和宴

营业中

休息中

看到網上介紹這間食店, 終於在徐夕夜可一試了,點了:- 和牛拼盤一入口佢ge肉汁同肥美真係正到......唔知點形容(本人較愛左上:雪花牛, 左下:上等牛排肉)- 日本牛舌有咬口, 牛味濃郁, 又係正 (貴咗少少)- 海鮮拼盤質素OK, 大蝦和蛽 (唔知有冇打錯字)OK,其他痳痳(令可叫多碟牛..hehe)兩杯生啤我鍾意它的環境和服務, 不太多人., 誠意推介合共$1,014-

食物水準keep到, services依然好好極上和牛拼盤 (唔使食里脊肉, yeah yeah) 入口即溶, 食極咁唔厭海鮮拼盤 鮮甜, 飽魚仔/大蝦爽口彈牙胡椒柚子豬頸肉, 燒完迫出肥油, 入口嫩滑韓式辣冷面, 咬口麻麻, 唔餓唔好考慮埋尾柚子雪芭同菠蘿雪芭, 都係咁正!訓身推介!* 呀, 講多句, 呢輪做緊自家釀梅酒, 試左杯, 麻麻, 要試自己諗過 *

除夕夜的晚餐，在美國之旅後，一下子想不到吃甚麼好，拖了又拖，在最後關頭幸好還能夠訂到和宴的位子，雖然只有兩個小時，但已經很足夠。香港的日式燒肉也算琳瑯滿目，像盛八，和幸，新晉的有桐燒，但和宴一直都保持著日本地道風味，而且風評也是絕佳。在上一年吃過一次後，今次除夕夜的再訪便當是檢測水準。牛肉燒至五至七成熟，肉質淋滑不失肉味，且充滿肉汁，不醮醬汁也很美味，最配日本珍珠米飯，但因為點了石頭飯，否則我定必吃一大碗。牛舌，其實我對牛舌的態度算是持平，不討厭也不太喜歡。我認為牛舌的味道是最近接牛肉獨有的那種臊味，愛吃牛舌的人，一定極愛那種牛臊味。豬頸肉，我認為燒豬頸肉必定要火猛，把豬頸肉的脂肪燒香，再迫出來，做成外脆內軟，配合一點點焦香，就像吃叉燒帶一點點的燒焦才是最好吃。牛肉辣湯，因為侍應分了碗才上菜，拍得不好，但別被外表影響，這個味道超讚。這口湯不像韓式那種全靠泡菜帶出辣味和甜味，喝一口，便感受到是用牛骨熬製了多個小時的濃湯頭。牛肉石頭飯，女友的最愛，壓根兒她喜歡的是那種甜辣醬。當然，這裏的味道也不賴，比很多所謂正宗韓國菜店鋪要好出很多。總數好像HK$53X，我都說，在香港吃日式燒肉真的很貴，

12/10/08實在太好食,d牛好淋 , 有牛味 , 點燒都好好食 , 但都幾貴叫左個和牛拼盤 , 另有少量的菇、粟米、青椒作為配菜 - 和牛好淋 , 好有牛味 , 燒粟米真係特別甜 .再叫左澳洲和牛拼盤 , 呢個級別比和牛果個低 , 但相對價錢就比較平. 厚燒牛舌 - 食落好有質感煎蛋餅 - ok梅酒 - 係自家製 , 小飲酒既我都覺very very good , cos 佢酒味唔重 .另一tips : 如果係諗住一定過食晒澳洲 同 日本和牛既話, 記得由低grade 食起 , 因為上次食左日本和牛先再食澳洲 , 變左覺得佢地分別好大咁 , 但其實澳洲和牛本身都唔差, 不過就變左比左下去.

