七輪燒肉 (已結業)

港鐵通車, 樹牆出晒名的科士街改頭換面, 開了很多餐廳和酒吧. 來得此地, 也順便看一看石牆... 1901 年的地圖, 已經印有科士街的石牆, 是作為護土牆, 石頭砌牆身, 屬就地取材之作, 也是客家傳統技藝, 經歷風雨, 仍然堅固. 去過沖繩, 必會吃過海葡萄, 一串串的海藻類食品, 像葡萄的細粒粒, 配日本醋, 入口咀嚼, 爽口脆卜卜, 好似魚子一樣. 向店員查詢推介項目, 提議這款"七輪極上黑毛和牛之盛盒"... 頗長的名稱....即係和牛拼盤吧... 店員為我們續一介紹: 厚燒黑毛和牛舌, 和牛內胸腹肉, 極上和牛牛小排肉, 霜降黑毛和牛臀肉, 天使和牛嫩肩肉,... 店員一邊講, 我一邊聽, 正所謂... 小時候, 阿媽話我...講極都唔聽.....左耳入, 右耳出, 我現在切身感受, 完全聽不入耳, 望住碟和牛, 心裡只有一句: 好肚餓....話口未完... 就上火海了... 滋滋卜卜聲音不斷, 香氣四溢, 搶食時間到, 手快有, 手慢無.... 小時候做過童軍, 食飯必定比沒有做過童軍的人快, 因為去露營時, 晚上煮飯, 慢些少, 就比人食晒了... 高級貨, 黑毛和牛

有時候，配角往往出色過主角好多，有些情況，還要出色好多好多，說起配角，羅蘭係表表者。說起七輪燒肉，我就想起羅蘭，還記得電影七月十四嗎，就算影帝劉青雲都冇佢咁搶鏡，龍婆這個配角搶鏡到到而家你可能電影都會唔記得，但你會記得龍婆。這裡的配角海鮮和前菜沙律全都在水準之上，就如羅蘭姐，為七輪燒肉加了不少分數。芝麻醬菠菜沙律，呢個菠菜沙律份量好少，但配上好多好多的芝麻醬，為我們今晚吃肉的主題殺出一條血路。雞泡魚乾，食日本菜點少得呢個魚乾呢，可惜今晚要早訓，唔可以飲酒，費事飲太多影響第二朝的精神，不過雞泡魚乾脆得可口，配合沙律醬，絕對係送酒佳品。薯仔沙律，從來我唔覺得食薯仔沙律好唔吸引，但係呢個薯仔沙律出奇地好食，簡單方程式加上一些脆脆在外邊，開胃都不行。日本椰菜，呢個最得我心，一大盤的椰菜加上點點的沙律醬，醒神又酸酸地，就算我唔太喜歡日本椰菜也吃過不停。四式前菜有牛蒡，泡菜，蒜頭和酸蘿蔔，全部係沾上一點的泡菜之辣，泡菜的辣是絕對惹火又醒神，蒜頭和酸蘿蔔都係辣辣地，牛蒡又juicy又鮮甜，我一吃就愛上了。還有呢個好似中式的拍青瓜的日本青瓜，沒有什麼調味，簡單配合的韓式醬汁，總括幾樣野食都十分開胃，特

好友相約吃烤肉，立刻答允，地鐵開通至堅尼地城，極之方便，這條近地鐵站之科士街，已進駐了很多食肆，這間「七輪」便是其中一間。餐廳地方算闊落開揚，惟貴賓房的的設計較獨特，女生出入不太方便。先來一些小食和沙律：芝麻醬菠菜沙律，菠菜無苦澀味，配芝麻醬很夾。雞泡魚乾，點蛋黃醬吃，是下酒佳品。薯仔沙律，似俄羅斯的沙律，薯蓉軟綿。日本椰菜，清爽可口。食肉獸之選：極上霜降和牛刺身，顏色豔麗，入口軟滑。和牛之盛盒，有牛冧肉，牛胸腹，牛肩，牛脷，牛小排，肉質有腍的，有嚼勁的，悉隨尊便。幻之於豚盛合，肉質不錯，肉味不錯。別府麻辣雞腿肉，辣得過癮。青檸岩鹽手羽先，以青檸醬醃過的雞翼，試新口味。廣島蠔清酒燒，酒味濃郁，重本之作。原隻魷魚，賣相好，味道佳。燒鯖魚，不過不失。焗棉花糖，玩味指數高。炭燒咖啡慕絲，有進步空間。

