漁匠料理 (已結業)

依日個上水地膽朋友帶左我黎居酒屋食平日晚上都算多人入座之後都見門外有客人等位證明依度都吸引唔少食客我地點左「日本室津生蠔」 $28好creamy ,好大隻上面有魚籽同蔥再有啲日式醬汁食落感覺好fresh 「大根鵝肝」$45兩塊白蘿蔔中間夾住塊鵝肝蘿蔔煮得好入味店員叮囑我地好似漢堡包咁夾住黎食蘿蔔清新嘅味道更加突顯鵝肝既香味「北海道叉燒湯炒麵 」$66拉麵同叉燒炒過後再放上豬滑湯好多叉燒之餘仲有木耳令碗麵更豐富而甜品我地點左「溫室蜜瓜紅豆芭菲」 $88賣相吸引之餘仲用左日本蜜瓜黎整所以建議先食蜜瓜先試真個味先，再連雪糕食因為雪糕會較甜如再連雪糕同紅豆食，就會蓋左蜜瓜甜味飲品就點左「柚子爆珠梳打」 $30最初唔知咩係爆珠諗住普通柚子梳打原來爆珠係一粒粒透明好似珍珠咁既野薄薄既外層，用舌頭一頂就好易爆口感好得意整體黎講，味道都唔錯平日夜晚都咁多人，假日估計要等位所以怕排隊等位早啲去食會較好

上水少有的居酒屋入到黎感覺有啲似置身係日本既居酒屋眾人下班的聚腳地咁見啲刺身平時都少見所以點左「日本原隻紫海膽」 $158原隻咁食香港唔係度度有海膽好香好鮮甜旁邊有紫菜可以配埋一齊食如果紫菜再脆啲就更好啦「血鯛」 $178 半條平常好少聽到依這種魚名字魚肉切得好薄通透味道清淡更加突顯原本的鮮味原條的話就會送湯湯用血鯛魚骨、高麗菜、蘿蔔、菇煮出黎好香濃，而且材料好豐富兩個人飲大概每人飲到兩碗多飲時小心魚骨活貝蟹味噌甲羅燒$78（殼燒帆立貝蟹膏燒）用一個迷李炭爐盛住黎燒單睇賣相都好吸引將蟹肉蟹膏菇洋蔥煮過後放上帆立貝殼上焗再放上炭爐上焗至沸騰就食得食落好香濃蟹膏味洋蔥味更帶出其他材料既鮮味好好味，值得推介

繼續獨落去，唔好比佢停，無邊無際日日月月年年 ﹗早場！早飲早醉早瞓覺，lunch time 叫支 sake 降降火先。想試嗰支又無晒，是但咩都好啦。嬲嬲豬美食治療！滿懷憧景既台南之旅被蔘粉教完全催毀，我真係要帶眼識人 ﹗朋友仔話佢公司支助旅行好抵玩要請埋我，點知係蔘粉教傳銷技兩 ﹗我即刻自費買機票返香港啦，仲想我留多 4 日，您都痴筋架 ﹗無啦啦唔見七千蚊，一肚氣 ﹗我要食盡去，食好野減壓 ﹗單挑漁匠，第一次幫襯，食個 lunch 先！漁匠行高檔路線喎，中上既價錢，仲有好多高價食材添，比大埔旭川更貴。估唔到舖仔細細可以提供咁多款料理，直頭係居食屋陣容，壽司、刺生、炸物、燒物、鍋物、拉麵、定食、甜品、啤酒、清酒、等等。侍應全部為嬸嬸們，服務大致滿意。環境不過不失，空氣流通，不過檯櫈都係細細張，無卡位提供。蜆肉麵豉湯，即沖型，跟我係 759 買既同出一徹。蜆肉無味且韌，$15 合理，起碼個湯熱辣辣，味道滿意既。三文魚腩刺生，高質無得挑剔，魚脂豐富，純天然鮮魚甜香，滑滑溜溜無得頂 ﹗高檔刺生點解唔用即磨鮮山葵蓉呢？用粉開既貨色削削地喎，欠缺無清香帶甜鮮味。海膽軍艦，鮮甜滑留 juicy 海膽