聽講呢度既牛肉好好味, 所以今日同個朋友一齊黎試下.我自己先入去, 叫左鹽漬魚腸食住先爽口, 咸咸地, 感覺好” 潮州”, 啱哂我地兩個潮州人口味, 送啤酒一流, 正 跟住食左和牛併盤, 厚切日本牛吞, 帶子, 生牛肉剌身飯和牛併盤, 有不同地區的牛, 個人最喜歡放係個碗入面果種, (sorry, 唔記得個名 )厚切日本牛吞 $200 只有7條, 好貴呀, 唔覺得值呢個價帶子– 正常生牛肉剌身飯 – 都ok 大碗, 跟埋個甜甜辣辣既醬, 都幾好食叫左3杯生啤, total $1100

最近吃的午餐都是相對地清淡的。今日就來放肆一下，去吃吃這兒好評如潮的日式燒肉吧....以往吃日式燒肉只懂得去伊呂波。現在選擇多了，光是尖咀內就有好幾間。要吃，當然要先挑有口碑、有水平的，不然就太浪費了肚皮的空間了要吃燒肉，主力當然是吃牛了，所以只是隨便望了望餐牌，就order了一個牛肉套餐....一場來到，只叫牛肉又怎能滿足 ? 牛舌是小弟吃日式燒肉時必備的項目，這次也不能例外。看見有半份叫，更是喜歡得不得了始終，不用那麼浪費的嘛....落完order後就看看四周環境。燈光昏昏暗暗的，頗見情調，而且座位也很闊落，很適合兩口子來撑撐枱腳。更重要的是通風系統做得不錯，燒至火光紅紅也不會弄到成身油煙，這自然是一所好的燒肉店的先決條件了。單論環境，小弟認為比伊呂波更勝一籌....喝一碗清淡的海帶湯，有利消滯及肥膩。再吃吃日式kimchi、豆芽海帶及蟹籽沙律作前菜，未吃已有少許飽了，要再喝多口海帶湯消消滯才行特別一提是這裏的kimchi做得較甜，是和式做法。跟韓國的辛辣風味可謂各擅勝場....牛肉滿佈油花，光是看已是享受了。放在爐上每面燒三數分鐘，弄至六七成熟來吃，醃汁混和肉香，再加上那淰淰的質

是日很想吃日式燒肉，但又不想吃已試過的餐廳，於是摸了上來。在餐廳外看到menu，比一般的燒肉店貴少少，不過既然來到，又何妨一試？與男友分別點了牛肉set($105)和豚肉set($95)。點餐後，侍應立即幫我們開爐，而食物都很快送上。兩個set除了肉類不同，其餘的都是一樣的。有前菜、昆布湯、白飯、雪糕或飲品。前菜有我喜歡的泡菜，但味道一般。昆布湯有很重的胡椒味，有不少的昆布，對我而言尚可接受吧。主角完全沒有讓我們失望。牛肉燒好後仍充滿肉汁，而且完全不用蘸醬汁就已經十分美味，我們一邊吃一邊流露出滿足的感覺。最令我驚喜的是豚肉也十分出色，不會因為燒的時間長而變得乾爭爭，但又不會感覺很油膩。豚肉也是經過調味的，雖然我不知道用上什麼去腌製，但我覺得很美味呢。餐後我選了綠茶雪糕，奶味較重，幸而都帶少許綠茶的甘香。男友選了凍檸茶，清清地也不錯。環境很有日本感覺，我們坐在卡位也很舒服。餐廳也很細心，會給客人圍裙，以妨弄髒衣服。侍應服務雖不是十分貼心，但都是有禮的。絕對可以一試﹗

