七輪燒肉 (已結業)

好耐冇食日式燒肉發現七輪燒肉係香港開咗分店梗係去幫襯下啦店舖裝修非常之日本入到去聞到D燒肉味個口已經開始流口水了首先叫咗一下黑豚toro要得拖丶羅就緊係比較脂肪重嘅豬肉原來就係豬頸肉不過住頸肉通常都係比較硬身同埋細細片不過呢款就係完全日本進口嘅豬頸肉佢哋用上大大片厚切嘅方法上起初我都怕好難燒熟同埋好難咬不過佢個爐好好用唔會好易焦之餘亦都可以令到食物好快熟而且啱啱好燒到豬頸肉外邊焦焦地豬頸肉咬落佢係爽口彈牙而且香噴噴嘅豬油慢慢由豬頸肉入面滲出來豬頸肉嘅油香就完全充滿成個口之後叫咗另一樣邪惡食品就係燒大腸因為怕太油膩關係今次就我選擇咗柚子醬原來佢哋用上成條豬腸直接上呢樣就好考功夫慢慢用剪刀將豬腸剪成一條條細細份咁樣就可以慢慢將逐份燒香而且燒豬腸係唔可以心急的要慢慢燒令到豬腸外皮燒到脆卜卜不過下次我就應該要將佢哋再剪得再細分啲咁樣佢哋個外皮就更加脆最後叫咗個牛燒之盛盒入面有牛肋肉，牛胸腹肉，豬腩肉，雞腿肉及羊仔肉一個set入面有晒咁多種肉就非常之扺而入面我最鍾意食嘅就係牛胸腹肉同埋羊仔肉牛胸腹入面嘅肉味都非常之濃但係肉質又唔會非常之硬而羊仔肉亦都唔會羶肉質好嫩滑最後食咗成晚都係燒肉所以就叫左

朋友推薦左呢間燒肉店好耐，今次一行三人去試試呢間燒肉店，因為推薦呢間燒肉店既朋友都係比較識食既人，所以我地都抱住好期待既心情去試。燒肉店位置好方便，地鐵站出去，行幾分鐘已到，出面泊車亦都好方便。環境都好乾淨整潔，唔會有好油煙既感覺，坐得都好舒服。店員服務態度好友善，而且等待食物的時間都唔算好耐。我地點左個黑毛和牛組合，裡面有極級牛肋肉，和牛肉胸腹肉，黑毛和牛臉頰肉，可以試到多款牛肉，價錢亦都很合理（HKD238)而且肉質是屬上級，油脂好平均，燒落去好香，入口即溶又嫩滑😍，非常美味，超級值得推薦。另外，我地都點左個廣島蠔清酒燒，有清甜海水味。刺生沙律好清甜新鮮，酸酸既醬汁好開胃，原材料好好。厚燒豚肉果陣都會驚好難燒，但我地先燒兩面，再剪開燒燒，唔會太韌，醃料入味，食落味道濃厚。蔬菜我地就選了翠肉瓜，粟米，枝豆，粟米同翠肉瓜燒出黎係真係好食好多，另外，枝豆係must 食既一道菜，上面有鹽味調味，口感唔錯比出面好多日本店既枝豆好食好多！

今次小弟轉戰去到對面海為大家分享呢間位於西環既日式燒肉餐廳,小弟對於燒肉非常熱愛,由其係日式燒肉,燒和牛真係諗起都流哂口水黎到餐廳門口已經比其他人既燒肉吸左埋去了,坐底即刻點菜,今次叫左一份七輛三品盛,一份辣雞翼,一份菇合盛,一個黑毛和牛丼一杯巨峰提飲品,同一份A5和牛肉眼扒,先黎既係七輛三品盛,包左牛肋肉,胸腹肉同臉頰肉,每款都係唔同口能同味道,再點埋餐廳提供既醬汁或者喜歡原汁原味咁食既你包你一食會露出幸福既表情,再黎係菇合盛同辣雞翼,雞翼味道會帶小小甜,辣味十足,而菇合盛每款燒落亦都十分之香尤其係用石紙燒金菇個陣,再一淡食落去個菇汁滿佈口內係非常好食,黑毛和牛丼亦都非常有睇頭,醬汁帶甜非常開胃,岩哂一定要有飯到肚既朋友,壓軸登場係A5和牛肉眼扒,先睇相頭,都見到非常吸引,由於係原塊咁上,大家要剪開左先好去燒,一燒個下個陣肉香味真係飆出黎,入口亦都係即溶,但個人喜口啖啖肉,呢塊切得比較薄,口感差小小但亦都不失為一塊高質既和牛

