坂奈 (已結業)

日式小店總是帶給人驚喜，今次來到主打燒魚的日式食堂。店鋪不大，一眼望見，座位對正半開放的廚房，感覺更日式，微微偏黃的燈光令人感覺舒服。話明是燒魚專門店，餐牌大部分都是魚類菜式，另有肉眼扒、黑豚肉、各類日式小食等。師傅會細心為客人介紹即將被燒的魚類，看到魚兒新鮮的模樣，更加期待製成品！在進食燒魚之前，先嚐點小食，我們點選了芥辣八爪魚漬($38)、鹽麴小貝柱($38)和吉列生蠔($48)。最喜歡八爪魚新鮮爽彈的感覺，再加上芥辣刺激味蕾，又不會好嗆鼻，怕芥末的我都食到，非常開胃。而小貝柱即是帶子，切成粒狀，鮮甜但沒太大鹽味，稍為量少不夠喉。熱辣辣的吉列生蠔有4件，外層夠薄，一口咬落不會蓋過生蠔的鮮味，完全是外脆內嫩。鯖魚西京燒 ($78)鯖魚是用麵豉醃製，去除了腥味，燒過依然帶有油脂，望落感覺很香口。魚肉比較結實，食落有嚼口，燒過的魚皮很有香脆口感，再加上麵豉濃郁而不過鹹的味道，完全征服了我的胃！鹽燒BB喜之次 ($248)喜之次屬深海魚，又稱海中紅寶石，每每都是靠釣魚形式捕獲，手釣的方式才能保持魚的完整，如此難得實在令人期待。燒魚雖細但幾乎都是魚肉，嫩滑得很，一路食就一路想「究竟點解可以咁

今日一個人放學，行下行下黎到謝菲道附近，本想去附近有間西餐廳食意粉，但早早之前聽朋友介紹一間日式燒魚食堂，今日午餐就去試一試。日式燒魚食堂。即叫即燒。天氣有啲熱就叫一枝蘋果梳打。清香蘋果香味，甜度不高反而有陣陣蘋果的清甜。喜之次定食。喜之之是一種肉質滑而有口感的魚，魚骨唔多。師傅即燒，魚皮燒得香口，魚肉滑溜加上有咬口。魚肉加上鹽燒香，入口有陣陣咸香。午餐配上沙律、湯、刺身和白飯。午餐原來仲免收加一，價錢的確實惠。

一人行來到銅鑼灣，特意來光顧日式燒魚專門店-坂奈。前身是拉麵店，現在已經變成燒魚店。午市免加一，價錢非常超值。先來一杯柚子酒。清甜果香酒精濃度不高，好適合女士飲用。吞拿魚額頂柳。一條吞拿魚只有數件，非常珍貴。師傅細心介紹不同魚的品種，專業態度令人滿意。師傅手藝純熟，魚肉燒得非常嫩滑。魚肉魚油極高，入口油香味濃，加上醬汁燒得非常滋味，半熟度控制得剛好，入口即溶魚味在口中徘徊。午市+$30可以轉套餐，飽肚之選。

男朋友知我最鐘意食魚，約左我去銅鑼灣食間好特別既日式烤魚未開餐前先點一杯好香木桶味雞泡魚干，香軟，即烤又香又好味小食，芥辣八爪魚，八爪魚新鮮彈牙跟餐面鼓湯，清甜多料，海帶大蜆跟餐前菜，一d都吾簡單，牛肉好淋，又入味又軟熟，連蘿蔔都勁有牛肉汁味，十分出色漬菊帶子，帶子帶有清新菊花同檸檬味，帶子本身好肥美，正主菜，昌魚有少少ㅕ骨。皮脆肉滑即場烤整，火喉控制得好好吾會太熟，肉質keep 到好滑呑拿魚額$288驚喜之外，入口即溶，口中充滿呑拿魚油香味，但又吾會覺得肥膩，價錢吾平但絕對值得一試十個讚估吾到咁細間店都如此出色，有時真係要試過先知

