川粵時光 (已結業)

川粵時光呢間餐廳個名都幾得意！（川粵時光）穿越時光！我覺得有陣時一間餐廳改名改得好，除咗令到人哋印象深刻之外，就係個名一睇就知道大約係食啲咩菜式，同埋個餐廳嘅定位係點，呢間餐廳兩樣都做得到！我自己同朋友都好鍾意食四川前菜，一間餐廳嘅錢財質素都足以反映到之後主菜嘅質素，等我哋一齊睇吓！青椒皮蛋，呢一度前菜好多人都會將個焦點擺咗喺皮蛋度，但其實一個出色嘅青椒皮蛋，青椒都要有返咁上下嘅處理先可以配合到皮蛋，呢一度嘅青椒佢哋用切長條型處理，方便夾住皮蛋食，同埋更容易入味，效果唔錯。酸辣魚皮，呢一款好俾到驚喜，先將魚皮切條，更加容易掛汁。醬汁方面調理得好好，酸辣度非常配合，食到隻隻聲。蒜泥拍青瓜，呢一款反而冇咩驚喜，不過食得出啲青瓜嘅質素唔錯。呢一款「黃金南瓜」，幾有趣嘅一款菜式，先將南瓜包上蛋黃，然後再處理，個口感幾得意，出邊就有蛋黃香味，脆脆地，然後咬入去有香濃嘅南瓜肉。水煮滑牛肉，調配得唔錯，辣度同麻香配搭適中，而且牛肉都幾嫩滑，真係食唔停口！食咗咁多嘢都係時候要食甜品啦，呢一轉就叫咗個紅糖冰粉，冰粉配搭着西瓜粒個味道都唔錯，口感幾舒服，為今日嘅晚餐畫上一個句號。

🌟🌟🌟🌟🌟🌟🌟🌟🌟🌟🌟🌟🌟🌟🍽 川粵時光 (銅鑼灣)📍銅鑼灣登龍街18號V Point 28樓🌟🌟🌟🌟🌟🌟🌟🌟🌟🌟🌟🌟🌟🌟VPoint新開嘅川粵時光好多人推薦🤔鐘意食四川菜嘅辣妹(即係meXD)當然要過黎試下餐廳係28樓，落地大玻璃窗見到景好靚好舒服😊蒜泥拍青瓜酸辣魚皮涼拌海蜇雲耳先黎3個小菜開下胃，食住等朋友😗😗酸辣魚皮好食，又爽又彈牙👍🏻涼拌海蜇雲耳用左少少麻油吊味，特別香❤️酸菜鱸魚我地叫咗特辣😊不過就真係冇乜辣味，好可惜。不過鱸魚魚肉超滑溜！！😍😍而且份量好多，幾抵食呀！酸菜都好爽口，連埋食超正~~黃金椰菜花呢個好推薦💓爽脆椰菜花佈滿曬濃郁咸蛋黃，拎到中庸之道唔會膩！亦唔太油💛紅糖冰粉好特別呀上面係西瓜😍以為會好甜點知又啱啱好喎，係比較fresh嘅紅糖冰粉😆飲品蜂蜜檸檬柚子蜜唔太甜，食辣野飲杯冰凍飲料真係必須的💗✨如果喜歡我的文章，可以關注我及讚好以作鼓勵喔✨

想食中菜，朋友介紹了川粵時光。位於 V Point 高層，靠窗位還可遠眺維港景。川菜一般濃味，點定兩杯飲品，蜂蜜檸檬柚子蜜滋潤清甜，還有幻彩荔枝養生茶。酸辣魚皮 - 第一次食這款小食，魚皮造成條狀，外表晶瑩，口感煙韌，有點像海蜇，酸辣的很惹味。蒜泥拍青瓜 - 經典小食，青瓜酸酸的夠入味，加上蒜茸更香口。黃金椰菜花 - 椰菜花上沾滿了咸蛋黃，入口爽脆之餘充滿咸蛋香。酸菜鱸魚 - 魚湯底加入大量酸菜，酸中帶清甜，鱸魚片肉質結實彈牙，食料高質。加了很多秀珍菇及寬粉，豐富飽肚。吃了多款濃味菜式，甜品來個清新點的紅糖冰粉。冰粉入口似蒟蒻，感覺輕盈。

