坂奈 (已結業)

轉季啦，又到購物的時間，今日同朋友黎到銅鑼灣行街買野，轉新裝，行到好攰夠鐘食Lunch, 見到百達中心呢間門口非常日式的燒魚日式專門店，就入黎試下。入面座位大約得10個左右，好彩都仲有位坐。牆上面有穿咗日文餐同痴咗一啲雜誌報道的新聞午市餐牌主要有好多款唔同品類的燒魚揀，價錢由$98至$238都有，午市仲可以免費升級為跟沙律，味噌湯，白飯的御膳套餐，如果晚市就要另加$30鹽燒鯛魚，金目鯛，即叫即燒，不得不佩服師傅的功架，燒得原條形狀固定扭曲，口張大，賣相一流。食落皮更是薄脆，香口，有落少許鹽同香料，肉好豐富飽满，滑身，充滿魚香味鹽燒梭子魚，較長型同圓啲，但肉食落一樣鮮甜，肉質較結實，鹹度適中，送飯一流。

店舖距離地鐵站很近，以木為裝修主材料，偏暗色設計，日本小型居酒屋風格店內坐位一排擺放，感覺像日本的拉麵館，背後有吊勾可供掛衣服及手袋。我們選了鹽燒鯛魚及鹽燒饅魚御膳，包括沙律，前菜，漁獲麵鼓湯，御飯。沙律清甜脆口，麻醬香濃。鹽燒錭魚:皮薄而香脆，魚肉結實嫩滑，肉質水分充足，魚味香濃，鮮而香。鹽燒饅魚:魚肉質偏軟熟，魚油香濃，滑而嫩。店里燒魚技術高，魚食材新鮮，配上少量沙律，前菜及香飯，分量貼近日本當地人。

響銅鑼灣一條橫街原來有一間隱世既空運新鮮魚既日本料理店，看門口餐牌，以新鮮魚為賣點，有啲從未試過的如梭子魚和高部魚，全部都以燒烤為主,牆上掛了廚師推介的巧手菜。我同朋友在近門口位置，所有座位都是一排向住廚房的，見到多日本人都前來食，就知正宗日本菜。先叫碟小食酒煮文蛤蜆$58，清酒清甜，蜆肉夠彈牙，有好多隻，份量足夠，唔會過熟。經店員推介下,叫了兩味鮮魚，先來的前菜，有新鮮沙律菜，車厘茄，酸蘿蔔沙律，另外有一小碟前菜係新鮮魚生，有鮮甜的帶子，仲有原隻新鮮赤蝦，好有黏度，新鮮彈牙，仲有至愛既三文魚。旁邊還有一碗麵豉湯，以為是一般的麵豉湯，點知飲下鮮甜無比，原來用左好多海鮮漁獲泡製而成，非常清甜，材料有蜆仔，豆腐，海帶，唔會太咸，剛好。主菜梭子魚$178，份量大條，第一次品嘗呢味魚，驚喜魚肉味重，鮮甜，肉質較結實，唔會腥，旁邊可放白蘿蔔蓉在醬油中蘸來食，冇咁熱氣，又冇咁膩，好值得食。另一海魚叫了同樣是日本直送的喜之次，出名是深海紅寶石的喜之次，只不過是$248，抵食呀！肉質較散，但勝在好清甜，而且外皮及魚鰭香口卜卜脆。好似仲未飽，再叫多碟小食，唐揚酥炸墨魚鬚$38，煙韌彈牙，夠晒酥脆。鐘意飲