好有日本居酒屋感覺嘅小店～一路等，一路聞住啲燒魚嘅香味，好肚餓呀～🙊說好的螢光魷魚冇上枱... 換嚟嘅係唔螢光，黑忟忟，但係好好食嘅魷魚仔... 好重醬油味... 叫咗鯛魚套餐店員提我，話俾我知鯛魚即係香港嘅鱲魚... 哈... 食過咁多次鯛魚，真係唔知道鯛魚即係鱲魚喎... 又長知識咯～套餐跟埋刺身，三文魚、帶子、生蝦... 好鮮甜呀～仲有好新鮮嘅生菜沙律喎～我最愛嘅黑白蜆及海藻，配搭麵豉湯，簡直係perfect match啦～

日式燒魚真係百吃不厭，尤其是坐bar table望住廚師專心一意的做烹調美食，做好了客人便可新鮮熱辣的品嚐，簡直係享受餐廳位於銅鑼灣廣場附近，非常易搵同就腳雖然係食燒魚專家，但前菜都唔馬虎，蘿蔔跟肉都醃制得出色，味道口感一流，味增湯還有大大隻蜆肉，都是用料👍🏼之選另加的帶子刺身鮮甜美味，大愛燒魚原條上，味道鮮甜，魚肉夠滑，個人推介，可能太美味，覺得一條魚都唔夠食呢而唔太食飯既我都可以食左成碗飯，好回味啊

海鮮一向是小編鍾愛之物，尤其是各式魚鮮，既美味，多吃亦無負擔。最近途經銅鑼灣謝斐道，發掘了一間日式燒魚專門店「坂奈」。從網上得知，餐廳每日均會從日本空運鮮魚抵港，即叫即燒，十分吸引，當然要試試！ 餐廳內部呈窄長型，座位不多。全部座位勻望向半開放式廚房，食客可邊吃邊窺探師傅手藝。在廚房的一角，設有一電熱烤爐，雖然風味不及明火備長炭燒，但勝在火喉平均易於控制，亦少了煙熏滿舖這難題。 平日點餐主要參閲餐牌，在坂奈點餐則可先親堵魚獲，再參考廚師意見才點餐。 午市惠顧燒魚，既免加一，又可免費升級至御膳，附送沙律、刺身、漁獲麵豉湯及御飯，當然更實惠。 沙律外觀平實，驚喜之處在於面上的生蒜，為沙律帶來一份預期之外的辛辣感。刺身以三文魚、帆立貝及赤蝦入饌，鮮度令人滿意。三者之中尤以赤蝦最為吸引，味道鮮甜爽彈。 因為赤蝦新鮮富水準，所以後來追加了一份「一手握赤蝦」。所謂「一手握赤蝦」，是指食客能以一個固定價錢，一手盡拿碟中赤蝦一次，聽聞餐廳的紀錄是九隻。今次取蝦的重任落在好友身上，結果當然是破不到紀錄喇 ！ 剛吃過赤蝦刺身，今回轉轉口味，選擇以鹽燒處理，雖少了一份清甜，但換來多一份蝦香及

「さかな」即魚的意思，一間以魚為主打的專門店位於銅鑼灣。雖然店子小小，但烤起魚來絕無油煙，抽氣系統非常好。無論邊種魚我都喜歡，今天時令的是馬友魚。馬友魚算是一種多脂肪的名貴魚。坐在吧檯就可看到廚師把一條馬友魚插在烤爐上的情景，有點似食壽司坐在吧檯觀賞著廚師的功架。午餐時段只要點一條魚加三十元就可升級為御膳。馬友魚外皮焦香，肉質鮮美，脂肪厚度算高，整條魚嫩滑細膩，鹽烤好適合。只掛著馬友魚給我的美食享受卻忘記了套餐中其他的配菜。刺身有蝦，三文魚，鹽麴小貝柱和魚籽。蝦隻晶瑩剔透，彈牙膠質重，鮮甜。鹽麴小貝柱，醃製不會過鹹，有口感。另外點了一個小吃，燒明太子伴青瓜。鹹香的明太子燒過後更能發揮味道。伴青瓜片可減輕膩感，不過我認為伴飯更高層次更美味。

去完東華東院探病，自己一個去行行，找個地方吃晚飯，想起有個朋友介紹過一間日式小店，專門吃厚條燒魚，好像很特別就去吃，外觀看落很日式，店鋪小小的，只得一張吧枱，可看着廚師即燒食物，燒完直接送上我面前，很好的感覺廚師拿出一盤魚來給我看，我選了馬友魚焼，還選了套餐：有一條馬友，好重魚香，肉味鮮嫩又滑，一點腥味也沒有，有牡丹蝦非常甜美新鮮，三文魚腩也十分肥美，吞拿魚好像腌制過的，也不錯還有幾粒魚籽，什菜沙律OK菜也新鮮魚擺放得好有霸氣還叫多一份吉列蠔：酥脆，蠔也鮮美

