北海道爐端燒 (已結業)

啱啱喺日本返嚟，放唔低想食日本野嘅嗰種感覺，今日收工就去咗附近嘅北海道爐端燒再次品嘗，估唔到平日嚟到都咁多人，好彩訂左位 唔係就可能有排等了。裝修嘅風格有日式居酒屋嘅味道，有啲位置係榻榻米，但係我哋都係揀咗比較舒服嘅普通位坐。一嚟到就已經叫咗最出名嘅甲羅燒（蟹蓋）一個選擇咗海膽魚子蟹膏燒，另一個就簡左蟹肉蟹膏燒，個蟹蓋雖然細細個但係充滿着蟹膏，燒熱左再撈埋d配料，一啖食落口超滿足，蟹味濃郁鮮甜而且一啲都唔腥，而且加左鵪鶉蛋令到口感更加滑。小食我哋仲叫咗日式炸年糕 呢度真係炸到外脆內軟 咬落去嘅時候年糕入面仲係流心 同日本食嘅感覺一樣主食方面，叫咗好出名嘅芝士意大利麵，但係可能今日太多人，所以店員冇拎到成舊芝士出嚟表演，但係一啲都冇馬虎，面嘅質感有咬口 而且芝士都唔會太膩，都好好味。最後黎到居酒屋梗係要介紹返酒，我地點左呢隻黑糖梅酒，超容易入口，而且咩都唔使加已經好好飲，就算女士都會鍾意。

好耐冇見朋友兩個人又喺附近返工返學，就去左尖沙咀呢間居酒屋食嘢。乜都想試下於是兩個人都點左成十樣嘢，食到超級飽。首先係刺身時間，幾乎一個人食曬成板海膽，海膽可以用筷子夾起，唔會一夾就散或者爛，成排放入口，勁奢侈勁滿足。串燒我地揀左較為有特別嘅露筍豚肉串同鵪鶉蛋豚肉串。兩款都好有心思地係用燒得香脆嘅豚肉包住露筍或者鵪鶉蛋，一啖有2種口感。而且燒得剛剛好，仲保留到肉汁。羊架嘅火候又係掌握得恰到好處。輕易切開后睇到冇血水粉紅色嘅切口。食落口好煙韌，有羊味又有燒烤嘅香味。蟹蓋可以話係全晚高潮，好似海鮮類都會有一個爐放喺檯面即場燒。侍應會隔一陣就過黎睇火，避免燒得過熟，確保喺最合適時間食得。一個蟹蓋有蟹膏、蟹肉、三文魚籽同海膽，超級豐富。蟹膏嘅鮮味連面頭嘅蔥花同果塊白色嘢都吸收到。四種嘢分開食或者撈埋食又有唔同風味。飲品方面選擇都好多，同朋友叫做梅酒同葡萄酒shower。大大杯可以一邊食一邊吹水都唔會口乾。 服務質素都唔錯，侍應會主動幫手燒嘢食同提醒時間，效率同態度都很好。 特別喜歡門口的書架有港漫XD勾起讀書時代收埋D漫畫書喺課室柜桶偷睇嘅回憶啊

和朋友在尖沙咀徘徊了一回兒後，誤打誤撞來了這間爐端燒店。覺得這裡的裝潢有點似居酒屋的格調，是個飲酒吹水的好地方就決定坐下來。點了些食物和酒後，店員很快地端上煤氣爐和酒。葡萄沙瓦的味道很像葡萄果汁，很容易入口。值得推介的是明太子玉子燒！ 又滑又軟乎乎的質感。蛋香和明太子配合下把玉子燒提升到另一層次。好食！另外，食玉子燒的同時，店員幫我們擺生蠔在爐上燒。本身佢教我們點燒，結果我們顧著吹水都忘了幫隻蠔翻身。店員忍不住走過來提醒，還很俐落地幫我們翻。燒完後，蠔縮到好細，但很鮮甜。不落檸檬都不會有腥味。豚肉鵪鶉蛋串都燒得夠火候。豚肉脆香，鵪鶉蛋又入味，齒頰留香。這裡的燒物CP值很高。結果大家都不怕熱氣，以最快的速度清晒所有燒物😂。除了燒物外，作為三文魚控的我都很滿意他們的三文魚刺身！雖然擺得好靚，但切工是麻麻。刺身切得不工整，有凹的裂開位。不過無礙三文魚刺身本身的鮮甜肥美！超讚！！雖然不是平民價錢，但有慶祝活動都可以來這兒和朋友享受一下。