原來不經不覺、又驚又險就一年…今次再食又係因為生日。二人叫了和牛拼盤、海鮮石頭鍋飯和梅子酒。初初本來我仲以為自己要另叫冷麵和沙律，但可能平日飲食習慣肉類只佔飲食的1/3，突然食返咁多肉就很快飽，一來我們又飲酒，我真係驚自己一下子去咁盡飽到嘔就樣衰。XD和牛拼盤除了肉類，另有少量的菇、粟米、青椒作為配菜。和牛拼盤有甚麼牛肉我都不贅言了，可參考樓下各食家的意見。不過幾種中有其中一種較重牛味，因為拼盤一來到我就係夾了這種來燒，但平日我都不尚算嗜牛，勁重的牛味我係可多可少。反而其餘的肉塊我燒到medium to rare時的口感係可以做到牛舌的肉汁效果，一咬落去嫰中擠出肉汁，真係正！基本上這裡的拼盤都試了幾次，事實和牛這款的切度較厚我自己覺得與早前這裡試過幾款的拼盤肉類比較。至於石頭鍋飯經理同我講今日有新款的，但沒落menu，咁岩同行那位不想試新的就叫了海鮮這個，咁我就覺得海鮮這款石頭鍋比上次食的牛肉石頭鍋美味，亦比早前去韓雅林食那款海鮮石頭鍋美味，或者我鍾意和宴這裡飯中帶菜，而且帶有少許濕潤冇咁乾哽。梅子酒好得！連我不喜歡飲酒的人都飲上了兩大杯，但又不會像choyo那隻咁甜，但今次飲的夠梅子

book 左枱7:30pm, 原本bk 8pm, 但係晏晝嗰時打去改時間, 個待應都好有禮貎, 話你知只會留枱10mins.. 去到都唔算好多人, 唔駛等位就可以入去~ 環境係暗暗地的~ 2個人去~ 坐左一張卡位~ 不過其實佢係一張4-6個人卡位, 中間用個百葉簾隔開~ 基本上你唔會見到隔離嗰個人, 不過佢如果郁的話你會feel到張chair 震囉~ e 個設計麻麻地.... 走廊隔離就係半圓型的3-4人枱, 都幾近ga, 無乜privacy. 不過整間餐廳都好清靜~ 可以同朋友傾下計~ 冷氣比較大風同埋凍, 所以無乜燒烤既煙同埋燒烤味~ 但係真係有d 凍~ 叫了海鮮肉類拼盤 + 牛肉蔬菜飯 + 凍豆腐海鮮肉類拼盤有大蝦1隻, 帶子4粒, 豬頸肉, 牛肉全部都好味既~ 但係唔算好特別囉~ 好似係around $300蚊...ok la... 牛肉蔬菜飯 好似韓式大碗飯咁, 有幾款不同的菜絲, 有牛肉, 侍應話要撈埋個甜甜地好少辣的汁, 加埋一齊幾好味~ 凍豆腐有5片小豆腐, 凍凍地, 有個好小辣既汁, 加埋一齊幾好味 佢個餐牌有d 較高級既和牛燒~ 價錢貴d 可能會比較好味掛~ 我都係

見評價好似不錯, 去試下食lunch. 1. 牛肉set抵食, 味道可以. 2. 另外叫了碟和牛, 價錢稍貴, 但都算好食. 環境及服務都不錯, 可以試下.

有朋自遠方來， 原本想帶他來吃和牛。由於朋友有事延誤了，所以下午2點25分才到餐廳。一入門口，服務員A 跟我說，2點半last order。我問他，現在幾點。他沒有帶裱，他問剛走來經服務員B，服務員B 沒有回答。那時，服務員C 走過來，他也問服務員C “現在幾點”。服務員C 答也沒答就跟我說 "我們現在關了"。我感到很失望便走出門口，之后我轉身問 "如果我現在點菜，可以嗎?!"。服務員說她要問問。之后她出來跟我說：廚師已走了。完全失望!!!!!!!! 看看手提電話，才只是2點25分， 不是2點半last order嗎？ 如今唯有要做做research 想想帶朋友去哪間和牛餐廳吃吧，因為我已把這間餐廳列入黑名單了。要讓他們知道顧客是他們的經營和經濟支柱啊！

honey生日，初次到次，味道不錯，沒有失望，下次再來。和牛拼盆($450)﹕正厚切牛舌($200)﹕kc兄果然無介紹錯，最正!蟹腳($180)﹕正，燒烤帶出香味泡菜煎餅﹕好味如果我家有一個炭爐就好了，可以在家買靚料就起火燒一燒。

