食啦白蛤雖然外表細細隻，但係入邊每一隻都肥嘟嘟㗎，燒嘅時候加埋清酒落去一齊燒，變成咗清酒煮蜆。又有口感又夠香好好味呀甲羅燒係整個磯燒嘅重點！我夠膽講呢個甲羅燒係店嘅必食推介蟹膏味好香濃再配合蟹肉同蟹子，一啖過可以享受晒成隻蟹嘅精華，真係不得了！！一定要食！燒魷魚🦑魷魚本身都香口架，再配合佢個汁味道就更上一

一間以海產為主題的餐廳，室內裝修很像在海邊用膳的地方，很有風味。自選的刺身拼盤自然是最好的頭盤。原條池魚並非常每日都有，是買手看中當日最好及新鮮的才會在黑板上寫出，供食客選擇。所以吃的時候覺得特別新鮮，加上不是每一晚都有，顯得特別珍貴。另一款特別喜愛的就是雲丹（即海膽），很獨特的味道，小小的一部份滿載美味。認為刺身還未足夠的，就可以試試壽司了。這個招牌焱丸號壽司有不同的新鮮刺身，海膽味濃，魚子及蟹子帶點咸味，各有各的獨特，卻是配搭得很好。來到這餐廳，當然不可不吃燒烤。由侍應幫手燒，火喉控制得剛剛好，也更加方便，很讚。先來一個蟹蓋配味噌，味噌配蟹咸香味很足，配合青瓜一起吃，一清一濃，很好的味覺享受。最後還要來一隻魷魚燒，配上特制醬汁，爽口彈牙的魷魚便燒成了，美味非常。

之前試過尖沙咀分店食lunch，今晚近近哋帶媽咪嚟試吓銅鑼灣分店。星期二嘅晚上6點，已經坐咗差不多40%，好多人仲已經燒緊食物，超級快手！呢度嘅裝修同尖沙咀差唔多，背後都係有個大魚缸，好有日本居酒屋嘅風味，播住輕快嘅日文快歌，唔講真係以為自己去咗日本蟹子蟹肉薯仔沙律 ($78)看似平平無奇嘅薯仔沙律入面加咗一絲絲嘅蟹肉及青瓜，配合一點點嘅蟹子，整體口感徘徊在似蓉又絲之間，非常開胃！原條伊佐木 ($328)係今日新鮮運到，分薄切同厚切，肉色白裡透紅，食落唔會太多魚油，魚味幾濃，入口有啲爽脆帶彈性甜蝦刺身 ($68)口感黏黏帶彈牙，味道甘甜壽司盛盒 ($268)有10件壽司加6件青瓜卷，全部都新鮮，開頭擔心海膽會腥，但食落都好香滑！白蛤磯燒 ($45)蜆肉大大粒，喺燒到開蓋後加入清酒及醬油磯燒，肉質鮮嫩，食落仲有啲啲海水味大蝦鬼殼磯燒 ($116)見到都哇一聲，每隻都大過手板！燒完有焦香，但又有鮮蝦嗰種濃郁味道，肉質好彈牙，仲好肉厚！蟹味噌甲羅燒 ($68)店員將鵪鶉蛋、蟹籽、蟹肉及蟹膏撈勻後就開始燒，瞬間已經燒好，食落有脆卜卜嘅蟹籽及清新嘅青瓜絲，好有層次，感覺上亦都冇咁膩三文魚雜菇牛油

約咗大學老師食飯～梗係搵間有傾計舒服又有好西食嘅好地方！呢間炎丸位置唔算太張揚～日式居酒屋嘅裝飾好靚～食飯同時食埋裝修～一級享受！一開波食啲沙律先! 醬汁係另上～方便個人調味！魚生新鮮無腥味，有啲青瓜增加口感！前菜仲有炸藕片～食落似薯片口感～霸氣上場嘅有原條伊佐木！除咗檸檬仲有碟小醬汁（味道帶有少少甜味～幾清新）薄切口感更爽！香港人！唔係厚切先好食㗎！壽司款式多～三個人每人都有得試吓～海膽味濃～唔會重腥味～帆立貝清甜，仍然係我嘅最愛～～款多嘅什錦天婦羅～連秋葵天婦羅都有平時唔敢食嘅我～今次都試咗！比平時淨係洽，易入口好多lol最近真係周圍都有甲羅燒～蟹肉、蟹膏、蟹籽樣樣齊！睇見都流口水！仲有帆立殻燒～呢款比較小見帆立貝配蟹膏／海膽／三文魚籽 三款都好好味～人多嘅記得嗌嚟試下～人多好辦事！食好西道理相同！多人自然嗌多啲～樣樣都試下先係上上之選！

