漁匠料理 (已結業)

這是自費的一餐,並不是虛構食評或是網絡打手文!這天到大陸工榦後,晚上到上水跟朋友吃飯,朋友選擇了這家漁匠料理開頭還想這種上水的日式料理,應該十分普通,想不到有點驚喜壽司拼盤,三文魚籽壽司不錯,相當新鮮,壽司則普普通通,不算太特別沙律相反味道不錯,也是相當新鮮不油膩熟蠔原本已經鮮味十足,右上三文籽後入口更不錯,鮮味濃郁炸蝦天婦羅,炸得不算油膩,外皮相當脆,內裡的蝦也是口感不錯不錯的小店,值得支持

今日同朋友到大梅沙玩，一齊黎上水搭"沙頭角快線"，就帶朋友黎食漁匠。有午餐SET，免加一:配餐有三文魚刺身、味噌湯、前菜。A餐-日式網燒牛扒定食$88，牛扒冇燒既味道，又冇乜牛味，汁又太咸失望K餐-鹽燒鯖花魚定食$70，個魚得好好食，個魚皮脆到好似食緊即食紫菜咁，好好食餐飲揀左日式炭燒咖啡，泡沫豐富，好味加$10可選特飲，揀左柚子爆珠梳打，好靚，啲爆珠好味，口感好正。

北區向來給人的印象是人煙稠密，多國內同胞，而且離屋企有著天與地的距離，是日因工作需要來到了上水，經過一日辛苦的工作決定晚餐要對自己好一點。便約了住附近的朋友大吃一餐。經朋友的推介下試了這一間「漁匠料理」。6:30pm左右到達，店內有一兩枱客人店內用了不少日式掛畫海報，給人日式小店的感覺想不到這間小店竟然會有日本直送活魚刺身供應，經店員介紹下決定一試日本直送鯖魚刺身(半條$188)店員稱鯖魚是季節性，這時候的鯖魚最鮮甜，味道亦較濃朋友喜歡食蠔，叫了日本室津蠔6隻($28/隻) 叫了幾款燒海鮮,這甲羅燒頗特別，值得一試再叫了幾款串燒，原來這裡的串燒是師傅燒了七八成，再送上一個備長碳爐，自行燒熟，有得食有得玩食串燒要配啤酒，餐廳有Asahi生啤，決定叫一杯share (酒量淺薄)在沒有任何的期望下，這小小的店，有著幾個驚喜位，算是難得，希望店舖的水準可一直維持下去。

與老友相聚，佢係地胆，推介呢間地區小舖。地方細細，坐得有啲迫，但座無虛席，好熱鬧。老友負責點餐:黑牛爆珠雪糕特飲 可樂+呍呢拿雪糕+爆珠，乳酸味爆珠都幾特別，唔係一味甜，甜中帶酸增加食慾，但我個人鐘意配朱古力雪糕多啲~楊枝甘露爆珠芒果雪糕特飲芒果汁+呍呢拿雪糕+爆珠+柚子肉+芒果肉，都係乳酸味爆珠，份量仲特別多，佔成半杯! 室津生蠔又大隻又鮮甜，仲配左啲三文魚子，所以擺落口淺嚐一陣後，滑嘟嘟一嘢滑落喉嚨，好juicy呀，又冇腥味，好回味。黃羽太原條刺身店長推介，築地直送，斑類既一種。切得好靚，亦排得好靚。第一次食呢種魚，肉質新鮮，但唔覺有咩特別味道。附碟醬料味太濃，遮蓋左刺身既鮮味。點少少豉油仲好味呀。銀鱈魚西京燒好耐冇食銀鱈魚，魚皮燒得好脆，但燒得稍燶同埋過咸。北海道海鮮海膽炒飯 上枱已經聞到好香，十足鑊氣。落左少少黑椒炒，非常惹味，用料亦非常足，差不多啖淡都食到蝦或者帶子，之前食o既so-call海膽炒飯都係落少少海膽一齊炒，但呢度就係擺啲新鮮海膽刺身上去，不過如果多啲就更好啦!大根鵝肝鵝肝煎得好香脆，用兩片薯白夾住黎食，大減油膩感，好特別。而且鵝肝內軟外脆，加上蘿白既軟熟，軟脆軟