自從地鐵大學站、堅尼地城站等車站通車之後，交通方便多了，就像這一晚，我乘地鐵到這間店舖就在堅尼地城地鐵站出口附近不遠處的日式燒肉店吃東西，也感到十分方便。這一晚，我們因為人多，所以被安排坐在店裡兩間一大一小的獨立廂房中較大的一間用餐，本來這是個好的安排，但這兒廂房的設計明顯有問題，足可容納十人用餐的房間裡，坐在最面的人除非不用離開房間到洗手間，不然的話，一就是要其餘的人全部讓開給他通過，一就是根本不可行的從大大張的長檯下鑽過去，再不，就只有在用膳的數小時裡忍住不去廁所，這廂房的設計可真是失敗。至於食物方面，這兒的前菜，好像「一番青瓜」（$28）、「日本椰菜」（$32）、「芝麻醬菠菜沙律」（$28）和較為特別的「秘製薯仔沙律」（$28）等，水準都不過不失，也能開胃，特別是那「秘製薯仔沙律」，大大個的薯仔球中夾雜著細碎的炸薯片，吃來令口感變得豐富得多，著實是一個有創意的做法。「原隻汁燒魷魚」（$78）新鮮烤熟之後，切成厚身的魷魚圈享用，也軟腍彈牙，感覺挺佳。不過那本來極之吸引的「極上霜降和牛刺身」（$168）雖然紋理漂亮，雪花均勻分佈，但因為切得較薄的關係，牛味沒有預期中的濃，就有點令人失

這個冬天特別喛，十一月中依然短䄂衣服，幸好偶有秋風，至少不會悶熱！熱風未去，熱物待不住，月前由韓燒開始、日燒丶川燒、港燒、放題狂燒，是晩又再次日式和牛燒。以中港大戰睇波為值口，一伙人相約於西環一家燒肉，打算大擦一頓後，熱鬧地觀賞球賽。周二晩上客人不少，是否因為附近餐廳有波睇？無火燒烤，爈頭是用發熱管的。調味醬料只有燒汁，及備以青蔥及檸檬，相信是對自己的材料及調味有信心之表現。七輪燒肉以鹿兒島黑毛和牛及西班牙黑毛橡果豚作主作，大家當然不錯過喔!皆因時間緊湊，今晚可算是速吃，到步後不加思索，一刺身、三前菜丶二拼盤丶一片排丶最後一個甜。胡麻醬菠菜沙律簡單美味，翠綠色的新鮮菠菜，切口非常整齊，相信是把它灼熟後，然後以日本胡麻醬調味便成，醬汁濃郁有麻香，味道豐富，菠菜鮮嫩。蟹肉芋絲醋漬蟹肉份量豐富已經調味，青瓜多汁爽脆，非常新鮮清甜，芋絲滑而有彈性，小碗內盛著的疑似清水，冰涼無味道，怪不得是個前菜，這個配搭，口感清鮮，作為燒肉大餐前稍為照顧胃納未嘗不可。溫泉蛋雜果沙律溫泉蛋剛熟並不流心，鮮橙颜色，以中華汁調味，中西日混合的沙律，隨意隨心，滑溜的蛋白蛋黃及雜果沙律伴青菜，中華汁調味出色，味道足夠，

