北京老家

营业中

休息中

北京老家的裝潢設計特色，別富故事中的老北京格調，我們覺得有趣，外籍人仕更會覺得有意思，而且還有拉麵條表演，是請客的好場地。 食物設計配合，乾隆雍正宮廷宴、或者特色前菜主菜皆備，如果只是的自己人食飯，家常小菜水準也過得去。 今晚最令我們有驚喜的是老家燜子 $118，燜子是地瓜粉造的涼粉，經過煎燜而成，腍腍地又帶點煙韌，配合芝麻醬汁，味道討好豐富，真的美味！ 一向我都喜歡四喜烤麩 $78，今日方才知道＂烤麩＂是＂靠夫＂的意思，從古至今不變，女子婚後可以做＂亞太＂當然是幸福美好！麵筋混合冬筍、木耳及香菇，脆爽軟棉又多汁，水準合格。 點了兩款十大名菜，葫蘆香鴿 $218，其實樣子不太似葫蘆，香酥味辛，皮脆肉嫩，非常惹味，出色的一道。 大娘燒餅 $54/只，羊或豬兩種肉的選擇，可能是正宗北京口味，雖然見到有焦烤效果，但涼了偏硬、皮太厚，不過不失而已。 拔絲山藥 $88，賣相不俗，甜甜糯糯的味道。

一踏進這「家」，便感到它有着濃濃的中國風，全店皆以深褐色的木桌椅為主，古色古香；場內亦有師傅定時表演拉麵助慶，氣氛熱鬧。我們選了不少菜式，前菜、主菜、麵食和甜點一應俱全。前菜點了四喜烤麩和蒜泥茄子，常以為用手搣的烤麩才是正宗做法，但這店的烤麩卻切得非常工整，味道不太濃，但開胃；而蒜泥茄子，由於茄子本身味道較淡，只能吃到蒜味。主菜：吃北京菜，怎能缺少北京填鴨呢！一隻北京填鴨到枱時已經「骨肉離散」，沒有機會親眼欣賞到廚師的片皮功夫，有點可惜，但碟上仍可看到不同的片鴨法：淨鴨皮、鴨皮連少許鴨肉、少許鴨皮連大片鴨肉；用熱騰騰的薄餅包著鴨肉、海鮮醬、京葱和青瓜，大口大口的吃著還是十分滋味。老家燜子：用薯粉炸成的小方塊，吃時有點煙韌，混入了芝麻醬去拌吃，味道像冷麵。五門面青：豬面青爽滑，醬汁帶甜，像去了辣的回鍋肉。葫蘆香鴿：這菜式的名字也許源於盛載鴿子的碟像個葫蘆吧！雖然碟尖放了孜然粉去提味，但乳鴿還是傳統油炸為佳。大娘燒肉餅：豬肉和羊肉饀料各有特色，燒餅像乾煎走油酥餅，不油膩，很好！紅油抄手：一口菜肉餛飩，混了不甜不辣的醬油，味道不俗而且吃得方便。胡同牛肉刀削麵：牛肉的做法有點像蔥爆牛肉，刀削麵

今晚我們一行八人揀了所有人也未去過位於灣仔的北京老家吃晚飯。由於餐廳裝潢是走古式古香的風格，配上很多特色的擺設，我地幾位女士就瘋狂地影相打卡，男士就負責點菜。侍應生説今晚所飲的茶是大麥茶，唔睇餐牌都唔知原來只有灣仔店舖才有供應，茶位每位$15。是夜叫了蒜泥茄子（$78）和四喜烤麩（$78）作為前菜，茄子比較淡味，烤麩味道略勝一籌。食京菜又怎可以不點北京填鴨（$428)，我們有八個人，所以叫了一整隻，每片鴨片都有皮和肉，分佈得很平均，不會有太過油膩的感覺，皮薄饀靚，整體不錯。今晚我最欣賞老家燜子（$118），外表看起來不甚起眼，但味道很特別，質感煙煙韌韌又有囗感，記得蘸上那些醬汁一起吃，味道濃郁又帶有點麻醬的香味，可能未曾吃過這道菜，非常有新鮮感，不經意地吃多兩件。第一次食葫蘆香鴿（$218），發覺盛載的碟是葫蘆形狀，不知是否因此而命名，外表看起來有點太乾的感覺，但廚師烹調出來的效果是很能鎖住肉汁，換來外脆內軟的口感。拔絲山藥（$88）外貌很吸引，以往只會吃拔絲香蕉或拔絲雪糕，原來拔絲山藥也不錯，味道甜甜地又爽口。

