爺爺雞煲皇 (已結業)

開始凍凍地，最好就係可以去食下雞煲！ 係open rice 搵到呢間爺爺雞煲，即席試下！好大個鍋， 可以令到食物好快傳熱煮熟～配料好多，勁多洋蔥，索雞味幾好食2人叫左半隻雞，雞頗滑，煮得好入味！ 小辣既關係，少d 麻辣味，所以好輕易就食晒～爺爺豆腐，其實即係蜂巢豆腐～食左雞後唔好落湯，即刻落晒豆腐去吸晒雞汁！咁食至係最好味！三文魚有6大片，幾新鮮幾抵食脆魚鯇好厚肉，食落好彈牙！ 唔講以為食緊龍躉！！座位好闊落！坐得舒服～ 唔太嘈，傾計完全無問題～

4條友來食雞煲 點知雞煲得d骨 有肉食既 得3/4舊 d雞骨 雞爪 一大堆 真係食過最差既雞煲 我地都唔係叫最細個煲 叫左個中煲 諗住食雞 點知一堆骨 食完唔飽 仲要出去大排檔食 價錢仲要唔平 係大排檔3倍 比咁貴既價錢 食d咁既質素食物 真差

昨日班同學同我補番生日，一放工就開車黎接我去元朗尋食，元朗真係易泊車D，他們停左係停車場之後，就帶我們走左去千色店果邊光光的招牌就是今天要醫肚的地方了。個火鍋程序同傳統的雞煲一樣，吃完原汁原味雞先加水打邊爐，所以第一次的雞煲味道是濃D，有點咸咸甜甜的味道，那份甜是一點甜而已，不是偏屬於甜的雞煲。基於我十歲就開始打邊爐自己吃一磅牛肉的牛魔女，我係對牛肉的要求是很高，我們點左份手切牛頸脊就咁眼見已經脂肪分明，基本上放落去滾兩滾就食得一入口就軟化，食不見有筋或韌的情況，不用點任何醬油都已經夠味，加一點豉油就會更鮮甜，不錯。爺爺冰豆腐不得不介紹這個百頁豆腐，香港可能叫冰豆腐？係台灣是百頁豆腐，係香港買其實真係好貴，平均約$20-$30一舊，但係台灣超市見到就便宜3分1的價錢，所以少主婦會捨得買黎煮菜但係吃雞煲是不能不點的，因為百頁豆腐吸湯能力強，滾兩滾已經吸盡了湯底的精華增加其味道，變了升華版的雞煲百頁豆腐。食完一樣要加水，湯底一樣咁濃。

見到咁多好評就去試下啦，一行三人去，但大家都唔食得辣就叫左少少辣既小雞煲。雞煲送上黎好香好吸引，但食落口……冇咩味，雞唔夠滑肉質韌，肉得好少……大部份係骨上面痴左少少肉，咁就一斤半，三個人都唔夠食，感覺唔抵。😕到打邊爐啦～牛肉:因為個排唔食得牛，所以我只係食左一塊，覺得都幾好食。😊豚肉:一盤十塊到，都幾大塊，肉質唔錯，可以一試 。😊蔬菜籃：得三種菜，菜心 油麥菜 生菜……個人唔習慣打邊爐食菜心😐嚮鈴，竹笙：冇咩特別八味金磚豆腐：的確外脆內軟，不過味道太濃，食幾舊夠晒。其實，用餐既過程都唔錯既，位置大坐得幾舒服。服務都唔錯，中途見豚肉同金磚豆腐未到問一問，原來漏左單，送番上黎都有講唔好意思，幾好禮貌架。不過賣單個時先知……………😟😟😟😟😟我地落完單，佢好快就送左個前菜小食上黎……咦?我地冇叫喎，但見到前後兩枱都有，心諗:係咪送架?就照食左……點知賣單個時先知要收錢$16,但由於我地真係有食到，就冇講咩～😑另外，原來晚市雞煲都要收茶芥，位位$6……唔知我地問佢拎水飲又洗唔洗錢呢?😅