筆者已有好一陣子沒有吃過日韓燒肉，適逢有食友相約於一日式燒肉店一聚，正好給予機會重拾當中的味道...是日到訪的餐廳「七輪燒肉」理應開業不久，因上回途經科士街都不覺此餐廳的存在。或許燒肉店始終油煙較大，餐廳格局都採取較開揚的設計，方便店外的鮮風進出。店中的抽風系統是韓式單枝煙管，感覺上不及爐邊抽風來得直接徹底。而爐具方面則捨棄明火而用上電熱管，油煙相對上少了一點。來到燒肉店，都預期會以肉類食材為主，為了平衡飯餐的營養選擇，我們亦特意多點一些沙律菜蔬調和一下。芝麻醬菠菜沙律是相對香口的沙律，原因固然是當中的芝麻醬，而配上的菠菜也算合時嫩口。蟹肉青瓜芋絲醋漬是冷凍酸溜的組合，非常合適用作開胃菜。面上的蟹肉在醋酸襯托下亦顯得特別甜美。七輪特製日本椰菜亮點是其爽脆口感，但因其賣相與味道皆比較單調，其他沙律選擇相對更吸引。七輪特製沙律是另一道以店名命名的沙律菜式，亮點是有一只溫泉蛋置於薯仔及田園沙律之上，以蛋汁拌勻雙式沙律，口味口感更豐富。菜式美中不足之處是溫泉蛋稍熟，蛋汁不夠豐盈。極上霜降和牛刺身是繼沙律外的另一冷盤，霜降和牛肉色粉嫩，脂質分明，賣相固然吸引，但與燒熟的和牛相比，刺身吃法始終味道

用電爐，無火燒烤，調味料簡單，只有燒汁丶蔥、檸檬。和牛刺身打頭陣，冰涼肉嫩，但我覺得都係燒肉惹味。$489 的黑毛和牛盛有五種牛肉，有質素，味道好牛小排丶臀肉丶嫩肩肉丶牛舌丶胸腹肉，不同部位肉質有些少分別，吃到的臀位軟棉棉，多啲肥膏滑啲，牛小排最有牛肉感，感覺最好係牛胸腹肉，肉最靚，黑毛牛唔羶，貴啲係值得。要些椰菜中和吓。牛魔王大滿足。

堅尼地城開左新既日式燒肉店 一定要試下先！可伸縮既煙通 吸走哂d油煙～ 睇下有d咩野食先 先來兩杯飲品 分別係青森蘋果汁同巨峰提子汁 清甜可口！ 前菜點左麻醬菠菜 烤肉前清清腸胃！ 仲點左青瓜同超好味薯仔沙律! 真係唔錯 之後就點左個和牛刺身 *v* $168 only! 魚生就食得多 唔特別 但呢個係粉嫩嫩既新鮮和牛 薄切後冰鎮住上菜 賣相吸引夠新鮮才可以做刺身啊 夾住洋蔥片再點一點醬汁 食落牛味唔算好突出 不過肉質真係好鮮嫩幾乎係入口即溶 唔錯 而且咁既價錢算係咁啦！最後揀左豬肉 幻之豚盛盒 $388 入邊有一串串黑豚荔枝卷 仲有肩胛肉眼 豬肋排骨豬脷同埋豬臉頰肉主打來自西班牙黑毛豬 豬肉配上荔枝肉感覺特別多左一份果香 令肉質更清甜而豬肉眼亦都非常腍 不過其他部位就比較普通唯獨價錢取勝啦 仲點左清酒煮蠔 都算新鮮既！ 到我最愛既青檸雞翼 正～ 燒呀燒 燒雞翼真係人人愛～ 最後點左個甜品其實燒綿花糖同Oreo原來係幾夾 不過太甜了 哈哈不過幾得意既！地址：西環堅尼地城科士街40號地鋪

港島西近年開左唔少新食店呢間就係主打燒肉嘅七輪燒肉 先黎啲小食炭燒雞泡魚乾 $38好味指數: 3.8/5抵食指數: 3.8/5望落個樣就好似魷魚絲 食落就係第二回事肉質比較腍 唔洗咬得咁辛苦炭燒醬汁甜甜地 加上沙津醬 用黎送酒極上霜降和牛刺身 $168好味指數: 3.8/5抵食指數: 3.6/5外型砌到靚靚 謀殺唔少菲林味道質感似好生嘅牛扒 但切到好薄原故入口即溶 跟住有牛嘅脂肪味道食完一塊之後 可以食幾條洋蔥 清下味蕾再食魚肉刺身大家食得多 但和牛刺身真係少見 值得一試原隻魷魚 $58好味指數: 3.7/5抵食指數: 3.6/5魷魚幾乎係海鮮狂必點項目簡單燒下佢 已經好好食海鮮最忌過熟 燒到轉色卷起 就證明已經食得魷魚十分彈牙 腳仔香噴噴極上黑毛和牛盛合 $498好味指數: 3.9/5抵食指數: 3.6/5一個盛合包左五種牛牛有牛舌 胸腹肉 牛小排 牛臀肉 同埋牛肩肉各有各特色 一次食哂最滿足不過個爐唔夠熱迫唔到牛味岀黎 要扣一啲分睇下啲和牛 放上爐燒下肥膏岀哂油 肉轉色就食得