川粵時光睇個名就知道又係川菜又有粵菜個名幾特別穿越時光 一定會記得幾鍾意去v point食嘢因為有海景 淨係睇個景都一流今次特登早幾日打黎book枱 希望坐喺近海景位餐廳都好好咁幫我哋安排 環境都幾靚叫咗三款涼菜蒜泥拍青瓜涼拌海蜇雲耳酸辣魚皮其中酸辣魚皮 幾特別用咗泡椒同埋小米辣椒所以酸酸地又辣辣地魚皮又超級爽口彈牙幾出色 黃金椰菜花原來係用鹹蛋黃作為調料鹹蛋黃包住晒椰菜花每粒椰菜花都有鹹蛋黃嘅鹹香非常之惹味 另外鹹蛋黃起沙真係好香酸辣鱸魚其實即係酸菜魚酸味較重由於朋友唔係太食得辣特登揀咗小辣 鱸魚非常之嫩滑食完一片又一片 另外入邊都有啲薯粉兩個人來講份量都幾大幾飽肚食完啲鹹鹹辣辣嘅嘢梗係要食少少甜品同埋解辣啦我哋就叫咗紅糖冰粉冰粉同出邊比較唔一樣 係整碎咗變成一粒粒估唔到呢個口感都幾好喎 同埋落咗啲紅糖甜甜地好解辣

朋友鍾意食辣野，就帶咗我去食銅鑼灣嘅穿越時光，錯，係川粵時光先啱！上到去真係覺得好舒服，環境開陽落地玻璃，可以見到好靚嘅景色。參考方便選擇都好多花多眼亂，我就叫我朋友直接揀，因為佢食過。前菜酸辣魚皮口感好彈牙，特別味道酸辣好開胃。口水雞質感香滑而且調味都夠香辣，又係另一開胃之作。涼拌秋葵排到整整齊齊，好似俾我哋打卡咁！保留應有水份，個size唔算大，感覺比較統一，質感爽口，有啲醋香味。主食青椒開胃清香魚大大兜好吸引，真係要好小心中間嘅青椒好辣，唔好當左係芫荽咁食！（朋友比較傻仔，食咗青椒，辣到係咁飲水）魚方面冇骨，方便懶人，而且口感香滑，原來裏面做配搭有一款啡色嘅麵，質感軟滑好得意。黃金椰菜花原來黃金係鹹蛋黃，味道鹹香而且的確係金黃嘅表面，椰菜花質感香脆。 甜品紅糖冰粉冰粉方面好滑，透明，作為晚餐完美嘅句號！ 飲品幻彩荔枝養生花茶都好特別，除咗顏色又有藍色又有紫色好打卡之外，個荔枝味都好突出，推介！

什麼時候都說香港是個美食天堂只要講得到既菜式 幾乎香港都會有最近又再一次愛上中菜 所謂有辣有唔辣這次不如就來點猛 試一試以麻辣見稱既川菜來到位於銅鑼灣V Point既川粵時光 格調也來點不一樣舖面乾淨企理 裝潢亦走高雅貴氣路線向窗外望更可遠眺維港景色 不論日或夜都同樣無敵主菜前 單是前菜亦已經夠晒精彩同豐富青椒皮蛋入門級別 辣味輕巧得很味道香口濃郁之中很惹味醒胃作為前菜配上美酒 實為不錯蒜泥拍青瓜青瓜清甜爽脆 配上特製醬汁及蒜泥作為醒胃涼拌前菜 惹味開胃酸辣魚皮用上桂花魚魚皮食落滑溜爽脆之中帶點微酸少許辣有點意外是味道零腥味連不太吃魚既我都密密吃水煮滑牛肉上枱時麻辣香氣撲鼻用料很足 配料亦很多 有鴨血、芽菜、青瓜、寬粉、筍片主角滑牛肉切得厚實 入口真的很嫩滑 不過就是差了一點口感筍片嫩口爽脆 寬粉滑溜煙韌有口感辣味及麻香剛好不會太嗆 味道層次非常豐富黃金南瓜口感軟腍 味道帶咸蛋既咸香中帶點南瓜香甜有別於坊間先炸後煮少了點熱氣感覺 更健康點紅糖冰粉冰粉質感酷似涼粉果凍入口涼快爽滑味道甜中帶點山楂酸味用來中和口腔中既麻辣實在不錯蜂蜜檸檬柚子蜜 & 蘋果汁柚子蜜味甚為突出足以蓋過檸檬味道味道