肉 全部都係肉我同小胖男友係朋友圈內出名既牛魔王每次去旅行 無論去到日本,韓國定台灣 都定必食最少一餐燒肉 但係香港要搵一間好食又價錢相宜既燒肉店真係唔多 有好多時只可以去某連鎖燒肉店食住止下癮話說地鐵開左堅尼地城站後都未去過 星期日我同小胖男友終於搭車過去 行下新地方原來近住地鐵站有一條食街 其中有一間七輪燒肉 單係"燒肉"兩隻字已經吸引左我地既目光雖然係日式燒肉 但七輪燒肉同出面韓式燒烤既店舖一樣 可以打開櫈蓋收藏隨身品 唔怕吸味另外亦有圍裙提供勁愛食牛既我地當然以牛為主打黑毛和牛三品較深色既係牛臉頰 特別軟同滑 有別其他部位 牛三品既肉切得較厚身 口感加分黑毛和牛西冷呢個係燒肉店既人氣之選賣相望落同日本食到既差唔多 味道比牛三品更重牛味 168蚊都幾大塊 不過就略嫌切得有點薄 如果再厚d就更正什菇唔知係咪靈芝菇需要較耐時間燒 職員一送上就幫我地放落燒烤爐上 啡蘑菇咩都唔駛加 已經好好味牛丼好大碗好多厚切牛肉 唔係連鎖店貨式整體上 燒烤店既環境同食物質素都屬中上 愛吃燒肉既朋友仔不能錯過

今日我帶大家去到西環嘅七輪燒肉，好方便堅尼地城地鐵c出口一出就見到，一入去侍應好好咁向我介紹食物，佢見到我着白色衫，仲好細心地比咗件圍裙我唔怕燒烤時啲油整邋遢件衫，我叫咗四樣食物，魷魚，韓牛，雞翼同帶子刺身，帶子刺身食落非常新鮮，鮮甜可口配上青瓜檸檬汁，令人有清新開胃嘅感覺， 然之後就開始燒肉 首先侍應會比上一啲脂肪，係爐上燒呀燒令到啲有少少油喺個爐上面，防止燒肉嘅時候會有大量燶既感覺，有令到其他嘅嘢食燒起上嚟有沉香香嘅肉味， 首先 梗係燒下啲牛先啦，韓牛同和牛嘅分別韓牛肉質比較先同比較有肉味 ，依個韓牛係牛肩脊，食落肉質鮮嫩唔似和牛咁入口即溶， 因為本人比較鍾意食肉嘅質感 ，所以我覺得 韓牛比和牛更好食，然後梗係燒雞翼我鍾意食啦！ 雞翼用隻醬好入味雞翼分開兩半唔使食到污糟邋遢， 最後隆重介紹如果去食一定要試 ，就係嗰條魷魚，魷魚非常大條新鮮，只係88蚊非常抵食就算自己去街市買條魷魚返嚟都要四五十蚊， 醬汁醃得非常入味，燒出嚟食樂爽口彈牙非常新鮮，俾自己係街市賣嘅更加新鮮連加一都係400蚊，係燒肉來講超低食

堅尼地城近來轉變了很多，特色食肆林立，多了很多酒吧西式餐廳今個周末到了堅尼地城逛，感受下這裏的轉變行了一個下午後，我們挑了附近一間新開的日式燒肉店這裏的鋪面給人一個很舒適的感覺，桌椅擺放整齊，牆身上貼上木紋牆紙，給人有放鬆的感覺看一看餐牌上的相片，簡直令人垂涎三尺，立即讓我哋食慾大增五款肉之盛合餐牌上實在有太多選擇，我們只有兩個人又想試多一點但叫要太多又食唔晒教，折衷方法就是叫一盤肉之盛合！這個組合有牛肋骨肉、牛胸腹肉、腩肉薄燒、雞腿肉及羊仔肉每種肉各有特色，但唯一相同的，就是都很新鮮，燒完出來都很有肉味當中最值得一題的就是他的腩肉薄燒，他把腩肉切得夠薄，令到他的感覺不會太肥，吃起來也沒有很大的罪惡感另外雞腿肉雖然要燒很耐，但是付出的時間並沒有白費，肉很嫩滑，又唔會太肥！西班牙黑毛豬漿果豚臉頰肉（七輪麻辣）這裏的面頰肉醃得好入味，肉質嫩滑，加埋佢特製的麻辣醬，辣辣地好特別綠葉生菜包叫了咁多肉都要叫啲菜來中和一下，用生菜包包住啲肉，配埋蒜頭、特別的醬料來食又有別有一番風味燒鯖魚平時在日本餐廳叫燒鯖魚就叫得多燒鯖魚就叫得多，但從未試過自己落手去燒今次處子出擊，雖然燒得有少少過了火，但幸好食