地鐵開通左一段時間去堅尼地城，所以多左去個邊找朋友食飯。上次經過地鐵站見丁新開左哩間日式燒肉，次次都係食韓式燒肉，今次食返日式燒肉先。 由地鐵站C出口步行唔洗5分鐘就到，好方便。可能早到同平日關係，去到唔洗等位，友人叫左青森蘋果汁，而我就叫左檸檬茶。青森蘋果汁好飲，係日本個隻，唔會好酸，而檸檬茶係普通雀巢。前菜方面，我地叫左一番青瓜同芝麻醬菠菜沙律，個青瓜超新鮮爽脆，配合個秘製醬，別有一番風味。而個芝麻醬菠菜係超級好味，菠菜嫩滑，配合麻醬柔合得宜。係餐牌到見到個極上霜降和牛刺身覺得非常次吸引，價錢相宜，就叫左，配合一個秘製醬汁，賣相吸引，但上面放了太多洋蔥，本人不太好洋蔥，而牛吸收了洋蔥味道，所以令我有少少卻步，但整體黎講，肉質鮮甜，入口即溶，真係好正！雖然食燒肉，但係都係要食返D蔬菜健康D，所以我地叫左個五品野菜盛合，有紫洋蔥，友人十分喜愛，而且佢整到好似波板糖，茄子，南瓜，栗米和脆肉瓜，燒完之後香脆點埋個燒汁好好味。主菜我地點左和牛之盛盒，個賣相十分吸引，有牛臀肉，牛嫩肩肉，牛小排，牛舌同埋牛胸腹肉，都係和牛的唔同部位，如果鍾意食有咬口既肉，推薦你食牛小排同埋牛臀肉，而牛臀肉係個人

友人相約小妹在西環新開幕的七輪燒肉吃晚餐，友人R說：不少雜誌推介這店，小妹說那不如就試一試吧！放工時段七點多，店內也不少人，店員安排我一行七人坐進房，隱蔽度頗高的，但位子有點惱人，要爬行在能進內，所以體型略胖也比較難擠進內。麻醬菠菜$28前菜之一，日本料理必食的一項。菠菜翠綠口感水潤不會滾過火。每口菠菜也沾滿麻醬，溫和不會太膩，雖然有點平凡。日本青瓜配麵豉醬$28這青瓜口感爽脆，每口咬下也配上清脆一聲，並不會滑潺潺的感覺，這就是新鮮的象徵。味道清甜清新的，蘸點麵豉醬微微的鹹味不會太搶味，可以帶出青瓜的甜。薯片薯蓉$28薯蓉混上不少蔬菜，薯蓉是帶有顆粒的口感，薯片香脆混入口感軟腍的薯仔蓉也頗特別的，前菜的各類小食也頗出色的。極上霜降和牛刺生用木桶加冰粒上菜，保持刺身的新鮮，和牛刺生配上獨有醬汁，醬汁微酸醒胃，牛肉紋理佈滿，配上開胃的洋蔥。入口半溶帶點嚼口，冰感不會太重，吃上兩三塊已經很滿足。幻之豚盛合$388----西班牙黑毛豬豬肋條燒香表面至金黃色，邊位微微焦脆，入口細嫩多汁，肉質爽口不會太嚼，肉汁不會過鹹，沾些燒肉汁滋味更甚。只是經微微燒烤，滋味已經令人回味。幻之豚盛合$388---