今日黎到銅鑼灣嘅v point一直都好多唔同嘅高質餐廳，而呢間川菜館幾吸引我就即刻去試下啦。。四川豆干首先嘅豆腐乾味道唔算太濃郁，點少少辣椒粉食會更加惹味，作為前菜相當唔錯。野生椒泡鳳爪呢一道菜式都係第一次試，鳳爪超級入味，而且泡椒真係幾辣下。麻辣小龍蝦食川菜當然就唔少得麻辣小龍蝦啦，麻辣味本身已經好香，配上小龍蝦嘅鮮味好滿足。酸辣土豆絲呢個茶式我一直都好鍾意，少少酸酸辣辣好惹味，而且土豆絲好爽口。。鮑汁雞粒炒飯食左咁多辣野都叫番個唔辣嘅炒飯啦，呢個炒飯粒粒分明，口感一流，而且超級香同濃味。酒槽小丸子最後嘅甜品小丸子好煙韌，而且味道又啱啱好，唔會話太甜

收工同老公嚟V point食餐好嘅！揀左嚟川粵時光😻 view真係好靚🥳 bk到窗邊一定要坐🥳.我哋就點左幾款前菜先，一個係酸辣魚皮😆 魚皮非常爽口！酸酸辣辣非常開胃呀🤪 .另外係尖椒皮蛋❤️ 流心黃好正，加上d尖椒食層次係豐富的😛.拍青瓜就一定要叫啦，青爽又脆☺️ 而且可以清清個口，準備食下一味菜🥗🥗.黃金南瓜🎃 第一次食咁嘅組合，估唔到又幾好食，蛋黃咸香味加上香甜南瓜，係好rich geh🥰.嗌左份少辣的水煮牛肉😌 牛肉都幾多件，係滑牛個只，入面亦有d青瓜、筍、粉條、芽菜同鴨血添！特別喜歡個粉條，好煙韌又夠味👍🏻.甜品嗌左冰粉😌 上面仲有冰涼西瓜同花生碎，食落好解辣又refresh❤️❤️

同朋友慶生，知道佢鐘意食辣，特登搵間川粵菜餐廳同佢一齊慶祝。銅鑼灣V Point 頂層望到維港景色，店內綠色梳化位置非常舒適。餐牌上食物選擇種類非常多，前菜、小食、主菜、甜品等應有盡有。====—====—====—====— • 涼菜  •🐠酸辣魚皮（$92）涼拌魚皮入口爽脆，酸辣口感能增添胃口，冰涼可口，夏天吃一流！🥒蒜泥拍青瓜（$66）青瓜切成小粒，爽脆滋味，麻油及蒜泥香味充斥每一粒青瓜🌿涼拌秋葵（$88）秋葵以醋拌成，酸酸地好開胃 • 主菜  •🐟青椒開胃清香爐魚（$358）青椒開胃清香爐魚以一個大盆子呈上，份量夠大。香爐魚切成片狀，肥美又厚肉，入口變滑。筍片夠大塊，新鮮又爽脆麵條吸收湯底味道，好正😍湯底以青椒及其他配料熬成，酸辣又開胃🍀黃金椰菜花（$108）以咸蛋王炒成的椰菜花非常邪惡，每一棵椰菜花都沾上了咸蛋王醬，口中充滿流沙口感 • 飲品  •🍯蜂蜜紅棗茶（$32）蜂蜜紅棗茶清新滋養，夠曬健康🍹幻彩荔枝養生花茶（$32）賣相非常吸睛，荔枝味道尤為突出，香甜美味 • 甜品  •🍧紅糖冰粉（$48）紅糖冰粉是果凍狀，能一沖口腔中酸辣感，冰冰涼涼，為晚餐畫上完美句號====—=