教完班 原本想食山下 點知落場時間 所以黎魚匠試下黎左d前菜先味噌湯 中華沙律正常 無特別三文魚唔錯 幾有魚味 都新鮮便當到有3粒八爪魚丸 天掃羅同金菇肥牛八爪魚丸: 好似得粉漿同薑味金菇肥牛: 正常 無特別 送飯都幾好食既天掃羅:好大陣油益味 同埋炸魚柳有d咸好彩有學生優惠 埋單50如果原價6x我覺得唔扺

之前黎呢度都係假日黎食午餐，今晚經過，就黎個一人晚餐吧~接近九點，唔駛等位!一個人叫左個備長炭壽司盛$98，帆立貝，海鰻、魷魚、珍寶赤海蝦、蒲燒鰻魚壽司各一件。個人鍾意食火炙壽司，因為喜歡火炙後更香口， 用炭烤感覺就更加"原始"，烤完後仍能食出鮮味，正! 每件都幾大件，好新鮮~ 用木板上，比用碟賣相更吸引!本來諗住咁夜食板壽司就夠(夜食野好肥架!)，但眼見枱枱都有個碳爐仔燒野食，好吸引，咁就加碼啦~~ 我係蟹迷，就叫左呢個 - 漁匠蟹味噌甲羅燒$78。上枱時店員講解要點燒同點食，原來燒一陣就要攪暈佢，等啲蛋汁熟左就食得，唔係好易燒燶。燒左陣，店員即該幫我攪暈佢，哈，佢又知我攪唔掂。再燒多陣，店員又幫我夾起上碟，真好服務!! 蟹肉同成pat蟹膏+蛋汁撈埋，炭烤後再放上薯片食真係諗都未諗過。啖啖蟹肉真係食得爽，完全冇渣同冇蟹軟骨! 食蟹都可以食得好優雅!其實好想食甜品，不過夠了! 埋單唔駛加一。特色的一餐~

比朋友的左去上水食飯，不過都無令我失望，餐廳服務很熱情，食物也很有水準，又很多特別食物。日本溫室蕃茄又甜又開胃既日本蕃茄,食完好清新。鹽燒大蔥雞肉串,牛舌,鰻魚,生蠔細細個炭爐擺喺枱燒，佢話係備長炭所以又冇乜煙，又耐燒 ，雞肉嫩滑又唔， 加上大蒜嘅香味燒起來非常之香，牛舌切得夠薄燒完都唔會太奀，鰻魚雖然唔係好大不過燒得好好食，因為廚師已經幫我哋燒好六七成熟，所以我點燒到好食。日本空運原條魚刺身廚師同我講好好彩，因為佢哋啲魚全部每日新鮮到, 所以每日D貨不多，今日剩下最後一條魚刺身, 日本空運魚真係唔同啲好爽口彈牙味道好清甜，連旁邊的醬油都差啲不用, 魚食完原來廚師會幫我哋將啲魚頭魚骨煲粥，原來一魚兩食, 個粥用少少蔬菜豆腐同蘑菇整成, 清甜又唔會咁咗啲魚味,勁好味。北海道風温室蜜瓜紅豆芭菲又係好彩，經理同我哋講平時 這個甜品係要打電話訂好先有得食, 因為係啱啱準備第二日嘅order 所以先有得食，用了非常十足，半隻蜜瓜做一個甜品, 蜜瓜好甜，芭菲做得好綿,加上日本寄返嚟嘅紅豆好好味 。

上星期我同家姐都冇飯食所以就近近地，係番北區搵食漁匠之前食過一次，覺得都OK所以果晚又再去食多次喇和風柚子汁凍蕃茄 $30我地兩個人都好鍾意食蔬菜所以就點左個蕃茄沙律食蕃茄幾多汁，不過甜度就一般柚子汁夠清新，係一個幾開胃既前菜香芒大蝦卷 $92因為我唔鍾意食魚生家姐就我叫左呢個大蝦卷炸蝦d粉唔厚，蝦肉幾大粒而且上面有d生果就算食多幾件都唔heavy，岩哂夏天食備長炭燒活海鮮盛 $136海鮮盛包括一隻鮑魚仔、帶子、生蠔同大蜆幾樣野都好新鮮，所以味道都好鮮甜由其是鮑魚仔，燒完都唔會硬雖然係要自己留意住燒成點但店員時不時都會過黎check下所以都唔駛怕自己唔識控制會燒到過哂火日式蟹肉炒飯 $98夜晚點都要有d米飯落下肚 (哈哈)蟹肉雖然好碎，不過份量都唔少米飯本來既甜味再加埋蟹肉既甜味簡簡單單就已經好好食北海道風溫室蜜瓜紅豆芭菲 $882個女仔一齊食飯，最後又點可以無甜品估唔到個蜜瓜會甘大個果肉質地比較爽，但都好甜加埋d煮好左既紅豆同埋雪糕每一啖都好滿足呀(後) 巨峰爆珠梳打 $30(前) 柚子爆珠梳打 $30如果係北區既街坊唔想食親日本野都係去排哂隊既元氣不妨黎漁匠試下