朋友在上網睇到間日式燒魚專門-坂奈，位置銅鑼灣謝斐道，而餐廳每天都會日本空運鮮魚抵港，即叫即燒！相當吸引門口都充滿著日式風味餐廳內部呈窄長型，座位唔多全部座位都向半開放式廚房，食客可以看著師傅的手藝可以先看看餐牌，再參考廚師意見先點餐清酒🍶味道清甜可口，又容易入口螢光魷魚平時我都很少食，見廚師推介咁就一試，味道都很鮮味，不錯清酒煮蜆大大粒的蜆，味道新鮮配上清酒更顯鮮味喜之次定食這條魚係紅色身大眼的深海魚，魚脂十分豐富，肉質更為肥美綿滑，而且十分鮮味這種魚不能人工養的，只能生獲，所以數量較少梭子魚定食梭子魚的肉實結實，魚味都很重，與喜之知的肥美細嫩感覺完全不同**定食包含沙律、蝦刺身、漁獲麵豉湯、御飯，十分豐富美滿鹽燒安格斯肉眼扒燒得剛剛好，入口有溶化的感覺，味道一流唐揚炸雞翼炸得很香脆可口，食落肉質鮮嫩細清雞泡魚干燒得外脆內軟，很有口感，配酒最佳小食之一

聽朋友介紹銅鑼灣開咗間燒魚專門店，所以決定去試吓。餐廳鄰近銅鑼灣地鐵站， 位置非常方便。裝修好有日本居酒屋感覺，座位大約十幾個。餐牌上有好多選擇，淨係魚都已經好多種類，因為選擇實在太多所以決定叫師父推介。柚子X梅洒甜甜地，好易入口。柚子X檸檬酒酸酸地，好清新。螢光魷魚冲漬有好香嘅魷魚味，醬油味濃，做下酒菜一流。食緊螢光魷魚嘅時候聞到烤魚嘅香味，開放式廚房可以望到成個烤魚嘅過程。前菜已經非常豐富，沙律菜翠綠新鮮，刺身亦非常鮮甜。燒BB喜之次，係生長於深海嘅幼魚，非常珍貴嘅一種魚，外皮乾脆，肉質嫩滑，雖然細細條但好多肉。吞拿魚額頂柳半熟燒，即係魚嘅額頭，每條吞拿魚只有兩小塊亦都係非常珍貴，表面用火炙過，表面有焦香，咬落油脂充滿口腔，入口即溶。香港專門吃日式燒魚店舖並不是隨處可見，而且所有魚直接由日本訂購，絕對值得一試。

有燒海鮮食，一聽就食指大棟，呢間有日本空運鮮魚抵港，即叫即燒，十分吸引，餐廳座位不多所以建議要預先卜位否則要等30分鐘以上，安排坐在望住大廚及半開放式廚房一行長枱及椅，全店約有十幾個座位，先點前菜叫了唐揚酥炸墨魚鬚$38，大大條，唧啲檸檬，消減啲熱氣，魷魚鮮甜彈牙，漿粉唔會好多。第二碟小食酒煮文蛤蜆$58，其實即係清酒煮蜆，清酒鮮甜，蜆肉肥美。到主角燒日本直送海魚，廚師推介選定了喜之次及梭子魚兩款生猛鮮魚。出名的喜之次之前都有食過，價錢偏貴，但呢度二百幾蚊算好抵食呀，配埋沙律同前菜新鮮魚生，最愛鮮帶子,仲有大隻新鮮赤蝦同三文魚。 還有一碗充滿海鮮精華的麵豉湯，這碗麵豉湯用左好多海鮮漁獲烹調而成，非常清甜，最特別係仲有蜆仔響裡面，外表似紅衫魚的喜之次$248，魚身全紅身，有隻好大既眼，聽店員介紹品種不能人工飼養，所以只可野生捕獲，有「深海紅寶石」之稱，屬罕有品種的魚，所以價錢偏貴，肉質綿綿的，較清淡的魚鮮味。到梭子魚$178上枱，大廚將佢义起以S型燒，望落好生猛，比較大條，肉質較實肉有質感，悸有鮮魚香味，還可配搭青檸更清香鮮味。在香港也可食到如此新鮮的空運魚，都係二百幾蚊，真值得一試。