北京老家在灣仔也有分店，還有2層的！一層是接待，一層是用餐。設計非常有心思！有濃厚中國色彩。有部份台會有魚缸做底！可清晰見到魚游來游去，都幾得意。吃京菜當然不少得這隻北京填鴨，圖的份量為半隻。鴨都幾肥美！肉嫩滑。鴨既油香濃郁，熱辣辣既薄皮包上京葱，青瓜再蘸上醬包住食。係好食既但唯一的是青瓜竟是冰凍的。有點打了折扣！！但鴨是惹味香口的葫蘆香鴿，第一次食這種煮法！炸到很鬆脆乳鴿肉滑好味道。炸到外層脆脆的老家燜子，是蕃薯粉制成的，口感煙un醬汁為麻醬。好惹味。高力豆沙唔會過甜。外層香脆亦不會有油膩感

朋友在灣仔附近反工就相約幾個人一起在這𥚃食晚飯一坐低工作人員介紹碟開胃前菜，老家心靈美，酸酸甜甜又真的幾開胃胡同刀削牛肉湯麵，湯味濃厚，麵口感竟然甘正牛肉信心保證北京塡鴨，人不多可以叫半隻食，北京菜怎可不吃小小十四喜烤麩，都系前菜大娘燒肉餅，入面個餡炒得好香，多肉汁，好味老家燜子，朋友非常喜歡食，我自己都覺得可以蕃茄蛋麵午門面青，豬頸肉，非常入味又好吃蘆之湖露營村葫蘆香鴿，好特別整法，全隻食下去都吾覺油，好香炸芝麻湯丸，最後食反個甜點，完美結束

和幾個朋友吃中菜，大家選擇了北京菜，在腦海中的北京菜大多是吃餃子的，很少會來這些餐館。來到北京菜館當然少不了吃片皮鴨，片皮鴨半隻分量比較少，粉皮大概有八至九塊，不算太多，味道油份等則不過不失。叫了一個老家心靈美， 看到餐牌才知道這個原來是花心蘿蔔，要這個的原因是平常沒有看過這個餸菜。花心蘿蔔絲配上甜酸醋，味道挺清新，但是蘿蔔應該是生的，如果不喜歡吃草青味的朋友便要考慮一下了。另外叫了一個老家燜子，這個就是炸番薯粉配上一些麻醬，又是未試過的菜式感覺很新鮮，未試過的可以一試。葫蘆香鴿， 比起我們平常的炸乳鴿，這個炸鴿有一些獨特的味道，好像是一些茶香，像茶燻鴨的炸鴿子，很香口特別，肉不多但也很嫩多汁，一人半隻，份量剛好。高力豆沙的甜度適中，粉團軟硬剛好，作為這餐的完結十分滿足。

京菜成日都食，但前排同家人去左灣仔嘅北京老家，發覺佢地嘅菜色都幾特別，如果食厭傳統嘅，呢間可以一試。 當日餐廳個氣氛唔錯，多人但唔會好迫，每張枱都有距離，保持到大家嘅私隱。而且我地6個大人連一個BB，張枱好夠大，坐得舒服。 食左北京填鴨，皮夠脆薄餅又夠熱，可以比高分。 前菜是冷盤來的，叫老家心靈美，是蘿蔔絲來的，加了醋汁，所以好開胃。另外仲有四喜烤麩，一樣酸酸甜甜。 來了兩件大娘燒肉餅，熱辣辣，好似中東個隻烤肉餅，都幾好食。 主菜叫左老家燘子，像麵筋一樣有點煙靱，吸左D汁嘅味，但唔會好咸，都幾清新。 午門青肉，呢款反而係濃味嘅！肉好爽餸飯一流！ 另外就係蕃茄蛋麵及胡同刀削牛肉麵。前者會覺得唔係特色菜，但反而覺得好清新，因為湯底都好鮮茄味，食唔出係茄膏味道。而後者就有D辣，麵質都彈牙。 最後就係葫蘆香鴿，反而係全炸唔係燒嘅，我就覺得有點熱氣，但朋友鍾意食香口野就勁Like! 甜品就食左高力豆沙同炸芝麻湯丸，好大份又足料，食完真係好飽！

灣仔店比尖沙咀分店更闊落，坐得冇咁逼。店員服務唔錯，會同我地介紹菜色。老家心靈美 $78係紅心蘿蔔絲做嘅冷盤，醬汁酸甜，好開胃。北京填鴨 $218份量較少，鴨皮唔夠香脆，較為失色。午門面青 $118香脆淮山片炒豬頸肉，雖然偏油，但係好惹味，食到停唔到口。葫蘆香鴿 $218好咸好油，唔啱我口味。葫同刀削牛肉麵 $88牛肉份量好多，大大碗好抵食，刀削麵煮得偏腍，如果彈牙啲會更好。高力豆沙 $88啱啱炸起好鬆軟，豆沙可以多啲。

