品味鮮小廚 (已搬遷) 新店位置

真的不明白前面的食評是基於什麼口味寫出來的，若果按非川菜的口味，那真的無可口非，但若按川菜的口味，那真的令人啼笑皆非!冲着正宗川菜味道的食評而來，但最終令我哭笑不得，今晚特意點了川菜的代表水煮魚（大辣），另外點了口水雞。先上菜的是口水雞，單看顏色已是大不對勁，川菜的精髓特點紅油，一滴都看不見，隨後撲鼻的强烈醋味，死實冰冷且了無生氣的雞肉，真的不須吃進口裡已知是偽川菜……中伏…………免為其難的吃了一塊，真的以為點錯了陳醋冰鮮雞…………笑料期待的水煮魚來了，一看外觀已經有點失望，再看真一點已知又中伏，那有放酸辣椒（泡椒）的水煮魚哦！放下川菜味道的想法吃完再說吧……但魚片死實不嫩，主因是魚片拍粉後但没有冲洗干净……唉，基本技巧都不懂……失望! 水煮魚内居然還放了酸菜？失敗中的失敗，不要說水煮魚應有的香和麻辣，就光是魚片也弄不好……

喺元朗既棋街窄巷俾我同朋友發現到一間隱世既四川小店食店好細最多排到１０多人，冇任何裝修，只有枱櫈同香香既辣椒味，有時會因應情況喺出面於多幾張枱鋪入面勝在冷氣夠凍，所以夏天食辣都可以我地一行大食三人組叫左分別有夫妻肺片：凍食　用牛肉同吾同牛內藏例如牛肚牛脷做成既四川名菜，肉質咬落爽口，肉出面充滿住蒜頭同辣椒既香氣。正口水雞：凍食　雞皮雞肉都十分滑身，所以辣椒油只有少少吊味不會完全留左雞皮表面，配合埋上面鋪左既辣椒，感覺辣得黎清新水煮牛肉：牛肉軟身而且吸左水煮汁所以比較ＪＵＩＣＹ　。水煮汁雖然紅色但冇想像中甘辣，　反而上面鋪面既辣椒更辣。入面仲有芽菜粉絲等材料，撈飯佳品拍青瓜：簡單講就係青瓜新鮮配合自家制辣汁，一定好食。乾扁四季豆：四季豆炒得乾身，入面仲剩餘水份，　炒得火候剛好，而出面佈滿住豆豉汁，再加上用辣椒炒，　吱道不錯

其實呢間品味鮮小廚都食過好多次，堂食外賣都試過，不過就外賣多。而且我地屋企次次都淨係外賣佢個水煮魚，所以今次篇食評主要都係評佢個水煮魚。好多人都話堂食有風味D，奈何可愛的爸爸媽媽不太喜歡外出食飯，我家姊弟又想食辣，唯有黎呢到叫個外賣解解癮。我唔知正宗既水煮魚係點，但係呢間舖頭既水煮魚我覺得好好味~首先佢夠辣，辣得黎有D麻，麻得黎又帶香，而且佢又唔會話好咸。因為我試過有D舖頭既水煮魚係好咸的，破壞晒成煲野~.~除左面頭既大魚片，個底仲有D薯粉、大荳芽、萵苣、酸菜等，其實都幾多料食。唔知係咪因為我地拎到返屋企會煲返熱先食，滾多兩滾，D辣味更出，D料更索味。雖然我地每次都只係叫小辣，但係屋企滾兩滾之後，次次都辣得好過癮 所以唔好睇少幅相入面個湯底D色水~仲有，同老闆娘傾開，佢話佢D魚會燻左先放落去，所以冇咁易散開或者爛晒。唔知其他賣水煮魚既舖頭係咪都係咁既呢？呢頭附近都有唔少舖頭賣四川菜，我地都試過佢地既水煮魚，但唯獨呢間會令我地返轉頭幫襯。除左味道外，價錢亦係其中一個重要既原因！呢到咁大煲既水煮魚，都只係賣$78！外面唔少舖頭閒閒地都賣過百一煲，或者呢到唔似人地成條魚咁上，只係一條大魚既一