同阿女去銅鑼灣行街買唇膏，跟着梗係去搵嘢食啦⋯⋯行過去銅鑼灣廣場二期那邊，好似有很多飯店，謝斐道有幾間日式小店，坂奈-外觀好像日本的餐廳，細細的只得一條吧枱原隻烤魚套餐：看着師傅放些鹽在魚身上再慢慢燒它，我叫的是「喜之次」，套餐有一條還有一隻牡丹蝦，三文魚腩，醬油吞拿魚和魚籽，蜆肉面鼓湯，什菜沙拉連飯，喜之次魚肉鮮嫩味美，皮脆甘香雞泡魚乾：燒得咁香，不會過乾，軟霖香甜芝麻雞翼：皮脆肉嫰，賣相吸引酥炸魷魚鬚：炸酥脆，魷魚肉嫩，炸物炸得不錯店員服務也好

走在銅鑼灣的街頭, 林林總總的大小店舖, 大廈外墙五光十色的各類廣告及街燈, 睇到人眼花燎乱, 想睇下D食肆廣告搵間嘢醫肚, 睇來睇去都唔知食咩好,就在我們企嚮街度犹豫食咩好之際, 見到我們身邊有正好一間細細間的日式餐廳, 大家一口同聲話, 不用煩食咩了, 就食呢間日本嘢啦! 入到去隨即座低看看有咩嘢食, 店家拿出一盤新鮮魚來向我們介紹, 裡面幾款唔同的魚, 看上去非常新鮮, 條條魚都色澤光鮮, 連魚眼都好有光澤. 看到D魚咁靚咁新鮮, 於是我們各自選了魚, 我們要食燒魚套餐. 我另外叫了一枝日本白桃梳打來飲, 啜一啖, 非常香的桃味, 又唔係太甜, 涷冰冰, 非常好飲! 無幾耐，我的終於馬友魚燒好上枱了, 一整條魚放在碟上,外皮燒到微燶, 看上去脆卜卜, 旁邊伴有羅卜蓉及豉油, 仲有一小塊青檸，另外配有一碗飯, 一碗面豉湯及一碟前菜, 食物摆滿了成個托盤, 好豐富! 而且個托盤擺放得非常漂亮，無論D碟或伴碟的紫蘇葉，都是一絲不苟，睇得出這間鋪雖然細細間，但待客卻是一D都唔馬虎。最先開始咁係要食下條魚, 我先擠了些青檸汁在魚上面，筷子一篤落去, 聽到D魚皮真是脆卜卜的, 食落口，

對於放工飲兩杯先回家既「受薪一族」，「受完一日氣」梗係最好chill一chill，位於謝斐道、開業冇耐既居酒屋，這夜，仲比我遇到北海道一夜干添，真係飲得杯落咯！ 敞開紙門，就見到貌似TVB藝人謝東閔既帥哥阿豪(98%相似度)，這位料理長細心給我看看今夜既魚鮮：鯖魚、喜知次、銀雪魚、鯛魚、沙甸魚……話用黎送酒係絶配……拿不定心神既我，不如就好似日本人咁，交由板長發辦，「老銅謝東閔，你話事啦！」 帥哥料理長介紹，用「一夜干」做法整條燒北海道花魚過我歎，咩係一夜干呢？查實一夜干係日本北海道漁夫發明，用黎保存魚既方式，先將鮮魚剖開、清除內臟，浸泡於與海水濃度近似的鹽水中，經一夜風乾，讓魚肉風味鮮香，肉質更緊實。 八卦既我仲睇埋佢地個烤魚爐，條花魚以優雅的S型姿態，义在鐵枝上，架在由下邊數上去第2層燒呀燒……料理長話不同既魚要放不同既層數，先啱數……差不多完成前，料理長再用火槍快速噴勻條魚身，咁就更加皮脆肉滑…… 呢條花魚一夜干真係相當滋味，火灸魚皮香氣四溢，肉嫩一絲絲，而且唔會死鹹，送埋碗白飯、佐以大大粒魚子、關東煑、蜆肉味噌湯和芥辣八爪魚，再飲番杯柚子梅酒，味道「一番」！這夜，我要吃掉你的一