品嚐過灣仔的北京老家，覺得這裡的京菜不俗，而餐廳位處灣仔合和，其實與港鐵站有一段距離，不過也值得一去。門口佈置也有着老店鋪風味，出面還有一埕酒。沿途的裝潢也不少心思，先有花橋、再有俑兵，大概花了不少金錢於佈局上呢。上層就是用餐地方，枱枱椅椅，以至牆身都採用彷效古色古香的深木色，使設計感覺歸一。傳統菜式以北京填鴨聞名，故點了一客，逾二百元有半隻，也算扺食，填鴨表皮油潤，像塗了層光油般，皮夠脆，再加了部分油脂，入口夠油香。填鴨皮來到個度仲微熱，連蒜、青瓜一齊食更美味。午門面青用上淮山、豬頸肉而製，豬頸肉口感佳帶嚼勁爽彈，以甜豉油在表面上，甜而濃郁的味道，豐富得來使豬頸肉更見惹味，加上上面灑了芝麻，更有層次。胡同牛肉刀削面，麵粗身彈牙，非常煙韌，維持麵條的水準，而且湯底很美味可口，很有牛的味道 。兩人吃過後飽得捧着肚子，滿足地離開，大概一大班人一起來，可以吃得有更多選擇吧！

中國地大物博，每個地方都有自家的家鄉菜，今天就來到食北京地道菜的北京老家。北京菜原來跟在香港最常食到的上海菜很不同，用了很多油爆、醬爆的方法，今天食了的其中一樣叫為”老家燜子”，外觀似炸芋頭粒，但口感卻是QQ的、彈口的，上網一查才知原來燜子用紅薯澱粉做，真是又長知識了。老家心靈美，菜名很美麗，但又是上菜後只看外觀都猜不到是什麼食材，一絲絲的紅絲，末端有點點綠色，再淋上醬汁。原來是紅色的生蘿蔔刨成絲，醬汁是糖醋汁的味道。生蘿蔔有種獨特的味道，而且會偏辣。北京填鴨，可能是眾多菜式當中最為熟識的，鴨香，但這裡可吃出最為地道北京的味道。蕃茄蛋面，就是蕃茄炒蛋+面，不過面條會是比較粗身和硬，價錢是亮點，$78能在合和食到碗面，這個價位很OK用膳中途有師傅出來表演拉面條，都頗有趣。

穿過利東街來到北京老家，餐廳裝潢充滿祖國味道。老家心靈美是紅色的蘿蔔絲，生蘿蔔加了糖醋，口感爽脆，地道北京味道。半份北京填鴨，味道不重，外皮香脆。老家燜子是芋頭味，口感很軟。大娘燒肉餅，包很厚很飽肚，加了肉碎增加口感，提升味道。蕃茄蟹麵的湯很鮮甜，像家母煮的味道。麵的質地是硬，很有口感。高力豆沙跟其他店吃的不一樣，上面是砂糖。不喜歡吃太甜我我很喜歡這個甜點，豆沙很少不會很甜。餐廳的洗手間很特別，是金色的。

一黎到餐廳門口已經俾哩間餐廳既裝修吸引住，見到有中國傳統婚禮上既木橋，大戲中既面具、紅木枱櫈哩d元素，好似去左北京既老飯店咁，哩度真係好特別。哩張係餐廳門口位，真係好有氣派。北京菜喺香港比較少食，所以打開餐牌覺得大部份菜式都好新鮮，連菜式名都好有趣，要睇番美文翻譯先大約知係咩黎。大娘燒肉餅 $108哩個燒餅做法係東北風味，中間肉粒用洋蔥爆得好香，個餅要趁熱食，凍左有d硬，夾左好多肉，好juicy,同平時飲茶食既包好唔同。老家心靈美 $78個名好靚，原來係一碟涼菜，係黑醋伴紅蘿白。店員告知哩種紅色蘿白係東北獨有，愈凍天氣會愈紅，好有趣。味道係酸酸甜甜，咬落好爽口。蕃茄雞蛋手擀麵 $72哩碗麵賣相似我地平時食開既蕃茄炒蛋，但原來係好鮮甜，好中意飲啖湯，好鮮唔多配味料，簡簡單單做出一道好菜。麵相信唔係機整，手打既，食到好彈牙，麵條有質感。午門面青 $118睇名又係估唔到咩黎，係鮮淮山炒豬頸肉。係濃味既一道菜，鮮淮山好爽好食，炒得好有鑊氣，下次再黎都會再點黎食。現場會有師傅表現整麵嫁，吸引所有食客既目光，睇完給予掌聲支持！