朋友住係元朗區,特登叫我地入到去咁遠搵佢地食野,諗住去食咩好野,原來係食雞煲,食雞煲點解要黎到咁遠呢入到去即刻有位坐,又唔係太多人咋WO,好驚中伏,不過睇完餐單唔太貴,就試下啦雞煲辣辣地,幾有味,肉都幾滑,算係唔錯.而且算係大煲,食極都食唔曬咁之後打邊爐,食左個牛肉,都幾爽滑嫁食完都係唔夠,食左個小食,炸豆腐,豆腐幾脆,入面又好滑雖然遠左小小,不過都值得試下既

剛剛開就已經想來試，但一直都無，今日突然想食雞煲，就唸起佢，一於來試試。雞煲叫咗半隻小辣～～好味！雞好入味，汁都好夠味😋😋😋跟住就叫咗普通嘅肥牛、午餐肉、牛坑腩、炸魚皮同炸枝竹⋯⋯炸咗就唔得囉！以一般嘅肥牛來講都唔錯；午餐肉～～～正！(平時打邊爐我最多食一片，今日食咗3片，好有罪惡感😅)；牛坑腩都好正，好林、有牛味～～之後叫咗朋友來加入，佢地就叫咗大辣⋯⋯答案係以麻辣(餐牌上只係寫爺爺雞煲，分大、中、小同走辣)，不過都好味！下次叫多啲朋友試吓其他嘢先！

爺爺雞煲皇元朗紅棉圍3號厚德樓地下6號舖及1樓全層(+852)2882 2902火鍋 / 點心 / 雞煲 / 中菜館星期一至日: 06:30-16:00; 17:30-00:00「毋須打開天窗，能裝不知，也算體諒。狠心揭破真相，無非想扮誠實來換舒暢。」很討論元朗這地方，覺得是水貨天堂，人多，車多，要不是友人住加州花園，我絕對不想踏足元朗。你說我港女，我也是這樣說。不過今天來到，總要找吃的解決肚餓問題！元朗爺爺雞煲皇是朋友的介紹，說雞煲不會太過油，我試試看。坦白說，我很白痴，因為我發現自己吃不得辣，又吃不得太濃味。有不同調味對我來說沒有用。金磚豆腐的確不錯，炸得香脆不在話下，外脆內暖。吃了十三件，我就有一點喉嚨痛，嗯，是不是吃太多了。時間無多，我們言歸正傳，吃雞要有雞味，吃雞煲也是。點菜紙有很多不錯的選擇！雞件實在太多，多入味，多惹味。吃了接近一小時才完成雞件，太划算了。乾蔥都很好吃的說。因為很入味。不能說太油。友人都不吃辣的，我們挑不辣的。還有，爺爺雞煲皇環境算是不錯，乾淨，光猛，員工有笑容，沒有太惡形惡相的！還有，我們都知道吃雞煲怕有不好的味精，所以，我覺得，吃完沒有口乾。所以，應該

雖然時間已到了初夏,但香港人似乎對雞煲的熱情還沒有減退,近來朋友們的聚會總離不開放題或是火鍋店,今天跟朋友們來到元朗區,試試近期大熱的爺爺雞煲吧元朗區對於小弟來說實在非常陌生,住在港島區的我跟元朗區很小過電,今天要不是友人親自駕車的話,相信也是無法促成這份良緣呢位置雖然有點難找,但靠著GEOGLE地圖也是可以完成這份任務 店內位置頗大,在閒日人流雖然十分旺,但是還是可以求到一個舒服的位置由於友人和我都不算是一個百分百辣人,所以辣度選擇輕量已是可以了 朋友點的前菜竟然是三文魚刺身,對於被高級師父發辦壽司寵壞的我,一般火鍋店的刺身絕對不能相提並論.但這兒的三文魚刺身老實說還不錯,厚切之餘亦非常鮮滑,作為前菜著實不錯 金磚脆豆腐,豆腐皮非常香脆,口感著實一流.意想不到的是鹽味不太重,但仍保留一定咸味.另一前菜推介雞煲上來了,說好的小辣其實對我這個不太辣的人來說已經有點過辣了,但味道著實不錯.,雞肉非常嫩滑,我們叫的是大煲,而且份量也十分足夠,4人吃剛剛好轉瞬間,雞煲加了湯水後已變為火鍋,但雞煲的香辣味道仍然殘餘在火鍋內,令鍋內的食物變得更惹味第一道放進口裡的當然是牛肉,薄切牛肉非常爽口,入