前排有朋友介紹銅鑼灣有間鹽燒烤魚定食都唔錯，星期一放就走左去試試，店內好有日本feel，全店都是bar枱，餐廳鮮魚每日新鮮空運到港門口已經好有日本feel瑩光魷魚沖漬：食落有濃厚魷魚味，鮮味無比梭子魚又名竹簽魚，肉質結實，有少許魚腥味鹽燒BB喜之次定食：除了有深海魚王喜之次（雖然係BB，但味道與賣相都一流，肉質鮮嫩，魚皮燒得香脆，魚油甘香定食包含沙律、蝦刺身、漁獲麵豉湯、御飯，絕對夠份量鹽燒安格斯肉眼扒：燒得啱啱好外面啱啱熟，入口有即溶感覺言列生蠔：外面炸至金黃色，蠔肉味重清酒文蛤蜆：蜆肉夠肥大清甜燒雞泡魚干：燒至外脆內軟，香味十足北鹿 天䘵光臨 大吟釀：夠純易入口，男女皆而唐揚炸雞翼：外皮酥脆，內裹肉質鮮嫩幼滑多款鮮魚供應

位處銅鑼灣的坂奈，門口不起眼，內鋪位置不多，很有日本小居酒屋的感覺。選了兩款鹽燒魚，御膳前菜有沙律、味噌湯、三文魚、帶子、甜蝦、三文魚子，味道不錯。鹽燒BB喜知次，雖然細細條，但適合過一過吃喜知次的願望，又不用破費甚多。喜知次生活在寒帶深海，聽聞秋季至初春屬該魚的盛產期，此時牠們會努力儲存養分，魚脂特別肥厚，使其肉質更加美味。而且，喜知次十分嬌貴，日本人稱為夢幻之魚，其一出海水會即刻死亡，無法養殖。今次所吃的，肉質細嫩，而且有膠質的油脂特性，不像比目魚、鱈魚那般滿溢的油香，而是恰到好處的高雅口感，豐腴與彈性平衡質感。BB喜知次就是細條一點，吃得不夠滿足。不過這個價錢而言，實在不可要求太多呢。花魚一夜干，一夜干是日本料理的特色菜餚，鮮魚經過鹽水醃漬與風乾，濃縮了鮮味。花魚經簡單鹽燒後，肉質有嚼勁，經過風乾，魚脂變得更甘美，魚皮酥香帶脆，魚肉微鹹鮮甜，餸飯一流。螢光魷魚沖漬味道一流，咸鮮味刺激味蕾，最宜小酌幾杯。整體不俗，好魚之人不妨來吃吃。

平時都好少食魚,咁岩留意到呢間專門食燒魚,咁梗係要試下啦因為個位置唔係大街果邊.所以平時都好少行黎呢頭星期日晚都唔係好多人,間鋪係長條型,所以位置唔係好多,好好彩唔駛等位坐低左第一時間當然係睇下有咩魚好食啦,即叫即燒係要d時間,所以要快d決定左食咩魚先本身想試下梭子魚,但因為今日來貨既梭子魚有d大條,結果我就揀左喜之次BB另外男朋友就揀左馬友一夜干(因為佢覺得一夜干個名巴閉d)開放式廚房,可以睇到入面燒緊我條魚BB一手握赤蝦:$98(我地握左7隻)我岩岩先知原來果個一手握赤蝦只可以燒黎食,唔可以生食ORZ我本身對燒蝦興趣真係一般,所以玩過一次就夠啦佢叫一條魚可以加$30轉個套餐,有刺身,蜆湯,沙津,同埋白飯,都很抵加鹽麴小貝柱:另外叫左呢個小貝柱$38,份量少少地,鮮甜既,都唔錯食終於到主角出場啦!!!!馬友一夜干:$188,唔算好多骨,因為本身有用鹽醃過,再風干左一晚,肉質比較實,魚肉帶有小小咸味,但都唔會太干喜之次BB:$248,因為師傅話香港好少食左呢種魚,有特別野當然要試下燒既時候個面灑左d鹽,配埋檸檬可以帶出鮮味,魚皮脆脆地,魚肉就好滑下次再去會想試下梭子魚,因為都係比較少見