元朗這個彈丸之地，食肆多如螻蟻，實在相當神奇!只是雞煲這東西，在元朗已有近十間以上，實在令人難以選擇。但只有這間品味鮮小廚的雞煲是我心目中的第一名。雖然品味鮮小廚位於又新街一間頗簡陋的店門，沒有一流的裝潢，但有一流的味道。男友嗜辣，每每想到吃辣都指定來這間店，因為它不只雞煲出色，連麻辣川菜也不錯。每次都一定要來一個雞煲，二人吃的話，一、兩碟小菜加半隻雞的雞煲已足夠。小辣對我來說已很辣，男友亦只能接受中辣，大辣我是不敢想像。熱辣滾燙的雞煲散發著四川辛香料的氣味，麻辣味道濃郁，但不會死咸。雞肉不會很乾，雞腿部份算是蠻嫰，而且吸收了濃郁麻辣味道，每一口都是讓人大叫過癮，忍不住一口接一口。另外，我最愛的一道菜是毛血旺。紅通通的一鍋看起來很辣，但其實只是虛張聲勢，味道只有微辣，但四川辛香味道十足，非常誘人。毛血旺裡頭有魚塊、豬紅、牛柏葉、魷魚、窩荀絲等等豐富食材，簡直是超值之選。當中窩荀絲極為推介，麻辣中帶有清甜，而且口感爽脆，層次頗為豐富。而其他食材亦處理得不錯，相當推介大家點這一道菜。二人飽餐一頓也不過二百多塊，實在是滿足。

是日真豐富，川菜真係喺香港好難搵到間好味，反而細細間鋪就有驚喜如果想食魚，但又唔食得辣，大家可以試下酸菜魚，d湯仲可以飲我就鍾意食水煮魚夠香口，川味重，（無論酸菜魚定水煮魚，都一用同一種魚）啖啖肉，骨就當然有，都係大骨另外幹鍋手撕雞真係鹹到不得了，所以下次都係試干鍋肥腸先得干煸四季豆都唔錯，不過尖椒回鍋肉會吸引d

呢間既雞煲暫時都仲係我既至愛!!!!其實係一次無意發現, 話說果日忽然好想食雞煲....但係又唔太想食而家愈黎愈唔好食既....XX棧~所以就上網四圍搵, 結果就響 OpenRice 搵到呢間小店!由於佢既食評唔多, 所以都係抱住驚驚既心情去試...第一次去食, 應該已經係上年年尾左右既事............不過因為果排實在太忙, 所以無寫到食評~呢次係第二次食, 亦都係第一次帶朋友仔去食!!因為食第一次之後, 就已經深深愛上咗, 所以都不停有介紹 / 帶朋友仔黎食~先講返野食, 每次黎都一定要食佢個雞煲!!!今次我+男友仔+朋友仔, 一行 3 人...照舊都係先 order 一個雞煲 (中辣)~肥牛滑牛然後今次仲叫左D小菜試...辣子蝦川北涼粉麻辣拍青瓜先講雞煲, 湯底濃而野味, 辣度夠, 呢間店選用既係大肥雞, 雞肉滑又大大件....雞件舊舊都入味, 唔會湯底還湯底, 雞件還雞件, 而且件件都唔會過淋, 有咬口~肥牛係普通貨仔, 不過都好新鮮, 鮮紅色既肉間住白色既油脂, 雖然唔係咩雪花貨, 不過都唔差...滑牛都係第一次試, 店家話係醃咗味既牛肉, 所以好奇一試....估唔到

這家川菜館想來很久的了，可是如果只有我和鬆弛二人的話就不能試太多，所以一直都想組團和辣友們一起來。就在上個星期五，本來多找兩隻腳一行四人來試的，結果因為一個很攪笑的誤會，結果只剩下3個人，只好繼續作戰。鬆弛早在下午的時候已經訂位，我們到達的時候大概八點，已經有不少客人在用餐，門外的檯也坐了不少人，所以想吃的話還是訂位比較穩陣。早到的食友已經預先點了涼拌青瓜和辣子雞，而我們到達之後就立刻再加了麻辣雞煲和干煸四季豆。涼拌青瓜。青瓜切得大小適中，入口爽脆又夠凍，醬汁用蒜泥、醋、醬油和麻油等混合而成的，一點也不辣，但十分開胃。辣子雞。賣相都算對板，加入了大量辣椒去炒，看起來炒得都夠乾身。食友說雞的炸漿有少許粟米味，我們笑說是否炸漿加入了粟粉? 其實我不覺得有粟米味呢，但他就覺得味道有點奇怪。其實雞肉都幾嫰，味道不錯，只是不夠香辣而已。干煸四季豆。這是我最喜歡吃的四川菜菜式之中，經常都會點來吃的。走過油的四季豆，口感較腍但又不失爽脆，四季豆清甜無渣，而且鑊氣十足，熱到辣口，沒有加入什麼欖菜與肉碎，都己經十分惹味，令人忍不住不停吃不停吃。坦白說，這可能是我近來吃過水準頭三位的干煸四季豆呢。麻辣雞煲