7點15分左右到餐廳，人流都算多，好在朋友一早打電話book了位食生日飯， 由於人數比較多，我們共一行八人， 所以被安排坐tatame, 雖然非常日式，但坐得非常唔舒服， 原本想同服務員講調位，不過d枱都被book滿。由於坐得唔舒服，好影響飲食心情， 只想快d食完快d走。 不過野食味道唔錯，因為坐得比較難活動，所以冇咩點影相。食左都好幾樣野，當中，石燒雞蛋卷，明太子雞翼，天富羅都好好食~其他既都on average啦~

最近多嘢做，老友話請我吃飯，知道我最愛日本嘢，一定會遷就我的，就這樣約了我去尖沙嘴吃日本餐，吃完再去看電影，壓力是這樣消除的！裝修很特別，有個性！保留了日本的特色！日本蕃薯🍠，新鮮又美味,這種燒法很天然，又不失該有的粉甜！帶子燒得剛剛好，仍然保持著嫩滑的狀態，不會燒得太老，燒好後加點黑椒和海鹽，看似簡單，但是十分美味！最近真的愛上一夜乾，特別是叫上一點酒，顯然很合配！魚是經過葑得半乾鰻魚壽司是我必然會叫的壽司，這家做的還是挺有水準的，魚很滑，濃濃的鰻魚香味！左口魚邊，飯的醋香味和飯的軟硬度是恰到好處，入口即溶！海膽：甘甜的海膽，入口大口吃，十分享受！帶子壽司不用多言，不叫總覺得不是在吃日本菜！鮮甜到呢！蟹籽蟹柳壽司：新鮮美味！一如既往的好吃！

話說最近同FD迷上咗爐端燒，因為貪佢份量唔會太大，啱晒我地食下燒物飲下野吹下水！而今晚同FD happy Friday，我地就揀咗大家都就角嘅尖沙咀北海道爐端燒喇！其實今次都係我第一次黎呢到，我覺得環境比我想像中靚，而且我地4個人食仲有包廂，真係估唔到！另外佢仲有埋衣架俾我地掛外套，咁就唔驚外套到味啦。雖然主要想食烤物，但都要少少澱粉質嘅，我地就點咗個特上壽司盛合。我食咗佢嘅帶子、甜蝦同埋油甘魚壽司，三件壽司上嘅刺身都好肥厚先甜，係唔錯嘅！基本上明太子雞蛋卷係我地必點嘅首選黎！雞蛋又厚又滑，入面釀滿晒明太子，味道鹹鹹地，成件事夾咗！黎爐端燒一定要點嘅當然係海鮮啦。我地就點咗北海道甲羅燒同埋磯燒鮑魚。基本上過程都係侍應幫手搞，所以烤得好好無失手。 味道方面，甲羅燒有滿滿嘅蟹膏，而且有蟹甜味又唔腥；而磯燒鮑魚就夠晒多汁同埋腍，好惹味！食完烤海鮮，緊係要試埋好少有嘅稻草烤安格斯牛扒啦，我地點咗5成熟，師傅真係烤到岩岩好，肉質好鮮嫩，因為本身已經有少少海鹽吊味，就算唔點醬都好好味，點醬就更惹味。結論係200都唔洗可以食到呢個質素嘅扒都幾抵俾！另外我地仲點咗露荀豚肉串，豚肉串，同埋都係咁惹味，而

食物很一般，不知食評是誰寫，港式日本食堂牛舌咬不開沙拉是茶餐廳串燒雞皮乾皮乾到像炸一樣侍應態度更像茶餐廳食物還是可以，但等得太久不會再回來，這價錢食和民還更好。

今日同老公去尖沙咀搵食，黎到一間十分地道的日式居酒屋店內也滿滿食客是的，幸好也不算等候太久是的首先要揸車的老公點了無酒精飲料南國美人($38)南國美人十分清甜可口，是乳酸飲品的味道而我就點了大愛的三得利的頂級生啤($48)Suntory生啤絕對不令人失望！絕對是居酒屋美食的好搭檔！串燒點了(左起)豚肉蕃茄仔($26)和雞翼串($28)香嫩的豚肉包著香甜多汁的蕃茄仔，令味道豐富！雞翼串則燒得非常脆口，但又不失雞肉的肉質和非常juicy!大葱雞肉串($24)甜甜的烤葱能中和油膩，而且雞肉肉質柔軟海膽忌廉蟹炸肉薯餅($68)海膽鋪在薯餅上，一啖吃下去一充滿忌廉香！而且海膽一點也不嗇色！炸牡蠣($68)好難得在香港吃到好吃的炸蠔！而且價錢不貴又大碟！炸年糕(醬油味)($48)炸年糕入口即溶，而且充滿香濃芝士味招牌酥脆雞塊($62)炸雞炸得香噴噴，十分惹味！而且沙拉也十分爽甜新鮮！是日晚餐以居酒屋來說十分抵食，五百元也不用，一定再次光顧！