連續三日假期真係好興奮，首先同老公去食我最愛嘅魚。因為老公唔太嗜食熟魚，平日我倆無乜機會食魚。之前睇過銅鑼灣有間日式燒魚專門店，原條燒魚睇到我口水流，而且食午餐比較經濟，即刻把握機會同老公去試。店面門口係好傳統的日式裝修，還有日文木牌掛在門外。店內面積不大，樓低高高，食客圍著師父坐，很有親切感。餐牌有好多款原條燒的魚，午餐時段可免費升級做套餐，配有湯、沙律和剌身認真超值👍餐牌還有西京燒、一夜干、小吃可選，好多魚可選。我們經師父推介食來自日本的鹽燒鯛魚和高部魚，還有太刀魚西京燒。柚子×柚子酒 \ 柚子×梅子酒首先來兩杯果酒醒一醒神，梅子酒的味道甜甜酸酸，果味較柚子酒濃，飲後味蕾很清新。點餐後看見師父開始處理烹調我們的鯛魚和高步魚，師父很熟練地用鐵支把魚固定後放到日本特製的燒魚架上。高步魚餐第一次吃高步魚，魚味很鮮、肉質彈牙嫩滑，魚皮燒得非常脆，鹽燒能吃到魚肉的原味，而鹽也為魚提鮮。師父燒得很好，魚肉分開是一梳梳，油脂不會很多而蛋白質豐富。刺身有大蝦、帶子和三文魚，老公說好新鮮好鮮甜，還想再吃所以把我的也給他了。關東煮老闆送我們一客關東煮，關東煮的汁微辣很惹味，配飯吃一流。沙律沙律菜新鮮爽

日式餐廳食得多,考魚真係第一次食,原來想去隔離間食魚生飯,點知無位唔想等,去左呢個都係食日本菜,不過原來係烤魚,我真係第一次食原來烤魚有咁多款,真係唔知,睇落好似好pro咁~日本空運靚魚,唔係香港街市可以買到點左個芥辣八瓜魚做前菜好好味,芥辣唔會供鼻,八瓜魚好彈牙BB喜之次係日本比較出名,肉質比較糼滑唔算多骨,皮煎得好脆,即燒,保持鮮味加$30有2款前菜+湯薯仔煮牛肉,未食過咁淋既牛肉同薯仔,炆左好耐,入口即溶,肉味滲入薯仔入面帆立貝菊漬,好厚帶子,帶小小菊漬香味開胃之選飯素撈飯最好味,小小已經好夠,太多好式食完之後好满足~

這裡是聽電台節目主持人介紹的一家日式燒魚店, 店內面積很小呈窄長形, 而旁邊的鋪是食雜錦魚生飯的似乎跟這燒魚店同属一個老闆的, 因為隔離店坐滿客人的話會帶到燒魚店這裡落單及享用個魚生飯, 講返呢度的食物, 燒魚由來已久178- 198 不等, 另加$30變套餐, 可以食到前菜同飲到湯還有白飯, 算係公道啦, 我們分別要了喜之次, 銀鱈魚同竹簽魚, 喜之次size較細, 不過魚的甜味夠出, 燒魚的火喉控制得宜, 魚肉沒有過熟,整條魚的肉還保持到肉汁,銀鱈魚因為係魚柳更加細件,有兩件, 一件你中間另一件近魚尾, 燒得也是剛剛好, 魚肉就係滑囉! 竹簽魚外形一點也不討好, 有點似海狼袖珍版, 長長的咀內滿是尖牙, 惡形惡相的魚, 肉質係纖細一點有魚味但有碎骨, 要多一點耐性去食,跟餐送的汁煮牛肉做得好好食, 無論係個汁定係個肉都係恰到好處!另外叫咗些小食, 不過這些小食都會出現在套餐的前菜內, 所以這些前菜都是用作佐酒之用, 吞拿魚伴山竽$48 吞拿魚本身無特別重魚味, 反而肉味重一點, 山竽亦只是下醬油才有點味主要係吃那鼻涕般的口感, 可能同清酒好夾但就咁食只會覺得好淡口味, 煙燻蘿白芝士