昨天晚上同朋友到尖咀廣東道WA-EN食燒烤。覺得有同大家探討一下點樣食和牛為之最好味? 一般來講食牛肉不外,鋸扒,火鍋,刺身,烤肉,鐵板燒。但講到和牛,以我昨晚的經驗,韓式燒烤是為最容易得到最皆校果。但大家唔好去韓國燒烤餐廳食和牛呀,因為無得你食囉。因日本牛肉已開放入口,晤使好似以前,現在都有不同地區之和牛食到。昨晚都有三種,鹿兒島,佐賀及宮崎。點解燒烤最好?因為火路自己能控制,所以能做到自已的要求。如果去西餐廳食,從廚房拿到出來都已經凍哂。和牛食火鍋就真係浪費,不值一談。其實鐵板燒都〇K,但一定要同師父好friend至得。所以如昨晚那件50,50雪花鹿兒島,係快火兩面烤至有一點brown及表面有D油泡,就馬上放至醬汁一搪令表面收縮及脆化,肉汁及油都鎖著在內。這時放至口中一咬,油脂在咀中爆開,連同嫩滑肉汁溶入,真係無得頂。所以都係日式韓燒好。其他容後再說。

來呢間日式燒肉店食Lunch, 環境係日式格局, 連烤爐都同係日本的燒肉店一樣, 客人中有不少日本人同韓國人, waitress亦有操流利日語的, 擺明行正宗日本路線!!我叫左牛肉定食($105), 另有豚肉定食($95).雞肉定食($90).同牛豬雞肉定食($98)可選擇, 加入$30可享用大盛(即加大份量), 以上全部午餐定食包沙律.泡菜.漬物.白飯.湯飲品或雪糕首先送上海帶湯同沙律.泡菜.漬物, 湯無咩味, 而蟹柳沙律, 芽菜仔, 菠菜, 同泡菜的味道一般 碟牛肉一來到, 大約有8至9片, 牛肉已用醬汁醃過, 都幾入味, 質素尚可, 有幾片有好d紋理, 味道和肉質亦自然好一點, 食燒肉當然肉質最重要, 但這裡的烤爐亦要記一功, 服務生換了3次烤網, 使到肉唔易燶同d油可漏走白飯當然用上日本珍珠米, 配上燒牛肉和醬汁真是一絕後來想要牛里脊肉試下, 點知賣晒, 所以追加左半份上等牛排肉($78), 嘩…原來得3片, 而且完全無醃過, 超正! 不過一分錢一分貨, 肉質當然好好多,脂肪紋理分明, 肉亦 “林” 一點, 不過如果食多幾片會好 “漏”!!我要雪糕唔要飲品, 今日係豆腐味,

係未食和牛網燒之前，覺得係會好味 D，但唔值甘貴，所以遲遲都無去食，但學寶寶話齋：咩菜都要試下！所以終於去左食啦！第一次黎食，選擇左拼盤試多 D款式：Mix Wagyu Platter ($450)：食落口既一刻，好味到呆左，估唔到好味成甘！！最正係上等牛排肉，肉嫩多汁，油脂和肉既比例恰恰好，有肉味得來又腍身！雪花牛排肉油脂豐香，入口溶化，肉味淡些！牛里脊肉和腰脊肉的油脂少些，肉味香濃些！講真每個地方或部位既和牛都甘正，而上等牛排肉就最啱我口味！Assorted Seafood ($195)：有帶子、蜆、魷魚、鮑魚和大蝦，好新鮮！大蝦有膏。剛燒到開口既蜆入口鮮甜到爆，蜆肉鮮嫰到入口溶化，滲出淡淡既海水清甜！Kimchee Pancake ($68)：外脆內軟，好香好味！因為太好味，所以再加碼，點多兩個菜：Premium Ox Tongue ($95)：口感完全唔同以上既牛肉，好爽口，又肥美！Outskirt Beef ($135)：口感似食牛扒，但當然比平時既牛扒超班幾十倍啦！油脂少些，肉味較濃，好有肉汁又鮮嫰！食得太開心，飲埋 Sake 和beer，今晚真滿足！多謝寶寶既介紹！