本身打算食一蘭 行過見到有間日本野門口好日本呀個feel 俾佢吸引左 行入去先睇下lunch menu 全日文睇唔明添入到佢 位置唔大 一條直行 得十幾個位好彩唔洗等位Menu全部都系魚 選左饅魚 lunch 可以升級衘膳晚餐要加$30 唔知選咩好 個staff好好人 拎左一盤魚 逐條介紹我識 好新鮮啊 最後選左燒饅魚 好快有得食la 一開頭驚太多食唔哂 點知最終食哂好滿足啊個柚子沙律好好味附上小碟刺生 勁厚呀個三文魚 個甜蝦啖啖肉 想再食日本米 飯素可無限添加 正見到menu有一夜干 下次想試下今餐好滿足喔

由於我好鍾意食魚，所以今次來到坂奈，的話是不枉此行。作為一間日式燒魚專門店，燒魚大部分都是來自日本。店內門面細細，座位不算多，開放式廚房設計，可以看到師傅燒魚的過程。他們又會跟食客寒暄幾句，互相交流。餐牌上有不少菜式選擇，單單是魚，都各有不同品種，淡味重口味、嫩的滑的，如果未有決定吃什麼，一於問問師傅時令食材有什麼推介！師傅會向食客介紹今日有什麼靚魚。未吃主角前，先來點小食開開胃，點了芥辣八爪魚漬及鹽麴小貝柱。芥辣八爪魚漬：八爪魚粒頗爽口，而芥辣味是接受的範圍之內，不會嗆得令人流淚。鹽麴小貝柱：帶子切粒，雖然用鹽醃過，但咸味不算太重，仍能嚐到帶子鮮味。鯖魚西京燒用上日本麵豉醃過，所以很入味。魚肉實淨重魚味，表皮燒得焦香薄脆，正！鹽燒BB喜之次大力推介！BB喜之次是原條即叫即燒，肉質非常嫩滑，魚味不算重，輕輕灑上少少海鹽去燒，味道清清地，與鯖魚的濃味形成大對比，我個人偏好喜之次，而朋友愛重口味，更愛鯖魚，各有所好。店內提供飯素，鹹香惹味，簡單加在白飯上，超好食！通常飲品都是偏愛水果酒，貪其甜甜地，易入口。這瓶是柚子梅酒，最好加冰，一來涼浸浸先好飲，二來甜度高，加冰有中和效果！

吞拿魚額頂柳，聽講比拖羅更矜貴。梗係啦，一條魚你話得幾多個額頭呢？吞拿魚額頭嘅油份非常充足，每一啖油脂喺牙縫間淺出，真係齒頰留香。可惜一set得五塊，而且師傅亦建議我哋快啲趁熱食啲魚，既然魚要趁熱食，於是好快就食完d魚，剩返一大碗飯啦😭。可能因為咁，店家都預備左飯素，俾我哋撈飯食。我差唔多食晒吞拿魚額頂柳，河馬生嗰份仲未到。於是河馬生慘慘豬同我一齊share 。就係我差唔多食晒半碗飯，佢嗰份終於來啦。呢個樣子驚嚇嘅叫BB喜之次。之前扒OR啲Post話，佢係魚中嘅紅寶石。肉質的確非常嫩滑，但係食食吓，我地覺得啲邊位有啲苦味。同額頭一樣，由於燒魚嘅份量非常細，好快食完條魚，又剩返一大碗飯。原本嘅前菜，燒明太子伴青瓜片姍姍來遲。明太子好鹹，如果佢早少少嚟，我哋就可以用嚟送飯，唔使食完條魚齋扒白飯嘅時候，剩係得飯素送飯，到而家兩碗飯都食晒，就要剩食呢個好鹹嘅明太子，上菜嘅次序錯哂，就算有青瓜片夾住食都補唔番。附加資料，加＄30可以轉套餐。套餐有蜆肉味噌湯同埋幾塊刺身做前菜。味噌湯非常鮮美濃郁，值得讚賞。刺身的帶子粒，鮮甜無比，值得一讚。大蝦配上手磨山葵，味道更顯鮮美。總括，燒魚質素高，但係份量