原本不是專程來這間吃的, 但由於時間關係為了方便但又想吃水煮魚, 所以第一時間想起附近的又新街, 雖然上次已吃過一次但今次都仍然想起品味, 證明在我心中有一定的位置.老闆娘推介的小食, 份量一點都不少, 但味道不夠辣和偏酸, 最重要是不夠凍.未試過吃避風塘是這麼多辣椒的, 但值得一讚是, 魚腩很肥美炸粉一點都不厚, 新鮮熱辣非常美味~今次是第二次吃水煮魚了, 辣味雖然沒有其他店那麼辣但能吃到魚的鮮味, 魚份量比上一次少了, 但仍可接受, 魚質仍然一樣是很滑, 但比較多骨, 吃時真的要小心一點.配料方面比上次少了一樣我很喜愛的東西, 就是薯粉~~, 另一枱客叫了中份量的水煮魚他們有薯粉><, 下次要求老闆娘加給我不是可不可以呢? 除了魚份量少了其實配料的芽菜也少了很多. 不過這個菜差不多是我一個人清了相公最愛的白飯有一枱客人不是元朗人, 他們說之前看了報紙介紹專程來這裏吃的, 老闆娘開心得不得了. 原來老闆娘他們是四川人, 一家幾口來到香港開業希望他們能努力下去. 令我下次想吃水煮魚時又想起你們吧

今日有要時要到元朗一趟, 想起這裏有一間川菜館好像不錯所以特來一試. 大約七點半過後到達店內人不多只有一枱客人而門外有贵枱客人. 不過環境舒服, 燈光充滿還有大電視. 二話不說就點了水煮魚, 因一心已想吃所以不用多看, 先看看賣相, 雖然不錯但面頭的紅油真是很厚呢~~~~~~~~~我們點了少辣, 不知是否因為點了少辣所以香味不夠. 跟另一間川菜館真是比下去了. 但魚方面相當之嫩滑份量很多, 只是略為比較多骨. 配料方面有芽菜、薯粉、原粒蒜頭、萵笋絲等等薯粉比較稔身, 芽菜不算多偏碎, 有原粒蒜頭真是比較特別我們吃了不少..萵芛絲帶點爽口. 雖說味道不夠香但我們都把整碗魚清得一乾二淨了.我第一次見這款菜式真是頗特別, 份量亦不少總共有十八隻蝦, 不知是否新鮮蝦但亦有蝦味在內. 蝦身外殼脆脆的連腳的部份也吃掉, 蝦身再配上炸蒜真是一流. 辣味又不會蓋過蝦味. 值得推介.這裏的豆豉鯪魚多得嚇人, 平時只會見到少少的鯪魚碎, 今次是鯪魚塊, 我感覺像是整罐鯪魚都放在內, 只可惜太油了否則真是不錯啊~滿滿的白飯在吃到尾聲時, 老闆娘介紹我們試燉湯, 我看見價錢不貴加上我又很喜歡飲湯, 只可惜實在

相隔一段時間之後，大家既川菜癮又番黎啦。對於元朗區好食既川菜，二話不說會去呢度。因為呢度既川菜真係幾正宗，而且家庭式既經營。令到我地feel到好溫暖，有時野食好食係唔足夠，反而係要靠服務加分。麻辣羊煲本身就唔辣既，想要麻辣既加10蚊。味道都有番咁上下，麻同辣都做到我地既預期，大家都食得多麼過癮。而羊肉既份量頗多，而且無乜羶味。呢個羊煲都幾好食。佢地仲送左碟生菜俾我地，不過經過麻辣既洗禮之後。味道太鹹啦，結果大家都無食到。水煮魚呢個係媽子想食既，個水煮魚散發住陣陣既椒香。令人難以抗拒，而鮮嫩入味既魚片。令我陶醉於當中，當然，我地無俾眾多既辣椒嚇怕。仲要越食越開胃架。以咁既份量同價錢，絕對係物超所值。椒鹽鮮魷又係一道經常食既小菜，新鮮既魷魚配上適當份量既炸粉。絕對係唔會難食，而且份量都頗多。間中食下都係唔錯既選擇，送酒絕對一流既小菜。一個禮拜之後，我地再到品味鮮朝聖呢次就叫左另外兩碟餸水煮牛肉同水煮魚既outlook無乜分別，唔同既係魚變左牛肉。牛肉都幾鮮嫩，配上佈滿辣椒既湯底。真係越食越開心，結果就添左幾碗飯啦。口水雞又係幾好食既，雞肉肉質嫩滑。配上秘製既醬汁，認真一流。食完呢餐之後，已