芝士意大利面(2人份)女女的最愛是芝士，芝士加什麼她都很愛吃，於是我們特意叫了這個餐給她吃，我最欣賞的是那份創意，有職員即場在我們目前用麵伴芝士，芝士濃郁和香溢四方，連隔壁食客的眼球也被吸引過來。麵的質感很好，吃下去是幾乎捏嘴的芝士香，確實很吸引。河豚乾河豚乾是老婆的至愛，脆脆香香的食物就是她最喜歡的了，河豚乾成為許多日本餐廳必然會選擇的前菜，用來送酒更加是無懈可擊！魚香味加上蜜糖的甜味，令人吃不停口！日本番薯現在最產吃到的是日本BB番薯，尺寸猶如一隻手指公般，甜還是甜的，總覺沒有大番薯的風味，這家番薯我很欣賞，燒得脆邊，番薯很粉又很甜，符合日本番薯該有的特徵，這時我會很明白為什麼朋友去日本旅行會特意帶番薯回港！小茄子燒茄子很淋，很新鮮，加上自家製的醬汁，瞬間令這個菜色吸引不少！燒牛舌牛舌不硬，而且邊味很脆！醬汁調味很適宜！總之好味！總括而言，裝修很特別，很日式的感覺，最特別是廁所，自動廁所，又十分乾淨。侍應很有禮貌！食物水準高！

對上一次去北海道已是七年前多了，很掛住那裡的爐端燒，於是我們四個朋友約埋星期五聚會一起食位於尖沙咀亞士厘道的北海道爐端燒！餐廳設計得很有日本餐廳的風味！趁著等爐熱，我們先食刺身，刺身盛好大盤！不只盤大，每件刺身都很肥厚，令人垂涎欲滴，每件都好鮮味！我們點了蟹蓋蟹肉味噌燒，蟹蓋上的蟹肉加上濃濃的蟹膏，很香滑令人很回味！😋我們亦叫了磯燒鮑魚、廣島生蠔燒、燒好後加上他們推介的醬汁，趁熱食很好味！😋磯燒鮑魚很大隻，燒得剛好，多汁夠腍，非常惹味！另外我們又叫了燒牛舌和燒番薯🍠，牛舌爽脆多汁，番薯很香甜！爐端燒當然要配上清酒🍶👍🏻！今晚真是好滿足！😋

同好耐冇見嘅朋友出街夜晚食飯梗係要坐得舒舒服服，好好咁樣傾吓計啦。今次我哋揀咗係亞士厘道嘅樓上嘅居酒屋，飲返兩杯慢慢坐低傾好好傾一晚計。平時去開居酒屋一般都係食串燒居多。今次叫左稻草烤安格斯牛扒同稻草烤塩鰹刺身呢啲平時係一般居酒屋好難食到嘅烤物。哩一個安格斯牛扒會係我咁多樣餸最最最最鍾意食嘅一碟，佢烤出嚟有好大浸濃烈嘅煙燻香味，外面香脆，肉汁豐富，入面亦都保留着安格斯牛嘅軟腍鬆化，配上蔥花同埋蒜片，真係一流。而烤嘅刺身我亦都係第一次食。除咗會保留着本身堅魚嘅鮮甜魚味，亦每一啖深透住熏烤嘅香味，配上特別嘅醬汁令舍開胃。哩兩道菜式我真係幾推介大家都去試下！日本酒煮大蜆亦都係我同朋友其中一個一定會叫嘅嘢。用咗兩款蜆肉，鮮味十足。蜆肉嘅鮮同酒吸收落晒係個湯度，每次都一定飲晒個湯啊哈哈。黎得居酒屋當然都唔少得手羽先同牛舌啦。牛舌係厚切，但略嫌有少少un。仲有不得不提佢嘅雞泡魚干。雞泡魚干烤得相對腍身，我本身唔太鍾意食其他居酒屋嘅雞泡魚干因為佢哋烤到好乾，而且偏硬身，但呢間雞泡魚干我幾鍾意，用黎送清酒真係冇得頂。