作為一個北區人，講真上水粉嶺真係無咩好食，因上水已經淪為水貨城，藥房仲多過便利店，係無野好食之中，好彩都仲有一間開左頗耐既日本餐廳仍然屹立不倒。 平時多數黎食佢地既下午茶，今晚約埋細妹試下佢地既晚餐先。巨峰梳打 同 柚子蜜梳打，入面有爆球增加口感，天氣熱飲返杯梳打真係爽~係是日推介度叫左金目鯛刺身同日本室津生蠔，金目鯛既賣相好靚，一睇就知新鮮，魚肉微甜又有彈性，點埋佢旁邊酸酸地既醬汁又好開胃。 平時食澳洲，法國蠔就多，日本室津生蠔真係未試過，一於叫兩隻試下，質地都幾Creamy，不過海水味同蠔味就較淡，岩一d初嚐征蠔既朋友食。凍蕃茄沙律，蕃茄多汁飽滿，加埋黑醋汁調味，好清新refresh!!!我同細妹都好鐘意食軟殼蟹，所以一見到呢度有軟殼蟹天婦羅就話一定要叫。 原隻軟殼蟹炸到金黃色真係好吸引，炸得幾乾身，一d都唔油淋淋，好酥脆，軟殼蟹味好香濃，正！備長炭燒海鮮併盤，有帶子，鮑魚仔，大蜆同蠔，即燒即食，四樣海鮮都好鮮甜，唔洗加任何調味料都好好味，可以一邊燒，一邊食，一邊傾下計，唔錯唔錯~最後食埋甜品，溫室蜜瓜紅豆芭菲，一上枱真係嘩！一聲。係成半個日本蜜瓜，好夠份量，呃like一流，先食蜜

上善如水純米吟釀食日本野加上行街行到熱辣辣，梗係叫番支凍嘅清酒啦， 好彩之清酒比較純，女仔都arm飲。生蠔28蚊生蠔好抵食，這個生蠔好新鮮，加有小小洋蔥花，魚子，燒醬油，加埋佢嘅鹹鹹地嘅海水味好食。大根鵝肝這一味大根鵝肝,用料十足 ,大根煮得好淋，我剛夾喺中間d鵝肝油滲曬係啲大根上面勁好香 中，最上面放多隻大冬菇，當個漢堡包咁食，一啖咬落去好有層次感好有口感。什錦刺身一大盤雜錦刺身放上枱，剌擺放得非常精美 , 顏色非常鮮豔，入口又冇雪味應該非常新鮮。殼燒帆立貝蟹膏燒成隻手掌咁大嘅帆立貝加埋蟹肉同埋材料劑度滿一滿，加上佢用炭爐燒，非常有風味，香噴噴熱辣辣。

估唔到上水有咁地道既日本餐廳，不過成日都好多人等位。今日心血來潮，中午打來訂定枱，唔使等位😁不過期望過高，有點兒失望芝麻柚子浸赤海老夏天食一流，柚子味好fresh !大根鵝肝大根鵝肝鵝肝太薄，無味，煮得過火⋯⋯ 似豬潤多啲日式炭燒牛扒好un, 好鞋，要𡁻好耐⋯珍寶三文魚壽司三文魚似放了一段時間，無光澤的，食落口感也不太肥美，不過三文魚好長，長到可以卷住舊飲來食😁反而佢舊飲唔錯，飯團是即整的，暖暖的！三文魚籽壽司$20/件三文魚籽唔夠新鮮，咬落無卜卜脆的感覺海膽壽司$34/件海膽唔錯，夠新鮮👍🏻海蝦天婦羅拉麵隻糖心蛋⋯ 好失望，點解會無左蛋黃😅不過侍應好好，聽到我地問，佢即刻換過隻蛋比我，不過蛋黃都係無左一半⋯⋯😅湯底味道不錯，但唔夠熱天婦羅足料！