前幾個禮拜，同屋企人黎呢度食飯。聽聞呢度既口水雞味道唔錯，所以想過黎試下。口水雞面頭有好多香料，一咬舊雞。舊雞係好嫩滑，個口感真係唔錯。而且份量都幾多，食呢個雞真係無錯。要黎送飯真係一流。真係未食過咁好食既口水雞，有機會實再叫過。椒鹽鮮魷呢個鮮魷既粉唔係太厚，啖啖都食都魷魚。而且味道好新鮮，個調味有特別。係加左小小辣粉去炸，食落有辣辣地既感覺，唔錯。水煮牛肉一送到黎，差俾佢面頭既紅油嚇到。因為面頭有好多香料加辣油烹調既菜式，真係唔辣都無人信。但食落又食到既，牛肉都算幾淋。呢個汁送飯真係好過癮架。實有下次既，因為真係辣得好過癮。而且價錢又唔太貴，實有機會。

奇味雞煲,雖然唔夠我上次食的多,但就好味過上次食個間,同d汁混落飯食好得椒鹽蝦,好鮮的蝦,送上來時已覺得好香雪菜同雜菜,想不到咁樣加落飯食好得,送飯一流

媽子唔知點解搵到呢度有好野食，呢度主要食四川既辣野。鍾意食辣既真係唔好錯過，因為個味道都算幾正宗架。水煮牛肉真係幾辣架，牛肉好新鮮，又唔會太韌。而個料都唔差，有好多紅椒、花椒等既配料。唔辣都唔得，真係辣到噴火既水煮牛肉。但係越辣越好食嘛。雞煲我太無記性啦，唔記得個全名。不過，同水煮牛肉一樣咁辣既。雞件都幾多，但係細細件既。配料都係有紅椒同花椒煲野到，真係辣到出哂汗。椒鹽鮮魷粉又唔太多既，令我估唔到既係。炸粉會有辣椒粉架，令到平平無奇既鮮魷有新配搭。真係越辣越開心，下次都係再黎過。因為辣到出哂汗係好正架。

這兩個星期忙到發癲，約好去泰飯局也趕不回來，還好是原來餐廳當晚也沒開，感覺才沒那麼歉疚。　無論如何，辛苦完成presentation的夜晚，懶懶的不想煮餸了，拉了老公落樓吃他至愛的川菜。品味鮮小廚走的是街坊路線，裝潢及食物選擇均富有大陸色彩，但亦此對極愛北上吃辣的老公來言，是莫名的吸引!! 雖然菜式款多且誘人，但講明這頓由我埋單，他就住我荷包只點了兩款小菜，來頓二人簡單晚餐：　水煮魚($58)-水煮菜色是這裡的招牌，也是老公的最愛之一，只得兩口子對也要來一份。約一刻鐘時光，水煮魚上檯，陣陣辣香隨至飄至鼻尖。色澤不是最誘人鮮艷紅色，但也佈滿辣椒，而翻開湯底是份量極多，嫩滑又入味的魚片，以及辣中帶爽的芽菜，因為味道著實不錯，最後清盤也清得一乾二淨了! 無論以份量、以味道、以價位計，質素均令人驚艷，與老公都好想試試水煮牛肉、水煮田雞等菜式呢~~　幹煸四季豆($32)-作為川妹子，真不好意思承認自己竟卻長了個蚊型辣胃；完成水煮魚後，縱然自己心水的四季豆很夠鑊氣，加上辣味豆豉尤其惹味，無奈太飽只能淺嚐。還好老公面對川菜戰鬥力大勇，最後也將之清光了。　由於份量較預期中大，原來兩個小菜已經夠食有餘，