有了西鐵之後, 元朗區的交通已方便了很多, 因此身邊有些朋友也開始搬進元朗區, 就如這晚一行二人專誠來到元朗區, 看過朋友的新居後, 當然是晚餐時間, 當大家正在頭痛去邊間餐廳時, 其中一位朋友便提議到爺爺雞煲皇, 一來就在附近, 二來幾位朋友也愛吃火鍋和雞煲, 所以大家一齊投票通過這個提議, 就這樣一行三人這晚來個雞煲聚會。店子佔一樓全層，設有散座及卡位, 只是最基本的裝修，但地方企理而枱也擺得不算密，空調足夠強勁，就算在這個較熱的天氣吃火鍋也同樣舒適涼快。拿餐牌一看，兩頁紙的餐牌有幾十款項目之多，除了有十幾款刺身選擇外，其他大部份都是各式火鍋配料, 看價錢大多幾十元有交易。先試試三文魚刺身，看上去有光澤似乎也頗新鮮，三文魚刺身肥美而切得厚身, 口感柔軟細膩, 非常鮮味, 三文魚刺身是個人必食之選。也試試店子的熟食, 餐牌上的熟食項目不多, 選了這一味小食八味金磚脆豆腐，外表金黃色的豆腐, 外層炸得脆皮而內裡的豆腐嫩滑無比，沾上些喼汁就更好味，是必食之選。在餐牌上的選擇中，要了爺爺招牌雞煲, 客人在點菜時可以指明辣的程度, 當晚試的是小辣, 雞煲出菜之後，以電磁爐略加熱幾分鐘才可食用

CEO怕辣, 真的講都講到悶. 但這天, 我們竟然去食雞煲. CEO食雞煲?! 我們這天晚上來到爺爺雞煲皇,其實一家人中只有他不吃得辣吧, 間中吃一次辣, 不過份, 哈哈.陳醋野生雲耳 $42由小吃開始吃起, 陳醋野生雲耳帶陳醋的酸, 還有點點辣味, 很開胃的前菜.八味金磚脆豆腐 $48八味金磚脆豆腐熱辣辣, 皮很香脆, 味道是幾複雜的, 甜中帶辣, 很惹味.爺爺招牌雞煲 $198吃完前菜, 也是時間吃爺爺招牌雞煲. 為了遷就CEO, 就選了BB辣, 開始時真的不太辣, 不過慢慢煲落, 那份辣勁也滲出來了, CEO的怪叫聲也慢慢出現. 這個份量是全隻雞, 份量十足, 單吃雞的部份, 已經飽了一大半.即叫即炸嚮鈴 $38第二部份, 就是吃火鍋. 即叫即炸嚮鈴不油膩, 也算脆身, 難得的是即叫即炸, 有誠意.炸魚皮 $38炸魚皮的水準就一般, 太實太硬了, 就算放在湯內良久也沒有用.手切本地肥牛拼牛頸脊 $198主角之一手切本地肥牛拼牛頸脊, 兩款牛也有水準, 肥牛是幾肥美的, 但我更加推介肉味濃郁的牛頸脊, 吸收了湯底的味道, 更加美味.手打四寶丸 $78手打四寶丸包括有招牌手打牛根丸,