上水日本食店不多,呢間勝在坐得舒服同安靜。第一次食感覺麻麻,今次再食唔知有無改善到呢?lunch set價錢由$38-$72,款式都幾多。同事跟餐的是手卷,蟹子只有一小團,和圖片不相符,不過有個前菜食下都幾開心的我同其他同事跟的是3文魚片同壽司,都不錯的,唔會薄片。我選擇左咖哩牛肉撈手打烏冬。咖哩汁夠香但不夠入味,淡淡的不夠濃。有紅蘿蔔同薯仔配搭,牛肉片數量都多,而且夠JUICY,味道幾好。烏冬夠滑,如果咖哩汁再做好D一定更好食~~P.s 我欣賞佢俾汽水是罐上,誠意十足。

第二次來到食魚生，可惜午市全滿，可能行適逢新年前多人辦年貨，故此等位等左25分鐘，之後侍應都好好，安排了卡位俾我同honey, so we started a great sashimi la. 首先來個自選刺身船，有一份鮮帶子，三文魚，劍魚，八爪魚，每一片都厚切，鮮甜肥美，再叫一板海膽，嘩嘩嘩不得了，全無雪味超鮮甜，之後叫個海膽炒飯，沙律，仲有火龍蟹籽卷，即你炸壽司裏面有鮮蝦，上面鋪滿蟹籽，好食到想叫多份，不過亦因太好食，唔記得影相下次補數

適逢朋友介紹，話上水有間唔錯嘅日本餐廳叫「漁匠料理」，於是就膽粗粗去試下，睇下有咩驚喜。去到目的地，第一眼見到嘅係門口嘅「暖簾」，入到內堂亦都見到一啲小木牌、畫作同唔同款式嘅酒樽，相當乎合日本餐廳嘅格調 。我地去到嘅時候係晚市嘅早段，但係餐廳已經有過半嘅食客，呢個時候我就知我一定無揀錯地方 ！坐低左之後，我同朋友叫左幾款菜式，分別有仿佛魚刺身、珍寶桶裝刺身丼、軟殼蟹天婦羅同埋備長炭燒物。其中仿佛魚刺身同備長炭燒物令我尤其難忘 ！打頭陣嘅係仿佛魚刺身 。細佬學識淺薄，未聽過呢種魚，以為會同其他刺身一樣較為肥美，但係原來係比較啖味，不過配合埋酸辣嘅醬汁，感覺相當清新，又有開胃嘅效果，以前菜黎講係唔錯嘅選擇！雖然話佢個醬有少少辣，但係辣味入口即逝，就算唔食得辣嘅人都接受到！另外，每一片刺身都係紅白相間，望落去已經相當吸引，食落口亦都非常鮮嫩，再加埋有原條魚做伴碟，簡直就係集視覺同味覺嘅享受於一身 ！另外要提嘅就係備長炭燒物啦！我地總共叫左四款串燒，分別係鹽燒豬脛肉串、鹽燒大蔥雞肉串、鹽燒煙肉蕃茄仔同埋鹽燒牛舌 。見到伙計捧住個炭爐過黎真係好驚喜，完全無諗過有得自己燒，而且餐廳仲好窩心，事前已