環境舒適，廚房開陽，可以望住師父即整，風味十足。好安靜，燈光適中，好舒適。首先，黎左個小食：燒雞泡魚干。外脆內口感十足，唔會太鹹，岩岩好！又香又惹味。好味到我唔捨得食咁快。我慢慢一口一口食黎拌飯，一流！然後係飯！超級驚喜，有香口配料拌飯，白飯彈牙新鮮而且任裝！配料都係任裝！不過記得保持衛生，盛完配料要蓋好瓶子。冷氣比較大，所以d魚黎到記得快d趁熱食。全部都係師父係即整即烤架，又香又暖暖地又唔會太熱，肉質鮮嫩，特別係左手邊既雷魚....... 烤又香，肉質又得住d汁，又嫩，必試！好鮮嫩多肉，抵食。最後飲茶消濟，唔會太濃，有淡香既日本茶，飲落好舒服。

日式燒魚專門店初體驗今天有朋友介紹之下，黎到銅鑼灣一間主打各種日本的魚類的專門店，燒魚的集中地，特別推介要試試！漁獲麵豉湯非常足料的麵豉湯，內有蜆肉、海帶、蘿蔔、洋蔥，令湯底非常鮮甜，不像普遍的麵豉湯用麵豉磚作湯底算擺，讚！唐楊炸魷魚鬚金黃色的脆炸外皮，不會太厚粉和厚漿，薄薄的一層，內裡魷魚鬚很爽口彈牙，重點不會太韌和太重油份的感覺。一手握赤蝦一手捉到幾多隻蝦就是你，自問大手的人一定要試試！赤蝦經鹽燒後，蝦殻脆脆的，內裡蝦肉非常鮮甜爽口，不用醬汁下簡簡單單的調味就把蝦的鮮味帶出！池魚一夜干師傅講解一夜干的意思是將新鮮的池魚風干一日，將內裡的水份完全迫出，令魚身魚肉只剩下魚油魚脂，經過火燒後，微金黃色的魚皮，筷子一夾下去時魚油不斷的溢出來，包裹薯魚肉，池魚肉很飽滿扎實，不會太乾和太鞋身，在滿滿魚油下令魚肉更加有口感更順滑美味，層層分明。鹽燒BB喜之次喜之次第一次聽，原來是黎自北海道的一種深海魚，而且是選用幼魚，非常珍貴！喜之次的魚油非常的多，脂肪也很夠，加上幼魚關係，魚肉份外嫩滑，在焦黃脆脆的魚皮、啫喱般的魚脂肪、幼嫩的魚肉，三者加起來簡直是享受魚的極致。吞拿魚額頂柳半熟燒吞拿魚是日本料

今日朋友話要帶我去食日式既烤魚。話好有日本既味道，一定要一試。我懷着呢個半信半疑嘅心去睇下，銅鑼灣嘅鬧市之中係咪真係有好正宗嘅日本人海鮮食！餐廳門面都好有日本居酒屋既感覺，用左好多木，感覺好日式同好整潔！門口仲有好多日文字既木板，入左去問先知係時令既魚名。入到去佢係吧枱形式，中間既係煮食既地方，真正open kitchen!咁就睇下menu ，種類唔算多。所以我地第一時間揀左魚先，因為烤魚需時，揀完魚再揀小食！揀魚既時候，師傅有行過黎話比我地聽咩魚有咩特色，同邊幾種魚今日比較新鮮！我地揀左最高個條赤鯥($680)同埋左下角魚身比較黑既個條梭子魚($280)!!咁係等魚既期間，我地就食下小食，飲下清酒。酒煮文蛤蜆($58)依個清酒煮蜆，一上枱好香酒味。但食落完全另一回事！識落時候嘅酒味忽然變得好淡，但係有好甜既海鮮味，今晚日式嘅乾蔥，箇中感覺好清甜好新鮮！險肉都好細粒可能就係因為咁好聯絡咬落去好似好快就會融化咁，全碟食到底一粒沙都冇！燒明太子伴青瓜片($88)太子本身鹹好鹹新單佢用呢一個窿窿地嘅燒法燒起嚟佢嘅層次感多咗，加上佢配埋青瓜，幫你每一啖都加上清新既感覺。依個菜式送清酒一流！就等