見呢到講到好好食又抵食，決定黎試下，因為冇book位，侍應叫我地留電話，8:10前有位會call我地，最後8:00入左去食。落左天婦羅盛盒、炒面、豚肉炒野菜、帶子尤魚燒，20分鐘後都未有食物，我地再落左2串串燒。落左唔夠3分鐘個串燒已經黎，我地問侍應之前既野食有冇落單，因為一樣野食都未到。侍應回應有落單，因為串燒比較快煮好。但炸野又要炸30分鐘以上？？再等多10分鐘，終於有野食，但天婦羅盛盒重未黎，50分鐘都炸唔起一碟天婦羅，再問侍應追一追，佢答我們唔係佢落單。。。咁係咪一定要搵返落單個個？？我地話等左一個鐘都未有，佢地都冇答過一句唔好意思。。。埋單$400。唔會再食，亦唔覺抵食！

今晚第一次和男友上去食晚餐，坐下後我在看menu, 但男友也想睇下有咩好食，於是問了一個女戴眼鏡的服務員多拿一本menu, 然後她边行边答道”menu係晒枱面道賀路喎"！(即o嘴，咩嘢態度！）跟著点菜後，想添茶，一拼跟另一女服務員說"麻煩加点菜? ”她應了好之後5分鐘還沒有回來，然後再有禮貌地請她加菜，但她帶地怒氣地答道，"頭先咪應左你話好囉！！！” (嘩！這間是什麼地獄餐廳呀！比錢還要受氣）以後都不会再去！！！

尖沙咀總是很多五光十色的街道，每次途徑大街小巷都有臥虎藏龍的感覺；亞士厘道一所大廈，大多美食進駐此地可想勝價比高。是夜走進「北海道爐端燒」內，滿帶日本風情而且場內更有串燒位置，看到廚師燒烤的技術。餐牌上的種類繁多，包括有：爐端燒、刺身、沙律、壽司、漬物、串燒、丼飯等等，款式相當多令人花多眼亂，以及有梅酒、生啤、清酒、Mocktail•Cocktail 等。牆身滿有日本居酒屋的模樣，配上日本的歌曲陶醉極了。海鮮北海道麵沙律 $58 首先到來是冷盤，上桌後顏色相當豐富。紅色的有三文魚、吞拿魚、魚籽，配合蕃茄沙律菜新鮮美味；而且大部分魚類都提鮮，北海道麵煙韌不太軟身不俗。海鮮丼 $128丼飯也是我最愛之物，三文魚、吞拿魚，帆立貝肥美鮮甜；而且相當厚切配合蛋絲添加口感。利用珍珠飯飯粒分明，不會太鬆散，如果份量多一點會更好。串燒五款 $118廚師發板串燒有所驚喜，有海蝦、墨魚咀串、豚肉年糕串、免治雞肉棒及紫薯串。首先所有串燒都燒得恰到好處，並沒有過火配上醬汁更加津津有味。豚肉年糕串，外層脆身內裡煙韌不錯。另外，免治雞肉串也是比較少見，而且味道鮮美濃郁。鹽燒味噌漬鮭魚腩 $52鮭魚腩燒得香脆可口，

首推1.明太子雞蛋捲$68玉子燒迷的豬記又點可以錯過，雞蛋非常滑，而且釀滿明太子，鹹鹹地，一啲都唔漏，Preference match2. 北海道蟹蓋蟹肉蟹膏燒 $78邪惡的蟹膏蟹肉撈蛋後口感更加滑，帶有略微煙薰的味道串燒5款$118包括有年糕、章魚、雞軟骨、燒三文魚同紫薯仔，都幾好食，但性價比唔高帶子魷魚燒 $48睇menu張相好似好特別😆但原來就係大阪燒..... 牛油醬油烤鱈白子$88見到openrice介紹，點知遇伏，咸咸咸😞不推❌豬記係hokobuy買團購，$120當$200用，每枱最多可以用5張，依家仲做緊優惠呀，如果有興趣記得去買張團購先北海道爐端燒尖沙咀亞士厘道27號捷利商業大廈3樓評分:6🐷Ig:hkfooddetector Fb:搜美食