那天我約了個舊同學聚舊, 他跟我介紹了這間料理店, 店子雖不大, 但質數果然不錯.門面以簡單風格為主, 門口放置了一些是日推介的餐牌, 也放置了一部小型電視作宣傳之用, 整體餐廳的佈局給顧客有一種輕鬆用餐的感覺, 從餐廳的設計中可以看見. 餐廳面積並不大, 但簡約的設計和適當的座椅布局, 讓顧客能夠舒服地用餐.我地叫左一客活魚刺身, 一個北海道海膽海鮮炒飯和幾條串燒.活魚刺身賣相精緻, 以一條活魚外型作刺身的背景. 份量跟平常單點刺身的份量差不多, 份量合理. 食物溫度中等, 不會說過分冰冷. 味道不錯, 沒有雪味, 配上獨有的酸甜的醬汁, 把刺身的鮮味升華. 顯示出刺身新鮮度高.北海道海膽海鮮炒飯賣相整體不錯, 以一個小鍋上, 挺特別的. 份量屬一人份量, 分量足夠. 溫度適中, 剛炒好的溫度, 不是太冷的. 口感不錯, 炒飯挺乾身, 飯一粒粒的, 層次分明. 味道跟平常的差不多, 不同是, 炒飯加了黑胡椒炒, 感覺挺新鮮的. 串燒賣相整體不錯, 以一個小烤爐上, 挺特別的. 分量足夠, 跟平常的串燒差不多. 溫度適中, 餐廳會先把串燒燒至五成熟, 再給顧客一個小烤爐燒, 顧客可以根

本身自己住上水既，覺得呢區既飲食選擇主要都係中式茶餐廳為主，有一日行過龍琛路，經過一間以前成日經過但係無點幫襯過既日本餐廳魚匠料理，靈機一觸不如一試，結果當晚就成為左呢間餐廳既座上客。餐廳門面有電視睇同板凳坐，讓顧客等候個陣使用。都好貼心。同埋以布掩及木材裝飾，好有日式本土餐廳既感覺。餐廳整體而言好似日式居酒屋既情調與格局，令顧客有身歷其境既感覺。另外，餐廳雖然唔係好大但佈局簡潔，冇多餘既物件同雜物，桌子上擺放既餐具都以簡單為原則，令顧客可以享有最多既個人空間。加上餐廳整體上環境非常清潔，是一個非常適合食夜晚飯既地方。餐具：可以見到餐廳提供既用具都以簡單為主。今次分別食左大蝦天婦羅同埋蒲燒鰻魚飯，首先講大蝦天婦羅先啦。呢份大蝦天婦羅，金黃色既炸衣包含住鮮紅既蝦肉，看上去好有即叫即炸的感覺。 大蝦天婦羅入口非常燙口，小弟估由制作完成至上菜時間應該都非常短（少過2分鐘）。 從啲相可以見到，一碟總共有六隻大蝦天婦羅，大家分既話係可以足夠三至四人食架 : 外層既炸衣鬆脆，入口鬆化又唔會油膩，食落去既感覺如餅乾咁脆口 。蝦肉鮮甜，唔會有油溢味同雪氣味，炸衣包裹程度啱啱好，唔會將蝦肉味道掩蓋。 大

今日兩口子喺我返工時間食日本料理。搵左一陣，決定了來呢間。裝潢充滿日本風格，有日式藍布，又有日式餐桌，招財貓。壽司吧有好幾支酒並排顯示，梅酒，清酒，日本啤。好多日本風情畫，帶著好多山山水水，吸引人去日本呢。坐低後打開MENU，叫咗LUNCH SET2個。我的那個烏冬配一個三文魚腩飯，飲品叫了柚子蜜。先講個烏冬，用了圓身烏冬，應該是買不是自家制，但味道還不錯，夠清，有微咸，加些蔥綠，帶點色加香味。另外配了一個中華沙律，頗彈牙，5會淋到梅哂，新鮮！個柚子蜜好淡，似飲水，應該給多幾羹糖漿！最正係個飯，舊三文魚腩好厚膩，煎到好香，魚油浸了出來，上面淋有醬汁及紫菜粉，將魚味再提升！另外，配舊WASABI，令底下個酸味壽司飯有2種食法！我加了點豉油，成個美味到趺入幸福之中！