我介紹大家吃雞煲, 好像沒有甚麼說服力吧. 但家人們其實全部也吃得辣, 只我一個怕辣的話, 有時候, 大家一同去吃辣, 我也一同參與吧. 是晚來到爺爺雞煲皇晚餐, 店子是越夜越旺, 轉眼已經全場爆滿, 夏天也是如此, 相信冬天更加不得了.陳醋野生雲耳 $42: 7.5分, 未吃雞煲之前, 先來點小吃. 陳醋野生雲耳酸酸辣辣的, 多吃雲耳, 也好.八味金磚脆豆腐 $48: 8分, 至於八味金磚脆豆腐, 熱度對辦, 皮脆, 不過未夠滑溜, 而味道就真的又甜又辣, 未有八味也不遠矣.爺爺招牌雞煲 $198: 8分, 也是吃爺爺招牌雞煲的時候了, 這個是BB辣的辣度, 起初吃, 辣度真的比較輕宜, 但當慢慢煲的時候, 也越來越辣了. 如果怕辣又想吃雞煲的朋友, 這個辣度, 很足夠了. 雞肉質感不俗, 要了全隻雞的份量, 是吃極都未吃完的.炸魚皮 $38: 7分, 吃完雞, 就加湯開始打便爐. 火鍋料方面, 先試炸魚皮, 炸得過了火, 太硬身了.爺爺冰豆腐 $28: 7.5分, 爺爺冰豆腐是店子的名物, 質感不俗, 吸收了湯底的味道, 辣辣的, 值得一試.手切本地肥牛拼牛頸脊 $198: 8分,

元朗一直都到處美食， 而且便靚正， 驚喜不斷。今次搵到間係千色附近既雞煲，佢既招牌一閃一閃的，好像在熱情向你打招呼。入到去，發現地方非常闊落，同埋我地太早去，還未有太多客人，而裝潢則簡單親民，靜靜地，非常舒服。哩間雞既煲另一個特別既地方，竟然有刺生食；但坦白說係賣雞煲既店內處理魚生，事前我確實有點擔心衛生問題，但佢一上枱，都即時比到信心我，賣相能比美日式餐廳般。 d魚生都大大件， 超級厚切， 食落仲好新鮮。我至愛既厚切三文魚，我忍唔住偷雞食多兩塊，太幸福啦。其實之前偶意係openrice見到佢既食評，俾佢既冰豆腐同金磚豆腐所吸引，亦都係佢獨家招牌，今次終於有得試! ><哩個金磚豆腐果然名符其實， 出面既皮煎得金黃，淨係睇樣，已經覺得非常可口，一夾上手，果然墜手，入面既豆腐好滑， 但層皮又脆又簿，真系十分有驚喜。而個冰豆腐則同我想像既差唔多，放入煲到滾一滾，索曬雞煲既湯，好濃味而且亦都好嫩滑，而家諗起，又流口水。個雞煲鋪滿咗我至愛芫茜，而且醬料十分香濃，味道比起預其中的還要好了一點。哩一大煲FOR 4-6人食，卻只係$198，而且有咁既水準，真係好值!Ps： 店內有賣鴻福