焱丸是一間日式水產店，主打日式燒海鮮，每日都有海鮮從日本空運到來，但價錢卻比起同類型的食店相宜，所以上次食完後就一直心思思想再食，今晚終於有機會了。＊＊＊＊＊＊＊＊＊＊＊＊焱丸店面雖然不大，但店內掛滿日本風的旗幟，店家用盡店面每一吋地方來讓食客仿如置身日本的水產店。食燒物點都要配返杯冰凍燒酒，所以跟朋友一人一杯。左: 洋梨燒酒($58)燒酒酒味不重，有淡淡洋梨甜味，女士應該會喜歡。右: 生姜燒酒($48)生姜燒酒同樣酒味不重，有生姜微辣味，幾特別。蟹味噌甲羅燒($68/隻)甲羅燒就是燒蟹蓋，蟹蓋內放有蟹肉、蟹膏、蟹籽、蔥花和鵪鶉蛋。店內的燒海鮮全部都有店員代勞，食客只要安坐等食就可以，也不怕亂燒燒壞海鮮。店員在燒蟹蓋的途中，會不時攪拌裡面的食材。燒了十分鐘有餘蟹蓋終於食得了，蟹膏味非常霸道，最適合用來配撈飯或配法包，因為蟹膏中間混和了蟹籽，食時還會有脆卜卜的口感。焱丸活貝大盛($368)活貝大盛包括帆立貝、牡蠣、鮑魚各兩隻和白蜆只隻。白蜆雖然不算特別大隻，但都尚算有睇頭，燒完都不會太乾或黏牙，非常鮮味。店員在燒鮑魚時會把鮑魚殼去掉和切半，方便食用。鮑魚有嚼雩得來又不會太硬，還食得出海水

去完大阪番黎 又心思思想食日本菜一直想試下哩間 放假約咪屋企人去試蟹膏配白飯直係一流同係日本食既味道一樣刺身唔算好新鮮 吞拿魚同油甘魚最好食其他都一般特別海膽唔係好新鮮好大粒既帶子！侍應會幚手燒可能燒得太耐 有d老加上醬油無咩特別個人認為麻麻地新鮮炸出黎 仲好熱！好好食油甘魚魚鮫比三文魚鮫肥美好多！好值得一試 好味平時都唔係好鐘意食薯仔！哩個沙律加左蟹肉同蟹籽仲好美乃滋口感不錯炸粉薄薄地 正壽司d組合唔係好吸引直接叫左D三文魚腩壽司三文魚腩唔算肥美 麻麻地食飯其間有人生日 全場會熄燈所有侍應會行過黎唱生日歌 都幾窩心

小店係CWB一蘭附近, 好易搵, 人流較少及清靜, 不過都一樣要預早BOOK位, WALK IN真係好難有位.小店全木裝飾, 大量BANNER及漁市場的裝飾, 有如去了日本一樣.櫃檯上面掛有即日海鮮推介ORDER了今日新鮮刺身- 梭子魚 及 刺身3盛梭子魚原條切成刺身, 肉厚, 魚皮面燒一燒, 帶點焦香, 魚肉雪白清香, 幾清甜, 肉質少少爽口的, 不HEAVY不油的.刺身3盛, 好厚身, 有三文魚, 油甘魚及帶子, 好鮮甜, 油香滿口.要一點青菜~ 叫了麻醬蕃茄豆腐沙律, 沙律菜好新鮮, 好REFRESHING.每張檯都有一個爐, 當然要叫點燒物, 店內出名聽說係"蟹味噌甲羅燒", 我們點了一人一個.上檯時真係好吸睛, 顏色已吸引.放在爐上燒, 店員會幫你燒埋, 把蛋也打好混入蟹膏內.吃的時候, 蟹籽一粒粒的在口內爆開, 好特別, 味道較為咸的, 不過好特別!白蛤磯燒, 十分肥美的! 看著它慢慢張開口, 肉是飽滿肥美的, 好正!燒柳葉魚, 即是多春魚, 肉質較實, 店員用慢火慢慢燒香~愛吃魚的我, 不再ORDER三文魚鮫, 今次要試吞拿魚鮫, 好多店舖都無架!!吞拿魚比三文魚大隻好多

今天真有口福因為阿妹帶我去食海鲜。平時食海鮮多數入西貢或鯉魚門，但今次居然在銅鑼灣區認真方便。門面和室內佈置很有日本氣氛。首先侍應很有禮貌地為我們介紹當日由日本新鮮運到的海產，令到我已急不及待的立即品嘗。 首先來個蟹味噌甲羅燒 蟹蓋內有很多蟹膏和蟹子，侍應先把鵪鶉蛋和蟹膏混合一起;看來像一團啡褐色的物體放在燒烤爐上買相不太喜愛。但食落甘香好味，若加些青瓜絲感覺更清新。 原條池鱼和象拔蚌刺身 池魚厚切肉質鮮甜肥美，而象拔蚌亦很新鮮爽口。 焱丸活貝大盛 活生生的鲍魚夠大隻見到都開心，扇貝新鲜肉厚，蠔亦肥美食落有海水味;蜆肉漲卜卜毫不遜色，。服務員很細心地把握各類海產燒烤時間，只加些許清酒;將所有美食拿捏得很好地給人客遂一品嘗。 龍蝦鍋 龍蝦原隻開邊上，配菜甚多。大大嚿龍蝦肉咬落彈牙爽口，非常滿足。 青蘋果颱風乳酸 買相唔錯，酸酸甜甜;味道清新。