咁岩去到上水附近搵朋友，同朋友行過見到呢間日本料理就入左去試下啦，點個知一試真係勁難忘，下次有機會一定會再返黎！因為閒日啦同埋同朋友比較早時間就到左，所以唔洗等就入得：）我地叫左串燒，刺身同埋個甜品，首先就黎左我叫既野飲先，就係抺茶紅豆冰。綠茶味唔濃唔係好苦嗰種，對我黎講就岩哂 加埋紅豆黎飲岩岩好 之後就係當日既精選既活魚刺身 - 目張啊！賣相好靚，食落仲正！我原本係唔太食刺身既人啦，係朋友威逼下食左一塊之後就停唔到仲搶埋朋友嗰份haha佢既口感好煙靭，魚味好鮮甜，正！之後就到我地叫既串燒喇～首先係鹽燒煙肉蕃茄仔串～～～～P.S 好鐘意佢個爐，好少舖頭仲有炭爐燒，仲要好靚haha一路燒一燒聞到煙肉既香味引死我同我朋友 燒完之後既煙肉蕃茄串好香，外層既煙肉好脆，咬到內入面既蕃茄仔之後又中和左煙肉既油膩感第一個就食佢係正確既選擇 好開胃！ 之後我地就食珍寶帆立貝 佢落左少少牛油同蒜粒，燒既時候好香 入口好嫰，燒完之後都仲有鮮甜味，加埋牛油香諗起都流口水 之後就到雞翼喇，我係一個雞翼控，而呢到既串燒都無令我失望 有店員既幫忙，雞翼燒到外脆內嫰，同埋間舖腌得好好食 最後既就

收工走入上水搵野食，除左壽司連鎖店，行遠少少，響街上都搵到日式餐廳既小店見到餐牌價錢大眾化，款式唔差，就入去一試 叫左特色壽司盛配湯烏冬壽司質素麻麻，飯有d過濕，魚生質素麻麻，無咩味，加州卷就比較好食，餡料算多 烏冬質素都係普通，唔係讚歧，稻庭果d, 但下午茶，以呢個價錢黎講，要求就差不多吧，份量略厭少 總體來說，質素平平，可以一試既

好多人都話呢間野好食，今次同朋友黎試下！ 海膽三文魚卷味道一般，海膽唔夠新鮮無咩味 刺身：三文魚腩和珍寶帶子 三文魚腩都OK新鮮，厚切（有相） 帶子夠甜夠肥，不過沾上檸檬汁有d怪（個人口味喜好問題） 蝦沙律，唔鍾意個汁，不過都新鮮既 燒雞泡魚干，好好食！外表夠乾身，咬落有少少汁唔會食柴皮咁，甜甜地又唔痴牙，送啤酒一流！ 循例點左幾客壽司北寄貝，無味魷魚，正常，唔會太有嚼勁鰻魚，個汁好夠味，塊鰻魚好長，算抵食！甜品，無晒牛奶奶凍俾多球雪糕除左中間個柚子啫喱比較有特色之外，其他都好普通唔知係我太夜去定點，好多想食既野都無⋯味道方面整體唔差，但算唔上好好食，可以一試。

是晚又嚟上水搵食~唔想又去商場啲連鎖食店, 所以行多兩步去石湖墟, 雖然呢度好似得番藥房&金舖, 不過龍琛路尾近馬會道一帶其實仲有好多美食選擇, 今晚就同媽咪嚟試下呢間日本嘢.舖位細細, 目測得四十個位左右, 好彩等咗一陣就有位嘞, 坐落亦唔覺迫夾~點咗幾樣基本嘢:韓式八爪魚沙律 ($2x)因為肚餓一嚟就食晒冇影相, 味道幾特別, 辣辣地個汁似泡菜味, 好醒胃炸白飯魚呢個唔推介, 因為啲魚好條, 所以食落只feel到炸漿三文魚&八爪魚刺身 (各$3X)刺身大件夠凍, 食落就知夠新鮮, 唔會係雪到硬掘掘嗰種壽司幾件又點了三文魚 , 呢個係店員推介, 大大件確係唔錯; 芥茉八爪魚軍艦一般, 芥茉味唔夠重手; 玉子甜得嚟有少少焦香, 正 串燒 (各大約$2x-$3x)見人地有個爐燒燒下就貪得意所以點咗幾串試試~最好味係鰻魚, 好滑, 醬汁香濃好味; 豬頸肉&雞翼就OK啦, 只係鹽花落多咗啲, 咸咗少少蝦天婦羅呢個推介 個皮好鬆脆, 唔係彷間嗰啲一pat pat, 超好味呢度有啲二人SET都幾吸引, 魚刺生價格相宜, 下次要帶埋大胃王老公嚟試試.