元朗不嬲出名多野食 雖然我住柴灣 但係都要入去覓下食 成堆frd一齊食 唔係放題 就韓燒 唔係打邊爐 就雞煲 結果我地就搵左間可以滿足我地幾個願望既雞煲 呢間雞煲其實之前都聽人介紹過 不過一直都冇的起心肝去試 今次又多人 所以一入去就即刻搵呢間野 而且我地成堆人都幾路痴 不過好彩呢間野都唔係好難搵 跟住google map好快就可以搵到 雖然都幾多人 不過等左唔係好耐就有位喇 入到去 可能太多人既關係 都冇乜人理你 坐左一陣 終於見到我地既存在喇 之後個雞煲來左 啲雞既份量都幾足 唔會話太細隻 而啲雞都幾入味 之前食過有啲就咁搵水sap熟左就算 得啲湯底浸過既地方先有味 又hea又求其 好彩啲雞都冇令我地失望食完啲雞就開始打邊爐 啲野食既種類 唔算太多 不過都叫夠食 唔會得兩三款咁少 啲野食都會跟足你叫既比你 唔會混水摸魚 啲調味都冇偷工減料 其實成餐飯都食得幾滿足幾滿意 雖然啲侍應唔係好理你 但係服務態度都唔係差 可以只係唔係好夠人用 可以理解既 間野既衛生都唔係太差 唔太烏糟 如果烏糟既話都做坐到咁耐 吹唔到咁耐水 如果要Reu 或者聚下舊 呢間雞煲都係唔錯既選擇 如果諗唔到食乜

元朗一直都到處美食， 而且便靚正， 驚喜不斷。 今次搵到間係千色附近既雞褒， 佢既招牌一閃一閃的， 好像在熱情向你打招呼。入到去， 發現地方非常闊落， 同埋我地太早去，還未有太多客人， 而裝潢則簡單親民， 靜靜地，非常舒服。其實， 之前偶意係openrice見到佢既食評， 俾佢既冰豆腐同金磚豆腐所吸引， 亦都係佢獨家招牌， 今次終於有得試！ > <哩個金磚豆腐果然名符其實， 出面既皮煎得金黃， 淨係睇樣， 已經覺得非常可口， 一夾上手， 果然墜手， 入面既豆腐好滑， 但層皮又脆又簿，好有surprise!而個冰豆腐則同我想像既差唔多， 放入褒到滾一滾， 索曬雞褒既湯， 好濃味， 而家諗起， 又流口水。哩間雞褒既另一個特別既地方， 竟然有魚生食， 老老實實， 係賣雞褒既店內處理魚生， 我確實有點擔心衛生問題， 但佢一上枱， 我又有surprise, d魚生都大大件， 超級厚切， 食落仲好新鮮。 我至愛既厚切三文魚， 我忍唔住偷雞食多兩塊， 太幸福啦。個雞褒鋪滿咗我至愛芫茜， 其實味道都大同小異， 不過哩一大褒可以食到6個人， 仲要4個都係男仔， 卻只係$198, 有咁既水

元朗真係咩都有得食 今日就同朋友入左元朗搵食 最後我地揀左食雞煲 要左小辣 我覺得呢個辣度啱啱好 小小辣味可以增添雞件既香味同惹味程度 太辣就會遮蓋食材本身既原味 個雞煲賣相好吸引 雞件嫩滑 醬汁亦好濃郁 加埋d吸滿汁既洋蔥 好好味 另外叫左個小食試下 椒鹽魷魚鬚 呢個食落香脆可口 粉漿唔厚 魷魚鮮味 條條都大大條 抵食 傾下計食下雞肉食下魷魚鬚 話咁快就清哂佢地 跟住就加湯打邊爐啦 我地叫多頗多配料 例如雲吞 我幾中意食雲吞 呢度既雲吞粒粒都大大舊 入面仲有大大隻爽口鮮甜既蝦 個皮包得幾薄 唔錯 個魚皮都好正 食落好脆 好香口 但唔知點解又唔覺得油膩wo 而且調味啱啱好 唔會過鹹 就咁食或者放落湯滾下先食一樣咁脆咁好味 不過略嫌分量有d少 好快食哂 可能我太中意食所以食得太快啦  然後個肥鵝腸又係必叫 雖然望落好邪惡 好多脂肪 不過真係好肥美 而且又新鮮又洗得乾淨 食左d咁邪惡既野真係要食翻d蔬菜中和下 等自己個心好過d哈哈 有菜心同生菜 兩款都新鮮 洗得亦乾淨 我至愛生菜 爽脆得黎配埋吸收左多樣美味食材既濃郁醬汁 正