V Point呢棟building嘅餐廳全部都好有view㗎同朋友好chill咁傾計食飯又得！同情侶好有情調咁食飯又得！而呢間川菜一直係我嘅want list，就約埋朋友一齊嚟食「酸菜鱸魚」鱸魚好大片又厚肉，完全無骨的酸菜味唔會太酸，同魚湯可以平衡到！個湯都係精粹，魚味夠濃，再有酸菜嘅香，特別惹味薯粉係闊條的，好好食呀！煙韌而軟淋，唔駛特別咀嚼好耐「黃金椰菜花」呢個真心好好食起哂沙嘅鹹蛋黃茸包圍住椰菜花，富有蛋黃香，越食越滋味！「酸辣魚皮」酸辣味岩岩好！仲有花椒嘅香，魚皮非常爽口彈牙不過就切得太幼，食嘅時候欠缺口感！「涼拌海蜇雲耳」啲雲耳好爽彈喎係我鍾意嘅口感！「紅糖冰粉」冰粉本身無味的，加左小方塊嘅西瓜粒，有助帶出清新感！唔會剩係得紅糖嘅甜而且仲多左山渣嘅甜味，呢個冰粉好有層次感（右）蜂蜜檸檬柚子蜜（左）幻彩荔枝養生花茶有原粒荔枝&椰果

好久沒吃川菜了，見到這家可以望著海景吃飯，非常吸引，所以來吃了~餐廳環境清幽，座位舒適，充滿空間感，非常適合和家人朋友交談吃飯。今次點了好幾款~~先說前菜，野生椒泡鳳爪~好香的藥材（？），配上辣和微酸味道，超級開胃，但辣味後勁超強，愈食愈刺激，怕辣的，要注意~四川豆干豆干口感好滑，清爽彈牙，滲出鹵香，沾上辣粉同吃，香辣刺激！酸辣土豆絲酸辣味道對我來說，超級適中，口感清爽鮮甜多汁，是我吃過最好吃的土豆絲，極推薦！主菜類：麻辣小龍蝦一盆就有十多隻，充滿麻、辣、鮮、香。肉質夠鮮夠彈牙，我一次過拆肉，放到碗裡，用來拌飯好好吃！點了小龍蝦會有即棄手套附上，吃完雙手還是乾乾淨淨~~鮑汁炒飯米飯炒得夠乾身，雞肉嫰，當中更加入了火鴨粒增加了香味~飲品：吃辣最需要就是可以解辣的飲品！幻彩荔枝養生花茶甜甜略酸的荔枝味，好解渴~蜂蜜檸檬柚子蜜滋潤開胃，重點解辣！最後再來一個甜品~酒糟小丸子~桂花香氣溢出，加上糯米酒的獨有味道，非常令人感到滿足。總結全餐食物都是適中的咸度、酸度、辣度。好滿意~

叫咗一個水煮魚 一個口水雞 一個紅油抄手一杯啤酒一杯檸茶-環境乾淨 但似大陸啲酒樓 播住做Spa嘅relax music 會令人好眼瞓-衛生okay 檯面 餐具都好乾淨有比熱水洗碗 檯面有乾洗手-水煮魚魚份量多 小腥 整體夠熱但味道唔麻唔辣 餐廳寫有兩條辣椒🌶️ 嘅辣度 我諗最多得平時嘅小辣一啲麻味都無 完全食唔到花椒八角嘅味道口水雞半隻 份量多但鞋身 無乜肉個汁唔係口水汁係茶記個啲例餐口水雞飯嘅味紅油抄手 普通 皮厚少肉個汁0辣味 有微甜 似係個醋嘅甜度-叫咗一杯啤酒一杯檸茶所以無開到茶店員收走茶杯無提到要收人頭茶芥費 $20再加一向經理查詢時 態度惡劣埋單要$600 兩個女仔都食唔飽 又唔好食 一肚氣