為享一頓完美的晚餐，到底可以去到幾盡？到過上水的漁匠，一直念念不忘他們的魚刺身。所以今晚約了另一班朋友，由我做東道主，帶他們來果腹一番。 甫到餐廳，店員即熱情招待，日本餐廳永遠令人有賓至如歸的感覺。 先要了個彷彿魚刺身，很可愛的名字啊！彷彿魚沒有一般刺身肥膩，脂肪分佈平均，魚身白裡帶紅，入口清爽鮮甜，非常新鮮。 另外壽司亦是非常划算，刺身大份而飯量較少，長長的三文魚看著就令人涎垂，而且脂肪不會很多，感覺很健康呢。 這個大根鵝肝實在令人又愛又恨，雖然鵝肝是很犯規的食物，但真的很吸引啊！特別在上下都用了蘿蔔夾住，店員再三提醒我們要像吃漢堡包般整份一同吃，所以入口感覺清新，膩感全消。加上鵝肝外皮煎得香口，一咬下鵝肝肉汁盡溢，非常豐富的口感啊！ 漁匠的串燒同樣很有特色，他們會為你準備一個小小的炭爐自己燒，零舍有風味。我們要了牛舌啊豬頸肉和雞肉串等，牛舌口感十足，牛味很重，值得encore! 吃得人胃口大增，男友人加單要了個鰻魚炒飯，炒飯炒得很香，而且鰻魚份量比較多，感覺很足料呢。鰻魚汁全部混飯的中間，所以食落很香，非常惹味。 由於太飽肚的關係，

前排得閒無野做 見拖左朋友既日本手信咁耐 所以決定拎住手信衝入上水搵朋友 順便見個面食個飯 佢帶我去左一間位於上水既日式料理小店 話比我懷緬下日本既味道鋪頭雖然細細 但裝修都唔錯 坐得舒服首先點左杯特飲 係楊枝甘露爆珠配雪糕 可以當甜品咁食  味道酸酸甜甜 好解渴 爆珠係芒果味既 面頭既雲呢拿雪糕好香奶味 好滑 唔似便宜貨跟住食物方面都點左頗多下 呢度就講幾樣我最鍾意咖啦 首先係個侍應推介既活魚刺身 上菜果陣成個魚頭擺左係碟 好有氣勢 雖然分量唔多 但勝在夠新鮮 師傅刀功好好 切得薄薄的 鮮味十足 肉質細緻配埋隔離個特製醬汁食 鮮味更上一層樓再黎就係壽司 我最愛赤海蝦 隻蝦好大隻 好新鮮 而且彈牙厚肉 十分鮮甜 食完一件仲想食多件 件特長三文魚壽司又係好正 塊三文魚長到隻碟都放唔落咁濟 雖然後尾段唔算厚切 但整體黎講都好新鮮 亦夠肥美 油脂豐富 有油甘香另外一樣想推薦就就係南瓜天婦羅 雖然係好普通既野 好多地方都食得到 但呢度既真係好味 熱辣辣 岩岩炸起 炸漿好薄 薄到你可以見到d南瓜肉 每塊南瓜切得好均一 食落香甜軟熟 唔膩 炸得好好個甜品我都好滿意 日本蜜瓜配雪糕同紅豆 大家都知