 對新界朋友來說，堅尼地城頗遠，但能夠享受美食 多遠都值得。餐廳位於地鐵站C出口旁，七輪就在對面馬路。餐廳設有室外座位，坐在外面烤肉的感覺很浪漫。我們坐在室內二人桌，室內冷氣充足，烤肉味充斥整間店鋪，香噴噴，急不及待要看看餐牌。長方形的烤爐放在桌面上，每人一份醬料。我們二人點了一個沙律、三款肉、一個飯，份量剛好。首先上碟的是七輪沙律（$88）。在沙律中央加上生蛋，混合了薯仔、生菜、車厘茄、青瓜、洋蔥等食材，配上醋、芝麻一起吃，很開胃。由於份量多，可以一邊吃肉一邊吃沙律。能夠清清口中的油份之餘，再吃另一片，感覺又可以重新。然後上碟的是黑毛和牛牛小排肉 ($138)，有5片。小排肉薄薄的，輕輕燒一燒便熟了。和牛味重，燒至焦黃，吃下去脆脆的，很有口感。接著便是黑毛和牛舌薄切（$88），一碟同樣有5片。雖然是薄切，口感沒有厚切那麼痛快，但黑毛和牛的味道突出，爽口，吃光後有點意猶未盡之感。主打的是A5和牛肉眼扒 ($188），巨大的一片!這個我力推!!!有水準!!!這個我扒選了鹽味，用了鹽和黑胡椒調味，醃得很入味，一點也不咸。燒熟後，不用醮醬已經覺得好好味!!!和牛雪花分佈均勻，一個字:香!一整

今晚去堅尼地城歎下燒肉，呢間七輪燒肉裝修好靚，入去到仲有專人介紹店裡的特色美食，好似呢個距地店專有嘅日本製嘅柚子味嘅啤酒🍺，一飲有DD甜味.口裡有果香預留，一邊歎燒肉，一邊歎柚子啤酒，好正呢個日本牛俐又薄又脆，加上蔥花一齊燒，淡淡嘅蔥花香滲入牛俐，淡淡清香，肉汁多，好爽好脆我會夾埋燒好嘅金針菇一齊食，可以中和返，好爽好脆，金針菇好甜！一齊食別有一番滋味海鮮當中我最愛嘅系虎蝦，因為燒起上黎好香，而且最好最新鮮嘅虎蝦燒好嘅肉質好脆好爽，唔會'鞋'，唔需要多餘嘅調味都可以食到蝦嘅鮮甜味呢個雜菇盤，系最後嘅點序，我喜歡燒菌類，因為D菇原本燒起黎會出水，就甘燒會比較乾身，如果放在錫紙托上燒，會易熟又可以保留菇的汁，超正，超甜開開心心又一天，就在今晚好味嘅七輪燒烤落幕，

另一半在西環讀中小學，趁着地鐵西港島線已開通，今天就到西環一遊，了解他孩童時的歡樂時光，逛下逛下，就行到觀龍樓，亦被樹牆附近的一間日式燒肉店吸引，燒肉店的設計比市區的多了一個outside area，街頭附近已聞到陣陣的燒肉香味。餐廳提供的調味料很簡單，只有燒汁丶蔥、檸檬。首先，點了一客牛燒盛盒，包括了牛肋肉，和牛胸腹肉，黑豚腩肉，雞腿肉和羊仔肉 牛肋肉及和牛胸腹肉的雪花平均，質素高，燒起上來不會太油，沒有加任何調味，味道已覺吸引。黑豚腩肉是薄切的，不太韌。雞腿肉切得夠厚身，啖啖肉而且俾我燒老左都仲系好滑。另外，羊仔肉都十分有驚喜，羊肉有少許皮，燒起來有點可接受的羊羶香，食落仲有淡淡的香草味整個拼盤都很高質素，價錢合理，如果想試多幾種唔同肉類，不坊一試鐘意食燒肉既人又點止叫一盤咁少，我地再點多了一碟 - 黑豚臉頰肉，我地選配了麻辣汁，一路燒更飄來麻辣的香味，與咬落爽身的臉頰肉好配，正!!!兩隻食肉獸都想叫番碟菜中和下，餐廳提供可燒的菜選擇多，不過，我地只選了沙律菜用來包生菜包(韓式版)，餐廳提供的麵豉醬味道偏甜，本人就十分喜歡。另外，還點了蒜蓉包，用錫紙燒左一陣就逐片逐片放左爐面燒，食