係呢個疫情我覺得好食嘅川菜都執咗、今日嚟試呢一間新開嘅川菜, 環境很好飽覽維港景、如果鍾意食川菜嘅一定要試吓, 頭盤叫咗豆乾味道唔錯、同埋辣鳳爪, 真係好夠辣, 成杯嘢飲俾我飲晒、呢度仲有小龍蝦食添,好少見到香港有得食小龍蝦、同埋我最鍾意食嘅酸辣土豆絲。再加埋個炒飯就飽啦⋯⋯個炒飯炒得好香同粒粒分明⋯⋯最後叫埋甜品嗌咗呢個酒糟小丸子、不是很甜、啱晒怕食甜嘅我今日就圓滿啦⋯⋯豆乾唔錯鳳爪很辣、啱晒鍾意食辣野嘅人我就係睇到呢個小龍蝦所以走咗過嚟食、yummy我最愛嘅土豆絲個炒飯真係好香好食吵到啲飯一粒粒呢個又唔係好甜. I like

V Point是銅鑼灣以食肆為主的商業中心，內裏有雲集了很多出名的食肆，加上擁有無敵海景，確實吸引不少食客到來這裏，今晚便挑選了其中一間與川菜為主打的食肆。黃金椰菜花，濃郁的蛋黃漿，滿滿沾滿了椰菜花，令到椰菜花的層次感更加豐富，想不到這間與川菜為主打的食肆，廣東菜都做得很出色。紅糖冰粉，內有芝麻、花生和西瓜粒的冰粉，混合了紅糖之後，非常美味可口，真的很想再來一碗。鐵觀音，味道甘香，回味無窮。酸辣魚皮，魚皮爽口彈牙，酸辣到適中，非常適合作為前菜。口水雞，雞肉質軟腍，醬汁味道濃郁，香、麻、辣皆全。涼拌秋葵，第一次吃秋葵是配上酸辣的醬汁，令到這個秋葵口感清甜，帶有濃郁的四川風味。青椒開胃清香魚，內有花椒、芫荽和筍片，湯頭味道鮮甜中帶點酸，魚肉嫩滑可口，另外還可以吃到爽口彈牙的蕨根粉。幻彩荔枝花茶，用洛神花和碟豆花沖成的花茶，顏色分為兩層，攪勻之後變成了紫色，除了美味可口之外，亦都很有觀賞價值。

相約朋友來吃這間主打川菜和粵菜的中餐廳。這裏環境舒服，還可以看到漂亮的夜景。我們這次主要還是點他們的川菜試試。先來兩杯飲品。幻彩荔枝養生茶和檸檬柚子蜜。首先吃川菜絕不能錯過的水煮鱸魚。menu上面有兩條辣椒，本來還擔心會太辣，但幸好我個人是完全接受到的！整體辣得很過癮而且麻香十足！鱸魚很滑無骨，魚味突出，入面還有很多配料，例如鴨血、萵筍、蓮藕、寬粉等等，非常豐富！麻辣小龍蝦是另一個惹味之選。龍蝦每隻也很入味，蝦頭很多膏，非常鮮味！雖然比較辣，吃到嘴也麻了，但還是停不下來。香鍋肥腸夠惹味香口！尤其是肥腸很好吃，脂香四溢！太久沒吃肥腸放縱一下也不過分吧。小食方面酸辣魚皮、涼拌麻醬生菜也很不錯。尤其是酸辣魚皮很開胃，魚皮爽脆，不過也是越吃越辣！麻醬涼拌生菜。生菜新鮮爽脆，麻醬很濃郁花生香！味道帶點辣很特別！清炒萵筍。萵筍切成一絲絲，特別爽脆清甜。加點辣椒炒一炒已經很香口好吃！最後甜品再來個軟糯的紅糖糍粑，很滿足。