早幾日去左灣仔呢間京菜—北京老家〜無論裝潢同食物都幾高質, 仲有唔少影相打卡位。一入到鋪, 就有個花橋, 旁邊有幾張椅, 擺設幾靚, 可以影下相！仲有放住一大堆「聖旨」, details位都執得好正, 好似入左傳統古代店食飯甘。沿住樓梯直上2樓就係用餐地方。四人枱下面都有Decorations, 放左d小石塊, 而值得一提係呢度的茶幾好飲, 一問之下 , 原來係大麥茶, 入口甘甜, 仲可以有助促進血液循環, 健脾消膩添。第一次食四喜烤麩, 原來烤麩係麵筋的一種, 而四喜係乾香菇、金針乾、鮮筍、木耳。而烤麩綿密的口感, 食落彈性, 帶點甜地同時又帶點鹹, 幾特別。北京填鴨點了半隻, 賣相唔錯, 皮香肉嫩, 大部分都淡淡肉, 價錢唔貴, 而且水準幾高。呢碟午門面青超好味, 係用左淮山、豬頸肉加甜豉油及芝麻而製, 淮山極爽口, 仲好新鮮, 而豬頸肉有嚼勁，加上由於滲透甜豉油, 所以味道甜甜地加濃, 好惹味, 推介推介！胡同牛肉刀削面, 面底唔似出面食d刀削面一塊塊, 呢度係一大條甘, 面較粗身, 但質地好彈牙, 比起一般一塊塊的刀削面口感更好, 而湯底唔鹹仲好濃香。葫蘆香鴨, 上枱時已好香

今晚同幾個朋友都好想食片皮鴨 於是我二話不說就推介話去北京老家到食～因為我已經食過幾次 覺得呢間餐廳嘅裝修，食物同環境都好北京好地道，又非常正宗。值得一讚既係服務超級到位，餐廳四周都充滿住濃濃既北京味道！開始我地既美食之旅～首先我們點左杯豆漿豆嘅味道非常濃郁而且唔會好甜又健康朋友覺得非常開心可以係呢個地方飲到正宗地道嘅豆漿。然後我們點左素鵝，呢個可以話係開胃菜，這品質十分出色，外脆 裡面就多汁，好味。去食北京菜唔少得既一定要食北京填鴨，一套烤鴨會有兩套蘸料，皮有幾層，鴨肉帶皮，金黃誘人，肥瘦相間，皮香而不膩肉質緊實。下一道菜係水煮魚，辣味濃郁。我們都係一個魚肉愛好者，水煮魚裏面既芽菜、干辣椒花椒生姜雞蛋大蒜紅油豆瓣醬芝麻油胡椒粉料酒等等將魚煮得美味無窮，魚肉又唔腥又滑身。京蔥牛肉，牛肉非常嫰滑，京蔥更加不用多講，夠哂香 令到成碟菜既味道大大提升最後係高力豆沙，這個代表作既甜點都可以代表住老北京既食品同時亦都考驗廚師既手藝～豆沙香味十足，蛋白的淸香比個贊，為呢一餐飯劃上一個完美的句號。

京菜大部分都是味濃的菜式，而小弟也很喜歡食，所以今次就約了一班朋友一起去試這間北京老家，看看這老家是否有正宗京菜的風味。餐廳裝潢好花心思，底層有個花橋同幾個入牆甲俑，非常特別！枱下面也有石塊擺設，非常花心思。一說到京菜，就立即想起片皮鴨這道菜，小弟覺得如果餐廳是以京菜為賣點，並會以這菜為評分參考。鴨除了皮脆外，肉和皮的比例也恰到好處。小弟覺得太少肉吃起上來會好膩，太多的話就會欠缺油香，所以這片皮鴨我十分推薦。另外，我們點了四喜烤麩為前菜。這個菜吃起上來味道很豐富，又鹹又甜又有少少酸。那些烤麩應該是麵根搓成，配上冬菇木耳等，很有京菜特色。下面這個是牛肉刀削麵，麵吃上來好彈口，有點像上海麵。配上醬油牛肉，很濃郁。由於我們4個人吃一碗，實在是不夠喉，但因為點了其他菜，所以最後沒點第2碗。點了個五門面青，看菜名應該猜不到是什麼。這個其實是豬頸肉和椎山煮成，甜甜鹹鹹。小弟本來並不喜歡鮮椎山，怕那種像黏液一樣的感覺。但這道菜沒有那種口感，反而吃起上來少少爽脆，內裏又有少少冧，令我重新認識這食材。這個是葫蘆鴨，份量有2隻。鴨的表面被炸成酥皮，本來我不明白為何叫葫蘆鴨，但我想大家看完這圖應該就會明白。