呢間燒肉店o係堅尼地城站一出就見到, 主打日本和牛同黑豚肉, 朋友食過話唔錯所以介紹我黎, 見到menu仲有新出品韓牛食~先黎一份日本和牛舌, 有分厚切同薄切, 揀左薄切, 牛舌好爽口彈牙, 本身牛味頗香, 唔洗點汁都ok~之後要左一份黑豚toro, 肥肉十分多, 入口豬味好濃, 但真係太多肥肉, 朋友中意肥肉既話好食~再要左一份A4和牛, 和牛油脂分怖平均, 肉既色澤好令, 燒到5成熟, 入口充滿油香, 牛味濃郁, 都係唔點汁食原味最好, 肉質頗嫩, 有小小咬口未有入口即溶~最後要左個黑豚生薑燒飯, 呢個飯好大盆, 好多豚肉幾抵食, 夠哂多汁, 好香口, 不錯!但飯粒林左小小, 硬番d就perfect~飲品要左荔枝梳打, 涼浸浸, 入面仲有2粒大大粒既荔枝~呢度既燒肉性價比不錯, 2人食到飽飽都係每人$300左右~

之前係台灣食個七輪燒肉返到嚟香港都已經成日回味始終係香港都比較少有日式燒肉食點知今日睇雜誌見到佢地最近進攻左香港我呢個燒肉迷見到之後完全諗唔到原因唔去會一會佢餐廳有幾張枱係open area另外一部份就係室內我估open area係提供比食煙嘅朋友都可以食不過我唔食煙就梗係用返係室內啦佢哋嘅櫈細心可以打開個坐墊放你啲行李入去咁樣啲衫同埋行你就唔會吸晒啲油煙味而且佢仲有提供圍裙咁樣燒嘢食嘅時候D油就唔會彈到成身都係食物方面我叫左黑豚腩肉厚切原燒真係成塊腩肉成件咁上首先我先將佢放喺爐上面燒香咗四面先然後慢慢將腩肉剪開一件件咁樣就可以確保每件腩肉都熟晒而且因為增加左燒嘅表面令到每件腩肉都十分之香脆亦都可以將入面油份迫晒出嚟而且食親豬腩肉就梗係唔少得叫個生菜包佢包住豬肉再加啲泡菜同埋啲燒肉汁及蒜頭成份咁樣擺落口食落口完全食指大動燒得外表香脆而且爽口嘅豬肉外面係爽脆嘅生菜再加上比較辣口嘅蒜頭之後就叫咗我上次喺台灣冇食到嘅原隻魷魚因為用上原隻魷魚就知道佢哋唔會呃人原隻魷魚都十分之大隻輕輕燒香左之後就可以將佢地剪成魷魚圈但係由於找千祈唔好燒得太耐如果唔係就會乾爭爭成條橡膠咁呢度啲魷魚都十分之爽口而且

近年開左好多韓燒 而呢間見佢話用好多唔同國家既肉 主要係食材新鮮 特別 黎到見佢既爐好唔同 同埋佢比左條圍巾我 好細心 黑豚肉薄片 柚子汁有6塊 甜甜既柚子汁 燒完食落口感覺好清新 冇咁熱氣既感覺 同埋肉質好林 好香好好味 同埋燒個陣冇平時個d咁痴低 廣島蠔清酒燒個蠔好特別 應該算係半熟既感覺 清酒好入味 但唔會好嗆喉 蠔都好大隻 手打冷烏冬入面有海葡萄 海草 雞蛋 蟹柳 波菜 佢用上日本䜴油 個烏冬超正 好彈牙 好好味 又小小凍既感覺 好岩而家咁熱既天氣食 佢仲要好多配料 呢個好值得一試