如果你去大陆，在上水站出闸，总车费会比较平，悭返就可以食平啲。呢间胜在就脚，系上水站出来行10分钟就到了。街坊生意，招呼非常好。午餐时段，学生哥八折野菜汁牛肉饭黑椒汁得非常惹味，拌饭的汁非常多。麺豉汤就比较行了。壽司比較乾身，似乎一早就凖備好我觉得可以一试晚市，可能有驚喜

上水呢個地方，經過番深圳就有，係度覓食真係第一次，上次聽朋友講呢度有間隱世日本餐廳CP值超高。今次就來一探滋味。餐廳格局簡約，尾端係壽司枱，可以見到兩位師傅整壽司，牆上放左不少日本風景畫，配上日本酒瓶，頗有風味。日本室津生蠔（$28隻）好肥美大隻，上面配上魚籽同蔥花，腥味頗重，嗜蠔既人岩食依佐目刺身半條（$188）師傅刀功非常厲害，魚肉切得薄和通透，魚味清淡，配上旁邊酸辣醬汁，味道清新而不膩。魚骨味噌湯餐廳將剛才魚骨煲成魚湯，食材完全唔會浪費，味噌味道非常濃郁，可能只用魚骨煲，魚味就未見突出，同理魚骨都幾多，唔能夠大啖甘飲。柚子汁凍番茄（$30）第一次食去「衣」既番茄，配上柚子汁，味道酸酸甜甜。楊枝甘露爆珠雪糕特飲（$30）味道似楊枝甘露既飲品，配上雲呢拿雪糕同爆珠，感覺幾得意有雙重口感。藍鰭吞拿魚壽司（$358）呢個值得推薦，藍鰭產量非常少，以呢個價位食到絕對合理，餐廳提供5款不同做法壽司，赤身肉質爽而結實，魚味淡香，個人非常鐘意大拖羅，入口即化，油脂分佈平均，白白一片，非常肥美。

近排日本水紙高左，又好耐無去日本旅行，唯有食下日本野頂癮（好似係藉口，哈哈），今次就入左上水搵朋友兼食好西。我地6點鐘左右到左都唔係好多人，侍應嬸嬸好有笑容，即刻安排我地坐卡位。海蝦天婦羅（$68）一客有6隻，分量都幾多，上葉時熱騰騰，咬開就有少少失望，炸粉略嫌過多。大根鵝肝（$45件）上菜時侍應特意提醒好似漢堡包甘食，鵝肝平常好少食，蘿白煮好諗，索晒湯汁味，可以互相中和，味道不錯。鰻魚飯（$88）飯盒上配有蛋絲同菜，鰻魚味道鮮美，肉質爽滑，飯配上鰻魚汁價值無得頂。牛乳布丁（$18）朋友覺得有淡淡牛奶味，甜度岩岩好，我自已就鐘意奶味重一點。

難得一大群朋友去到上水，決定去一嚐上水第一名的漁匠料理。店面地方不大，但店內佈置非常有日本居酒屋的風味。我們坐在刺身櫃附近，可以就近見到各種新鮮活魚。聽店員姐姐說他們每星期也有日本空運來的活魚，同時因為是時令關係，每次都不盡相同、種類多變。既然一場來到，我們當然不會錯過。點完菜後沒多久，首先來到的是兩種前菜──柚子浸赤海老和洋風海老沙律。這兩道也是開胃小菜，外表看起來也很吸引。炎炎夏日，熱得快溶的情況下吃著冷盤實在消暑。兩款前菜我比較喜歡柚子浸赤海老，酸酸甜甜的柚子汁令人欲罷不能。而洋風海老沙律相對起來，雖然少了柚子汁，但相對海老口感更加爽口，雖然各有各好但個人還是更喜歡柚子浸赤海老。接著是喝酒的朋友特別追加的燒雞泡魚，燒雞泡魚非常香脆惹味，雖然對於沒有喝酒的人來說比較重味，但喝酒的朋友絕對不能錯過。之後來的是小食──大根鵝肝，是冬菇加蘿蔔加鵝肝的組合，因為有冬菇和蘿蔔吃起來並不油膩。這是店舖的特色小食之一，非常特別，連平日不太吃鵝肝的朋友也吃了一口。然後登場的是──是日推薦的生蠔，喜歡食海鮮的我怎可能不叫呢！蠔很大隻，而且肉質肥厚，爽口甘甜。再來是刺身──活赤貝，因為我吃不多，所以只