聽朋友講西環呢間好多唔同牛既部位可以食到 就一於黎宵夜一下先黎個芝麻波菜 芝麻醬好香 波菜好新鮮唔老 凍冰冰食落口好正再黎個燒雞泡魚肝 佢切得岩岩好 唔會太大條 易入口 雞泡魚燒得好香口 再點埋個沙律醬 佢落左小小七味粉 都好特別黎到主角 A5和牛 我簡左要呢個大三角 佢話呢個係隻牛後面唔知邊個位 佢同左封圖指比我睇 話較小有 但係唔肥 同埋肉質較林 汁我就要左燒肉汁黎到個樣都好靚 有成7塊 比相像中多左 因為見價錢都唔係好貴諗住份量較小 食落口係好香牛肉汁 佢唔係入口即溶個種 不過都係食左幾下已經冇晒 有小小口感個種 呢個真係幾特別 幾好味同埋佢個爐同一般好唔同 下面係水 再有發熱線 佢似隔水燒個種 冇咁熱器同埋燒出黎冇咁易燶 呢個設計好好

係銅鑼灣行完街，就同朋友遊下電車河，除左抖下仲可以睇風景及捉精靈，一舉幾得。坐坐下肚餓，但我地去左西環，於是去左之前朋友介紹既七輪燒肉食晚飯，平時屋企食得菜多，今次要食番D惹味既燒肉先~MENU有好多款肉，雞、牛、豬、羊都有，我又樣樣都想試，於是就叫左燒肉盛合，有5種肉，分別係七輪極級牛肋肉、和牛肉胸腹肉、黑豚腩肉薄燒、雞腿肉及香草紐西蘭嫩羊肉，真係樣樣都試晒~將D肉放係枱中間既鐵爐燒就得，勁方便，而且同韓燒唔同，無咁多煙，唔使食到成面油立立。我覺得最好味既係和牛肉胸腹肉，味道鮮甜，肉質口感又好，加上店內的醬油，真係好好味~ 其次我就鍾意黑豚腩肉薄燒，驟眼睇好似肥牛咁，但燒完食落好正，因為脂肪比例啱啱好，唔會太油膩，有少少溶化既感覺，仲幾香添~咁又唔可以淨食肉既，梗係要食番D菜，所以叫左四品野菌盛合，全部都係菇類，正呀~ 初時唔明乾爭爭點燒，一樣放落個爐度又燒到喎，係唔知幾時熟同金針菇好易燒焦，但係味道好正，好有菇味，最好味既係大啡菇，又彈牙又好味，第二就係金針菇~無飯不歡既我，去到邊都要叫番個飯食，揀左個七輪香葱和牛丼，珍珠米又肥又大粒，和牛都OK，個調味夠濃味又香，令到個飯好美味，

很久沒有來堅尼地城，發現這邊的餐廳很多都改頭換面了，在科士街的幾家以前認識的餐廳都換了新，其中這家七輪燒肉便是我們的晚餐目的地！哈哈這家店就在地鐵C出口旁，非常好找。餐廳是半開放式的，有兩張室外的桌子，如果不怕熱坐在外面一邊燒烤一遍喝啤酒很有感覺哈哈。裡面還蠻大，佈局有點像韓式燒烤。烤爐不是陷下去那種，是一個長方形的放在桌面上的烤爐。我們兩個人點了幾款肉和一個飯，感覺剛剛好。肉類我們點了黑毛和牛（$88）。這邊全部的肉類都醃得很入味，我叫的大部份都是鹽味的。和牛肥瘦均勻，多汁，非常香。下一個是黑毛和牛舌薄切（$88）。大概有5片，每一片烤一烤就可以吃了。很爽口很香呢！！下一個是黑豚腩肉薄切（$68）。餐牌上寫這個是日本新鮮進口的。腩肉真的很薄，不過這樣就不會大塊肥肉吃到肚子裡感覺沒有那麼有罪惡感。下一個是香草雞腿肉（$48）。雞肉比較難熟一點，所以烤得很久才有得食。雞肉蠻滑，很厚，味道偏鹹。最後我們點了一個七輪香蔥和牛丼（$78）。這個很推薦大家點，裡面的牛肉很厚身而且很肥美，超級香！米飯用的是日本米（或是東北米），醬汁偏甜，很好味。大家可以去試試看哦!